പു​ളി​ങ്കു​ന്ന് താ​ലൂ​ക്ക് ആശു​പ​ത്രി : ന​വീ​ക​ര​ണം അ​ട്ടി​മ​റി​ക്കാ​ൻ ശ്ര​മം
Thursday, August 1, 2024 12:00 AM IST
മങ്കൊ​മ്പ്: പു​ളി​ങ്കു​ന്ന് താ​ലൂ​ക്ക് ആശു​പ​ത്രി ന​വീ​ക​ര​ണ​വും ഇ​തി​നാ​വ​ശ്യ​മാ​യ റോ​ഡ് നി​ർ​മാ​ണ​വും അ​ധി​കൃ​ത​രു​ടെ അ​നാ​സ്ഥ​മൂ​ലം ഇ​ഴ​യു​ന്നെന്ന ആ​രോ​പ​ണ​വു​മാ​യി കോ​ൺ​ഗ്ര​സ്. ആ​ധു​നി​ക സൗ​ക​ര്യ​ങ്ങ​ളും കൂ​ടു​ത​ൽ കി​ട​ക്ക​ക​ളോ​ടുംകൂ​ടി നി​ർ​മി​ക്കു​മെ​ന്നു കൊ​ട്ടി​ഘോ​ഷി​ച്ചിട്ട് ആ​ശു​പ​ത്രി​യെ ത​രം​താ​ഴ്ത്താ​നു​ള്ള ശ്ര​മ​ങ്ങ​ൾ ന​ട​ക്കു​ന്നെന്ന​ാ​ണ് പ്ര​ധാ​ന ആ​ക്ഷേ​പം.

ഇ​തോ​ടൊ​പ്പം ആ​ശു​പ​ത്രി​യി​ലേ​ക്കു റോ​ഡ് നി​ർ​മി​ക്കു​ന്ന​തി​നാ​യി പൊ​തു​ജ​ന​ങ്ങ​ളി​ൽനി​ന്നു ധ​നം സ​മാ​ഹ​രി​ച്ചു സ്ഥ​ലം വാ​ങ്ങി​യി​ട്ട് പ​ണി​ക​ൾ ആ​രം​ഭി​ക്കാ​ത്ത​തി​ലും പ്ര​തി​ഷേ​ധ​​മു​യ​രു​ന്നു.

2016-17 ബ​ജ​റ്റി​ൽ പ​രാ​മ​ർ​ശി​ക്കു​ക​യും 2019ൽ ​ഭ​ര​ണാ​നു​മ​തി ല​ഭി​ക്കു​ക​യും ചെ​യ്ത പു​ളി​ങ്കു​ന്ന് താ​ലൂ​ക്ക് ആ​ശു​പ​ത്രി​ക്കാ​യി 143 കോ​ടി രൂ​പ അ​നു​വ​ദി​ച്ചി​രു​ന്നു. എ​ന്നാ​ൽ ഇ​ത്ര​യും തു​ക ചെല​വ​ഴി​ക്കു​ന്ന കെ​ട്ടി​ട​ത്തി​ലേ​ക്കു ഫ​യ​ർ ആ​ൻഡ് സേ​ഫ്റ്റി നി​യ​മ​പ്ര​കാ​രം ആ​വ​ശ്യ​മാ​യ റോ​ഡ് സൗ​ക​ര്യ​മി​ല്ലെ​ന്ന കാ​ര​ണ​ത്താ​ൽ പ​ദ്ധ​തി ന​ഷ്ട​മാ​കു​മെ​ന്ന സ്ഥി​തി​യു​ണ്ടാ​യി. ഇ​തേത്തു​ട​ർ​ന്നാ​ണ് ജ​ന​ങ്ങ​ളി​ൽനി​ന്നു പി​രി​വെ​ടു​ത്തു നി​ലം വാ​ങ്ങാ​ൻ തീ​രു​മാ​നി​ക്കു​ക​യും എ​ട്ടു​മീ​റ്റ​ർ വീ​തി​യി​ൽ റോ​ഡ് നി​ർ​മി​ക്കു​ന്ന​തി​നാ​വ​ശ്യ​മാ​യ സ്ഥ​ലം വാ​ങ്ങു​ക​യും ചെ​യ്ത​ത്.

