ടൗണ്‍ അമ്പ് ഫെസ്റ്റ്: സ്വാഗതസംഘം ഓഫീസ് തുറന്നു
1481019
Friday, November 22, 2024 4:55 AM IST
ഇരിങ്ങാലക്കുട: ടൗണ്‍ അമ്പ് ഫെസ്റ്റ് 2025ന്‍റെ സ്വാഗതസംഘം ഓഫീസിന്‍റെ ഉദ്ഘാടനം സെന്‍റ് തോമസ് കത്തീഡ്രല്‍ വികാരി റവ.ഡോ. ലാസര്‍ കുറ്റിക്കാടനും ഇരിങ്ങാലക്കുട സര്‍ക്കിള്‍ ഇന്‍സ്‌പെക്ടര്‍ അനിഷ് കരീമും ചേര്‍ന്ന് നിര്‍വഹിച്ചു. ടൗണ്‍ അമ്പ് കമ്മിറ്റി പ്രസിഡന്‍റ് റെജി മാളക്കാരന്‍ അധ്യക്ഷത വഹിച്ചു.
ജനറല്‍ കണ്‍വീനര്‍ ജിക്‌സണ്‍ മങ്കിടിയാന്‍, സെക്രട്ടറി ബെന്നി വിന്‍സെന്‍റ്്, ട്രഷറര്‍ വിന്‍സെന്‍റ്് കോമ്പാറക്കാരന്‍, പ്രോഗ്രാം കമ്മിറ്റി കണ്‍വീനര്‍ ടെല്‍സണ്‍ കോട്ടോളി, വ്യാപാരി വ്യവസായി ഏകോപനസമിതി പ്രസിഡന്‍റ് ഷാജു പാറേക്കാടന്‍, അഡ്വ. ഹോബി ജോളി എന്നിവര്‍ പ്രസംഗിച്ചു.
ജീവകാരുണ്യ പ്രവര്‍ത്തകന്‍ ബാബു കാച്ചപ്പിള്ളി ആദ്യ ധനസഹായം നല്‍കി. ഡയസ് ജോസഫ്, പോളി കോട്ടോളി, ജോജോ പള്ളന്‍, ജോബി അക്കരക്കാരന്‍, ബെന്നി ചക്കാലക്കല്‍, ഡേവിസ് ചക്കാലക്കല്‍, ജോയ് ചെറയാലത്ത്, ഷാജു പന്തലിപ്പാടന്‍, രക്ഷാധികാരികളായ സേവ്യര്‍ കോട്ടോളി, വര്‍ഗീസ് ചെറയാലത്ത് എന്നിവര്‍ നേതൃത്വം നല്‍കി.