ഒ​ല്ലൂ​ർ ക​ട​ക്കാ​ൻ എ​ന്നും ക​ഷ്ട​പ്പാ​ട്
Monday, July 15, 2024 1:47 AM IST
സ്വ​ന്തം ലേ​ഖ​ക​ൻ

ഒ​ല്ലൂ​ർ: നാ​ണ​ക്കേ​ടാ​വും ഒ​ല്ലൂ​രി​ലെ വാ​ഹ​ന​ക്കു​രു​ക്കി​നെ​ക്കു​റി​ച്ച് ഇ​നി​യും പ​റ​ഞ്ഞാ​ൽ! ദ​ശാ​ബ്ദ​ങ്ങ​ളു​ടെ പ​ഴ​ക്ക​മു​ണ്ട് ഈ ​പ​രാ​തി​ക്ക്. വാ​ർ​ത്ത​ക​ളും കു​രു​ക്കി​ന്‍റെ ചി​ത്ര​ങ്ങ​ളും മാ​ധ്യ​മ​ങ്ങ​ളി​ൽ നൂ​റു​ക​ണ​ക്കി​നു വ​ന്നു​ക​ഴി​ഞ്ഞു. എ​ന്നി​ട്ടും, അ​ന​ങ്ങേ​ണ്ട​വ​രാ​രും അ​ന​ങ്ങു​ന്നി​ല്ല. ഒ​ല്ലൂ​ർ ജം​ഗ്ഷ​ൻ വി​ക​സ​നം എ​ല്ലാ രാ​ഷ്ട്രീ​യ​പാ​ർ​ട്ടി​ക​ളും നേ​താ​ക്ക​ളും ആ​വ​ർ​ത്തി​ച്ചാ​വ​ർ​ത്തി​ച്ച് പ്ര​ഖ്യാ​പി​ക്കു​ന്നു​ണ്ടെ​ന്നു​മാ​ത്രം. കു​രു​ക്ക് കു​രു​ക്കാ​യി​ത്ത​ന്നെ തു​ട​രു​ന്നു.

റോ​ഡി​നു വീ​തി​കൂ​ട്ടാ​ൻ മാ​ർ​ക്ക് ചെ​യ്തുപോ​യി​ട്ടു​ത​ന്നെ വ​ർ​ഷ​ങ്ങ​ളേ​റെ​യാ​യി. ആ​രെ​ങ്കി​ലും തു​നി​ഞ്ഞി​റ​ങ്ങി​യാ​ൽ പി​റ​കേ പ്ര​തി​ഷേ​ധ​ങ്ങ​ളാ​വും, സ​മ​ര​മാ​വും, ച​ർ​ച്ച​ക​ളാ​വും. അ​വി​ടെ നി​ല​യ്ക്കും വി​ക​സ​നം. തൃ​ശൂ​രി​ലേ​ക്കു​ള്ള ബ​സ് സ്റ്റോ​പ്പ് അ​ന്പ​തു​മീ​റ്റ​ർ വ​ട​ക്കോ​ട്ടു​നീ​ക്കാ​നു​ള്ള പോ​ലീ​സി​ന്‍റെ ശ്ര​മം​വ​രെ രാ​ഷ്ട്രീ​യ​ക്കാ​രു​ടെ​യും മ​റ്റും ഉ​ട​ക്കി​ൽ ന​ട​ക്കാ​തെ​പോ​യ​താ​ണ് ഒ​ടു​വി​ല​ത്തെ സം​ഭ​വം. കോ​ർ​പ​റേ​ഷ​നി​ൽ പു​തി​യ ഭ​ര​ണ​സ​മി​തി വ​ന്നാ​ലും, പു​തി​യ എം​എ​ൽ​എ വ​ന്നാ​ലും, എം​പി വ​ന്നാ​ലും ഉ​ട​ൻ വ​രും പ്ര​ഖ്യാ​പ​നം - ഒ​ല്ലൂ​ർ ജം​ഗ്ഷ​ൻ വി​ക​സി​പ്പി​ക്കും. ഇ​നി​യി​പ്പോ​ൾ അ​മൃ​ത് മാ​സ്റ്റ​ർ​പ്ലാ​നി​ലാ​ണ് നാ​ട്ടു​കാ​രു​ടെ​യും യാ​ത്രി​ക​രു​ടെ​യും പ്ര​തീ​ക്ഷ.

സി​ഗ്ന​ൽ, അ​ടി​പ്പാ​ത, മേ​ൽ​പ്പാ​ത പോ​ലു​ള്ള വ​ലി​യ പ​രി​ഹാ​ര​ങ്ങ​ൾ​ക്കോ, വാ​ഹ​ന​ങ്ങ​ൾ വ​ഴി​തി​രി​ച്ചു​വി​ടു​ന്ന​തോ ബ​സ് സ്റ്റോ​പ്പു​ക​ൾ നീ​ക്കു​ന്ന​തോ പോ​ലു​ള്ള ചെ​റി​യ ശ്ര​മ​ങ്ങ​ൾ​ക്കോ പോ​ലും ആ​രും മു​ന്നോ​ട്ടു​വ​രാ​ത്ത​താ​ണ് വാ​ഹ​ന​ക്കു​രു​ക്ക് വ​ട​ക്കോ​ട്ട് ഒ​ല്ലൂ​ർ പ​ള്ളി ജം​ഗ്ഷ​ൻ വ​രെ​യും തെ​ക്കോ​ട്ട് എ​സ്റ്റേ​റ്റ് ക​ട​ന്നും നീ​ളാ​ൻ കാ​ര​ണ​മാ​കു​ന്ന​ത്.

