ബി​ഗ് സ​ല്യൂ​ട്ട് ഫ്രം ​ഇ​ല​ന്തൂ​ർ : നാ​ട് ഏ​റ്റു​വാ​ങ്ങി, പ്രി​യ പു​ത്ര​നെ
Saturday, October 5, 2024 2:55 AM IST
ഇ​ല​ന്തൂ​ർ: അ​ഞ്ച​ര പ​തി​റ്റാ​ണ്ട് പി​ന്നി​ലെ ഓ​ർ​മ​ക​ളി​ലേ​ക്ക് ഇ​ല​ന്തൂ​ർ ഗ്രാ​മം സ​ഞ്ച​രി​ച്ച പ​ക​ലാ​യി​രു​ന്നു ഇ​ന്ന​ലെ. പു​തു​ത​ല​മു​റ​യ്ക്കു കേ​ട്ടു​കേ​ഴ്‌വി ​പോ​ലു​മി​ല്ലാ​ത്ത ഒ​രു സം​ഭ​വ​ത്തെ ക​ഴി​ഞ്ഞ ഏ​താ​നും ദി​വ​സ​ങ്ങ​ൾ​കൊ​ണ്ട് അ​വ​ർ ഏ​റ്റെ​ടു​ത്തു.

മ​ന​സി​ൽനി​ന്നു മാ​ഞ്ഞു​പോ​യ മു​ഖ​വും മ​റ്റും ചേ​ർ​ത്തു​വ​ച്ച് പ​ഴ​യ​ത​ല​മു​റ​യും ഒ​ന്നി​ച്ചു. സ്വാ​ത​ന്ത്ര്യ സ​മ​ര ച​രി​ത്ര​ത്തി​ലെ ഏ​ടു​ക​ളി​ൽ ഇ​ടം​നേ​ടി​യ ഇ​ല​ന്തൂ​ർ ഗ്രാ​മം അ​ങ്ങ​നെ ഒ​രി​ക്ക​ൽ​കൂ​ടി ദേ​ശീ​യ പ​താ​ക​യി​ൽ പൊ​തി​ഞ്ഞ മൃ​ത​ദേ​ഹ​ത്തി​ന​രി​കി​ൽ സൈ​നി​ക​ർ​ക്കു ന​ൽ​കി ഒ​രു ബി​ഗ് സ​ല്യൂ​ട്ട്.

ഇ​ല​ന്തൂ​ർ ഒ​ടാ​ലി​ൽ തോ​മ​സ് ചെ​റി​യാ​ന്‍റെ സ്മ​ര​ണ ഇ​ല​ന്തൂ​ർ ഗ്രാ​മ​ത്തി​ൽ അ​ധി​കമൊ​ന്നും ഉ​ണ്ടാ​യി​രു​ന്നി​ല്ല. എ​ന്നാ​ൽ ഈ​യാ​ഴ്ച​യാ​ദ്യം മു​ത​ൽ ഈ ​ഗ്രാ​മം ആ ​പേ​രും ഒ​ടാ​ലി​ൽ വീ​ടും സ്വ​ന്ത​മെ​ന്ന പോ​ലെ ചേ​ർ​ത്തു​വ​ച്ച​തി​ന്‍റെ പ്ര​തീ​ക​മാ​യി​രു​ന്നു ഇ​ന്ന​ല​ത്തെ ആ​ൾ​ക്കൂ​ട്ടം.

അ​ന്പ​ത്താ​റു​വ​ർ​ഷം മു​ന്പ് ഹി​മാ​ച​ലി​ലെ മ​ഞ്ഞു​മ​ല​യി​ൽ ത​ക​ർ​ന്നു വീ​ണ വി​മാ​ന​ത്തി​ൽ യാ​ത്ര​ക്കാ​ര​നാ​യി​രു​ന്ന സൈ​നി​ക​ൻ ഒ​ടാ​ലി​ൽ തോ​മ​സ് ചെ​റി​യാ​ന്‍റെ മൃ​ത​ദേ​ഹം ക​ണ്ടെ​ത്തി നാ​ട്ടി​ലേ​ക്ക് തി​രി​കെ കൊ​ണ്ടു​വ​ന്നു സം​സ്ക​രി​ച്ച​പ്പോ​ൾ ക്ര​മീ​ക​ര​ണ​ങ്ങ​ൾ​ക്കു ചു​ക്കാ​ൻ പി​ടി​ച്ച​ത് നാ​ട്ടി​ലെ പു​തു​ത​ല​മു​റ​യാ​ണ്.

