വി​ല​യി​ൽ കു​തി​ച്ചു​യ​ർ​ന്ന് നാ​ളി​കേ​രം: വെ​ളി​ച്ചെ​ണ്ണവി​ല​യും ഉ​യ​ര​ങ്ങ​ളി​ലേ​ക്ക്
Wednesday, September 25, 2024 6:31 AM IST
വ​ട​ക്ക​ഞ്ചേ​രി: വി​ല​യി​ൽ മു​മ്പ​നാ​യി മു​ന്നേ​റു​ക​യാ​ണു നാ​ളി​കേ​രം. ചി​ല്ല​റ​വി​ല്പ​നവി​ല കി​ലോ​യ്ക്ക് 45 രൂ​പ​യും ക​ട​ന്നു​ കു​തി​ക്കു​ക​യാ​ണ്. അ​ടു​ത്ത ദി​വ​സ​ങ്ങ​ളി​ൽ വി​ല ഇ​നി​യും ഉ​യ​രു​മെ​ന്നാ​ണ് വി​പ​ണി​യി​ലെ സൂ​ച​ന.

നാ​ളി​കേ​രക്ഷാ​മ​ത്തി​ന്‍റെ തോ​ത് ക​ണ​ക്കാ​ക്കു​മ്പോ​ൾ കി​ലോ വി​ല 50 രൂ​പ​യും ക​ട​ന്നു​പാ​യു​മെ​ന്നാ​ണ് വി​ല​യി​രു​ത്ത​ൽ. ക​ർ​ഷ​ക കൂ​ട്ടാ​യ്മ​ക​ളാ​യ വി​എ​ഫ്പി​സി​കെ​യു​ടെ വി​പ​ണ​നകേ​ന്ദ്ര​ങ്ങ​ളി​ൽ ക​ർ​ഷ​ക​രി​ൽ​നി​ന്നും കി​ലോ​യ്ക്ക് 40 രൂ​പയ്​ക്കാ​ണ് നാ​ളി​കേ​രം എ​ടു​ക്കു​ന്ന​ത്. കൂ​ടു​ത​ൽ വി​ല​യ്ക്കും നാ​ളി​കേ​രം കി​ട്ടാ​നി​ല്ലാ​ത്ത സ്ഥി​തി​യാ​ണി​പ്പോ​ൾ.

ക​ഴി​ഞ്ഞ ഏ​ഴു​വ​ർ​ഷ​ത്തി​നി​ട​ക്കു​ള്ള വ​ലി​യ വി​ല​വ​ർ​ധ​ന​വാ​ണ് ഇ​പ്പോ​ളു​ണ്ടാ​യി​ട്ടു​ള്ള​ത്. വെ​ളി​ച്ചെ​ണ്ണവി​ല​യും കു​തി​ച്ചു​യ​രു​ന്നു​ണ്ട്. കി​ലോ വി​ല 250 നോ​ട​ടു​ത്തെ​ത്തി. 200 രൂ​പ​യു​ണ്ടാ​യി​രു​ന്ന വി​ല​യാ​ണ് പാ​ഞ്ഞു​ക​യ​റു​ന്ന​ത്.

കേ​ര​ള​ത്തി​ൽ നാ​ളി​കേ​ര​വി​ല കു​തി​ച്ചു​യ​രു​ന്ന​തു​ക​ണ്ട് ത​മി​ഴ്നാ​ട്ടി​ൽ​നി​ന്നും ലോ​ഡു​ക​ണ​ക്കി​ന് നാ​ളി​കേ​രം മാ​ർ​ക്ക​റ്റു​ക​ളി​ലെ​ത്തു​ന്നു​ണ്ട്. ത​മി​ഴ്‌​നാ​ട്ടി​ൽ​നി​ന്നു​ള്ള​ ഗു​ണം കു​റ​ഞ്ഞ നാ​ളി​കേ​ര​വും വാ​ങ്ങി പ​ണംക​ള​യേ​ണ്ട ദു​ര​വ​സ്ഥ​യാ​ണ് മ​ല​യാ​ളി​ക്കി​പ്പോ​ൾ. നാ​ളി​കേ​ര വി​ലവ​ർ​ധ​ന ഹോ​ട്ട​ലു​കാ​ർ​ക്കു വ​ലി​യ തി​രി​ച്ച​ടി​യാ​യി​ട്ടു​ണ്ട്.


വി​ല ഉ​യ​ർ​ന്നി​ട്ടു​ണ്ടെ​ങ്കി​ലും തെ​ങ്ങു​ക​ളി​ലൊ​ന്നും നാ​ളി​കേ​രം ഇ​ല്ലാ​ത്ത​താ​ണു കേ​ര​ക​ർ​ഷ​ക​രെ വി​ഷ​മി​പ്പി​ക്കു​ന്ന​തെ​ന്ന് ആ​രോ​ഗ്യ​പു​ര​ത്ത് ക​ർ​ഷ​കകൂ​ട്ടാ​യ്മ പു​റ​ത്തി​റ​ക്കു​ന്ന സെ​വ​ൻ​സ്റ്റാ​ർ വെ​ളി​ച്ചെ​ണ്ണ ഉ​ത്പാ​ദ​ന യൂ​ണി​റ്റി​ലെ ക​ർ​ഷ​ക​നാ​യ വി​ൽ​സ​ൺ ക​ണ്ണാ​ട​ൻ പ​റ​ഞ്ഞു. മു​മ്പു​കി​ട്ടി​യി​രു​ന്ന നാ​ളി​കേ​ര​ത്തി​ന്‍റെ പ​കു​തിപോ​ലും ഇ​പ്പോ​ൾ കി​ട്ടാ​നി​ല്ല.

ക​ഴി​ഞ്ഞ വേ​ന​ലി​ലെ ഉ​ണ​ക്കും വെ​ള്ളീ​ച്ച ഉ​ൾ​പ്പെ​ടെ​യു​ള്ള കീ​ട​ബാ​ധ​ക​ളും പ​രി​ച​ര​ണക്കുറ​വും നാ​ളി​കേ​ര ഉ​ത്പാ​ദ​നം ഗ​ണ്യ​മാ​യി കു​റ​യാ​ൻ കാ​ര​ണ​മാ​യി​ട്ടു​ണ്ട്. പാ​ല​ക്കു​ഴി ഉ​ൾ​പ്പെ​ടെ​യു​ള്ള മ​ല​യോ​ര​ങ്ങ​ളി​ൽ കൂ​ട്ട​ത്തോ​ടെ​യാ​ണു തെ​ങ്ങു​ക​ൾ ന​ശി​ക്കു​ന്ന​ത്.​ മ​ഴ​ക്കാ​ല​ത്തു​ണ്ടാ​യ നാ​ളി​കേ​ര​ത്തി​ന്‍റെ വി​ള​വെ​ടു​പ്പാ​കു​മ്പോ​ഴേ ഇ​നി നാ​ളി​കേ​ര​ക്ഷാ​മം തീ​രൂ.