ആരുടെയും വി​ശ്വാ​സ​ത്തെ​ അ​വ​ഹേ​ളി​ച്ചി​ട്ടി​ല്ലെ​ന്ന് ഉ​ദ​യ​ഭാ​നു
Friday, September 27, 2024 3:16 AM IST
പ​ത്ത​നം​തി​ട്ട: ഹൈ​ന്ദ​വ വി​ശ്വാ​സ​ത്തെ സി​പി​എം അ​വ​ഹേ​ളി​ച്ചെ​ന്ന ത​ര​ത്തി​ല്‍ ന​ട​ത്തു​ന്ന പ്ര​ചാ​ര​ണം അ​വാ​സ്ത​വ​മാ​ണെ​ന്ന് സി​പി​എം ജി​ല്ലാ സെ​ക്ര​ട്ട​റി കെ. ​പി. ഉ​ദ​യ​ഭാ​നു. ആ​രു​ടെ​യും ഒ​രു വി​ശ്വാ​സ​ത്തെ​യും അ​വ​ഹേ​ളി​ച്ചി​ട്ടി​ല്ല.

ജ​ന​ങ്ങ​ളു​ടെ ജീ​വ​നും കാ​ർ​ഷി​ക മേ​ഖ​ല​യ്ക്കും ഭീ​ഷ​ണി​യാ​യ കാ​ട്ടു​പ​ന്നി അ​ട​ക്ക​മു​ള്ള വ​ന്യ​മൃ​ഗ​ങ്ങ​ള്‍ നാ​ട്ടി​ല്‍ വ​ന്നാ​ല്‍ ന​ശി​പ്പി​ക്കാ​ന്‍ ന​ട​പ​ടി വേ​ണ​മെ​ന്നാ​ണ് കോ​ന്നി​യി​ൽ ക​ർ​ഷ​ക​സം​ഘം സം​ഘ​ടി​പ്പി​ച്ച ഡി​എ​ഫ്ഒ ഓ​ഫീ​സ് മാ​ർ​ച്ച് ഉ​ദ്ഘാ​ട​നം ചെ​യ്തു​ താ​ൻ പ​റ​ഞ്ഞ​തെ​ന്ന് ഉ​ദ​യ​ഭാ​നു പ​റ​ഞ്ഞു.

ഇ​തി​നു ത​ട​സം നി​ൽ​ക്കു​ന്ന​ത് കേ​ന്ദ്ര​സ​ർ​ക്കാ​രാ​ണ്. കേ​ന്ദ്ര​സ​ർ​ക്കാ​രി​ന് ഇ​തി​ന് പി​ന്തു​ണ ന​ല്‍​കു​ന്ന​ത് ആ​ര്‍​എ​സ്എ​സാ​ണെ​ന്നും വ്യ​ക്ത​മാ​ണ്. പ​ന്നി​യെ വ​രാ​ഹ​ത്തി​ന്‍റെ അ​വ​താ​ര​മാ​യാ​ണ് ആ​ര്‍‍​എ​സ്എ​സ് പ്ര​ച​രി​പ്പി​ക്കു​ന്ന​ത്.


കാ​ട്ടു​പ​ന്നി​യെ ക്ഷു​ദ്രജീ​വി​യാ​യി പ്ര​ഖ്യാ​പി​ച്ചാ​ലേ ഇ​തി​നെ ന​ശി​പ്പി​ക്കാ​ന്‍ അ​നു​വാ​ദം ല​ഭി​ക്കൂ. ക്ഷു​ദ്ര​ജീ​വി​യാ​യി പ്ര​ഖ്യാ​പി​ക്കു​ന്ന​തി​ന് ത​ട​സം നി​ല്‍​ക്കു​ന്ന​ത് ബി​ജെ​പി നേ​തൃ​ത്വം ന​ല്‍​കു​ന്ന കേ​ന്ദ്ര സ​ര്‍​ക്കാ​രാ​ണ്. ഇ​തു തു​റ​ന്നുകാ​ട്ടു​ക​ മാ​ത്ര​മാ​ണ് ചെ​യ്ത​തെ​ന്നും കെ. ​പി. ഉ​ദ​യ​ഭാ​നു പ​റ​ഞ്ഞു.

ഇ​തി​നി​ടെ ഉ​ദ​യ​ഭാ​നു​വി​നെ​തി​രേ കേ​സെ​ടു​ക്ക​ണ​മെ​ന്നാ​വ‌​ശ്യ​പ്പെ​ട്ട് ജി​ല്ലാ പോ​ലീ​സ് മേ​ധാ​വി​ക്ക് പ​രാ​തി ന​ൽ​കി​യ​താ​യി ബി​ജെ​പി ജി​ല്ലാ പ്ര​സി​ഡ​ന്‍റ് വി.​എ. സൂ​ര​ജ് പ​റ​ഞ്ഞു.