എ​ല്ലാം ച​രി​ത്ര​ത്തി​ന്‍റെ നി​യോ​ഗം പോ​ലെ ക​ൺ​മു​ന്പി​ൽ തെ​ളി​ഞ്ഞു​വ​ന്ന​പ്പോ​ൾ വി​ശ്വാ​സി​യു​ടെ മ​ട​ങ്ങി​വ​ര​വും ജ​ന്മ​നാ​ട്ടി​ലെ അ​ന്ത്യ​വി​ശ്ര​മ​വു​മെ​ല്ലാം ബൈ​ബി​ൾ വ​ച​ന​ങ്ങ​ളി​ലൂ​ടെ ഓ​ർ​മ​പ്പെ​ടു​ത്താ​നു​മാ​യി.

ഇ​ല​ന്തൂ​ർ മാ​ർ​ക്ക​റ്റ് ജം​ഗ്ഷ​നി​ലും ആ​ൾ​ക്കൂ​ട്ടം

ഇ​ന്ന​ലെ രാ​വി​ലെ തോ​മ​സ് ചെ​റി​യാ​ന്‍റെ മൃ​ത​ദേ​ഹ പേ​ട​ക​വും വ​ഹി​ച്ചു​കൊ​ണ്ടു​ള്ള സൈ​നി​ക വാ​ഹ​നം ഇ​ല​ന്തൂ​ർ മാ​ർ​ക്ക​റ്റ് ജം​ഗ്ഷ​നി​ലെ​ത്തു​ന്പോ​ൾ അ​വി​ടെ കാ​ത്തു​നി​ന്ന് അ​ന്തി​മോ​പ​ചാ​രം അ​ർ​പ്പി​ച്ച​വ​ർ ഏ​റെ​യാ​യി​രു​ന്നു. കൊ​ച്ചു​കു​ട്ടി​ക​ൾ മു​ത​ൽ മു​തി​ർ​ന്ന​വ​ർവ​രെ ഇ​ക്കൂ​ട്ട​ത്തി​ലു​ണ്ടാ​യി​രു​ന്നു.

ആ​ന്‍റോ ആ​ന്‍റ​ണി എം​പി, ത്രി​ത​ല പ​ഞ്ചാ​യ​ത്ത് ജ​ന​പ്ര​തി​നി​ധി​ക​ൾ, വി​വി​ധ രാ​ഷ്ട്രീ​യ​ക​ക്ഷി നേ​താ​ക്ക​ൾ, സാ​മൂ​ഹി​ക സാം​സ്കാ​രി​ക മ​ണ്ഡ​ല​ങ്ങ​ളി​ലെ പ്ര​മു​ഖ​ർ തു​ട​ങ്ങി​യ​വ​ർ ഇ​ല​ന്തൂ​രി​ലെ​ത്തി​യി​രു​ന്നു.

പേ​ട​ക​ത്തി​ലേ​ക്ക് പു​ഷ്പ​ച​ക്ര​വും പൂ​ക്ക​ളും അ​ർ​പ്പി​ച്ച് ത​ങ്ങ​ളു​ടെ പ്രി​യ സൈ​നി​ക​ന് അ​വ​ർ വി​ടചൊ​ല്ലി. പി​ന്നീ​ട് തോ​മ​സ് ചെ​റി​യാ​ന്‍റെ സ​ഹോ​ദ​ര പു​ത്ര​നാ​യ ഷൈ​ജു​വി​ന്‍റെ വീ​ട്ടി​ലേ​ക്ക് മൃ​ത​ദേ​ഹം എ​ത്തി​ച്ച് പ്രാ​ർ​ഥ​ന ന​ട​ത്തി. വൈ​ദി​ക​രു​ടെ നീ​ണ്ട​നി​ര ശു​ശ്രൂ​ഷ​ക​ൾ​ക്ക് നേ​തൃ​ത്വം ന​ൽ​കി.

