റാ​ന്നി​യി​ലെ സ​ർ​ക്കാ​ർ ആ​രോ​ഗ്യ​മേ​ഖ​ല​യുടെ പ​ദ്ധ​തി​ക​ൾക്ക് അംഗീകാരം
Friday, September 27, 2024 3:16 AM IST
റാ​ന്നി: റാ​ന്നി​യി​ലെ സ​ർ​ക്കാ​ർ ആ​രോ​ഗ്യ​സ്ഥാ​പ​ന​ങ്ങ​ൾ​ക്കാ​യി സ​മ​ഗ്ര പ​ദ്ധ​തി​ക​ൾ അം​ഗീ​ക​രി​ച്ചു. ആ​രോ​ഗ്യ​മ​ന്ത്രി​യു​ടെ ഓ​ഫീ​സി​ൽ ചേ​ർ​ന്ന ഉ​ന്ന​ത​ത​ല യോ​ഗ​ത്തി​ലാ​ണ് ഇ​തു സം​ബ​ന്ധി​ച്ച തീ​രു​മാ​ന​മു​ണ്ടാ​യ​ത്. മ​ന്ത്രി വീ​ണാ ജോ​ർ​ജ്, പ്ര​മോ​ദ് നാ​രാ​യ​ൺ എം​എ​ൽ​എ എ​ന്നി​വ​രു​ടെ നേ​തൃ​ത്വ​ത്തി​ലാ​ണ് യോ​ഗം ചേ​ർ​ന്ന​ത്.

റാ​ന്നി താ​ലൂ​ക്ക് ആ​ശു​പ​ത്രി​യി​ൽ പു​തി​യ കെ​ട്ടി​ടം നി​ർ​മി​ക്കാ​ൻ ടെ​ൻ​ഡ​ർ ക്ഷ​ണി​ക്കും. 15.63 കോ​ടി രൂ​പ​യു​ടെ കെ​ട്ടി​ട നി​ർ​മാ​ണ​മാ​ണ് കി​ഫ്ബി മു​ഖാ​ന്ത​ിരം ന​ട​പ്പാ​ക്കു​ന്ന​ത്. ഇ​തി​ൽ കെ​ട്ടി​ട​ത്തി​ന് സ്ഥ​ലം ഏ​റ്റെ​ടു​പ്പി​നു​ള്ള തു​ക​യും ഉ​ൾ​പ്പെ​ടും. റാ​ന്നി താ​ലൂ​ക്ക് ആ​ശു​പ​ത്രി​യി​ൽ ആ​ധു​നി​ക ലേ​ബ​ർ റൂം ​നി​ർ​മാ​ണ​ത്തി​ന് 93 ല​ക്ഷം രൂ​പ​ അ​നു​വ​ദി​ച്ചി​ട്ടു​ണ്ട്.

കി​ട​ത്തിച്ചി​കി​ത്സ ആ​രം​ഭി​ച്ച പെ​രു​ന്നാ​ട് സാ​മൂ​ഹി​കാ​രോ​ഗ്യ കേ​ന്ദ്ര​ത്തി​ൽ 2.05 കോ​ടി രൂ​പ​യു​ടെ പു​തി​യ കെ​ട്ടി​ടം നി​ർ​മി​ക്കു​ന്ന​തി​ന് ആ​വ​ശ്യ​മാ​യ സ്ഥ​ല​ത്തി​ന്‍റെ സ​ർ​വേ​യും മ​ണ്ണ് പ​രി​ശോ​ധ​ന​യും ഉ​ട​ൻ ആ​രം​ഭി​ക്കും. ഡി​സം​ബ​റോ​ടെ കെ​ട്ടി​ട​ത്തി​ന്‍റെ നി​ർ​മാ​ണം ആ​രം​ഭി​ക്കാ​നാ​കും. ഇ​വി​ടെ ലാ​ബ് ആ​രം​ഭി​ക്കു​ന്ന​തി​നും തു​ക അ​നു​വ​ദി​ച്ചി​ട്ടു​ണ്ട്.

വെ​ച്ചൂ​ച്ചി​റ പി​എ​ച്ച് സെ​ന്‍റ​റി​ന് പു​തി​യ കെ​ട്ടി​ടം

എം​എ​ൽ​എ​യു​ടെ നി​ർ​ദേശ​പ്ര​കാ​രം വെ​ച്ചൂ​ച്ചി​റ പ്രാ​ഥ​മി​കാ​രോ​ഗ്യ കേ​ന്ദ്ര​ത്തി​ന് 5.76 കോ​ടി രൂ​പ​യു​ടെ പു​തി​യ കെ​ട്ടി​ട​ത്തി​ന് അ​നു​മ​തി ന​ൽ​കു​ന്ന​തി​നു​ള്ള ന​ട​പ​ടി​ക​ൾ വേ​ഗ​ത്തി​ലാ​ക്കും. എ​ഴു​മ​റ്റൂ​ർ സാ​മൂ​ഹി​കാ​രോ​ഗ്യ കേ​ന്ദ്ര​ത്തി​ന് എ​ട്ടു കോ​ടി രൂ​പ ചെ​ല​വ​ഴി​ച്ചു പു​തി​യ കെ​ട്ടി​ട​ത്തി​ന്‍റെ നി​ർ​മാ​ണം അ​ടു​ത്ത മാ​ർ​ച്ചി​ൽ പൂ​ർ​ത്തി​യാ​കും.