വ​സ്തു വാ​ങ്ങിയിട്ട്
ഒരു വ​ർ​ഷം ക​ഴി​ഞ്ഞു

എം​എ​ൽ​എ ചെ​യ​ർ​മാ​നും ബ്ലോ​ക്ക് പ​ഞ്ചാ​യ​ത്ത് പ്ര​സി​ഡ​ന്‍റ് ക​ൺ​വീ​ന​റും പ​ഞ്ചാ​യ​ത്ത് പ്ര​സി​ഡ​ന്‍റ് ട്ര​ഷ​റ​റാ​യും സ​മി​തി രൂ​പീ​ക​രി​ച്ചാ​ണ് ധ​ന​സ​മാ​ഹ​ര​ണം ന​ട​ത്തി​യ​ത്. കി​ഫ്ബി​യു​ടെ ഫ​ണ്ട് ലാ​പ്‌​സാ​കാ​ൻ സാ​ധ്യ​ത കൂ​ടു​ത​ലാ​ണെ​ന്നു ബോ​ധ്യ​പ്പെ​ട്ട​പ്പോ​ഴാ​ണ് കോ​ൺ​ഗ്ര​സ് ഈ ​തീ​രു​മാ​ന​ത്തെ പി​ന്തു​ണ​ച്ച​തെ​ന്ന് കോ​ൺ​ഗ്ര​സ് നേ​താ​ക്ക​ൾ പ​ത്ര​സ​മ്മേ​ള​ന​ത്തി​ൽ പ​റ​ഞ്ഞു.

എ​ന്നാ​ൽ വ​സ്തു വാ​ങ്ങി ഒ​രു വ​ർ​ഷം ക​ഴി​ഞ്ഞി​ട്ടും യാ​തൊ​രു ന​ട​പ​ടി​യു​മു​ണ്ടാ​യി​ല്ലെ​ന്നു മാ​ത്ര​മ​ല്ല പു​തു​താ​യി നി​ർ​മി​ക്കു​ന്ന ആ​ശു​പ​ത്രി​യി​ൽ കി​ട​ക്ക​ക​ളു​ടെ എ​ണ്ണം കു​റ​യ്ക്ക​ണ​മെ​ന്ന നി​ർ​ദേ​ശം വ​ന്ന​താ​യി നേ​താ​ക്ക​ൾ ആ​രോ​പി​ക്കു​ന്നു. കെ​ട്ടി​ട സൗ​ക​ര്യ​മി​ല്ലാ​ത്ത​തി​നാ​ൽ 34 ബെ​ഡ്ഡുക​ൾ മാ​ത്ര​മാ​ണ് ആ​ശു​പ​ത്രി​യി​ലു​ള്ള​ത്. നി​ല​വി​ൽ 106 കി​ട​ക്ക​ക​ളു​ടെ ശേ​ഷി അ​നു​വ​ദി​ച്ചി​ട്ടു​ള്ള ആ​ശു​പ​ത്രി​യി​ൽ 500 ഓ​ളം ഒ​പി ടി​ക്ക​റ്റു​ക​ളാണ് പ്ര​തി​ദി​നം എ​ഴു​തു​ന്ന​ത്. അ​തി​ന്‍റെ 20 ശ​ത​മാ​നം പേ​രെ​യെ​ങ്കി​ലും അ​ഡ്മി​റ്റ് ചെ​യ്താ​ൽ 100 കി​ട​ക്ക​ക​ൾ വേ​ണ്ടി വ​രും. എ​ന്നാ​ൽ ഓ​പ്പ​റേ​ഷ​ൻ തി​യ​റ്റ​ർ സൗ​ക​ര്യ​വും കി​ട​ക്ക​ക​ളും ഇ​ല്ലാ​ത്ത​തി​നാ​ൽ രോ​ഗി​ക​ളെ​ മ​റ്റ് ആ​ശു​പ​ത്രി​ക​ളി​ലേ​ക്ക് റ​ഫ​ർ ചെ​യ്യു​ക​യാ​ണ് പ​തി​വ്.

