മാ​ലി​ന്യ സം​സ്‌​ക​ര​ണ​ത്തി​ന് മൊ​ബൈ​ല്‍ ട്രീ​റ്റ്‌​മെ​ന്‍റ് യൂ​ണി​റ്റു​മാ​യി ആലപ്പുഴ ന​ഗ​ര​സ​ഭ
Thursday, August 1, 2024 12:01 AM IST
ആ​ല​പ്പു​ഴ: അ​മൃ​ത് പ​ദ്ധ​തി​യി​ല്‍ സി​വ​റേ​ജ് സെ​ക്ട​റി​ല്‍ ഉ​ള്‍​പ്പെ​ടു​ത്തി രണ്ട് മൊ​ബൈ​ല്‍ സെ​പ്‌​റ്റേ​ജ് യൂ​ണി​റ്റ് വാങ്ങാന്‍ ഭ​ര​ണാ​നു​മ​തി. ടെ​ന്‍​ഡ​ര്‍ ന​ട​പ​ടി​ക​ള്‍ പൂ​ര്‍​ത്തി​യാ​ക്കി​യ​തുപ്ര​കാ​രം ന​ഗ​ര​ത്തി​ലെ വീ​ടു​ക​ളി​ലെ​യും സ്ഥാ​പ​ന​ങ്ങ​ളി​ലെ​യും സെ​പ്‌​റ്റേ​ജ് മാ​ലി​ന്യം ശേ​ഖ​രി​ച്ച് സം​സ്‌​ക​രി​ക്കു​ന്ന പ​ദ്ധ​തി​ക്കാ​ണ് കൗ​ണ്‍​സി​ല്‍ അം​ഗീ​കാ​രം ന​ല്‍​കി​യ​ത്. മൊ​ബൈ​ല്‍ യൂ​ണി​റ്റ് പ്രാ​വ​ര്‍​ത്തി​ക​മാ​കു​ന്ന പ​ക്ഷം ക​ക്കൂ​സ് മാ​ലി​ന്യം സാ​ങ്കേ​തി​ക വി​ദ്യ​യിലൂടെ‍ ന​ഗ​ര​സ​ഭ​യ്ക്ക് സം​സ്‌​ക​രി​ക്കാ​ന്‍ സാ​ധി​ക്കും. മൊ​ബൈ​ല്‍ യൂ​ണി​റ്റി​ല്‍ ശു​ചി​മു​റി മാ​ലി​ന്യം സം​സ്‌​ക​രി​ക്കു​ന്ന​തി​നാ​വ​ശ്യ​മാ​യ ട്രീ​റ്റ്‌​മെ​ന്‍റ് സം​വി​ധാ​നം വാ​ഹ​ന​ത്തി​ല്‍ത്ത​ന്നെ പ്ര​വ​ര്‍​ത്ത​നസ​ജ്ജ​മാ​ക്കി​യി​ട്ടു​ണ്ട്. ഡ​ല്‍​ഹി ആ​സ്ഥാ​ന​മാ​യുള്ള വാ​ഷ് ഇ​ന്‍​സ്റ്റി​റ്റ്യൂ​ട്ട് രൂ​പ​ക​ല്പ​ന ചെ​യ്ത ടെ​ക്‌​നോ​ള​ജിയാ​ണ് മൊ​ബൈ​ല്‍ യൂ​ണി​റ്റി​ല്‍ പ്രാ​വ​ര്‍​ത്തി​ക​മാ​ക്കി​യി​രി​ക്കു​ന്ന​ത്.

