വി​ഴി​ഞ്ഞം അ​ന്താ​രാ​ഷ്ട്ര തു​റ​മു​ഖം : തൊ​ഴി​ൽ സ്വ​പ്നം കാ​ണു​ന്ന​വ​ർ​ക്ക് തി​രി​ച്ച​ടി​യാ​കു​മോ?
Sunday, October 6, 2024 5:54 AM IST
എ​സ്. രാ​ജേ​ന്ദ്ര​കു​മാ​ർ

വി​ഴി​ഞ്ഞം: പ്ര​ദേ​ശ​വാ​സി​ക​ൾ​ക്ക് തൊ​ഴി​ൽ ന​ൽ​കാ​തെ പ​റ്റി​ക്കു​ന്ന​താ​യു​ള്ള ആ​രോ​പ​ണ​വു​മാ​യി ഒ​രു കൂ​ട്ട​ർ, തൊ​ഴി​ൽ സാ​ധ്യ​ത​ക​ളെ​ക്കു​റി​ച്ചു​ള്ള സെ​മി​നാ​റു​ക​ൾ നാ​ടെ​ങ്ങും ന​ട​ത്തി യു​വാ​ക്ക​ളെ സ്വ​പ്നം കാ​ണി​ക്കു​ന്ന മ​റ്റൊ​രു വി​ഭാ​ഗ​വും. കേ​ര​ള​ത്തി​ന്‍റെ വി​ക​സ​ന പ​ദ്ധ​തി​യാ​യ വി​ഴി​ഞ്ഞം അ​ന്താ​രാ​ഷ്ട്ര തു​റ​മു​ഖം പൂ​ർ​ണ സ​ജ്ജ​മാ​കു​മ്പോ​ൾ ഉ​ണ്ടാ​കു​ന്ന തൊ​ഴി​ൽ അ​വ​സ​ര​ങ്ങ​ളെ​ക്കു​റി​ച്ച് അ​ധി​കൃ​ത​ർ​ക്കും വ്യ​ക്ത​ത​യി​ല്ല.

പ്ര​ദേ​ശി​ക തൊ​ഴി​ൽ വാ​ദം ഉ​ന്ന​യി​ച്ച് മ​റ്റു തൊ​ഴി​ലാ​ളി സം​ഘ​ട​ന​ക​ൾ​ക്കു​പ​രി ഭ​രി​ക്കു​ന്ന പാ​ർ​ട്ടി​യു​ടെ സം​ഘ​ട​ന​യാ​യ സി​ഐ​ടി​യും ഒ​രാ​ഴ്ച മു​ൻ​പ് തു​റ​മു​ഖ ക​വാ​ട​ത്തേ​ക്ക് മാ​ർ​ച്ചും ധ​ർ​ണ ന​ട​ത്തി​യും അ​ധി​കൃ​ത​രെ കു​ഴ​പ്പി​ച്ചു. കേ​ര​ള​ത്തി​ന്‍റെ വി​ക​സ​ന പ​ദ്ധ​തി​യാ​യ വി​ഴി​ഞ്ഞം തു​റ​മു​ഖം വ​ഴി അ​ൻ​പ​തി​നാ​യി​ര​ത്തി​ൽ​പ്പ​രം യു​വ​തി യു​വാ​ക്ക​ൾ​ക്ക് തൊ​ഴി​ൽ ന​ൽ​കു​മെ​ന്ന് തു​ട​ക്ക​ത്തി​ലു​ള്ള അ​ധി​കൃ​ത​രു​ടെ പ്ര​ഖ്യാ​പ​ന​ത്തി​ൽ വി​ശ്വ​സി​ച്ച് ന​ട​ക്കു​ന്ന​വ​ർ​ക്കും തി​രി​ച്ച​ടി​യാ​കും.

സ​ർ​ക്കാ​രി​ന്‍റെ നൈ​പു​ണ‍്യ വി​ക​സ​ന സം​രം​ഭ​മാ​യ അ​സാ​പ്പി​ലൂ​ടെ വി​വി​ധ ത​സ്തി​ക​ക​ളി​ൽ പ​രി​ശീ​ല​നം പൂ​ർ​ത്തി​യാ​ക്കി​യ വി​ഴി​ഞ്ഞ​ത്തും സ​മീ​പ​പ്ര​ദേ​ശ​ങ്ങ​ളി​ലു​മു​ള്ള നി​ര​വ​ധി​പേ​രെ ഇ​തി​നോ​ട​കം നി​യ​മി​ച്ച​താ​യി തു​റ​മു​ഖ അ​ധി​കൃ​ത​ർ പ​റ​യു​ന്നു. കൂ​ടാ​തെ കൂ​ടു​ത​ൽ പേ​ർ​ക്കാ​യു​ള്ള പ​രി​ശീ​ല​നം ആ​രം​ഭി​ച്ച​താ​യും അ​റി​യു​ന്നു.

