കോ​ള​ജ് വി​ദ്യാ​ർ​ഥി​നി​ക്കു നേ​രേ ലൈം​ഗി​കാ​തി​ക്ര​മം; ആ​റു​പേ​ർ അ​റ​സ്റ്റി​ൽ, എ​ട്ട് കേ​സു​ക​ൾ
Thursday, September 26, 2024 2:44 AM IST
പു​ല്ലാ​ട്: ഇ​ൻ​സ്റ്റാ​ഗ്രാം വ​ഴി പ​രി​ച​യ​പ്പെ​ട്ട, മാ​ന​സി​ക വെ​ല്ലു​വി​ളി നേ​രി​ടു​ന്ന കോ​ള​ജ് വി​ദ്യാ​ർ​ഥി​നി​യെ ലൈം​ഗി​ക​മാ​യി പീ​ഡി​പ്പി​ച്ച​തി​ന് എ​ട്ട് കേ​സു​ക​ൾ ര​ജി​സ്റ്റ​ർ ചെ​യ്തു. ആ​റു പേ​രെ കോ​യി​പ്രം പോ​ലീ​സ് പി​ടി​കൂ​ടി. ഒ​ന്പ​തു പേ​ർ​ക്കെ​തി​രേ​യാ​ണ് കേ​സെ​ടു​ത്ത​തെ​ന്ന് പോ​ലീ​സ് പ​റ​ഞ്ഞു. ര​ണ്ടാം​വ​ർ​ഷ ഡി​ഗ്രി കോ​ഴ്സി​ന് പ​ഠി​ക്കു​ന്ന​തും 75 ശ​ത​മാ​നം മാ​ന​സി​ക​വെ​ല്ലു​വി​ളി നേ​രി​ടു​ന്ന​തു​മാ​യ ഇ​രു​പ​തു​കാ​രി​ക്കാ​ണ് പ്ര​തി​ക​ളി​ൽ​നി​ന്നു നി​ര​ന്ത​രം ലൈം​ഗി​പീ​ഡ​നം നേ​രി​ടേ​ണ്ടി​വ​ന്ന​ത്.

2023 ജൂ​ലൈ അ​വ​സാ​നം മു​ത​ൽ ലൈം​ഗി​ക​പീ​ഡ​നം ന​ട​ന്ന​താ​യി പ​റ​യ​പ്പെ​ടു​ന്നു. ഇ​ൻ​സ്റ്റാ​ഗ്രാം വ​ഴി പ​രി​ച​യ​പ്പെ​ട്ട സു​ഹൃ​ത്തു​ക്ക​ളാ​ണ് പ്ര​തി​ക​ൾ. ഒ​പ്പം പ​ഠി​ക്കു​ന്ന പെ​ൺ​കു​ട്ടി​ക​ളു​ടെ ഫോ​ണു​ക​ളി​ലേ​ക്ക് യു​വാ​ക്ക​ളു​ടെ വി​ളി എ​ത്തി​യ​തോ​ടെ​യാ​ണ് സം​ഭ​വം പു​റ​ത്ത​റി​യു​ന്ന​ത്.

ചെ​റു​കോ​ൽ നെ​ല്ലി​കു​ന്നി​ൽ പ്ര​ശാ​ന്ത് (30), എ​ഴു​മ​റ്റൂ​ർ കൊ​ച്ചു​പ്ലാ​വു​ങ്ക​ൽ ലി​ബി​ൻ (27), തി​രു​വ​ല്ല ഐ​ക്കാ​ട് കാ​ഞ്ഞി​രം കാ​ലാ​യി​ൽ വീ​ട്ടി​ൽ മു​ഹ​മ്മ​ദ് യാ​സീ​ൻ (23), എ​ഴു​മ​റ്റൂ​ർ തോ​മ്പി​ൽ ക​ഞ്ഞി​ത്തോ​ട് ബി. ​ടി. ഹ​രി​കൃ​ഷ്ണ​ൻ (25), ചെ​ങ്ങ​ന്നൂ​ർ പു​ത്ത​ൻ​കാ​വ് തെ​ക്കേ​ട​ത്ത് പീ​ടി​ക പ​റ​മ്പി​ൽ വീ​ട്ടി​ൽ സി​ജു പി. ​മാ​ത്യു (29), തി​രു​വ​ല്ല ചു​മ​ത്ര തെ​ക്കേ​ക്കുറ്റ് തോ​പ്പി​ൽ മ​ല​യി​ൽ സ​ഹി​ൽ (21) എ​ന്നി​വ​രാ​ണ് അ​റ​സ്റ്റി​ലാ​യ​വ​ർ.

