പൊ​തു​വി​ദ്യാ​ല​യ​ങ്ങ​ളി​ൽ പി​രി​വു​ക​ളു​ടെ കാ​ലം
Friday, September 27, 2024 3:04 AM IST
പ​ത്ത​നം​തി​ട്ട: വി​ദ്യാ​ർ​ഥി​ക​ളി​ൽ നി​ന്ന് യാ​തൊ​രു​വി​ധ പി​രി​വു​ക​ളും പാ​ടി​ല്ലെ​ന്ന ബാ​ല​വാ​കാ​ശ ക​മ്മീ​ഷ​ൻ ഉ​ത്ത​ര​വ് നി​ല​നി​ൽ​ക്കെ ജി​ല്ല​യി​ലെ സ​ർ​ക്കാ​ർ, എ​യ്ഡ​ഡ് സ്കൂ​ളു​ക​ളി​ൽ ഇ​ത് പി​ര‌ി​വു​ക​ളു​ടെ കാ​ലം. വ​യ​നാ​ട് ദു​ര​ന്ത​ത്തി​ന്‍റെ പേ​രി​ൽ സ്കൂ​ളു​ക​ളി​ലും പി​രി​വു​ക​ൾ തു​ട​ങ്ങി. സാ​ല​റി ച​ല​ഞ്ചി​ൽ അ​ധ്യാ​പ​ക​രെ പ​ങ്കെ​ടു​പ്പി​ച്ച​തി​നു​ശേ​ഷ​മാ​ണ് അ​ധ്യാ​പ​ക​രി​ൽ നി​ന്നും കു​ട്ടി​ക​ളി​ൽ നി​ന്നു​മാ​യി കൂ​പ്പ​ൺ പി​രി​വു​ക​ൾ.

ജി​ല്ല​യി​ൽ സ്കൗ​ട്ട് ആ​ൻ​ഡ് ഗൈ​ഡ്സി​ന്‍റെ പേ​രി​ലാ​ണ് കൂ​പ്പ​ൺ പി​രി​വ്. വ​യ​നാ​ട് ദു​ര​ന്ത​ത്തി​ൽ​പെ​ട്ട​വ​ർ​ക്കു​ള്ള വീ​ട് നി​ർ​മാ​ണ​ത്തി​ന് സ്കൗ​ട്ട് ചാ​ർ​ജു​ള്ള അ​ധ്യാ​പ​ക​ർ 1000 രൂ​പ​യും കു​ട്ടി​യൊ​ന്ന് 100 രൂ​പ​യും ക​ഴി​ഞ്ഞ മാ​സം ശേ​ഖ​രി​ച്ചു ന​ൽ​കി​യി​രു​ന്നു.

ഇ​തി​നു പു​റ​മേ​യാ​ണ് ഇ​പ്പോ​ൾ കൂ​പ്പ​ൺ പി​രി​വ്. പ​ത്ത​നം​തി​ട്ട ജി​ല്ലാ സ്കൗ​ട്ട് ആ​ൻ​ഡ് ഗൈ​ഡ്സ് അ​സോ​സി​യേ​ഷ​ന്‍റെ പേ​രി​ലു​ള്ള സം​ഭാ​വ​ന കൂ​പ്പ​ണി​ന് വി​ല 100 രൂ​പ​യാ​ണ്. സ​മ്മാ​ന​ങ്ങ​ൾ ന​ൽ​കി​യു​ള്ള പി​രി​വാ​ണ് ഇ​ത്. ന​റു​ക്കെ​ടു​പ്പി​ലൂ​ടെ ഒ​ന്നും ര​ണ്ടും മൂ​ന്നും സ​മ്മാ​ന​ങ്ങ​ൾ ന​ൽ​കു​ന്നു​ണ്ട്.

ജി​ല്ലാ ക​ലോ​ത്സ​വ ന​ട​ത്തി​പ്പി​നാ​യി ഒ​ൻ​പ​തു മു​ത​ൽ പ​ന്ത്ര​ണ്ടാം ക്ലാ​സു വ​രെ വി​ദ്യാ​ർ​ഥി​ക​ളി​ൽ നി​ന്നാ​യി 100 രൂ​പ​യും അ​ധ്യാ​പ​ക​രി​ൽ നി​ന്ന് 400 രൂ​പ​യും അ​ടു​ത്ത മാ​സം പി​രി​ക്കാ​ൻ ജി​ല്ലാ ത​ല​ത്തി​ൽ സം​ഘ​ട​നാ പ്ര​തി​നി​ധി​ക​ളു​ടെ യോ​ഗ​ത്തി​ൽ തീ​രു​മാ​ന​മാ​യി​ട്ടു​ണ്ട്. അ​തി​നി​ടെ​യാ​ണ് വ​യ​നാ​ട് ദു​ര​ന്ത​ത്തി​ന്‍റെ പേ​രി​ൽ സം​ഭാ​വ​ന​ക​ൾ ശേ​ഖ​രി​ക്കു​ന്ന​ത്. സ്കൗ​ട്ട് ആ​ൻ​ഡ് ഗൈ​ഡ്സി​ന്‍റെ കൂ​പ്പ​ൺ പി​രി​വി​ന് വി​ദ്യാ​ഭ്യാ​സ വ​കു​പ്പ് അ​നു​മ​തി​യു​ണ്ടോ​യെ​ന്ന് ഓ​ഫീ​സ​ർ​മാ​ർ മ​റു​പ​ടി പ​റ​യു​ന്നി​ല്ല.


സ്കൂ​ളു​ക​ളി​ലെ സ്കൗ​ട്ട് പി​രി​വ് ശ്ര​ദ്ധ​യി​ൽ​പെ​ട്ടി​ട്ടി​ല്ലെ​ന്നാ​ണ് ഡി​ഡി​ഇ​യും പ്ര​തി​ക​രി​ച്ച​ത്. എ​ന്നാ​ൽ വി​ദ്യാ​ഭ്യാ​സ ജി​ല്ലാ ഓ​ഫീ​സു​ക​ൾ മു​ഖേ​ന​യാ​ണ് കൂ​പ്പ​ണു​ക​ൾ സ്കൂ​ളു​ക​ളി​ൽ എ​ത്തി​ച്ചി​രി​ക്കു​ന്ന​തെ​ന്ന് പ​റ​യു​ന്നു. അ​ന​ധി​കൃ​ത പി​രി​വി​നെ​തി​രേ പ്ര​മു​ഖ അ​ധ്യാ​പ​ക സം​ഘ​ട​ന​യാ​യ കെ​പി​എ​സ്ടി​എ രം​ഗ​ത്തു​വ​ന്നി​ട്ടു​ണ്ട്.

ഏ​തു സ​മി​തി​യി​ലാ​ണ് ഈ ​പി​രി​വി​ന് തീ​രു​മാ​ന​മാ​യ​തെ​ന്ന് വി​ദ്യാ​ഭ്യാ​സ ഉ​പ​ഡ​യ​റ​ക്ട​ർ അ​റി​യി​ക്ക​ണ​മെ​ന്നും തു​ട​ർ ന​ട​പ​ടി​ക​ൾ​ക്കാ​യി ബാ​ല​വാ​കാ​ശ ക​മ്മീ​ഷ​നെ സ​മീ​പി​ക്കു​മെ​ന്നും കെ​പി​എ​സ്ടി​എ ജി​ല്ലാ പ്ര​സി​ഡ​ന്‍റ് ഫി​ലി​പ്പ് ജോ​ർ​ജ് സെ​ക്ര​ട്ട​റി എ​സ്.​ പ്രേ​മും പ​റ​ഞ്ഞു.