സ​ഹ​ക​ര​ണ ബാ​ങ്കി​ലെ നി​ക്ഷേ​പ​ത്തു​ക: ജീ​വ​ന​ക്കാ​ർ പി​ഴ​യും പ​ലി​ശ​യും ചേ​ർ​ത്ത് ന​ൽ​കാ​ൻ വി​ധി
Friday, September 27, 2024 3:16 AM IST
റാ​ന്നി: നി​ക്ഷേ​പ​ത്തു​ക യ​ഥാ​സ​മ​യം തി​രി​കെ ന​ൽ​കാ​തി​രു​ന്ന റാ​ന്നി പ​ഴ​വ​ങ്ങാ​ടി​ക്ക​ര സ​ർ​വീ​സ് സ​ഹ​ക​ര​ണ ബാ​ങ്ക് സെ​ക്ര​ട്ട​റി​യും ബാ​ങ്കി​ന്‍റെ മ​ന്ദ​മ​രു​തി ബ്രാ​ഞ്ച് മാ​നേ​ജ​രും ന​ഷ്ട​പ​രി​ഹാ​രം ന​ൽ​ക​ണ​മെ​ന്ന് പ​ത്ത​നം​തി​ട്ട ഉ​പ​ഭോ​ക്തൃ ത​ർ​ക്ക പ​രി​ഹാ​ര ക​മ്മീ​ഷ​ൻ.

പ​ഴ​വ​ങ്ങാ​ടി​ക്ക​ര ബാ​ങ്ക് സെ​ക്ര​ട്ട​റി, മ​ന്ദ​മ​രു​തി ബ്രാ​ഞ്ച് മാ​നേ​ജ​ർ എ​ന്നി​വ​ർ​ക്കെ​തി​രേ റാ​ന്നി ചേ​ത്ത​യ്ക്ക​ൽ സ്വ​ദേ​ശി പി​ച്ച​നാ​ട്ടു​വീ​ട്ടി​ൽ പി.​ആ​ർ. അ​ശോ​ക് കു​മാ​റും ഭാ​ര്യ ഗീ​താ​കു​മാ​രി​യും ചേ​ർ​ന്ന് ക​മ്മീ​ഷ​നി​ൽ ഫ​യ​ൽ ചെ​യ്ത കേ​സി​ലാ​ണ് ക​മ്മീ​ഷ​ൻ വി​ധി പ്ര​സ്‌​താ​വി​ച്ച​ത്.

അ​ശോ​ക് കു​മാ​റി​നും ഭാ​ര്യാ ഗീ​താ​കു​മാ​രി​ക്കും ഗീ​താ​കു​മാ​രി​യു​ടെ സ​ഹോ​ദ​ര​ൻ സു​ജി​ത് കു​മാ​റി​നും​മാ​യി ബാ​ങ്കി​ലു​ണ്ടാ​യി​രു​ന്ന 40,70,598 രൂ​പ​യു​ടെ ഫി​ക്‌​സ​ഡ് ഡെ​പ്പോ​സി​റ്റ് തു​ക കാ​ലാ​വ​ധി ക​ഴി​ഞ്ഞു തി​രി​കെ ല​ഭി​ക്കാ​തെ വ​ന്ന​തി​നേ തു​ട​ർ​ന്നാ​ണ് ക​മ്മീ​ഷ​നെ സ​മീ​പി​ച്ച​ത്.

ബാ​ങ്കി​ൽ ഫി​ക്സ​ഡ് ഡെ​പ്പോ​സി​റ്റ് ആ​യി നി​ക്ഷേ​പി​ച്ച രൂ​പ തി​രി​ച്ചു കി​ട്ടു​ന്ന​തി​നും ന​ഷ്ട​പ​രി​ഹാ​രം കി​ട്ടു​ന്ന​തി​നും വേ​ണ്ടി പ​രാ​തി ന​ല്‍​കു​ക​യാ​യി​രു​ന്നു. ഹ​ർ​ജി​ പ​രി​ഗ​ണി​ച്ച ക​മ്മീ​ഷ​ൻ എ​തി​ർ​ക​ക്ഷി​ക​ൾ​ക്ക് നോ​ട്ടീ​സ് അ​യയ്​ക്കു​ക​യും ബാ​ങ്കി​നെ പ്ര​തി​നി​ധീ​ക​രി​ച്ച് അ​ഭി​ഭാ​ഷ​ക​ർ ഹാ​ജ​രാ​കു​ക​യും ചെ​യ്‌​തു.


ക​ക്ഷി​ക​ൾ ന​ൽ​കി​യ തെ​ളി​വു​ക​ളു​ടെയും റി​ക്കാ​ർ​ഡു​ക​ളു​ടെ​യും അ​ടി​സ്ഥാ​ന​ത്തി​ൽ ഹ​ർ​ജി​യി​ൽ ഉ​ന്ന​യി​ച്ചി​രി​ക്കു​ന്ന കാ​ര്യ​ങ്ങ​ൾ ശ​രി​യാ​ണെ​ന്നു ക​മ്മീ​ഷ​നു ബോ​ധ്യ​പ്പെ​ടു​ക​യും ഹ​ർ​ജി​ക്കാ​ർ നി​ക്ഷേ​പി​ച്ച തു​ക​യും ഒ​രു​ല​ക്ഷം രൂ​പ ന​ഷ്ട​പ​രി​ഹാ​ര​വും, 15,000 രൂ​പാ കോ​ട​തി ചെ​ല​വും ഉ​ൾ​പ്പ​ടെ 41,95,598 രൂ​പ ന​ൽ​കാ​നാ​ണ് വി​ധി.

കേ​സ് ക​മ്മീ​ഷ​നി​ൽ ഫ​യ​ൽ ചെ​യ്ത അ​ന്നു​മു​ത​ൽ ഒ​ന്പ​തു ശ​ത​മാ​നം പ​ലി​ശ​യും ചേ​ർ​ത്ത് 45 ദി​വ​സ​ത്തി​ന​കം ഇ​വ​ര്‍​ക്ക് ന​ൽ​കാ​ൻ ക​മ്മീ​ഷ​ൻ പ്ര​സി​ഡ​ന്‍റ് ബേ​ബി​ച്ച​ൻ വെ​ച്ചൂ​ച്ചി​റ​യും അം​ഗ​മാ​യ നി​ഷാ​ദ് ത​ങ്ക​പ്പ​നും ചേ​ർ​ന്ന് വി​ധി​ച്ചു.