ആലപ്പുഴ: ആലപ്പുഴ കളക്ടറേറ്റില് വയനാട് ദുരിതബാധിതമേഖല യിലേക്ക് ശേഖരിച്ച അവശ്യവസ്തുക്കളുമായുള്ള ആദ്യ ട്രക്ക് പുറപ്പെട്ടു. കഴിഞ്ഞ ദിവസങ്ങളില് ജില്ലയുടെ വിവിധ ഭാഗങ്ങളില്നിന്ന് എത്തിച്ച ഫിനൈല്, ബ്ലിച്ചിംഗ് പൗഡര്, തലയണ, പായ, ഭക്ഷ്യവസ്തുക്കള്, ബ്രഷ്, പേസ്റ്റ്, റെയിന്കോട്ട് തുടങ്ങിയ അവശ്യ വസ്തുക്കളാണ് വലിയ ട്രക്കിലേക്ക് മാറ്റി വയനാട്ടേക്ക് അയച്ചത്. ആദ്യ ലോഡിന്റെ ഫ്ലാഗ് ഓഫ് ജില്ലാ കളക്ടര് അലക്സ് വര്ഗീസ് സിവില് സ്റ്റേഷനില് നിര്വഹിച്ചു. ദുരന്ത നിവാരണ വിഭാഗം സൂപ്രണ്ട് പി. രാമമൂര്ത്തി, അസി. മോട്ടോര് വെഹിക്കിള് ഇന്സ്പേക്ടര് എസ്. ബിജോയ്, മറ്റ് ഉദ്യോഗസ്ഥര് എന്നിവര് സന്നിഹിതരായി.