15 കി​ലോ​മീ​റ്റ​റി​നു​ള്ളി​ൽ ര​ണ്ട് ജ​ന​റ​ൽ ആ​ശു​പ​ത്രി​യും ഒ​രു മെ​ഡി​ക്ക​ൽ കോ​ള​ജും ഉ​ള്ള​തി​നാ​ൽ ഇ​വി​ടെ 66 ബെ​ഡ്ഡി​ന്‍റെ ആ​വ​ശ്യ​മേ​യു​ള്ളൂ എ​ന്ന വി​ചി​ത്ര റി​പ്പോ​ർ​ട്ടാ​ണ് ഇ​പ്പോ​ൾ വ​ന്നി​രി​ക്കു​ന്ന​തെ​ന്നു നേ​താ​ക്ക​ൾ ആ​രോ​പി​ച്ചു.

വി​ചി​ത്ര​ വാ​ദ​ങ്ങ​ൾ

മു​ൻ ധ​ന​കാ​ര്യ മ​ന്ത്രി ഡോ.​ തോ​മ​സ് ഐ​സ​ക്കി​ന്‍റെ മ​ണ്ഡ​ല​ത്തി​ലെ ചെ​ട്ടി​കാ​ട് സി​എ​ച്ച്‌​സി​ക്ക് സ​മാ​ന​മാ​യ രീ​തി​യി​ൽ അ​നു​വ​ദി​ച്ച കി​ഫ്ബി ഫ​ണ്ടു​പ​യോ​ഗി​ച്ച് കെ​ട്ടി​ടം നി​ർ​മി​ച്ച് പ്ര​വ​ർ​ത്ത​ന​മാ​രം​ഭി​ച്ചു. മെ​ഡി​ക്ക​ൽ കോ​ള​ജി​ന്‍റെ സ​മീ​പ​ത്തുത​ന്നെ ഹ​രി​പ്പാ​ട് താ​ലൂ​ക്ക് ആ​ശു​പ​ത്രി​ക്ക് ഫ​ണ്ട​നു​വ​ദി​ക്കു​ന്ന​തി​നും ത​ട​സ​മി​ല്ല. എ​ന്നാ​ൽ വി​ചി​ത്ര​മാ​യ വാ​ദ​ങ്ങ​ൾ നി​ര​ത്തി കു​ട്ട​നാ​ടി​ന് ന​ല്ലൊ​രു ആ​തു​രാ​ല​യം ല​ഭി​ക്കു​ന്ന​ത് ഇ​ല്ലാ​താ​ക്കാ​നു​ള്ള ശ്ര​മ​ങ്ങ​ൾ ആ​ണ് ന​ട​ന്നുവ​രു​ന്ന​ത്. നാ​ട്ടു​കാ​രി​ൽനി​ന്നു പി​രി​വെ​ടു​ത്ത് വാ​ങ്ങി​യ വ​സ്തു പ​ഞ്ചാ​യ​ത്തി​ന്‍റെ പേ​രി​ൽ ര​ജി​സ്റ്റ​ർ ചെ​യ്യു​ന്ന​തി​നു പ​ക​രം ആ​രോ​ഗ്യ വ​കു​പ്പ് ഡ​യ​ക്ട​റു​ടെ പേ​രി​ൽ എ​ഴു​തി​യ​തി​നാ​ൽ ആ​സ്തി​യി​ൽ ഉ​ൾ​പ്പെ​ടു​ത്താ​ൻ ക​ഴി​യി​ല്ല. ത്രി​ത​ല പ​ഞ്ചാ​യ​ത്ത് ഫ​ണ്ടു​ക​ളോ എം​പി, എം​എ​ൽ​എ എ​ന്നി​വ​രു​ടെ പ്രാ​ദേ​ശി​ക വി​ക​സ​ന ഫ​ണ്ടു​ക​ളും വി​നി​യോ​ഗി​ക്കാ​ൻ സാ​ധി​ച്ചി​ല്ല. അ​തേ കാ​ര​ണ​ത്താ​ൽ ബ്ലോ​ക്ക് പ​ഞ്ചാ​യ​ത്ത് അ​നു​വ​ദി​ച്ച ഫ​ണ്ടും വി​നി​യോ​ഗി​ക്കാ​നാ​വാ​ത്ത സാ​ഹ​ച​ര്യമാ​ണ് ഇ​പ്പോ​ഴു​ള്ള​ത്.


