കായികമേള വിജയമെന്ന് മന്ത്രി
Sunday, November 10, 2024 1:03 AM IST
കൊച്ചി: സംഘാടനംകൊണ്ടും മത്സരിക്കുന്ന കായികതാരങ്ങളുടെ എണ്ണംകൊണ്ടും ലോകത്തെ ഏറ്റവും വലിയ കൗമാര കായികമേളയായിരിക്കുകയാണ് /”കേരള സ്‌കൂള്‍ കായികമേള 24’’’’ എന്ന് മന്ത്രി വി. ശിവന്‍കുട്ടി.
24,917 താരങ്ങളാണു മേളയുടെ ഭാഗമായത്. ആദ്യമായി സംസ്ഥാന കായികമേളയോടൊപ്പം സംഘടിപ്പിച്ച ഇന്‍ക്ലൂസീവ് മേളയും വിജയമായെന്നും മന്ത്രി പറഞ്ഞു. 39 കായിക ഇനങ്ങളില്‍ 28 എണ്ണം പൂര്‍ത്തിയായി.
ദേശീയ, അന്തര്‍ദേശീയ തലത്തില്‍ കായികരംഗത്ത് പുത്തന്‍ മാറ്റത്തിന്‍റെ തുടക്കമാണ് കേരള സ്‌കൂള്‍ കായികമേള കൊച്ചി 24. മഹാരാജാസ് കോളജില്‍ നടക്കുന്ന സമാപനസമ്മേളനം നാളെ വൈകുന്നേരം നാലിന് മുഖ്യമന്ത്രി പിണറായി വിജയന്‍ ഉദ്ഘാടനം ചെയ്യും. മന്ത്രി വി. ശിവന്‍കുട്ടി അധ്യക്ഷത വഹിക്കും. ഐ.എം. വിജയന്‍, നടന്‍ വിനായകന്‍ തുടങ്ങിയവര്‍ മുഖ്യാതിഥികളായിരിക്കും.