മെഡിക്കൽ കോളജ്: ഉള്ളൂർ ഇളങ്കാവ് ക്ഷേത്രത്തിലെ മോഷണവുമായി ബന്ധപ്പെട്ട് പ്രതിയെ മെഡിക്കൽ കോളജ് പോലീസ് പിടികൂടി. നാലാഞ്ചിറ കോട്ടമുകൾ പണയിൽവീട്ടിൽ ഷഫീഖ് (44) ആണ് പിടിയിലായത്. കഴിഞ്ഞമാസം ആറിനായിരുന്നു മോഷണം.
ക്ഷേത്രത്തിലെ കാണിക്കവഞ്ചി പൊളിച്ച് 30,000 രൂപയാണ് കവർന്നത്. വിശദമായ അന്വേഷണത്തിനൊടുവിൽ വെള്ളാറിന് സമീപത്തെ ഒരു ലോഡ്ജിൽ നിന്നാണ് പ്രതിയെ പോലീസ് പിടികൂടിയത്. പ്രതിയെ കോടതി റിമാൻഡ് ചെയ്തു.