പു​ളി​ങ്കു​ന്ന് താ​ലൂ​ക്കാ​ശു​പ​ത്രി​യോ​ട് ഇ​ട​തു സ​ർ​ക്കാ​ർ കാ​ണി​ക്കു​ന്ന അ​വ​ഗ​ണ​ന​യി​ൽ പ്ര​തി​ഷേ​ധി​ച്ച് വെ​ളി​യ​നാ​ട് ബ്ലോ​ക്ക് പ​ഞ്ചാ​യ​ത്ത് പ​ടി​ക്ക​ൽ സ​മ​രം ന​ട​ത്തു​മെ​ന്ന് ബ്ലോ​ക്ക് പ്ര​സി​ഡ​ന്‍റ് സി.​വി.​രാ​ജീ​വ് പ​ത്ര​സ​മ്മേ​ള​ന​ത്തി​ൽ അ​റി​യി​ച്ചു. പ​ളി​ങ്കു​ന്ന് പ​ഞ്ചാ​യ​ത്് പ്ര​സി​ഡ​ന്‍റ് നീ​നു ജോ​സ​ഫ്, കോ​ൺ​ഗ്ര​സ് നേ​താ​ക്ക​ളാ​യ അ​ല​ക്‌​സ് മാ​ത്യു , ജോ​ഷി കൊ​ല്ലാ​റ, മ​ധു​സു​ദ​ന പ​ണി​ക്ക​ർ, മ​നോ​ജ് മ​ങ്കൊ​മ്പ് എ​ന്നി​വ​ർ പ​ങ്കെ​ടു​ത്തു.

ഉ​ത്ത​ര​വ് ല​ഭി​ച്ചാ​ൽ
പ്രാ​രം​ഭ ന​ട​പ​ടി​ക​ൾ;
ആ​രോ​പ​ണ​ങ്ങ​ൾ
അ​ടി​സ്ഥാ​ന​ര​ഹി​ത​മെ​ന്ന്

മ​ങ്കൊ​മ്പ്: കോ​-ഓർഡി​നേ​ഷ​ൻ ക​മ്മി​റ്റി ഉ​ത്ത​ര​വ് ല​ഭി​ച്ചാ​ലു​ട​ൻ താ​ലൂ​ക്ക് ആ​ശു​പ​ത്രി റോ​ഡ് നിർമാണം പ്രാ​രം​ഭ ന​ട​പ​ടി​യി​ലേ​ക്കു നീ​ങ്ങു​മെ​ന്ന് വെ​ളി​യ​നാ​ട് ബ്ലോ​ക്ക് പ​ഞ്ചാ​യ​ത്ത് ആ​രോ​ഗ്യ സ്റ്റാ​ൻ​ഡിം​ഗ് ക​മ്മി​റ്റി അ​ധ്യ​ക്ഷ പ്രീ​തി സ​ജി അ​റി​യി​ച്ചു.

