ശബരിമല: സൗകര്യങ്ങള്‍ ഉറപ്പാക്കണമെന്ന് ഹൈക്കോടതി
Tuesday, November 12, 2024 1:50 AM IST
കൊച്ചി: മണ്ഡലം മകരവിളക്ക് തീര്‍ഥാടനകാലത്ത് ഭക്തര്‍ക്കു ഭക്ഷണം, വിശ്രമം, പാര്‍ക്കിംഗ്, ശൗചാലയ സൗകര്യങ്ങള്‍ ഉറപ്പുവരുത്തണമെന്നു ഹൈക്കോടതി.
തീര്‍ഥാടനത്തോടനുബന്ധിച്ച് ശബരിമല ഇടത്താവളങ്ങളില്‍ ക്രമീകരണങ്ങള്‍ പൂര്‍ത്തിയായെന്ന് തിരുവിതാംകൂര്‍, കൊച്ചി, ഗുരുവായൂര്‍, മലബാര്‍ ദേവസ്വം ബോര്‍ഡുകള്‍ അറിയിച്ചു.
തുടര്‍ന്നാണ് ബോര്‍ഡുകള്‍ക്ക് ജസ്റ്റീസ് അനില്‍ കെ. നരേന്ദ്രന്‍, ജസ്റ്റീസ് എസ്. മുരളീകൃഷ്ണ എന്നിവരടങ്ങുന്ന ദേവസ്വം ബെഞ്ച് ഈ നിര്‍ദേശം നല്‍കിയത്.