അടൂര്: കെഎസ്ആര്ടിസി ജംഗ്ഷനിലെ ഹൈമാസ്റ്റ് വിളക്കുകള് പൂര്ണമായി കത്താത്തതു മൂലം നഗരം ഇരുട്ടില്. വ്യാപാരസ്ഥാപനങ്ങളിലെ വെളിച്ചമാണ് ഏക ആശ്രയം. രാത്രി 8.30ന് കടകള് അടയ്ക്കുന്നതോടെ നഗരം കുറ്റിരുട്ടിലാകും.
ഹൈമാസ്റ്റ് വിളക്കിലെ മൂന്ന് വിളക്കുകള് മാത്രമാണ് കത്തുന്നത്. ഇരട്ടപ്പാലത്തിന്റെ ഇരുവശത്തും പുതുതായി സ്ഥാപിച്ച വൈദ്യുതവിളക്കുകളും കത്തുന്നില്ല. ഏറെ നാളായി ഇവ കത്താതിരുന്നിട്ടും പ്രകാശിപ്പി ക്കാന് അധികൃതര് യാതൊരു നടപടിയും സ്വീകരിച്ചിട്ടില്ല.