വെ​ള്ള​പ്പൊ​ക്ക പ്ര​തി​രോ​ധം: പ​ദ്ധ​തി​രേ​ഖ പു​നഃപ്ര​സി​ദ്ധീ​ക​രി​ക്കും
Thursday, August 1, 2024 12:01 AM IST
ചെ​ങ്ങ​ന്നൂ​ർ: വെ​ള്ള​പ്പൊ​ക്ക​ത്തെ പ്ര​തി​രോ​ധി​ക്കാ​ൻ ചെ​ങ്ങ​ന്നൂ​രി​നു ത​യാ​റാ​ക്കി​യ ബൃ​ഹ​ത്‌ പ​ദ്ധ​തി​യു​ടെ ക​ര​ട് ഭേ​ദ​ഗ​തി​ക​ൾ വ​രു​ത്തി പു​നഃ​പ്ര​സി​ദ്ധീക​രി​ക്കാ​ൻ ന​ഗ​ര​സ​ഭാ കൗ​ൺ​സി​ൽ തീ​രു​മാ​നി​ച്ചു. പ്ര​തി​പ​ക്ഷ​മാ​യ ബി​ജെ​പി​യു​ടെ​യും സി​പി​എ​മ്മി​ന്‍റെ​യും എ​തി​ർ​പ്പു​ക​ൾ​ക്കി​ടെ​യാ​ണ്കൗ​ൺ​സി​ൽ തീ​രു​മാ​ന​മെ​ടു​ത്ത​ത്.

2021 -ൽ ​കൗ​ൺ​സി​ൽ അം​ഗ ക​രി​ച്ച ബൃ​ഹ​ത് പ​ദ്ധ​തി​യാ​ണ് ഭേ​ദ​ഗ​തി​ക​ൾ​ വ​രു​ത്തി പു​നഃ​പ്ര​സി​ദ്ധീ ക​രി​ക്കു​ന്ന​തെ​ന്നാ​ണ് ന​ഗ​ര​സ​ഭാ നേ​തൃ​ത്വം പ​റ​യു​ന്ന​ത്. എ​ന്നാ​ൽ, വാ​ർ​ഡു​സ​ഭ​ക​ളി​ൽ ച​ർ​ച്ച​ചെ​യ്യു​ക​യോ നി​ർ​ദേ​ശ​ങ്ങ​ൾ പ​രി​ഗ​ണി​ക്കു​ക​യോ ചെ​യ്തി​ട്ടി​ല്ലെ​ന്നും ഭേ​ദ​ഗ​തി​ക​ളൊ​ന്നും വ​രു​ത്തി​യി​ട്ടി​ല്ലെ​ന്നും പ്ര​തി​പ​ക്ഷം പ​റ​യു​ന്നു. പു​നഃ​പ്ര​സി​ദ്ധീ​ക​രി​ച്ചി​ല്ലെ​ങ്കി​ൽ 2021-ലെ ​പ​ദ്ധ​തി നി​ർ​ദേ​ശ​ങ്ങ​ൾ നി​ല​നി​ൽ​ക്കു​മെ​ന്നും പു​നഃ​പ്ര​സി​ദ്ധീ​ക​രി​ക്കു​ന്ന​തോ​ടെ ആ​ക്ഷേ​പ​ങ്ങ​ൾ സ്വീ​ക​രി​ക്കു​മെ​ന്നും ന​ഗ​ര​സ​ഭാ​നേ​തൃ​ത്വവും പ​റ​യു​ന്നു.

