കാട്ടാക്കട: ഐ.ബി. സതീഷ് എംഎൽഎയുടെ കുടുംബ വീട്ടിൽ മോഷണശ്രമം. എംഎൽഎയുടെ ആൾതാമസമില്ലാത്ത കുടുംബ വീടിന്റെ മുൻവശത്തുള്ള അഴിവാതിലിന്റെ പൂട്ട് തകർത്ത് അകത്തു കടന്നാണ് മോഷണത്തിനു ശ്രമിച്ചിട്ടുള്ളത്. വീട്ടിലെ ചുമർ അലമാര ഉൾപ്പെടെ തുറന്നു നോകിയ നിലയിലാണ്.
കാട്ടാക്കട മണ്ഡലത്തിലെ പരിപടികൾക്കിടെ വല്ലപ്പോഴും ഇവിടെ എത്താറുള്ള എംഎൽഎ തൂങ്ങാംപാറയിൽ ഇക്കോ ടൂറിസം പദ്ധതി ഉദ്ഘാടനം കഴിഞ്ഞ് ഇവിടെയെത്തിയപ്പോഴാണ് വീടിനു മുന്നിലെ അഴിയിയുടെ പൂട്ടറുത്ത നിലയിൽ കണ്ടത്. തുടർന്ന് മാറനല്ലൂർ പോലീസിൽ അറിയിക്കുകയായിരുന്നു. പോലിസ് സ്ഥലത്തെത്തി പരിശോധന നടത്തി.