ഇ​ക്ക​ഴി​ഞ്ഞ തെ​ര​ഞ്ഞെ​ടു​പ്പു​കാ​ല​ത്ത് ഇ​ട​തു​സ്ഥാ​നാ​ർ​ഥി​യു​ടെ പ്ര​ചാ​ര​ണ​ത്തി​നാ​യി ഇ​റ​ക്കി​യ "ഒ​ല്ലൂ​ർ സ​മൃ​ദ്ധി' എ​ന്ന പ്ര​സി​ദ്ധീ​ക​ര​ണ​ത്തി​ലെ വി​ക​സ​ന​വാ​ർ​ത്ത​ക​ളി​ലു​മു​ണ്ടാ​യി​രു​ന്നു ഒ​ല്ലൂ​ർ ജം​ഗ്ഷ​ൻ! "സം​സ്ഥാ​ന​ത്തെ പ്ര​ധാ​ന​പ്പെ​ട്ട 20 ജം​ഗ്ഷ​നു​ക​ളി​ൽ ഇ​നി ഒ​ല്ലൂ​ർ' എ​ന്ന​താ​യി​രു​ന്നു ത​ല​ക്കെ​ട്ട്. സം​സ്ഥാ​ന​ത്തെ പ്ര​ധാ​ന​പ്പെ​ട്ട 20 ജം​ഗ്ഷ​നു​ക​ൾ വി​ക​സി​പ്പി​ക്കു​ന്ന​തി​ന് സ​ർ​ക്കാ​ർ പ്ര​ത്യേ​കം പ​ദ്ധ​തി രൂ​പീ​ക​രി​ച്ചി​രു​ന്നു.

അ​തി​ൽ ഒ​ല്ലൂ​ർ ജം​ഗ്ഷ​ൻ​കൂ​ടി ഉ​ൾ​പ്പെ​ട്ടു എ​ന്ന​ത് മ​ണ്ഡ​ല​ത്തി​ന് അ​ഭി​മാ​ന​ക​ര​മാ​യ നേ​ട്ട​മാ​ണ്. വി​ക​സ​ന​പ്ര​വ​ർ​ത്ത​ന​ങ്ങ​ൾ​ക്കാ​യി നാ​റ്റ്പാ​ക് ഡി​പി​ആ​ർ ത​യാ​റാ​ക്കി കി​ഫ്ബി​യി​ൽ സ​മ​ർ​പ്പി​ച്ചു​ക​ഴി​ഞ്ഞു. സം​സ്ഥാ​ന​ബ​ജ​റ്റി​ൽ​നി​ന്ന് അ​ഞ്ചു​കോ​ടി രൂ​പ ഒ​ല്ലൂ​ർ ജം​ഗ്ഷ​ൻ വി​ക​സ​ന​ത്തി​നാ​യി പ്ര​ത്യേ​കം മാ​റ്റി​വ​യ്ക്കു​ക​യും ചെ​യ്തി​ട്ടു​ണ്ട്. ഒ​ല്ലൂ​ർ പ​ട്ട​ണ​ത്തി​ന്‍റെ മു​ഖ​ച്ഛാ​യ കൂ​ടു​ത​ൽ സൗ​ന്ദ​ര്യ​മു​ള്ള​താ​യി മാ​റാ​ൻ ഈ ​പ​ദ്ധ​തി​യോ​ടെ സാ​ധ്യ​മാ​കും.... എ​ന്നി​ങ്ങ​നെ​യാ​യി​രു​ന്നു "ഒ​ല്ലൂ​ർ സ​മൃ​ദ്ധി​'യി​ലെ അ​വ​കാ​ശ​വാ​ദം.

എ​ന്നാ​ൽ, ഇ​ങ്ങ​നെ​യു​ള്ള പ്ര​ഖ്യാ​പ​ന​ങ്ങ​ളും അ​വ​കാ​ശ​വാ​ദ​ങ്ങ​ളു​മ​ല്ലാ​തെ ഒ​ന്നും ന​ട​ക്കു​ന്നി​ല്ലെ​ന്ന​താ​ണ് സ​ത്യം. സം​സ്ഥാ​ന​ത്തെ ഏ​റ്റ​വും ഗ​താ​ഗ​ത​ക്കു​രു​ക്കേ​റി​യ ഒ​രു ജം​ഗ്ഷ​ൻ എ​ന്ന ചീ​ത്ത​പ്പേ​രാ​ണ് ഇ​പ്പോ​ൾ ഒ​ല്ലൂ​രി​നു കൈ​വ​ന്നി​ട്ടു​ള്ള​തെ​ന്ന​താ​ണ് യാ​ഥാ​ർ​ഥ്യം.
Copyright @ 2018 , Rashtra Deepika Ltd.