പ​ത്ത​നം​തി​ട്ട: ക​രാ​റു​കാ​ർ​ക്ക് കു​ടി​ശി​ക ഏ​റു​ക​യും ചെ​റു​കി​ട ജോ​ലി​ക​ൾ നി​ല​യ്ക്കു​ക​യും ചെ​യ്ത​തോ​ടെ ജി​ല്ല​യി​ലെ ചെ​റു​കി​ട ക​രാ​റു​കാ​ർ നി​ല​നി​ല്പി​നാ​യു​ള്ള പോ​രാ​ട്ട​ത്തി​ൽ. ക​രാ​റു​കാ​രി​ൽ ന​ല്ലൊ​രു പ​ങ്കും ജോ​ലി ഉ​പേ​ക്ഷി​ച്ച​താ​യി പ​റ​യു​ന്നു. ക​ഴി​ഞ്ഞ ഒ​രു​വ​ർ​ഷ​മാ​യി സ​ർ​ക്കാ​ർ ക​രാ​ർ ജോ​ലി​ക​ൾ ഒ​ന്നും ന​ട​ക്കു​ന്നി​ല്ല.

‌വ​ൻ​കി​ട പ്രോ​ജ​ക്ടു​ക​ളി​ൽ ചെ​റു​കി​ട ക​രാ​റു​കാ​ർ​ക്ക് കൈ​വ​യ്ക്കാ​ൻ പോ​ലു​മാ​കാ​ത്ത സ്ഥി​തി​യാ​ണ്. ചെ​റു​കി​ട ക​രാ​റു​കാ​രെ ക​ഴു​ത്തുഞെ​രി​ച്ച് കൊ​ല്ലു​ന്ന സ​മീ​പ​ന​മാ​ണ് സ​ർ​ക്കാ​ർ സ്വീ​ക​രി​ച്ചി​രി​ക്കു​ന്ന​തെ​ന്ന് വി​വി​ധ സം​ഘ​ട​ന​ക​ളും കു​റ്റ​പ്പെ​ടു​ത്തി.

റോ​ഡു​ക​ൾ, ജ​ല​വി​ത​ര​ണം, കെ​ട്ടി​ടനി​ർ​മാ​ണം തു​ട​ങ്ങി​യ ക​രാ​ർ ജോ​ലി​ക​ളി​ൽ ഇ​പ്പോ​ൾ ചെ​റു​കി​ട ക​രാ​റു​കാ​ർ​ക്ക് ഇ​ട​പെ​ടാ​നാ​കാ​ത്ത സ്ഥി​തി​യാ​ണ്. നി​ര​വ​ധി​യാ​യ പ്ര​ശ്ന​ങ്ങ​ളാ​ണ് ക​രാ​ർ മേ​ഖ​ല നേ​രി​ട്ടു​കൊ​ണ്ടി​രി​ക്കു​ന്ന​ത്.

ശ​ബ​രി​മ​ല കാ​ല​മെ​ത്തി​യി​ട്ടും ക​രാ​ർ ക്ഷ​ണി​ച്ചി​ട്ടി​ല്ല

ശ​ബ​രി​മ​ല തീ​ർ​ഥാ​ട​ന​കാ​ലം പ​ടി​വാ​തി​ൽ​ക്ക​ലെ​ത്തി​യി​ട്ടും ഇ​ത്ത​വ​ണ പൊ​തു​മ​രാ​മ​ത്ത് വ​കു​പ്പ് റോ​ഡ് നി​ർ​മാ​ണ ക​രാ​റു​ക​ൾ ക്ഷ​ണി​ച്ചി​ട്ടി​ല്ല. ശ​ബ​രി​മ​ല​യു​മാ​യി ബ​ന്ധ​പ്പെ​ട്ട റോ​ഡു​ക​ളു​ടെ അ​റ്റ​കു​റ്റ​പ്പ​ണി​ക​ൾ, പു​ന​ർ​നി​ർ​മാ​ണം, റീ ​ടാ​റിം​ഗ് അ​ട​ക്ക​മു​ള്ള ജോ​ലി​ക​ൾ​ക്കാ​ണ് മു​ൻ​കൂ​ട്ടി ടെ​ൻ​ഡ​ർ ക്ഷ​ണി​ച്ചി​രു​ന്ന​ത്. മു​ൻ​കാ​ല​ങ്ങ​ളി​ൽ ഓ​ഗ​സ്റ്റ് മാ​സ​ത്തി​ൽത​ന്നെ ക​രാ​ർ ക്ഷ​ണി​ക്കു​ക പ​തി​വാ​യി​രു​ന്നു.

ശ​ബ​രി​മ​ല​യു​മാ​യി ബ​ന്ധ​പ്പെ​ട്ട് അ​നു​ബ​ന്ധ പാ​ത​ക​ളാ​യി 30 ല​ധി​കം റോ​ഡു​ക​ളു​ണ്ട്. എ​ന്നാ​ൽ ഇ​വ​യി​ൽ പ​ല​തും കെ​എ​സ്ടി​പി പ​ദ്ധ​തി​യി​ൽ പു​ന​ർ​നി​ർ​മി​ച്ചി​ട്ടു​ള്ള​തി​നാ​ൽ ദീ​ർ​ഘ​കാ​ല ക​രാ​ർ നി​ല​വി​ലു​ണ്ടെ​ന്ന് പ​റ​യു​ന്നു. ന​വം​ബ​ർ പ​ത്തി​നു മു​ന്പാ​യി പ​ണി​ക​ൾ പൂ​ർ​ത്തീ​ക​രി​ക്കേ​ണ്ട​തു​ണ്ട്. പ്ര​ധാ​ന​പ്പെ​ട്ട പ​ല റോ​ഡു​ക​ളും കു​ഴി​ക​ൾ നി​റ​ഞ്ഞു കി​ട​ക്കു​ക​യാ​ണ്.

