മുട്ടിക്കുളങ്ങര: സിബിഎസ്ഇ സഹോദയയുടെ ആഭിമുഖ്യത്തിൽ സെന്റ് ആൻസ് സീനിയർ സെക്കൻഡറി സ്കൂളിൽ ലൂമിനോസ് 2024 ഇംഗ്ലീഷ് ഫെസ്റ്റ് നടത്തി. സിബിഎസ്ഇ പാലക്കാട് സഹോദയയുടെ കീഴിലുള്ള എല്ലാ സ്കൂളുകളിൽ നിന്നുമായി 1600ൽ അധികം കുട്ടികൾ മത്സരത്തിൽ പങ്കെടുത്തു.
നഗരസഭ ചെയർപേഴ്സണ് പ്രമീള ശശിധരൻ ഉദ്ഘാടനം ചെയ്തു. ജില്ലാ സഹോദയ സ്കൂൾ കോംപ്ലക്സ് പ്രസിഡന്റും, സ്വാതി സെൻട്രൽ സ്കൂൾ പ്രിൻസിപ്പലുമായ ഷാജി കെ. തയ്യിൽ അധ്യക്ഷത വഹിച്ചു. ട്രാൻസ്ഫോർമേഷൻ മെന്റർ കെ.എ. നന്ദജൻ മുഖ്യാതിഥിയായിരുന്നു.
ജില്ല സ്കൂൾ കോംപ്ലക്സ് സെക്രട്ടറി ലതാ പ്രകാശ്, ട്രഷറർ പ്രേംജിത്ത് വിവിധ സ്കൂളുകളിലെ പ്രിൻസിപ്പൽമാർ എന്നിവർ ചടങ്ങിൽ പങ്കെടുത്തു. കാറ്റഗറി ഒന്നിൽ പട്ടാന്പി എംഇഎസ് ഇന്റർനാഷണൽ സ്കൂളും കാറ്റഗറി രണ്ടിൽ മണ്ണാർക്കാട് സെന്റ് ഡൊമിനിക് ഇംഗ്ലീഷ് മീഡിയം സ്കൂളും, കാറ്റഗറി മൂന്നിൽ ഷൊർണൂർ കാർമൽ സ്കൂളും, കാറ്റഗറി നാലിൽ പാലക്കാട് സെന്റ് റാഫേൽസ് കത്തീഡ്രൽ സ്കൂളും ഒന്നാം സ്ഥാനം കരസ്ഥമാക്കി. സമാപന ചടങ്ങിൽ സെന്റ് ആൻസ് സീനിയർ സെക്കൻഡറി സ്കൂൾ പ്രിൻസിപ്പൽ സിസ്റ്റർ ജോസ്മി അധ്യക്ഷത വഹിച്ചു. സ്കൂൾ അക്കാഡമിക് ഹെഡ് നന്ദി പറഞ്ഞു.