മ​ത്സ്യ ത്തൊ​ഴി​ലാ​ളി​ക​ളു​ടെ അ​തി​ജീ​വ​ന സ​മ​ര​ത്തി​ന് ശേ​ഷം പ്രാ​ദേ​ശി​ക​മാ​യു​ണ്ടാ​യ വി​ള്ള​ലും സ​മ​ര​ത്തെ എ​തി​ർ​ത്ത​വ​രി​ൽ ചി​ല​ർ തു​റ​മു​ഖ അ​ധി​കൃ​ത​രു​മാ​യി കൂ​ടു​ത​ൽ അ​ടു​ത്ത​തും തൊ​ഴി​ലാ​ളി നി​യ​മ​ന​ത്തി​ൽ സം​ശ​യ​ത്തി​ന് വ​ഴി​തെ​ളി​ച്ചു. ഇ​തി​നി​ട​യി​ലാ​ണ് ആ​ൾ​ക്കാ​രെ കൂ​ട്ടി തൊ​ഴി​ൽ സാ​ധ്യ​ത​ക​ളെ​ക്കു​റി​ച്ചു​ള്ള സെ​മി​നാ​റു​ക​ളും വ്യാ​പ​ക​മാ​യ​ത്. തൊ​ഴി​ൽ സ്വ​പ്നം ക​ണ്ട യു​വ​ത​ല​മു​റ കേ​ട്ടു​കേ​ൾ​വി​യു​ടെ ഭാ​ഗ​മാ​യി വി​വി​ധ ത​സ്തി​ക​ക​ൾ​ക്കാ​യി നൂ​റു​ക​ണ​ക്കി​ന് അ​പേ​ക്ഷ​ക​ളാ​ണ് നേ​രി​ട്ടും അ​ല്ലാ​തെ​യു​മാ​യി അ​ധി​കൃ​ത​ർ​ക്ക് ഇ​തി​നോ​ട​കം ന​ൽ​കി​യ​ത്.

നീ​ണ്ട ഒ​ൻ​പ​ത് വ​ർ​ഷം പൂ​ർ​ത്തി​യാ​കാ​നി​രി​ക്കു​ന്ന സ​മ​യ​ത്തും ഒ​ന്നാം​ഘ​ട്ട ഉ​ദ്ഘാ​ട​നം പോ​ലും ന​ട​ത്താ​ൻ ക​ഴി​യാ​ത്ത തു​റ​മു​ഖം ര​ണ്ടും മൂ​ന്നും നാ​ലും ഘ​ട്ട​ങ്ങ​ൾ ക​ട​ന്ന് പൂ​ർ​ണ​തോ​തി​ൽ പ്ര​വ​ർ​ത്ത​നം തു​ട​ങ്ങ​ണ​മെ​ങ്കി​ൽ ഇ​നി​യും വ​ർ​ഷ​ങ്ങ​ൾ കാ​ത്തി​രി​ക്ക​ണ​മെ​ന്നാ​ണ് പൊ​തു​വെ​യു​ള്ള വി​ല​യി​രു​ത്ത​ൽ. പൂ​ർ​ണ​മാ​യി സ​ജ്ജ​മാ​യാ​ലും വി​വി​ധ ത​സ്തി​ക​ക​ളി​ലെ ഓ​ഫീ​സ് സ്റ്റാ​ഫു​ക​ളും, ഉ​ന്ന​ത ഉ​ദ്യോ​ഗ​സ്ഥ​രും , വി​ദ​ഗ്ധ തൊ​ഴി​ലാ​ളി​ക​ൾ, മ​റ്റ് ജീ​വ​ന​ക്കാ​ർ ഉ​ൾ​പ്പെ​ടെ തു​റ​മു​ഖ​ത്തി​നാ​വ​ശ്യം വേ​ണ്ട​ത് നാ​ലാ​യി​ര​ത്തി​ൽ താ​ഴെ ജീ​വ​ന​ക്കാ​ർ മാ​ത്ര​മെ​ന്ന് അ​ധി​കൃ​ത​ർ പ​റ​യു​ന്നു.


