വണ്ടിത്താവളം: മാലിന്യ സംസ്കരണ പ്രവർത്തനങ്ങളിൽ ജില്ലയിലെ മികച്ച പഞ്ചായത്തായി പട്ടഞ്ചേരി പഞ്ചായത്തിനെ ജില്ലാകളക്ടർ പ്രഖ്യാപിച്ചു. പഞ്ചായത്തിലെ ഹരിതകർമസേനയുടെ പ്രവർത്തനം ജില്ലയ്ക്കൊട്ടാകെ മാതൃകയാണെന്നു ജില്ലാ കളക്ടർ ഡോ.എസ്. ചിത്ര പറഞ്ഞു. പുരസ്കാര പ്രഖ്യാപനവും ഹരിതകർമസേനയെ ആദരിക്കലും ഉദ്ഘാടനം ചെയ്യുകയായിരുന്നു കളക്ടർ. പഞ്ചായത്ത് പ്രസിഡന്റ് പി.എസ്. ശിവദാസ് അധ്യക്ഷനായി.
സേനാംഗങ്ങളെ ജില്ലാകളക്ടർ ആദരിച്ചു. തദ്ദേശ സ്വയംഭരണ വകുപ്പ് ജോയിന്റ് ഡയറക്ടർ എം.കെ. ഉഷ, വിഇഒ എം. സുമേഷ്, പഞ്ചായത്ത് വൈസ് പ്രസിഡന്റ് അനില മുരളീധരൻ, ജില്ലാ പഞ്ചായത്ത് അംഗം മാധുരി പത്മനാഭൻ, കൊല്ലങ്കോട് ബ്ലോക്ക് പഞ്ചായത്ത് സ്ഥിരംസമിതി അധ്യക്ഷൻ എം. നിസാർ, അംഗം സി. മധു, പഞ്ചായത്ത് സ്ഥിരംസമിതി അധ്യക്ഷർ, പഞ്ചായത്ത് സെക്രട്ടറി എം.എസ്. ബീന, ബിപിഒ ഷാജി ഡാനിയേൽ, ശുചിത്വമിഷൻ, ഹരിതകേരള മിഷൻ പ്രതിനിധികൾ എന്നിവർ പ്രസംഗിച്ചു.