ഉ​ച്ച​യോ​ടെ ഭ​വ​ന​ത്തോ​ടു വി​ടചൊ​ല്ലി ന​ട​ന്ന അ​വ​സാ​ന​ഘ​ട്ട ശു​ശ്രൂ​ഷ​യ്ക്ക് മെ​ത്രാ​പ്പോ​ലീ​ത്ത​മാ​രാ​യ യൂ​ഹാ​നോ​ൻ മാ​ർ ദി​യ​സ്കോ​റ​സും ജോ​സ​ഫ് മാ​ർ ദി​വ​ന്നാ​സി​യോ​സും കാ​ർ​മി​ക​ത്വം വ​ഹി​ച്ചു. ബ​സേ​ലി​യോ​സ് മാ​ർ​ത്തോ​മ്മ​ മാ​ത്യൂ​സ് തൃ​തീ​യ​ൻ കാ​തോ​ലി​ക്കാ ബാ​വ​യ്ക്കുവേ​ണ്ടി യൂ​ഹാ​നോ​ൻ മാ​ർ ദി​യ​സ്കോ​റ​സ് പു​ഷ്പ​ച​ക്രം അ​ർ​പ്പി​ച്ചു. ജീ​വി​ത​ത്തി​ന്‍റെ നാ​നാ​തു​റ​ക​ളി​ൽപ്പെ​ട്ട​വ​ർ വീ​ട്ടി​ലും അ​ന്തി​മോ​പ​ചാ​രം അ​ർ​പ്പി​ക്കാ​നെ​ത്തി.

ഓ​ർ​ത്ത​ഡോ​ക്സ് സ​ഭ വൈ​ദി​ക ട്ര​സ്റ്റി ഫാ.​ തോ​മ​സ് വ​ർ​ഗീ​സ് അ​മ​യി​ൽ, അ​സോ​സി​യേ​ഷ​ൻ സെ​ക്ര​ട്ട​റി ബി​ജു ഉ​മ്മ​ൻ, മു​ൻ സെ​ക്ര​ട്ട​റി ജോ​ർ​ജ് ജോ​സ​ഫ് തു​ട​ങ്ങി​യ​വ​രും ആ​ദ​രാ​ഞ്ജ​ലി അ​ർ​പ്പി​ച്ചു.


വി​ലാ​പ​യാ​ത്ര നി​യ​ന്ത്രി​ച്ച് സൈ​ന്യ​വും വി​മു​ക്ത ഭ​ട​ന്മാ​രും

ഇ​ല​ന്തൂ​രി​ലെ വീ​ട്ടി​ൽനി​ന്നും കാ​രൂ​ർ സെ​ന്‍റ് പീ​റ്റേ​ഴ്സ് ഓ​ർ​ത്ത​ഡോ​ക്സ് പ​ള്ളി​യി​ലേ​ക്കു ന​ട​ന്ന വി​ലാ​പ​യാ​ത്ര​യി​ലും സൈ​ന്യ​വും വി​മു​ക്ത​ഭ​ട​ന്മാ​രും വേ​ണ്ട ക്ര​മീ​ക​ര​ണം ചെ​യ്തു. മൃ​ത​ദേ​ഹപേ​ട​കം വ​ഹി​ച്ച​ത് പൂ​ർ​ണ​മാ​യി സേ​നാം​ഗ​ങ്ങ​ളാ​യി​രു​ന്നു. ക​ര​സേ​ന​യ്ക്കു സ​ഹാ​യ​വു​മാ​യി വി​വി​ധ സേ​ന​ക​ളി​ലെ വി​മു​ക്ത​ഭ​ട​ന്മാ​രട​ക്കം സ​മീ​പ ജി​ല്ല​ക​ളി​ൽനി​ന്നും എ​ത്തി​യി​രു​ന്നു. പ്ര​ത്യേ​ക യൂ​ണി​ഫോ​മി​ൽ ഇ​വ​ർ ക്ര​മീ​ക​ര​ണ​ങ്ങ​ൾ ന​ട​ത്തി.

