അ​ട്ട​പ്പാ​ടി ഐ​ടി​ഐ കോ​ള​ജി​നു മു​ന്നി​ൽ പ​ട്ടാ​പ്പ​ക​ൽ ഭീ​തി​വി​ത​ച്ച് കാ​ട്ടാ​ന
Wednesday, September 25, 2024 6:31 AM IST
അ​ഗ​ളി: അ​ട്ട​പ്പാ​ടി മ​ട്ട​ത്തു​കാ​ട് ഐ​ടി​ഐ കോ​ള​ജി​നു മു​മ്പി​ൽ പ​ട്ടാ​പ്പ​ക​ൽ ഭീ​തി​പ​ര​ത്തി കാ​ട്ടു​കൊ​മ്പ​ന്‍റെ വി​ള​യാ​ട്ടം. ഇ​ന്ന​ലെ വൈ​കു​ന്നേ​രം നാ​ലു​മ​ണി​യോ​ടെ​യാ​ണു ഒ​റ്റ​യാ​ൻ കോ​ള​ജ് പ​രി​സ​ര​ത്ത് എ​ത്തി​യ​ത്.

കോ​ള​ജ് ക​ഴി​ഞ്ഞു വി​ദ്യാ​ർ​ഥി​ക​ൾ പു​റ​ത്തേ​ക്ക് ഇ​റ​ങ്ങു​ന്ന സ​മ​യ​മാ​യി​രു​ന്നു. മ​ല​മു​ക​ളി​ൽ​നി​ന്നും ഇ​റ​ങ്ങി​യ കാ​ട്ടാ​ന കോ​ള​ജി​നു സ​മീ​പ​ത്തു​കൂ​ടി ആ​ന​ക്ക​ട്ടി- മ​ണ്ണാ​ർ​ക്കാ​ട് പ്ര​ധാ​ന​പാ​ത മു​റി​ച്ചു​ക​ട​ന്ന് കൊ​ടു​ങ്ങ​ര​പ​ള്ള​ത്തി​ലേ​ക്കു ക​ട​ന്നു.

റോ​ഡി​ൽ തി​ര​ക്കേ​റി​യ സ​മ​യ​ത്താ​യി​രു​ന്നു കാ​ട്ടാ​ന​യു​ടെ അ​പ്ര​തീ​ക്ഷി​തവ​ര​വ്. റോ​ഡി​നു ഇ​രു​വ​ശ​ങ്ങ​ളി​ലാ​യി വാ​ഹ​ന​ങ്ങ​ളും ജ​ന​ങ്ങ​ളും ഉ​ണ്ടാ​യി​രു​ന്നെ​ങ്കി​ലും ഒ​റ്റ​യാ​ൻ പ്ര​കോ​പ​ന​മൊ​ന്നു​മി​ല്ലാ​തെ ത​മി​ഴ്നാ​ട് ല​ക്ഷ്യ​മാ​ക്കി നീ​ങ്ങി.


ഏ​താ​നും ആ​ഴ്ച​ക​ൾ​ക്കു​മു​ൻ​പ് കോ​ട്ട​ത്ത​റ​യി​ൽ പെ​ട്രോ​ൾ​പ​മ്പി​നു സ​മീ​പം പ​ക​ൽ​സ​മ​യ​ത്ത് കാ​ട്ടാ​ന​യി​റ​ങ്ങി ഭീ​ക​രാ​ന്ത​രീ​ക്ഷം സൃ​ഷ്ടി​ച്ചി​രു​ന്നു. മ​ട്ട​ത്തു​കാ​ട്, ക​ൽ​മു​ക്കി​യൂ​ർ, കു​ലു​ക്കു​ർ ഭാ​ഗ​ങ്ങ​ളി​ൽ പ​ക​ൽ​സ​മ​യ​ങ്ങ​ളി​ൽ കാ​ട്ടാ​ന ഇ​റ​ങ്ങു​ന്നു​ണ്ടെ​ന്നു നാ​ട്ടു​കാ​ർ പ​റ​ഞ്ഞു.