ഡെ​ങ്കി​പ്പ​നി വ്യാ​പ​നം രൂ​ക്ഷ​മാ​യി​ട്ടും ന​ഗ​ര​ത്തി​ൽ പ്ര​തി​രോ​ധ ന​ട​പ​ടി​ക​ളി​ല്ലെ​ന്ന് പ്ര​തി​പ​ക്ഷം
Sunday, July 7, 2024 3:52 AM IST
പ​ത്ത​നം​തി​ട്ട: ഡെ​ങ്കി​പ്പ​നി ഉ​ൾ​പ്പെ​ടെ സാം​ക്ര​മി​ക രോ​ഗ​ങ്ങ​ൾ ന​ഗ​ര പ്ര​ദേ​ശ​ത്ത് പ​ട​ർ​ന്നു​പി​ടി​ച്ചി​ട്ടും പ്ര​തി​രോ​ധ മാ​ർ​ഗ​ങ്ങ​ൾ സ്വീ​ക​രി​ക്കാ​തെ ഭ​ര​ണ​സ​മി​തി അ​നാ​സ്ഥ കാ​ട്ടു​ക​യാ​ണെ​ന്ന് കൗ​ൺ​സി​ൽ യോ​ഗ​ത്തി​ൽ പ്ര​തി​പ​ക്ഷം ആ​രോ​പി​ച്ചു. കഴിഞ്ഞദിവസം ചേ​ർ​ന്ന കൗ​ൺ​സി​ലി​ൽ ശൂ​ന്യ​വേ​ള​യി​ൽ ന​ഗ​ര​സ​ഭാ മു​ൻ ചെ​യ​ർ​മാ​ൻ എ. ​സു​രേ​ഷ് കു​മാ​റാ​ണ് ഭ​ര​ണ സ​മി​തി​ക്കെ​തി​രേ ഗു​രു​ത​ര ആ​രോ​പ​ണം ഉ​ന്ന​യി​ച്ച​ത്.

ഡെ​ങ്കി​പ്പ​നി മ​ര​ണം ഉ​ൾ​പ്പെ​ടെ ന​ഗ​ര​ത്തി​ൽ റി​പ്പോ​ർ​ട്ട് ചെ​യ്തി​ട്ടും നി​ർ​വി​കാ​ര​പ​ര​മാ​യാ​ണ് ഭ​ര​ണ​സ​മി​തി ഈ ​വി​ഷ​യം കൈ​കാ​ര്യം ചെ​യ്യു​ന്ന​തെ​ന്ന് സു​രേ​ഷ് കു​മാ​ർ പ​റ​ഞ്ഞു. ഇ​ക്കാ​ര്യ​ങ്ങ​ൾ ഗൗ​ര​വം ഉ​ള്ള​താ​ണെ​ന്നും സാ​ധ്യ​മാ​യ​തെ​ല്ലാം ന​ഗ​ര​സ​ഭ ചെ​യ്യു​ന്നു​ണ്ടെ​ന്നും ചെ​യ​ർ​മാ​ൻ ടി. ​സ​ക്കീ​ർ ഹു​സൈ​ൻ മ​റു​പ​ടി പ്ര​സം​ഗ​ത്തി​ൽ പ​റ​ഞ്ഞു.

ന​ഗ​ര​പ​രി​ധി​യി​ലെ കു​ടി​വെ​ള്ള പ്ര​ശ്‌​നം പ​രി​ഹ​രി​ക്കു​ന്ന​തി​ന് അ​മൃ​ത് കു​ടി​വെ​ള്ള പ​ദ്ധ​തി പ്ര​കാ​രം പൈ​പ്പ് ലൈ​ൻ നീ​ട്ട​ൽ ഉ​ൾ​പ്പെ​ടെ​യു​ള്ള പ്ര​വ​ർ​ത്ത​ന​ങ്ങ​ൾ എ​ങ്ങും എ​ത്താ​ത്ത നി​ല​യി​ലാ​ണെ​ന്നും കൗ​ൺ​സി​ൽ അം​ഗ​ങ്ങ​ൾ പ​രാ​തി​പ്പെ​ട്ടു. പ്ര​ധാ​ന​മ​ന്ത്രി ആ​വാ​സ് യോ​ജ​ന പ്ര​കാ​രം ഉ​പ​യോ​ക്താ​ക്ക​ൾ​ക്ക് നി​ർ​മാ​ണ​ത്തി​നു​ള്ള തു​ക ന​ൽ​കു​ന്ന​തി​ന് കാ​ല​താ​മ​സം വ​രു​ന്ന​താ​യി കൗ​ൺ​സി​ൽ അം​ഗ​ങ്ങ​ൾ പ​രാ​തി​പ്പെ​ട്ടു.


സാ​മൂ​ഹ്യ ക്ഷേ​മ പെ​ൻ​ഷ​ന് അ​ർ​ഹ​ത​യു​ള്ള കി​ട​പ്പ് രോ​ഗി​ക​ളു​ടെ വീ​ടു​ക​ളി​ൽ എ​ത്തി മ​സ്റ്റ​റിം​ഗ് ന​ട​ത്തു​ന്ന​തി​നു ന​ഗ​ര​പ​രി​ധി​യി​ലെ അ​ക്ഷ​യ കേ​ന്ദ്ര​ങ്ങ​ളെ ചു​മ​ത​ല​പ്പെ​ടു​ത്തു​ന്ന​തി​നും യോ​ഗം തീ​രു​മാ​നി​ച്ചു.

കൗ​ൺ​സി​ൽ അം​ഗ​ങ്ങ​ളാ​യ എം.​സി. ഷെ​റി​ഫ്, റോ​ഷ​ൻ നാ​യ​ർ, സി​ന്ധു അ​നി​ൽ, കെ.​ആ​ർ. അ​ജി​ത്ത് കു​മാ​ർ, ആ​നി സ​ജി, സി.​കെ. അ​ർ​ജു​ന​ൻ എ​ന്നി​വ​രും ച​ർ​ച്ച​യി​ൽ പ​ങ്കെ​ടു​ത്തു.