ട്രീ​റ്റ് ചെ​യ്യു​മ്പോ​ള്‍ ഉ​ണ്ടാ​കു​ന്ന ഖ​ര​മാ​ലി​ന്യം സം​സ്‌​ക​ര​ണ യൂ​ണി​റ്റി​ല്‍ കൊ​ണ്ടു​വ​ന്നു വ​ള​മാ​ക്കു​ക​യാ​ണ് ചെ​യ്യു​ന്ന​ത്. നി​ല​വി​ല്‍ ശു​ചിമു​റി മാ​ലി​ന്യം യാ​തൊ​രു ട്രീ​റ്റ്‌​മെ​ന്‍റ് സം​വി​ധാ​ന​വും ഇ​ല്ലാ​തെ ജ​ലാ​ശ​യ​ങ്ങ​ളി​ലേ​ക്ക് ഒ​ഴു​ക്കു​ന്ന​ത് ത​ട​യാ​ന്‍ മൊ​ബൈ​ല്‍ യൂ​ണി​റ്റു​ക​ള്‍ പ്രാ​വ​ര്‍​ത്തി​മാ​കു​ന്ന​തോ​ടെ ന​ഗ​ര​സ​ഭ​യ്ക്ക് സാ​ധ്യ​മാ​കും.

ആ​ല​പ്പു​ഴ ന​ഗ​ര​സ​ഭ കേ​ര​ള അ​ര്‍​ബ​ന്‍ ആ​ൻഡ് റൂ​റ​ല്‍ ഡ​വ​ല​പ്‌​മെ​ന്‍റ് ഫി​നാ​ന്‍​സ് കോ​ര്‍​പ​റേ​ഷ​ന്‍ ലി​മി​റ്റ​ഡ് ഫ​ണ്ട് വി​നി​യോ​ഗി​ച്ച് ന​ഗ​ര​ത്തി​ന്‍റെ ഹൃ​ദ​യ​ഭാ​ഗ​ത്തു​ള്ള ടൗ​ണ്‍​ഹാ​ള്‍ അ​ണ്ട​ര്‍ ഗ്രൗ​ണ്ട് അ​ട​ക്കം മൂന്നു നി​ല​ക​ളി​ലാ​യി ആ​ധു​നി​ക രീ​തി​യി​ല്‍ നി​ര്‍​മി​ക്കു​ന്ന​തി​നും കൗ​ണ്‍​സി​ല്‍ അം​ഗീ​കാ​രം നല്കി. നി​ല​വി​ല്‍ ടൗ​ണ്‍ ഹാ​ള്‍ 50 വ​ര്‍​ഷം പ​ഴ​ക്ക​മു​ള്ള കെ​ട്ടി​ട​ത്തി​ലാ​ണ് പ്ര​വ​ര്‍​ത്തി​ക്കു​ന്ന​ത്. 15 കോ​ടി രൂ​പ​യു​ടെ പ​ദ്ധ​തി 5,755 സ്‌​ക്വ​യ​ര്‍ ഫീ​റ്റി​ല്‍ 3 നി​ല​ക​ളി​ലാ​യി ആ​ധു​നി​ക സം​വി​ധാ​ന​ത്തോ​ടു​കൂ​ടി ക​ല്യാ​ണ​മ​ണ്ഡ​പം, മീ​റ്റിം​ഗ് ഹാ​ള്‍, ഡൈ​നിം​ഗ് ഹാ​ള്‍ കി​ച്ച​ണ്‍, പാ​ര്‍​ക്കിം​ഗ്, റ​സ്റ്റ് റൂം ​എ​ന്നീ സം​വി​ധാ​ന​ങ്ങ​ള്‍ ഉ​ള്‍​പ്പെ​ടു​ത്തി​യാ​ണ് ടൗ​ണ്‍​ ഹാ​ള്‍ ന​വീ​ക​രി​ക്കു​ന്ന​തി​ന് രൂ​പ​രേ​ഖ സ​മ​ര്‍​പ്പി​ച്ചി​ട്ടു​ള്ള​ത്.


