ആലപ്പുഴ: ആവേശം വാരിവിതറുന്ന മത്സരവള്ളംകളിക്കായി ജലരാജാക്കന്മാരുടെ പട്ടിക റഡി. 10ന് പുന്നമടക്കായലില് നടക്കുന്ന 70-ാമത് നെഹ്റു ട്രോഫി ജലോത്സവത്തിന്റെ ട്രാക്കും ഹീറ്റ്സും നറുക്കെടുപ്പിലൂടെ നിശ്ചയിച്ചു. വൈഎംസിഎ ഹാളില് നടന്ന നറുക്കെടുപ്പ് സബ് കളക്ടര് സമീര് കിഷന് ഉദ്ഘാടനം ചെയ്തു.
19 ചുണ്ടന് വള്ളങ്ങളടക്കം 74 വള്ളങ്ങളാണ് ഇത്തവണ മത്സരത്തിനുള്ളത്. ഹീറ്റിസില് മികച്ച സമയം കുറിക്കുന്ന നാലുവള്ളങ്ങളാണ് ഫൈനലില് മാറ്റുരയ്ക്കുക. എന്ടിബിആര് എക്സിക്യുട്ടീവ് കമ്മിറ്റി അംഗങ്ങളായ കെ.കെ. ഷാജു, ആര്.കെ. കുറുപ്പ്, എസ്.എം. ഇക്ബാല്, എ.വി. മുരളി, എം.വി. ഹല്ത്താഫ്, കെ.എം. അഷറഫ്, ഇന്ഫ്രാസ്ട്രക്ചര് കമ്മിറ്റി ചെയര്മാന് ഇറിഗേഷന് എക്സിക്യൂട്ടീവ് എൻജിനിയര് എം.സി. സജീവ് കുമാര് തുടങ്ങിയവര് പങ്കെടുത്തു.