ഡോ. ​സു​നി​ലി​ന്‍റെ 324-ാം വീ​ട് സ​മ്മാ​നി​ച്ചു
Wednesday, September 25, 2024 3:06 AM IST
പ​ത്ത​നം​തി​ട്ട: സാ​മൂ​ഹി​ക പ്ര​വ​ർ​ത്ത​ക ഡോ.​എം. എ​സ്. സു​നി​ൽ ഭ​വ​ന​ര​ഹി​ത​രാ​യി സു​ര​ക്ഷി​ത​മ​ല്ലാ​ത്ത സാ​ഹ​ച​ര്യ​ങ്ങ​ളി​ൽ ക​ഴി​യു​ന്ന നി​രാ​ലം​ബ​ർ​ക്ക് പ​ണി​തു ന​ൽ​കു​ന്ന 324-ാം സ്നേ​ഹ​ഭ​വ​നം ന​ട​നും സം​വി​ധാ​യ​ക​നു​മാ​യ ജൂ​ഡ് ആന്‍റ​ണി ജോ​സ​ഫി​ന്‍റെ സ​ഹാ​യ​ത്താ​ൽ അ​ല​ക്സി​നും കു​ടും​ബ​ത്തി​നും സ​മ്മാ​നി​ച്ചു. വീ​ടി​ന്‍റെ താ​ക്കോ​ൽ​ദാ​ന​വും ഉ​ദ്ഘാ​ട​ന​വും ജൂ​ഡ് ആ​ന്‍റണി ജോ​സ​ഫ് നി​ർ​വ​ഹി​ച്ചു.

ജൂ​ഡി​ന്‍റെ സ​ഹാ​യ​ത്താ​ൽ പ​ണി​യു​ന്ന ര​ണ്ടാ​മ​ത്തെ വീ​ടാ​ണ് ഇ​ന്ന് ന​ൽ​കി​യ​ത്. വ​ർ​ഷ​ങ്ങ​ളാ​യി സ്വ​ന്ത​മാ​യി വീ​ടോ സ്ഥ​ല​മോ ഇ​ല്ലാ​തെ സു​ര​ക്ഷി​ത​മ​ല്ലാ​ത്ത സാ​ഹ​ച​ര്യ​ത്തി​ൽ ക​ഴി​യു​ക​യാ​യി​രു​ന്നു അ​ല​ക്സും കു​ടും​ബ​വും.

ഏ​ഴാം വ​യ​സി​ൽ 66 കെ​വി വൈ​ദ്യു​ത ലൈ​നി​ൽനി​ന്നു ഷോ​ക്കേ​റ്റ് ഗു​രു​ത​ര​ാവ​സ്ഥ​യി​ൽ ക​ഴി​ഞ്ഞി​രു​ന്ന അ​ല​ക്സ് മ​ര​ണ​ത്തി​ൽനി​ന്ന് അ​ത്ഭു​ത​ക​ര​മാ​യി ര​ക്ഷ​പ്പെ​ട്ടെ​ങ്കി​ലും ഒ​രു കൈ​യും കാ​ൽ​പാ​ദ​ങ്ങ​ളി​ലെ വി​ര​ലു​ക​ളും തു​ട​ക​ളി​ലെ മാം​സ​വും ന​ഷ്ട​പ്പെ​ട്ട സ്ഥി​തി​യി​ലാ​യി​രു​ന്നു.


ഈ ​അ​വ​സ്ഥ​യി​ലും സ്വ​ന്ത​മാ​യി അ​ധ്വാ​നി​ച്ച് കു​ടും​ബ​ത്തെ പോ​റ്റി​യി​രു​ന്ന അ​ല​ക്സ് ശ​ബ​രി​മ​ല​യി​ൽ അ​യ്യ​പ്പ​ഭ​ക്ത​രെ ഡോ​ളി​യി​ൽ ചു​മ​ലി​ലേ​റ്റി സ​ന്നി​ധാ​ന​ത്തി​ൽ എ​ത്തി​ക്കു​ന്ന ജോ​ലി​യി​ൽ ഏ​ർ​പ്പെ​ട്ടി​രി​ക്കു​ക​യാ​യി​രു​ന്നു.

അ​ല​ക്സി​ന്‍റെ ജീ​വി​തക​ഥ മ​ന​സി​ലാ​ക്കി​യ സു​നി​ൽ ടീ​ച്ച​ർ അ​ല​ക്സി​നും കു​ടും​ബ​ത്തി​നും ആ​യി അ​ടി​മാ​ലി മ​ച്ചി​പ്ലാ​വ് സ്വ​ദേ​ശി​യാ​യ പി .​ഐ. ഡേ​വി​ഡ് ന​ൽ​കി​യ നാ​ല് സെന്‍റ് ഭൂ​മി​യി​ൽ ര​ണ്ട് മു​റി​ക​ളും അ​ടു​ക്ക​ള​യും ഹാ​ളും ശു​ചി​മു​റി​യും സി​റ്റൗ​ട്ടും അ​ട​ങ്ങി​യ 650 ച​തു​ര​ശ്ര അ​ടി വ​ലി​പ്പ​മു​ള്ള വീ​ട് നി​ർ​മി​ച്ചു ന​ൽ​കു​ക​യാ​യി​രു​ന്നു.

ച​ട​ങ്ങി​ൽ വാ​ർ​ഡ് മെം​ബ​ർ റൂ​ബി സി​ജു, പ്രോ​ജ​ക്ട് കോ-ഓർ​ഡി​നേ​റ്റ​ർ കെ. ​പി. ജ​യ​ലാ​ൽ, പി.​ഐ. വ​ർ​ഗീ​സ്, ഡേ​വി​ഡ്, സാ​ബു എ​ന്നി​വ​ർ പ്ര​സം​ഗി​ച്ചു.