റോ​ഡ് സമ്പാ​ദ​ക സ​മി​തി ജ​ന​ങ്ങ​ളി​ൽനി​ന്നു സ​മാ​ഹ​രി​ച്ചു പ​ണം ഉ​പ​യോ​ഗി​ച്ചു വാ​ങ്ങി​യ 1.37 ആ​ർ​ നി​ലം 2023 ന​വം​ബ​ർ പത്തിന് ​ആ​രോ​ഗ്യ​വ​കു​പ്പി​ന് കൈ​മാ​റി​യി​രു​ന്നു. ആ​രോ​ഗ്യ വ​കു​പ്പി​ന്‍റെ നി​ർ​ദേ​ശാ​നു​സ​ര​ണ​വും റോ​ഡ് സ​മ്പാ​ദ​ക സ​മി​തി, ആ​ശു​പ​ത്രി നി​ർ​വാ​ഹ​ക സ​മി​തി എ​ന്നി​വ​യു​ടെ തീ​രു​മാ​ന പ്ര​കാ​ര​വു​മാ​ണ് നി​ലം കൈ​മാ​റി​യ​ത്. ഈ ​നി​ലം നെ​ൽ​വ​യ​ൽ ത​ണ്ണീ​ർ​ത്ത​ട സം​ര​ക്ഷ​ണനി​യ​മ പ​രി​ധി​യി​ൽ വ​രു​ന്ന​തി​നാ​ൽ പൊ​തു റോ​ഡ് നി​ർ​മി​ക്കു​ന്ന​തി​ന് അ​നു​മ​തി ന​ൽ​കി സം​സ്ഥാ​ന സ​ർ​ക്കാ​ർ ക​ഴി​ഞ്ഞ ഏ​പ്രി​ൽ 29 ന്് ​സ്‌​പെ​ഷ​ൽ ഉ​ത്ത​ര​വി​റ​ക്കി​യി​രു​ന്നു.

വെ​ളി​യ​നാ​ട് ബ്ലോ​ക്ക് പ​ഞ്ചാ​യ​ത്തി​ന്‍റെ 2024-25 വ​ർ​ഷ​ത്തെ പ​ശ്ചാ​ത്ത​ല വി​ക​സ​ന ഫ​ണ്ടി​ൽനി​ന്നു റോ​ഡി​ന്‍റെ പ്രാഥ​മി​ക​ നി​ർ​മാ​ണ ന​ട​പ​ടി​ക​ൾ​ക്കാ​യി 35 ല​ക്ഷം രൂ​പ ഡ​ിപി​സി അം​ഗീ​കാ​ര​ത്തോ​ടെ മാ​റ്റി​വയ്ക്കു​ക​യും ചെ​യ്തി​രു​ന്നു. ഈ ​പ്ര​വൃ​ത്തി ബ്ലോ​ക്ക് പ​ഞ്ചാ​യ​ത്തി​ന് സാ​ധ്യ​മാ​ക​ണ​മെ​ങ്കി​ൽ പു​ളി​ങ്കു​ന്ന് പ​ഞ്ചാ​യ​ത്തി​ന്‍റെ ആ​സ്തി​യി​ൽ ഈ​റോ​ഡ് ഉ​ൾ​പ്പെ​ടു​ത്ത​ണം. എ​ന്നാ​ൽ ഇ​ക്കാ​ര്യ​ത്തി​ൽ പു​ളി​ങ്കു​ന്ന് ഗ്രാ​മ​പ​ഞ്ചാ​യ​ത്തി​ന്‍റെ ഭാ​ഗ​ത്തു​നി​ന്ന് യാ​തൊ​രു ന​ട​പ​ടി​യും ഉ​ണ്ടാ​യി​ല്ല. ഈ ​സാ​ഹ​ച​ര്യ​ത്തി​ൽ തു​ട​ർ ന​ട​പ​ടി​ക​ൾ​ക്കാ​യി ക​ഴി​ഞ്ഞ പ​ത്തി​ന് ബ്ലോ​ക്ക് പ്ര​സി​ഡ​ന്‍റിന്‍റെ നേ​തൃ​ത്വ​ത്തി​ൽ തി​രു​വ​ന​ന്ത​പു​ര​ത്തെ​ത്തി മ​ന്ത്രി​മാ​രാ​യ സ​ജി ചെ​റി​യാ​ൻ, വീ​ണ ജോ​ർ​ജ്, എം.​ബി. രാ​ജേ​ഷ് എ​ന്നി​വ​രെ വി​വ​ര​ങ്ങ​ൾ ധ​രി​പ്പി​ച്ചി​രു​ന്നു. ഇ​തേ​ത്തു​ട​ർ​ന്ന് റോ​ഡ് നി​ർ​മിക്കു​ന്ന​തി​ന് സ്‌​പെ​ഷൽ ഉ​ത്ത​ര​വ് ന​ൽ​കു​ന്ന​തി​ന് കോ-​ഓ​ർ​ഡി​നേ​ഷ​ൻ ക​മ്മി​റ്റി​യു​ടെ അ​ജ​ണ്ട​യി​ൽ ഉ​ൾ​പ്പെ​ടു​ത്തി അ​ടു​ത്ത സി​സി യോ​ഗ​ത്തി​ൽ ഉ​ത്ത​ര​വ് ല​ഭ്യ​മാ​ക്കു​ന്ന​തി​നു​ള്ള ന​ട​പ​ടി​ക​ൾ സ്വീ​ക​രി​ക്കു​ക​യും ചെ​യ്തി​ട്ടു​ണ്ട്. ഉ​ത്ത​ര​വ് ല​ഭ്യ​മാ​കു​ന്ന മു​റ​യ്ക്ക് ന​ട​പ​ടി​ക​ൾ സാ​ധ്യ​മാ​കും.

