ക​യ്പ​മം​ഗ​ലം: ചെ​ന്ത്രാ​പ്പി​ന്നി ക​ണ്ണം​പു​ള്ളി​പ്പു​റ​ത്ത് അ​ട​ച്ചി​ട്ട വീ​ട് കു​ത്തി​ത്തു​റ​ന്ന് മോഷണം. ശ്രീ​നാ​രാ​യ​ണ വാ​യ​ന​ശാ​ല​യ്ക്ക് സ​മീ​പം മേ​നോ​ത്ത് മാ​ധ​വ​ൻ മ​ക​ൻ ര​തീ​ഷി​ന്‍റെ വീ​ട്ടി​ലാ​ണ് മോ​ഷ​ണം. ഇ​വ​ർ കു​ടും​ബസ​മേ​തം വി​ദേ​ശ​ത്താ​ണ്. അ​ട​ച്ചി​ട്ട വീ​ടി​ന്‍റെ പിറ​കുവ​ശ​ത്തെ വാ​തി​ൽ കു​ത്തി​ത്തു​റ​ന്നാ​ണ് അ​ക​ത്ത്ക​ട​ന്നി​ട്ടു​ള്ള​ത്. വീ​ടി​ന​ക​ത്തു​ണ്ടാ​യി​രു​ന്ന ര​ണ്ട് നി​ല​വി​ള​ക്ക്, വ​ലി​യ കു​ട്ട​കം, ചെ​മ്പ് പാ​ത്ര​ങ്ങ​ൾ തു​ട​ങ്ങി​യ​വ​യാ​ണ് ക​വ​ർ​ന്ന​ത്.

കഴിഞ്ഞദിവസം ഉ​ച്ച​യ്ക്ക് ര​ണ്ട് മ​ണി​യോ​ടെ​യാ​ണ് മോ​ഷ​ണം ന​ട​ന്നി​ട്ടു​ള​ള​തെ​ന്ന് പ​റ​യു​ന്നു. ര​ണ്ട് നാ​ടോ​ടി സ്ത്രീ​ക​ളെ പ​രി​സ​ര​ത്ത് ക​ണ്ടി​രു​ന്ന​താ​യി നാ​ട്ടു​കാ​ർ പ​റ​ഞ്ഞു. തൊ​ട്ട​ടു​ത്ത് താ​മ​സി​ക്കു​ന്ന ര​തീ​ഷി​ന്‍റെ സ​ഹോ​ദ​ര​ൻ ര​മേ​ഷ് വീ​ട്ടി​ലെ​ത്തി​യ​പ്പോ​ഴാ​ണ് മോ​ഷ​ണവി​വ​രം അ​റി​യു​ന്ന​ത്. ഒ​ന്ന​രവ​ർ​ഷം മു​മ്പും ഇ​തേവീ​ട്ടി​ൽ മോ​ഷ​ണം ന​ട​ന്നി​ട്ടു​ണ്ട്. ക​യ്പ​മം​ഗ​ലം പോ​ലീ​സി​ൽ പ​രാ​തി ന​ൽ​കി.

ചെ​ന്ത്രാ​പ്പി​ന്നി സി.​വി.​ സെ​ന്‍ററി​ന​ടു​ത്ത് ഒ​രു വീ​ട്ടി​ലും മോ​ഷ​ണശ്ര​മം ന​ട​ന്നി​ട്ടു​ണ്ട്. പോ​ലീ​സ് സ്ഥ​ല​ത്തെ​ത്തി പ​രി​ശോ​ധ​ന ന​ട​ത്തി. മേ​ഖ​ല​യി​ലെ സി​സി​ടി​വി കാ​മ​റ​ക​ൾ കേ​ന്ദ്രീ​ക​രി​ച്ചു അ​ന്വേ​ഷ​ണം ആ​രം​ഭിച്ചി​ട്ടു​ണ്ട്.

ഇ​തേസ​മ​യം തീ​ര​ദേ​ശ പ​ഞ്ചാ​യ​ത്തു​ക​ളി​ലെ ചി​ല ഭാ​ഗ​ങ്ങ​ളി​ൽ രാ​ത്രി കാ​ല​ങ്ങ​ളി​ൽ അ​സാ​ധാ​ര​ണ​മാം വി​ധം കു​ട്ടി​ക​ളു​ടെ ക​ര​ച്ചി​ൽ കേ​ട്ട​താ​യി പ​റ​യു​ന്നു​ണ്ട്. സ​മീ​പ​ത്തെ വീ​ടു​ക​ളി​ൽ കു​ട്ടി​ക​ൾ ഇ​ല്ലാ​ത്ത പ്ര​ദേ​ശ​ത്താ​യ​തു കൊ​ണ്ടാ​ണ് വീ​ട്ടു​കാ​രു​ടെ ശ്ര​ദ്ധ​യി​ൽ​പ്പെ​ട്ട​ത്.

ക​ള​രി​പ്പ​റ​മ്പ് അ​പ്പോ​ളോ ട​യേ​ഴ്സ് ജീ​വ​ന​ക്കാ​ര​ന്‍റെ വീ​ട്ടി​ലാ​ണ് സം​ഭ​വം. വീ​ട്ടു​ട​മ ടോ​ർ​ച്ച് എ​ടു​ത്ത് പ്ര​കാ​ശി​പ്പി​ച്ചു നോ​ക്കി​യെ​ങ്കി​ലും വി​റ​കുപു​ര​യ്ക്കു പിറ​കി​ൽ പു​ല്ലു പ​ട​ർ​ന്ന് കാ​ടാ​യി കി​ട​ക്കു​ന്ന ഭാ​ഗ​ത്തു നി​ന്നും ആ​യി​രു​ന്നു ശ​ബ്ദ​ത്തി​ന്‍റെ ഉ​റ​വി​ടം. തൊ​ട്ട​പ്പു​റം വി​ജ​ന​മാ​യ പ​റ​മ്പാ​ണ്. അ​വി​ടെ​യും ആ​ൾ​പെ​രു​മാ​റ്റം കു​റ​വാ​ണ്. ഇ​ങ്ങ​നെ​യു​ള്ള സാ​ഹ​ച​ര്യ​ങ്ങ​ളാ​ണ് വീ​ട്ടു​കാ​രെ ഭീ​തി​പ്പെ​ടു​ത്ത​ത്. പ​ല​യി​ട​ങ്ങ​ളി​ലും ക​ണ്ടുപ​രി​ച​യ​മി​ല്ലാ​ത്ത നാ​ടോ​ടി സ്ത്രീ​ക​ൾ അ​ല​ഞ്ഞു ന​ട​ക്കു​ന്ന​താ​യി പ​റ​യു​ന്നു. പൊ​തു​ജ​ന​ങ്ങ​ളു​ടെ ഭീ​തി ഒ​ഴി​വാ​ക്കു​ന്ന​തി​ന് രാ​ത്രി​കാ​ല​ങ്ങ​ളി​ൽ പോ​ലീ​സ് പ​ട്രോ​ളി​ംഗ് ക​ർശ​ന​മാ​ക്ക​ണ​മെ​ന്ന ആ​വ​ശ്യം ശ​ക്ത​മാ​ണ്.