തു​ക പു​തു​ക്കി​യി​ട്ടി​ല്ല

2018ലെ ​നി​ര​ക്കി​ലാ​ണ് ഇ​പ്പോ​ഴും പൊ​തു​മ​രാ​മ​ത്ത് ജോ​ലി​ക​ളി​ൽ ക​രാ​ർ വി​ളി​ക്കു​ന്ന​ത്. ഇ​ത് വ​ർ​ധി​പ്പി​ച്ചു ന​ൽ​ക​ണ​മെ​ന്ന ക​രാ​റു​കാ​രു​ടെ ആ​വ​ശ്യം പ​രി​ഗ​ണി​ക്ക​പ്പെ​ട്ടി​ട്ടി​ല്ല. ക്വാ​റി​ക​ളി​ൽ ഇ​തി​നു​ശേ​ഷം നി​ര​ക്ക് പ​ല​ത​വ​ണ വ​ർ​ധി​ച്ചു. ഇ​പ്പോ​ഴും പ​ഴ​യ നി​ര​ക്കാ​ണ് ക​രാ​റു​കാ​ർ​ക്ക് അ​നു​വ​ദി​ച്ചി​ട്ടു​ള്ള​ത്. ടാ​റി​ന്‍റെ ല​ഭ്യ​ത​യി​ലും ക​രാ​റു​കാ​ർ​ക്ക് ന​ഷ്ട​മാ​ണ്.

നി​ര​ക്ക് വ​ർ​ധ​ന ആ​വ​ശ്യ​പ്പെ​ട്ട് പ​ല​ത​വ​ണ ക​രാ​റു​കാ​ർ പൊ​തു​മ​രാ​മ​ത്ത് മ​ന്ത്രി​യെ അ​ട​ക്കം സ​മീ​പി​ച്ചു. എ​ന്നാ​ൽ നി​സം​ഗ​താ മ​നോ​ഭാ​വ​മാ​ണു​ണ്ടാ​യ​തെ​ന്ന് ജി​ല്ല​യി​ലെ പ്ര​മു​ഖ ക​രാ​റു​കാ​ര​നാ​യ തോ​മ​സു​കു​ട്ടി തേ​വ​രു​മു​റി​യി​ൽ പ​റ​ഞ്ഞു.

ഗ​വ​ൺ​മെ​ന്‍റ് കോ​ൺ​ട്രാ​ക്ടേ​ഴ്സ് അ​സോ​സി​യേ​ഷ​നും ഫെ​ഡ​റേ​ഷ​നും അ​ട​ക്ക​മു​ള്ള സം​ഘ​ട​ന​ക​ൾ ഈ ​ആ​വ​ശ്യ​മു​ന്ന​യി​ച്ച് സ​ർ​ക്കാ​രി​ലേ​ക്ക് നി​വേ​ദ​നം ന​ൽ​കി​യി​രു​ന്നു.

ജോ​ലി​ക​ൾ മു​ഴു​വ​ൻ​ വ​ൻ​കി​ട ക​രാ​റു​കാ​ർ​ക്ക്

കോ​ടിക്ക​ണ​ക്കി​നു രൂ​പ ചെ​റു​കി​ട ക​രാ​റു​കാ​ർ​ക്ക് കു​ടി​ശി​ക‌​യാ​യി​രി​ക്കേ വ​ൻ​കി​ട ക​രാ​റു​കാ​ർ​ക്കാ​ണ് പു​തി​യ ജോ​ലി​ക​ൾ ന​ൽ​കു​ന്ന​ത്. പ​ത്ത​നം​തി​ട്ട ജി​ല്ല​യി​ൽ മാ​ത്രം അ​ര​ഡ​സ​ൻ ക​രാ​ർ ജോ​ലി​ക​ൾ ഊ​രാ​ളു​ങ്ക​ൽ ലേ​ബ​ർ സൊ​സൈ​റ്റി​ക്കു ന​ൽ​കി​യി​രി​ക്കു​ക​യാ​ണ്. പ​ത്ത​നം​തി​ട്ട ജി​ല്ലാ സ്റ്റേ​ഡി​യം, കോ​മ​ളം പാ​ലം തു​ട​ങ്ങി​യ​വ​യു​ടെ പ​ണി​ക​ൾ ഊ​രാ​ളു​ങ്ക​ൽ സൊ​സൈ​റ്റി​യാ​ണ് ചെ​യ്തു​വ​രു​ന്ന​ത്.

ചെ​റു​കി​ട ക​രാ​റു​കാ​ർ​ക്ക് നി​ര​ക്ക് വ​ർ​ധി​പ്പി​ച്ചു ന​ൽ​കാ​ൻ ത​യാ​റാ​കാ​ത്ത സ​ർ​ക്കാ​ർ വ​ൻ​കി​ട ക​രാ​ർ ക​ന്പ​നി​ക​ൾ​ക്ക് 35 ശ​ത​മാ​നം അ​ധി​ക​നി​ര​ക്ക് ന​ൽ​കി വ​രി​ക​യാ​ണെ​ന്നും കോ​ൺ​ട്രാ​ക്ടേ​ഴ്സ് സം​ഘ​ട​ന​ക​ൾ കു​റ്റ​പ്പെ​ടു​ത്തി.