ആ​ക്ഷേ​പ​ങ്ങ​ള​റി​യി​ക്കാ​ൻ അ​റു​പ​തു ദി​വ​സ​ത്തെ സ​മ​യ​മു​ണ്ടാ​കും. 2021-ലെ ​മാ​സ്റ്റ​ർ​പ്ലാ​നി​ലെ നി​ർ​ദേ​ശ​ങ്ങ​ൾ​ക്കെ​തി​രേ വ്യാ​പ​ക എ​തി​ർ​പ്പാ​ണു​ണ്ടാ​യ​ത്. ആ​ദ്യം ത​യാ​റാ​ക്കി​യ മാ​സ്റ്റ​ർ​പ്ലാ​ൻ പ്ര​കാ​രം ന​ദീ​തീ​ര​ത്തു​നി​ന്ന് ഇ​രു​പ​ത് മീ​റ്റ​ർ ദൂ​ര​ത്തി​ലു​ള്ള അ​തി​തീ​വ്ര മേ​ഖ​ല​ക​ളി​ലു​ൾ​പ്പെ​ട്ട പ്ര​ദേ​ശ​ങ്ങ​ളി​ൽ 645 ച​തു​ര​ശ്ര​യ​ടി വി​സ്തീ​ർ​ണ​മു​ള്ള കെ​ട്ടി​ട​നി​ർ​മാ​ണം മാ​ത്ര​മാ​ണ​നു​വ​ദി​ച്ച​ത്. മൂ​ന്നു​മീ​റ്റ​ർ ഉ​യ​ര​ത്തി​ൽ പി​ല്ല​റു​ക​ൾ നി​ർ​മി​ച്ച് കെ​ട്ടി​ടം പ​ണി​യ​ണം. ഒ​ന്നാം​നി​ല​യി​ൽ അ​ൻ​പ​ത് ശ​ത​മാ​നം തു​റ​ന്ന ടെ​റ​സാ​ക​ണം തു​ട​ങ്ങി​യ നി​ബ​ന്ധ​ന​ക​ളാ​യി​രു​ന്നു ഉ​ണ്ടാ​യി​രു​ന്ന​ത്.


ഇ​തി​നെ​തി​രേ വ്യാ​പ​ക പ്ര​തി​ഷേ​ധ​മു​യ​ർ​ന്ന​പ്പോ​ൾ മ​ന്ത്രി സ​ജി ചെ​റി​യാന്‍റെ അ​ധ്യ​ഷ​ത​യി​ൽ ന​ട​ത്തി​യ യോ​ഗ തീ​രു​മാ​ന​പ്ര​കാ​രം നി​ർ​മാ​ണ​ത്തി​നു​ള്ള നി​യ​ന്ത്ര​ണ​ങ്ങ​ൾ ഒ​ഴി​വാ​ക്കാ​നും വീ​ണ്ടും സ​ർ​വേ ന​ട​ത്തി ക​ര​ട് മാ​സ്റ്റ​ർ​പ്ലാ​ൻ പു​നഃ​പ്ര​സി​ദ്ധീ​ക​രി​ക്കാ​നും തീ​രു​മാ​നി​ച്ചു. ഇ​ത​നു​സ​രി​ച്ചു​ള്ള പ​ദ്ധ​തി​യാ​ണെ​ന്നാ​ണ് ന​ഗ​ര​സ​ഭാ നേ​തൃ​ത്വം അ​വ​കാ​ശ​പ്പെ​ടു​ന്ന​ത്.

എ​ന്നാ​ൽ യോ​ഗ​ത്തി​ലെ​ടു​ത്ത ഒ​രു തീ​രു​മാ​ന​വും ക​ര​ടി​ൽ ഉ​ൾ​പ്പെ​ടു​ത്തി​യി​ട്ടി​ല്ലെ​ന്നാ​ണ് സി​പി​എം നേ​തൃ​ത്വം പ​റ​യു​ന്ന​ത്. നേ​ര​ത്തേ​യു​ണ്ടാ​യി​രു​ന്ന ഹൈ ​റി​സ്ക‌്, മീ​ഡി​യം റി​സ്ക് എ​ന്ന ത​രം​തി​രി​വി​നു​പ​ക​രം വെ​ള്ള​പ്പൊ​ക്കം ഏ​റ്റ​വും കൂ​ടു​ത​ൽ ബാ​ധി​ക്കു​ന്ന പ്ര​ദേ​ശ​ങ്ങ​ളെ ഫ്ല​ഡ് പ്രോ​ൺ ഒ​ന്ന്, ര​ണ്ട് എ​ന്നി​ങ്ങ​നെ മാ​റ്റി​യി​രി​ക്കു​ക​യാ​ണ്. മൂ​ന്നു മീ​റ്റ​ർ ഉ​യ​ര​ത്തി​ൽ ത​റ കെ​ട്ട​ണ​മെ​ന്ന​തും കെ​ട്ടി​ട​നി​ർ​മാ​ണ​ത്തി​ലെ വി​സ്തൃ​തി​യി​ലു​ള്ള നി​യ​ന്ത്ര​ണ​ങ്ങ​ളും മാ​റ്റി​യെ​ങ്കി​ലും ആ​ശ​ങ്ക​യൊ​ഴി​ഞ്ഞി​ട്ടി​ല്ല.