അടൂർ: കടമ്പനാട് മരം മുറിക്കുന്നതിനിടെ വീണ് ഗുരുതര പരിക്കേറ്റ് ചികിത്സയിൽ കഴിഞ്ഞിരുന്നയാൾ മരിച്ചു. കടമ്പനാട് വടക്ക് ചരുവിള പുത്തൻവീട്ടിൽ ജനാർദനനാണ് (45) മരിച്ചത്.
തിങ്കളാഴ്ച വൈകുന്നേരം 4.30ന് കടമ്പനാട് വടക്ക് ലക്ഷ്മി വിലാസം സ്കൂളിന് സമീപം തെങ്ങ് മുറിക്കുന്നതിനിടെയായിരുന്നു സംഭവം.
പരിക്കേറ്റ ജനാർദനനെ കോട്ടയം മെഡിക്കൽ കോളജ് ആശുപത്രിയിൽ പ്രവേശിപ്പിച്ചെങ്കിലും തിങ്കളാഴ്ച രാത്രി മരിച്ചു. ഭാര്യ: മഞ്ജു. മക്കൾ: യദുകൃഷ്ണൻ, അനന്യ കൃഷ്ണൻ.