റാ​ന്നി​യി​ലെ വി​വി​ധ ആ​ശു​പ​ത്രി​കളിലെ ഡോ​ക്ട​ർ​മാ​രു​ടെ​യും ന​ഴ്സു​മാ​രു​ടെ​യും കു​റ​വ് പ​രി​ഹ​രി​ക്കു​ന്ന​തി​ന് അ​ടി​യ​ന്ത​ര ന​ട​പ​ടി സ്വീ​ക​രി​ക്ക​ണ​മെ​ന്ന് എം​എ​ൽ​എ ആ​വ​ശ്യ​പ്പെ​ട്ടു. ഇ​തി​നാ​യി ആ​രോ​ഗ്യ വ​കു​പ്പ് ഡ​യ​റ​ക്ട​റെ യോ​ഗം ചു​മ​ത​ല​പ്പെ​ടു​ത്തി.

കാ​ഞ്ഞീ​റ്റു​ക​ര​യി​ൽ പു​തി​യ കെ​ട്ടി​ടം നി​ർ​മി​ക്കു​ന്ന​തി​ന് സ്ഥ​ല​ല​ഭ്യ​ത​യും പ​രി​ശോ​ധി​ക്കും. തെ​ള്ളി​യൂ​ർ ആ​ശു​പ​ത്രി​ക്ക് 1.40 കോ​ടി രൂ​പ​യു​ടെ പു​തി​യ കെ​ട്ടി​ടം നി​ർ​മാ​ണം ഉ​ട​ൻ ആ​രം​ഭി​ക്കും. അ​ട്ട​ത്തോ​ട് , തു​ലാ​പ്പ​ള്ളി, ക​ക്കാ​ട്, കാ​ട്ടൂ​ർ, പ്ലാ​ങ്ക​മ​ൺ, അ​യി​രൂ​ർ സൗ​ത്ത് എ​ന്നി​വി​ട​ങ്ങ​ളി​ലെ കു​ടും​ബാ​രോ​ഗ്യ കേ​ന്ദ്ര​ങ്ങ​ൾ​ക്ക് പു​തി​യ കെ​ട്ടി​ടം നി​ർ​മി​ക്കു​ന്ന​തി​ന് 55 ല​ക്ഷം രൂ​പ വീ​തം അ​നു​വ​ദി​ച്ചി​ട്ടു​ണ്ട്.

ഇ​തു​കൂ​ടാ​തെ റാ​ന്നി മ​ണ്ഡ​ല​ത്തി​ലെ 14 ആ​രോ​ഗ്യ കേ​ന്ദ്ര​ങ്ങ​ൾ​ക്കു കൂ​ടി പു​തി​യ കെ​ട്ടി​ടം ആ​വ​ശ്യ​മു​ണ്ടെ​ന്ന അ​പേ​ക്ഷ​യും സ​മ​ർ​പ്പി​ച്ചി​ട്ടു​ണ്ട്. അ​ങ്ങാ​ടി, പ​ഴ​വ​ങ്ങാ​ടി പ്രാ​ഥ​മി​കാ​രോ​ഗ്യ കേ​ന്ദ്ര​ങ്ങ​ളു​ടെ കെ​ട്ടി​ട നി​ർ​മാ​ണം വേ​ഗ​ത്തി​ലാ​ക്കാ​ൻ യോ​ഗം നി​ർ​ദേ​ശിച്ചു.

ആ​രോ​ഗ്യ​വ​കു​പ്പ് അ​ഡീ​ഷ​ണ​ൽ ചീ​ഫ് സെ​ക്ര​ട്ട​റി ഡോ. ​രാ​ജ​ൻ ഖോ​ബ്ര​ഗ​ഡെ, എ​ൻ​എ​ച്ച് എം ​ഡ​യ​റ​ക്ട​ർ ഡോ.​വി​ന​യ് ഗോ​യ​ൽ, ഹെ​ൽ​ത്ത് ഡ​യ​റ​ക്ട​ർ ഡോ. ​കെ. ജെ. ​റീ​ന, എ​ൻ​എ​ച്ച് എം ​ചീ​ഫ് എ​ൻ​ജി​നി​യ​ർ രാ​ജീ​വ് ക​രീം, ഡി​എം​ഒ ഡോ. ​എ​ൽ. അ​നി​ത കു​മാ​രി, ഡി​പി​എം ഡോ.​ശ്രീ​കു​മാ​ർ എ​ന്നി​വ​രും യോ​ഗ​ത്തി​ൽ പ​ങ്കെ​ടു​ത്തു.