ക​ല്‍​പ്പ​ന​ക​ള്‍ ക​ല്ലി​ല്‍ ശേ​ഷി​ച്ചു ! എ​ങ്ങു​മെ​ത്താ​തെ ഇ​ന്നും കൈ​ത്ത​റി മേ​ഖ​ല
Monday, July 8, 2024 6:34 AM IST
പ്ര​ശാ​ന്ത്

പേ​രൂ​ര്‍​ക്ക​ട: ക്രി​യാ​ത്മ​ക ന​ട​പ​ടി​ക​ള്‍ കൈ​ക്കൊ​ള്ളാ​ന്‍ അ​ധി​കൃ​ത​ര്‍ അ​ലം​ഭാ​വം കാ​ണി​ച്ച​തോ​ടെ പാ​ര​മ്പ​ര്യ​ത്തി​ന്‍റെ ക​യ്യൊ​പ്പു​ള്ള കൈ​ത്ത​റി മേ​ഖ​ല ഇ​പ്പോ​ള്‍ അ​തി​ജീ​വ​ന​ത്തി​ന് കേ​ഴു​ന്നു. ഖാ​ദി-​കൈ​ത്ത​റി മേ​ഖ​ല​യെ സം​ര​ക്ഷി​ക്കു​ന്ന​തി​നാ​യി 2009ല്‍ ​സം​സ്ഥാ​ന സ​ര്‍​ക്കാ​ര്‍ പു​റ​ത്തി​റ​ക്കി​യ വി​ജ്ഞാ​പ​നം ക​ല്ലി​ല്‍ കൊ​ത്തി​യ വെ​റും അ​ക്ഷ​ര​ങ്ങ​ളാ​യി ശേ​ഷി​ക്കു​ന്നു. തി​രു​വ​ന​ന്ത​പു​രം മ്യൂ​സി​യം കാ​ഴ്ച ബം​ഗ്ലാ​വി​നു സ​മീ​പം 14 വ​ര്‍​ഷം മു​മ്പ് സ്ഥാ​പി​ച്ച ക​രി​ങ്ക​ല്‍ ഫ​ല​ക​ത്തി​ല്‍ കൈ​ത്ത​റി വ​സ്ത്ര​ങ്ങ​ള്‍ കേ​ര​ളീ​യ​രു​ടെ സാ​ധാ​ര​ണ വേ​ഷ​മാ​ക്ക​ണ​മെ​ന്ന ക​ല്‍​പ്പ​ന​യു​ണ്ട്.

ഇ​ത് ഇ​ന്നു ന​ഷ്ട​സ്വ​പ്‌​ന​ങ്ങ​ള്‍ പേ​റു​ന്ന സ്മാ​ര​കം മാ​ത്രം. എ​ല്ലാ സ​ര്‍​ക്കാ​ര്‍ ജീ​വ​ന​ക്കാ​രും പൊ​തു​ജ​ന​ങ്ങ​ളും ശ​നി​യാ​ഴ്ച​യും ക​ഴി​യു​മെ​ങ്കി​ല്‍ ഞാ​യ​റാ​ഴ്ച​യും കൈ​ത്ത​റി വ​സ്ത്ര​ങ്ങ​ള്‍ ധ​രി​ക്ക​ണ​മെ​ന്ന് ഫ​ല​ക​ത്തി​ല്‍ ആ​ലേ​ഖ​നം ചെ​യ്തി​രി​ക്കു​ന്നു. എ​ന്നാ​ല്‍ ഇ​തി​ന്‍റെ തു​ട​ര്‍​പ്ര​വ​ര്‍​ത്ത​ന​ങ്ങ​ള്‍ പി​ന്നീ​ടെ​ങ്ങു​മെ​ത്തി​യി​ല്ല.


കൈ​ത്ത​റി മു​ണ്ടും സാ​രി​യും ഉ​ടു​ക്കാ​ന്‍ സ​ര്‍​ക്കാ​ര്‍ ജീ​വ​ന​ക്കാ​ര്‍​പോ​ലും മ​ടി​കാ​ട്ടി. ചീ​ഫ് സെ​ക്ര​ട്ട​റി​യാ​യി​രു​ന്ന നീ​ലാ ഗം​ഗാ​ധ​ര​ന്‍ വ്യ​വ​സാ​യ വ​കു​പ്പി​ന്‍റെ പേ​രി​ല്‍ ഇ​റ​ക്കി​യ​താ​ണ് വി​ജ്ഞാ​പ​നം. പൊ​തു​ജ​ന​ങ്ങ​ള്‍​ക്ക് കാ​ണു​വാ​നാ​യി തി​രു​വ​ന​ന്ത​പു​രം മ്യൂ​സി​യ​ത്തി​നു സ​മീ​പം ക​ല്ലി​ല്‍ ക​ല്‍​പ്പ​ന​ക​ള്‍ കൊ​ത്തി​വ​ച്ചു.

പ​ക്ഷേ, കാ​ഴ്ച​ബം​ഗ്ലാ​വി​നു മു​ന്നി​ല്‍ അ​തൊ​രു കാ​ഴ്ച​വ​സ്തു മാ​ത്ര​മാ​യി. ഭ​ര​ണ​സി​രാ കേ​ന്ദ്ര​മാ​യ സെ​ക്ര​ട്ടേ​റി​യ​റ്റ് ജീ​വ​ന​ക്കാ​ര്‍​പോ​ലും ശ​നി​യാ​ഴ്ച കൈ​ത്ത​റി വ​സ്ത്ര​ങ്ങ​ള്‍ ധ​രി​ക്കാ​ന്‍ ത​യ്യാ​റാ​യി​ല്ല. പാ​ഴാ​യി​പ്പോ​യ സ​ര്‍​ക്കാ​ര്‍ പ​ദ്ധ​തി​ക​ളു​ടെ സ്മ​ര​ണ​യും പേ​റി കാ​ഴ്ച ബം​ഗ്ലാ​വി​ല്‍ എ​ത്തു​ന്ന​വ​ര്‍​ക്ക് കൗ​തു​ക​കാ​ഴ്ച​യാ​ണ് ഇ​ന്ന് ഈ ​സ്മാ​ര​കം.