പി​ക്ക് അ​പ്പ്‌ ഡ്രൈ​വ​ർ, ബ​സി​ലും ടി​പ്പ​റി​ലും ക്ലീ​ന​ർ, ഇ​ല​ക്‌ട്രീഷ​ൻ, റസ്റ്ററ​ന്‍റ് ജീ​വ​ന​ക്കാ​ര​ൻ എ​ന്നി​ങ്ങ​നെ വി​വി​ധ മേ​ഖ​ല​ക​ളി​ൽ ജോ​ലി ചെ​യ്യു​ന്ന​വ​രാ​ണ് യു​വാ​ക്ക​ൾ. ഒ​രു​കേ​സി​ലെ ര​ണ്ടു പ്ര​തി​ക​ളാ​യ പ്ര​വീ​ൺ, സ​ന്ദീ​പ്, മ​റ്റൊ​രു കേ​സി​ലെ പ്ര​തി ആ​ദി എ​ന്നി​വ​രാ​ണ് പി​ടി​യി​ലാ​കാ​നു​ള്ള​ത്.


കു​ട്ടി​യു​ടെ ഫോ​ൺ ന​മ്പ​ർ ല​ഭ്യ​മാ​ക്കി​യ​ശേ​ഷം വി​ളി​ച്ച് പ​രി​ച​യ​പ്പെ​ടു​ക​യും, തു​ട​ർ​ന്ന് പ​ല​ത​വ​ണ​യാ​യി പീ​ഡി​പ്പി​ക്കു​ക​യും ചെ​യ്തു. പി​ന്നീ​ട് കു​ട്ടി​യു​ടെ സു​ഹൃ​ത്തു​ക്ക​ളാ​യ പെ​ൺ​കു​ട്ടി​ക​ളു​ടെ​യും ഫോ​ൺ ന​മ്പ​റു​ക​ൾ വാ​ങ്ങി അ​വ​യി​ലേ​ക്ക് യു​വാ​ക്ക​ൾ നി​ര​ന്ത​രം ബ​ന്ധ​പ്പെ​ട്ടു. സം​ഭ​വം അ​റി​ഞ്ഞ കോ​ള​ജ് അ​ധി​കൃ​ത​ർ പോ​ലീ​സി​നെ വി​വ​രം അ​റി​യി​ച്ചു.

പ​ത്ത​നം​തി​ട്ട ഡി​വൈ​എ​സ്പി എ​സ്. ന​ന്ദ​കു​മാ​റി​ന്‍റെ നി​ർ​ദേ​ശ​പ്ര​കാ​രം പ​ത്ത​നം​തി​ട്ട വ​നി​താ പോ​ലീ​സ് സ്റ്റേ​ഷ​നി​ൽ പെ​ൺ​കു​ട്ടി​യു​ടെ മൊ​ഴി രേ​ഖ​പ്പെ​ടു​ത്തി . അ​ടൂ​രി​ൽ നി​ന്നു​ള്ള ഭാ​ഷാ​വി​ദ​ഗ്ദ്ധ​ന്‍റെ സ​ഹാ​യ​ത്തോ​ടെ​യാ​ണ് മൊ​ഴി രേ​ഖ​പ്പെ​ടു​ത്തി​യ​ത്.

സം​ഭ​വം ന​ട​ന്ന​ത് കോ​യി​പ്രം അ​യി​രൂ​ർ ആ​യ​തി​നാ​ൽ, പി​ന്നീ​ട് കേ​സു​ക​ൾ കോ​യി​പ്രം പോ​ലീ​സി​ന് കൈ​മാ​റി. ഞാ​യ​റാ​ഴ്ച​യാ​ണ് കേ​സു​ക​ളെ​ടു​ത്ത​ത്. ജി​ല്ലാ പോ​ലീ​സ് മേ​ധാ​വി വി. ​ജി. വി​നോ​ദ് കു​മാ​റി​ന്‍റെ നി​ർ​ദേ​ശ​പ്ര​കാ​രം ര​ണ്ടു ദി​വ​സ​ങ്ങ​ളി​ലാ​യി ന​ട​ത്തി​യ ഊ​ർ​ജി​ത​മാ​യ അ​ന്വേ​ഷ​ണ​ത്തി​ലാ​ണ് ആ​റു പേ​ർ കു​ടു​ങ്ങി​യ​ത്.

തി​രു​വ​ല്ല ഡി​വൈ​എ​സ്പി എ​സ്. അ​ഷാ​ദി​ന്‍റെ മേ​ൽ​നോ​ട്ട​ത്തി​ൽ, കോ​യി​പ്രം പോ​ലീ​സ് ഇ​ൻ​സ്‌​പെ​ക്ട​ർ ജി. ​സു​രേ​ഷ് കു​മാ​റി​ന്‍റെ നേ​തൃ​ത്വ​ത്തി​ലാ​ണ് തു​ട​ര​ന്വേ​ഷ​ണം. ബാ​ക്കി പ്ര​തി​ക​ൾ​ക്കാ​യു​ള്ള അ​ന്വേ​ഷ​ണം പോ​ലീ​സ് വ്യാ​പി​പ്പി​ച്ചു. അ​റ​സ്റ്റി​ലാ​യ​വ​രെ കോ​ട​തി​യി​ൽ ഹാ​ജ​രാ​ക്കി റി​മാ​ൻ​ഡ് ചെ​യ്തു.