ശ​ക്ത​മാ​യ തി​ര​യി​ൽ മ​ത്സ്യ​ബ​ന്ധ​ന വ​ള്ളം ത​ക​ർ​ന്നു: ഒ​രാ​ളെ കാ​ണാ​താ​യി
Sunday, October 6, 2024 5:54 AM IST
പൂ​ന്തു​റ: ശ​ക്ത​മാ​യ തി​ര​യെ​ത്തു​ട​ര്‍​ന്ന് മ​ത്സ്യ​ബ​ന്ധ​ന വ​ള്ളം മ​റി​ഞ്ഞ് മൂ​ന്നു പേ​ര്‍ ക​ട​ലി​ല്‍ വീ​ണു. ഒ​രാ​ളെ കാ​ണാ​താ​യി. വെ​ള്ളി​യാ​ഴ്ച രാ​ത്രി ഒ​മ്പ​തി​ന് പൂ​ന്തു​റ (പൊ​ഴി​ക്ക​ര) പ​ന​ത്തു​റ ഭാ​ഗ​ത്തു​ള്ള ക​ട​ലി​ലാ​ണ് അ​പ​ക​ടം ന​ട​ന്ന​ത്.

സം​ഭ​വം ന​ട​ന്ന​യു​ട​ന്‍ ര​ണ്ട് മ​ത്സ്യ​ത്തൊ​ഴി​ലാ​ളി​ക​ള്‍ ഏ​റെ ദൂ​രം നീ​ന്തി​യ ശേ​ഷം മ​റ്റൊ​രു വ​ള്ള​ത്തി​ല്‍ ക​യ​റി ര​ക്ഷ​പ്പെ​ടു​ക​യാ​യി​രു​ന്നു. വ​ള്ള​ത്തി​ന്‍റെ ഉ​ട​മ​യാ​യ പു​ല്ലു​വി​ള ക​രി​ങ്കു​ളം കു​ള​പ്പു​ര ഹൗ​സി​ല്‍ ജോ​സി​നെ (54) ആ​ണ് കാ​ണാ​താ​യ​ത്.

ഒ​പ്പ​മു​ണ്ടാ​യി​രു​ന്ന ജെ​റോ​മും മ​റ്റൊ​രാ​ളു​മാ​ണ് നീ​ന്തി ര​ക്ഷ​പ്പെ​ട്ട​ത്. ജോ​സ് അ​ര​മ​ണി​യ്ക്കൂ​റോ​ളം നീ​ന്തി​യെ​ങ്കി​ലും കൈ​കാ​ലു​ക​ള്‍ കു​ഴ​ഞ്ഞ് ക​ട​ലി​ല്‍ താ​ഴു​ക​യാ​യി​രു​ന്ന​താ​യി വി​ഴി​ഞ്ഞം കോ​സ്റ്റ​ല്‍ പോ​ലീ​സ് പ​റ​ഞ്ഞു. ജോ​സി​നാ​യി കോ​സ്റ്റ​ല്‍ പോ​ലീ​സ് , മ​റൈ​ന്‍ എ​ന്‍​ഫോ​ഴ്‌​സ്‌​മെ​ന്‍റ് , കോ​സ്റ്റ്ഗാ​ര്‍​ഡ് എ​ന്നി​വ​രു​ടെ നേ​തൃ​ത്വ​ത്തി​ല്‍ തെ​ര​ച്ചി​ല്‍ ആ​രം​ഭി​ച്ചു.


പ​ന​ത്തു​റ ഭാ​ഗ​ത്തെ ക​ട​ലി​ല്‍ അ​ധി​കൃ​ത​ര്‍ ശ​നി​യാ​ഴ്ച ന​ട​ത്തി​യ തെ​ര​ച്ചി​ലി​ല്‍ വ​ള്ള​ത്തി​ന്‍റെ ത​ക​ര്‍​ന്ന ഭാ​ഗ​ങ്ങ​ളും ര​ണ്ട് എ​ന്‍​ജി​നു​ക​ളും ക​ണ്ടെ​ത്തി​യ​താ​യി വി​ഴി​ഞ്ഞം കോ​സ്റ്റ​ല്‍ പോ​ലീ​സ് അ​റി​യി​ച്ചു. തി​ര​യി​ല്‍​പ്പെ​ട്ട് പാ​റ​ക്കൂ​ട്ട​ങ്ങ​ള്‍​ക്കി​ട​യി​ല്‍ അ​ടി​ഞ്ഞു​ക​യ​റി​യ നി​ല​യി​ലാ​ണ് എ​ന്‍​ജി​നു​ക​ള്‍ ക​ണ്ടെ​ത്തി​യ​ത്.

കാ​ണാ​താ​യ ജോ​സി​നാ​യി നാ​വി​ക​സേ​ന​യു​ടെ ഹേ​ലി​കോ​പ്റ്റ​ര്‍ സേ​വ​നം ആ​വ​ശ്യ​പ്പെ​ട്ട് ക​ല​ക്ട​റേ​റ്റി​ല്‍ ക​ത്തു ന​ല്‍​കി​യ​താ​യി വി​ഴി​ഞ്ഞം കോ​സ്റ്റ​ല്‍ പോ​ലീ​സ് അ​റി​യി​ച്ചു. ശ​നി​യാ​ഴ്ച വൈ​കി​ട്ടോ​ടെ തെ​ര​ച്ചി​ല്‍ നി​ര്‍​ത്തി​വ​ച്ചു. ഞാ​യ​റാ​ഴ്ച രാ​വി​ലെ തെ​ര​ച്ചി​ല്‍ പു​ന:​രാ​രം​ഭി​ക്കു​മെ​ന്ന് അ​ധി​കൃ​ത​ര്‍ പ​റ​ഞ്ഞു.