ചേര്ത്തല: പോക്സോ കേസില് 45 ദിവസമായി ഒളിവില് കഴിഞ്ഞിരുന്ന പ്രതിയെ ചേര്ത്തല പോലീസ് പിടികൂടി. നഗരസഭ 15-ാം വാര്ഡ് വള്ളപ്പു രയ്ക്കല് പ്രണവി(32)നെയാണ് ഊട്ടിക്കുസമീപം കോത്തഗിരിയില്നിന്നു പോലീസ് സാഹസികമായി പിടികൂടിയത്. കേസെടുത്ത വിവരം അറിഞ്ഞു മുങ്ങിയ പ്രതിയുടെ അകന്ന ബന്ധുക്കളെ കേന്ദ്രീകരിച്ചു നടത്തിയ അന്വേഷണത്തിലാണ് പോലീസ് പിടികൂടിയത്.
എസ്ഐ എ. അനില്കുമാറിന്റെ നേതൃത്വത്തില് സിവില്പോലീസ് ഓഫീസര്മാരായ സതീഷ്, അജയ്, മുരളീധരന്, എം. ശ്രീജിത്ത്, ധന്രാജ് ഡി. പണിക്കര് എന്നിവരടങ്ങുന്ന സംഘമാണ് പ്രതിയെ പിടികൂടിയത്. കുമളിയിലും തിരുപ്പൂരിലുമടക്കം അന്വേഷണം നടത്തി ഒടുവിലാണ് കോത്തഗിരിയിലെത്തിയത്. ഡിവൈഎസ്പിയുടെയും സ്റ്റേഷന് ഓഫീസറുടെയും നിര്ദേശപ്രകാരമായിരുന്നു അന്വേഷണം. കോടതിയില് ഹാജരാക്കിയ പ്രതിയെ റിമാന്ഡ് ചെയ്തു.