റോ​ഡ് ഇ​ടി​ഞ്ഞ് തോ​ട്ടി​ൽ പ​തി​ച്ചു
Friday, October 4, 2024 5:20 AM IST
ശ്രീ​കാ​ര്യം: കേ​ര​ളാ​ദി​ത്യ​പു​രം ക​രി​യം ശ്രീ​കാ​ര്യം പ്ര​ദേ​ശ​ങ്ങ​ളെ ബ​ന്ധി​പ്പി​ക്കു​ന്ന ന​ഗ​ര​സ​ഭ​യു​ടെ ചെ​ല്ല​മം​ഗ​ലം വാ​ർ​ഡി​ൽ ഉ​ൾ​പ്പെ​ടു​ന്ന കേ​ര​ളാ​ദി​ത്യ​പു​രം ഒ​റ്റ​വീ​ട് റോ​ഡ് ഇ​ടി​ഞ്ഞ് ആ​മ​യി​ഴ​ഞ്ചാ​ൻ തോ​ട്ടി​ൽ പ​തി​ച്ചു.

ക​ഴി​ഞ്ഞ ദി​വ​സം പു​ല​ർ​ച്ചെ പെ​യ്‌​ത ക​ന​ത്ത മ​ഴ​യി​ലാ​ണ് തോ​ടി​ന്‍റെ സം​ര​ക്ഷ​ണ ഭി​ത്തി ഇ​ടി​ഞ്ഞു റോ​ഡ് ത​ക​ർ​ന്ന് തോ​ട്ടി​ലേ​ക്കു പ​തി​ച്ച​ത്.

വ​ർ​ഷ​ങ്ങ​ൾ​ക്ക് മു​ൻ​പ് മേ​ജ​ർ ഇ​റി​ഗേ​ഷ​ൻ വ​കു​പ്പ് ക​രി​ങ്ക​ൽ കൊ​ണ്ട് നി​ർ​മി​ച്ച സം​ര​ക്ഷ​ണ ഭി​ത്തി​ക്ക് കാ​ല​പ്പ​ഴ​ക്കം കൊ​ണ്ടു സം​ഭ​വി​ച്ച ബ​ല​ക്ഷ​യ​മാ​ണ് റോ​ഡ് ത​ക​രാ​ൻ പ്ര​ധാ​ന കാ​ര​ണം.

ക​ഴി​ഞ്ഞ വ​ർ​ഷം തോ​ടി​ന്‍റെ സം​ര​ക്ഷ​ണ ഭി​ത്തി​ക്കു​ണ്ടാ​യ ബ​ല​ക്ഷ​യം കാ​ര​ണം റോ​ഡി​ൽ വി​ള്ള​ലു​ണ്ടാ​യ​പ്പോ​ൾ പ്ര​ദേ​ശ​വാ​സി​ക​ൾ ബ​ന്ധ​പ്പെ​ട്ട അ​ധി​കൃ​ത​രെ ബ​ന്ധ​പ്പെ​ട്ട് സം​ര​ക്ഷ​ണ ഭി​ത്തി പു​ന​ർ​നി​ർ​മി​ക്ക​ണം എ​ന്ന് ആ​വ​ശ്യ​പ്പെ​ട്ട് നി​ര​വ​ധി ത​വ​ണ സ​മീ​പി​ച്ചെ​ങ്കി​ലും ഉ​ദ്യോ​ഗ​സ്ഥ​ർ ഇ​ട​പെ​ട്ടി​ല്ലെ​ന്നാ​ണ് നാ​ട്ടു​കാ​രു​ടെ വാ​ദം.


റോ​ഡ് ഇ​ടി​ഞ്ഞ​തോ​ടെ സ​മീ​പ​ത്തെ വീ​ടു​ക​ളും അ​പ​ക​ടാ​വ​സ്ഥ​യി​ലാ​ണ്. തു​ട​ർ​ച്ച​യാ​യി ഇ​ട​വി​ട്ട് പെ​യ്യു​ന്ന മ​ഴ​യി​ൽ തോ​ട്ടി​ലൂ​ടെ വെ​ള്ളം കു​ത്തി​യൊ​ലി​ക്കു​മ്പോ​ൾ റോ​ഡി​ന്‍റെ ബാ​ക്കി ഭാ​ഗം ഇ​ടി​ഞ്ഞു തോ​ട്ടി​ൽ പ​തി​ച്ചാ​ൽ സ​മീ​പ​ത്തെ വീ​ടു​ക​ൾ​ക്കും നാ​ശ​ന​ഷ്‌​ടം സം​ഭ​വി​ച്ചേ​ക്കാം എ​ന്ന ആ​ശ​ങ്ക​യും നി​ല​നി​ൽ​ക്കു​ക​യാ​ണ്.