എ​ന്നാ​ൽ പ്ര​ത്യ​ക്ഷ​ത്തി​ലും പ​രോ​ക്ഷ​ത്തി​ലു​മാ​യി അ​ൻ​പ​തി​നാ​യി​ര​ത്തോ​ളം പേ​ർ​ക്ക് തൊ​ഴി​ൽ സാ​ധ്യ​ത​യെ​ന്ന സ​ർ​ക്കാ​രി​ന്‍റെ വാ​ക്കി​ൽ സ്വ​പ്നം കാ​ണു​ന്ന​വ​രാ​ണ് കേ​ര​ള​ത്തി​ലെ അ​ഭ്യ​സ്ഥ​വി​ദ്യ​രാ​യ ചെ​റു​പ്പ​ക്കാ​ർ. പ​രോ​ക്ഷ​മാ​യ​തൊ​ഴി​ൽ വേ​ണ​മെ​ങ്കി​ലും ക​ര​മാ​ർ​ഗ​മു​ള്ള ക​ണ്ടെ​യ്ന​ർ ഗ​താ​ഗ​തം ആ​രം​ഭി​ക്ക​ണം. ട്ര​യ​ൽ റ​ൺ ആ​രം​ഭി​ച്ച ശേ​ഷം ഒ​ന്ന​ര മാ​സ​ത്തി​നി​ട​യി​ൽ ഇ​രു​പ​തോ​ളം വ​മ്പ​ൻ ക​പ്പ​ലു​ക​ൾ വി​ഴി​ഞ്ഞ​ത്ത് അ​ടു​ത്തു.

ഇ​വ​യി​ൽ നി​ന്ന് ഇ​റ​ക്കി​യ അ​ൻ​പ​തി​നാ​യി​ര​ത്തോ​ളം ക​ണ്ടെ​യ്ന​റു​ക​ളി​ൽ ഒ​രെ​ണ്ണം പോ​ലും ക​ര​മാ​ർ​ഗം കൊ​ണ്ടു​പോ​കാ​നാ​യി​ല്ല. ട്രാ​ൻ​ഷി​പ്പ്മെ​ന്‍റ് തു​റ​മു​ഖ​മാ​യ​തി​നാ​ൽ പൂ​ർ​ണ​തോ​തി​ൽ പ്ര​വ​ർ​ത്ത​നം തു​ട​ങ്ങി​യാ​ലും ബ​ഹു​ഭൂ​രി​പ​ക്ഷം ക​ണ്ടെ​യ്ന​റു​ക​ളും ക​ട​ൽ മാ​ർ​ഗം ത​ന്നെ കൊ​ണ്ടു​പോ​കും.

ട്ര​യ​ൽ റ​ണ്ണി​ൽ ഇ​ത്ര​ത്തോ​ളം ക​പ്പ​ലു​ക​ൾ അ​ടു​ത്ത മ​റ്റൊ​രു തു​റ​മു​ഖ​വും ഇ​ന്ത്യ​യി​ൽ ഉ​ണ്ടാ​യി​ട്ടി​ല്ല. ഇ​തി​നെ വ​മ്പ​ൻ വി​ക​സ​ന കു​തി​പ്പെ​ന്ന് അ​ധി​കൃ​ത​ർ വ്യാ​പ​ക​മാ​യി പ്ര​ച​രി​പ്പി​ച്ച​തോ​ടെ ഉ​ട​ൻ കൂ​ടു​ത​ൽ തൊ​ഴി​ൽ കി​ട്ടു​മെ​ന്ന ആ​ത്മ​വി​ശ്വാ​സ​ത്തി​ലാ​യി കേ​ര​ള​ത്തി​ലെ ജ​ന​ത.

കു​റ​ച്ചു പേ​ർ​ക്കെ​ങ്കി​ലും പ​രോ​ക്ഷ​മാ​യി തൊ​ഴി​ൽ കി​ട്ട​ണ​മെ​ങ്കി​ൽ ക​ണ്ടെ​യ്ന​ർ സൂ​ക്ഷി​ക്കാ​നു​ള്ള ഗോ​ഡൗ​ണു​ക​ളും, റിം​ഗ് റോ​ഡ്, റെ​യി​ൽ​വേ ഉ​ൾ​പ്പെ​ടെ വി​വി​ധ റോ​ഡു​ക​ളും മ​റ്റ് വി​ക​സ​ന​ങ്ങ​ളും വ​ര​ണം.

അ​ടി​സ്ഥാ​ന പ്ര​വ​ർ​ത്ത​ന​ങ്ങ​ൾ പോ​ലും ആ​രം​ഭി​ക്കാ​ത്ത ഇ​ത്ത​രം വി​ക​സ​ന​ങ്ങ​ൾ പൂ​ർ​ണ​മാ​ക​ണ​മെ​ങ്കി​ൽ ഇ​നി​യും കു​റ​ഞ്ഞ​ത് അ​ഞ്ച് വ​ർ​ഷ​മെ​ങ്കി​ലും കാ​ത്തി​രി​ക്ക​ണം.