സ​ര്‍വോ​ദ​യ​പു​രം ബ​യോ​മൈ​നിം​ഗ് ര​ണ്ടാം ഘ​ട്ടം ടെ​ൻഡ​ര്‍ ന​ട​പ​ടി​ക​ള്‍ പൂ​ര്‍​ത്തീ​ക​രി​ച്ചു. ഇ-​ടെ​ൻഡര്‍ ന​ട​പ​ടി​ക​ളി​ല്‍ ഏ​റ്റ​വും കു​റ​വ് തു​ക രേ​ഖ​പ്പെ​ടു​ത്തി​യ എം​സി​കെ കു​ട്ടി എ​ന്‍​ജ​ിനിയ​റിം​ഗ് പ്രോ​ജ​ക്ട്‌​സ് പ്രൈ​വ​റ്റ് ലിമി​റ്റ​ഡ്, കോ​ഴി​ക്കോ​ട് എ​ന്ന സ്ഥാ​പ​ന​ത്തി​ന് സെ​ല​ക‌്ഷ​ന്‍ നോ​ട്ടീ​സ് ന​ല്‍​കാ​ന്‍ കൗ​ണ്‍​സി​ല്‍ തീ​രു​മാ​നി​ച്ചു.

ബൈ​പാ​സി​ലെ തെ​രു​വു വി​ള​ക്കു​ക​ളു​ടെ വൈ​ദ്യു​തി ചാ​ര്‍​ജ്, അ​റ്റ​കു​റ്റപ്പ​ണി​ക​ള്‍, വാ​ര്‍​ഷി​ക ലൈ​സ​ന്‍​സ് ഫീ​സ്, പ​രി​പാ​ല​നം ഇ​വ ഏ​റ്റെ​ടു​ത്ത് അഞ്ചു വ​ര്‍​ഷ​ത്തേ​ക്ക് പ​ര​സ്യ ബോ​ര്‍​ഡു​ക​ള്‍ സ്ഥാ​പി​ക്കു​ന്ന​തി​ന് താ​ത്പ​ര്യ​പ​ത്രം ക്ഷ​ണി​ച്ച​തി​ല്‍ മു​ഴു​വ​ന്‍ മാ​ന​ദ​ണ്ഡ​ങ്ങ​ളും പാ​ലി​ച്ച സൊ​ല​സ് ആ​ന്‍​ഡ് സൊ​ലൂ​ഷ​ന്‍​സ് എ​ന്ന ഏ​ജ​ന്‍​സി​യു​ടെ താത്പര്യപ​ത്രം കൗ​ണ്‍​സി​ല്‍ അം​ഗീ​ക​രി​ച്ചു.

ന​ഗ​ര​സ​ഭാ ചെ​യ​ര്‍​പേ​ഴ്‌​സ​ൺ കെ.​കെ. ജ​യ​മ്മ അ​ധ്യ​ക്ഷ​ത വ​ഹി​ച്ച കൗ​ണ്‍​സി​ലി​ല്‍ വൈ​സ് ചെ​യ​ര്‍​മാ​ന്‍ പി​.എ​സ്.എം. ഹു​സൈ​ന്‍ സ്ഥി​രംസ​മി​തി അ​ധ്യ​ക്ഷ​രാ​യ എം. ​ആ​ര്‍. പ്രേം, ​എ. എ​സ്. ക​വി​ത, എ​ല്‍​ഡി​എ​ഫ് പാ​ര്‍​ല​മെ​ന്‍ററി പാ​ര്‍​ട്ടി സെ​ക്ര​ട്ട​റി സൗ​മ്യ​രാ​ജ്, അ​ഡ്വ. റീ​ഗോ ​രാ​ജു, ഡി.പി. മ​ധു, പി. ​ര​തീ​ഷ്, അ​ര​വി​ന്ദാ​ക്ഷ​ന്‍, ബി. ​അ​ജേ​ഷ്, മ​നു ഉ​പേ​ന്ദ്ര​ന്‍, ആ​ര്‍. ര​മേ​ഷ്, ബീ​ന​ര​മേ​ശ്, ബി​ജി ശ​ങ്ക​ര്‍ തു​ട​ങ്ങി​യ​വ​ര്‍ സം​സാ​രി​ച്ചു.