എ​ന്നാ​ൽ ഭൂ​മി ആ​രോ​ഗ്യ വ​കു​പ്പി​ന് കൈ​മാ​റി​യ​തി​നാ​ൽ എം​പി, എം​എ​ൽ​എ, ത്രി​ത​ല പ​ഞ്ചാ​യ​ത്ത് ഫ​ണ്ടു​ക​ൾ എന്നിവ ഉ​പ​യോ​ഗി​ച്ച് റോ​ഡ് നി​ർ​മാണം സാ​ധ്യ​മാ​കി​ല്ലെ​ന്ന ത​ര​ത്തി​ലു​ള്ള ആ​രോ​പ​ണ​ങ്ങ​ൾ അ​ടി​സ്ഥാ​ന​ര​ഹി​ത​മാ​ണ്. എം​പി, എം​എ​ൽ​എ എ​ന്നി​വ​ർ​ക്ക് ത​ങ്ങ​ളു​ടെ ഫ​ണ്ടു​ക​ൾ ഈ ​പ​ദ്ധ​തി​യി​ൽ ചെ​ല​വ​ഴി​ക്കു​ന്നതി​നും പി​ഡ​ബ്ല്യു​ഡി ഏ​റ്റെ​ടു​ത്ത് ചെ​യ്യു​ന്ന​തി​നും ​ത​ട​സ​ങ്ങ​ളൊ​ന്നു​മി​ല്ലെ​ന്ന് മ​ങ്കൊ​മ്പ് പി​ഡ​ബ്ല്യു​ഡി അ​സി​സ്റ്റ​ന്‍റ് എ​ക്‌​സി​ക്യു​ട്ടീ​വ് എ​ൻ​ജി​നിയ​ർ അ​റി​യി​ച്ചി​ട്ടു​ണ്ട്. ഇ​ൻ​കെ​ൽ ക​മ്പ​നി കി​ഫ്ബി​ക്കു പ​ദ്ധ​തി​യു​ടെ ഡി​പി​ആ​ർ സ​മ​ർ​പ്പി​ച്ച സാ​ഹ​ച​ര്യ​ത്തി​ൽ സാ​ങ്കേ​തി​കാ​നു​മ​തി ല​ഭി​ച്ചാ​ൽ ന​ട​പ​ടി​ക​ളു​മാ​യി മു​ന്നോ​ട്ടു​പോ​കാ​നാ​കു​മെ​ന്നും ചെ​യ​ർ​പേ​ഴ്‌​സ​ൺ അ​റി​യി​ച്ചു.