ധോണി ക്യാന്പിൽ ചികിത്സയിലുള്ള കാ​ട്ടാ​ന​ക്കു​ട്ടി അവശയെന്ന് ഡിഎ​ഫ്ഒ
Sunday, August 25, 2024 5:17 AM IST
പാലക്കാട്: ​മ​ണ്ണാ​ർ​ക്കാ​ട് ഡി​വി​ഷ​ൻ അ​ഗ​ളി ഫോ​റ​സ്റ്റ് റേ​ഞ്ചി​ൽ ഷോ​ള​യൂ​ർ സ്റ്റേ​ഷ​ന് പ​രി​ധി​യി​ലെ കു​ത്ത​ന​ടി ഭാ​ഗ​ത്തു​നി​ന്ന് കാ​ട്ടാ​ന​ക്കൂ​ട്ടം ഉ​പേ​ക്ഷി​ച്ച് പൊ​ക്കി​ൾഭാ​ഗ​ത്ത് മു​റി​വോ​ടെ അ​വ​ശ​നി​ല​യി​ൽ ക​ണ്ടെ​ത്തി​യ പിടിയാ​ന​ക്കു​ട്ടി​യെ അ​സി​സ്റ്റ​ന്‍റ് ഫോ​റ​സ്റ്റ് വെ​റ്റി​ന​റി ഓ​ഫീ​സ​ർ ​ഡോ.​ ഡേ​വി​ഡ് എ​ബ്ര​ഹാ​മി​ന്‍റെ നേ​തൃ​ത്വ​ത്തി​ൽ ചി​കി​ത്സി​ച്ചു വ​രി​ക​യാ​ണെ​ന്ന് പാ​ല​ക്കാ​ട് ഡി​വി​ഷ​ൻ ഫോ​റ​സ്റ്റ് ഓ​ഫീ​സ​ർ അ​റി​യി​ച്ചു.

കഴിഞ്ഞ വർഷം ഒ​ക്ടോ​ബ​ർ 26ന് കു​ത്ത​ന​ടി ഭാ​ഗ​ത്താ​ണ് ആ​ന​ക്കു​ട്ടി​യെ ക​ണ്ട​ത്.​ തു​ട​ർ​ന്ന് ഒ​ക്ടോ​ബ​ർ 31 നാ​ണ് ധോ​ണി ആ​ന ക്യാ​ന്പി​ലേ​ക്ക് ആ​ന​ക്കു​ട്ടി​യെ കൊ​ണ്ടു​വ​ന്ന​ത്. ഡേ​വി​ഡ് എ​ബ്ര​ഹാ​മി​ന്‍റെ മേ​ൽ​നോ​ട്ട​ത്തി​ൽ ചി​കി​ത്സ തു​ട​ര​വെ കഴിഞ്ഞ ഓ​ഗ​സ്റ്റ് 11ന് ​ആ​ന​ക്കു​ട്ടി​യു​ടെ പി​ൻ​കാ​ലു​ക​ൾ ത​ള​ർ​ന്നു കി​ട​പ്പി​ലാ​യി. വെ​റ്ററിന​റി സ​ർ​ജ​ൻ ഡോ.​ജോ​ജു​വും ​പു​തു​പ്പെ​രി​യാ​രം വെ​റ്ററി​ന​റി ഹോ​സ്പി​റ്റ​ലി​ലെ ഡോ. സു​ധി​യും പ​രി​ശോ​ധ​ന ന​ട​ത്തി ചി​കി​ത്സ ന​ൽ​കി.


പി​ന്നീ​ട് മ​ണ്ണു​ത്തി വെ​റ്ററി​ന​റി കോ​ളജി​ലെ ഡോ.​ ശ്യാം കെ.​ വേ​ണു​ഗോ​പാ​ൽ ആ​ന​ക്കു​ട്ടി​യെ പ​രി​ശോ​ധി​ച്ച് എ​ഴു​ന്നേ​ൽ​പ്പി​ച്ച് നി​ർ​ത്താ​ൻ ശ്ര​മി​ച്ചെ​ങ്കി​ലും പ​രാ​ജ​യ​പ്പെ​ട്ടു. 13ന് ​ഡോ.​ഡേ​വി​ഡ് എ​ബ്ര​ഹാ​മി​ന്‍റെ നേ​തൃ​ത്വ​ത്തി​ൽ ജി​ല്ലാ വെ​റ്ററി​ന​റി ഹോ​സ്പി​റ്റ​ലി​ൽ നി​ന്നെ​ത്തി​ച്ച കൗ ​ലി​ഫ്റ്റ​റി​ന്‍റെ സ​ഹാ​യ​ത്തോ​ടെ ആ​ന​ക്കു​ട്ടി​യെ എ​ഴു​ന്നേ​ൽ​പ്പി​ച്ച് നി​ർ​ത്തി ഡോ.​ ഡേ​വി​ഡ് എ​ബ്ര​ഹാ​മി​ന്‍റെ നേ​തൃ​ത്വ​ത്തി​ൽ ചി​കി​ത്സ തു​ട​രു​ക​യും ചെ​യ്തു​.

17ന് ​കോ​യ​ന്പ​ത്തൂ​രി​ൽ നി​ന്ന് തെ​ർ​മ​ൽ കാമ​റ എ​ത്തി​ച്ച് പ​രി​ശോ​ധ​ന ന​ട​ത്തി. എങ്കിലും ആ​ന​ക്കു​ട്ടി പൂ​ർ​ണ ആ​രോ​ഗ്യ​സ്ഥി​തി​യി​ലേ​ക്ക് തി​രി​ച്ചെ​ത്തി​യി​ട്ടി​ല്ലെ​ന്ന് ഡിഎ​ഫ്ഒ അ​റി​യി​ച്ചു.