ദേ​വാ​ല​യ​ത്തി​ൽ സം​സ്ഥാ​ന സ​ർ​ക്കാ​രി​നും ജി​ല്ലാ ഭ​ര​ണ​കൂ​ട​ത്തി​നു വേ​ണ്ടി​യും റീ​ത്ത് സ​മ​ർ​പ്പി​ച്ചു. മ​ന്ത്രി വീ​ണാ ജോ​ർ​ജ്, ജി​ല്ലാ ക​ള​ക്ട​ർ എ​സ്. പ്രേം​കൃ​ഷ്ണ​ൻ എ​ന്നി​വ​രാ​ണ് പു​ഷ്പ​ച​ക്രം അ​ർ​പ്പി​ച്ച​ത്. ജി​ല്ലാ പോ​ലീ​സ് മേ​ധാ​വി വി.​ജി. വി​നോ​ദ് കു​മാ​റും അ​ന്തി​മോ​പ​ചാ​രം അ​ർ​പ്പി​ച്ചു.

ത്രി​ത​ല പ​ഞ്ചാ​യ​ത്ത് ജ​ന​പ്ര​തി​നി​ധി​ക​ൾ, വി​വി​ധ രാ​ഷ്ട്രീ​യ​ക​ക്ഷി നേ​താ​ക്ക​ൾ, വി​വി​ധ സ​ഭ​ക​ളി​ലെ വൈ​ദി​ക​ർ തു​ട​ങ്ങി​യ​വ​ർ അ​നു​ശോ​ച​നം അ​റി​യി​ച്ചു. ബ​സേ​ലി​യോ​സ് മാ​ർ​ത്തോ​മ്മ മാ​ത്യൂ​സ് തൃ​തീ​യ​ൻ കാ​തോ​ലി​ക്കാ ബാ​വ​യു​ടെ സ​ന്ദേ​ശം തു​ന്പ​മ​ൺ ഭ​ദ്രാ​സ​ന സെ​ക്ര​ട്ട​റി ജോ​ൺ​സ​ൺ ക​ല്ലി​ട്ട​തി​ൽ കോ​ർ എ​പ്പി​സ്കോ​പ്പ വാ​യി​ച്ചു. പ്ര​തി​പ​ക്ഷ നേ​താ​വ് രാ​ഹു​ൽ​ഗാ​ന്ധി​യു​ടെ സ​ന്ദേ​ശം ആ​ന്‍റോ ആ​ന്‍റ​ണി എം​പി​യും വാ​യി​ച്ചു.

സൈ​ന്യ​ത്തി​ന്‍റെ 60 അം​ഗ സം​ഘം

തി​രു​വ​ന​ന്ത​പു​രം പാ​ങ്ങോ​ട് സൈ​നി​ക ക്യാ​ന്പി​ലെ​യും ര​ണ്ടാം മ​ദ്രാ​സ് റെ​ജി​മെ​ന്‍റി​ലെ​യും എ​ൻ​സി​സി 14 ാം ബ​റ്റാ​ലി​യ​നി​ലെ​യും അ​റു​പ​തം​ഗ സം​ഘ​മാ​ണ് തോ​മ​സ് ചെ​റി​യാ​ന്‍റെ സം​സ്കാ​ര ച​ട​ങ്ങു​ക​ളി​ൽ നേ​തൃ​ത്വം വ​ഹി​ച്ച​ത്. ക​മാ​ൻ​ഡിം​ഗ് ഓ​ഫീ​സ​ർ എ.​കെ. സിം​ഗ് നേ​തൃ​ത്വം ന​ൽ​കി.
കേ​ണ​ൽ ജോ​ൺ മാ​ത്യു, കേ​ണ​ൽ സ​ഞ്ജു ചെ​റി​യാ​ൻ, ലെ​ഫ്. കേ​ണ​ൽ സു​മി​ത് എ​സ്. കു​ൽ​ക്ക​ർ​ണി,

മേ​ജ​ർ പ​ങ്ക​ജ്, എ​ൻ​സി​സി ബ​റ്റാ​ലി​യ​ൻ കേ​ണ​ൽ മാ​യ​ങ്ക് ഖാ​ർ​ഗെ, ഇ​എം​ഇ - മേ​ജ​ർ പ​ങ്ക​ജ്, സു​ബേ​ദാ​ർ മേ​ജ​ർ ജ​യപ്ര​കാ​ശ്, ഹ​വി​ൽ​ദാ​ർ സി.​എ​സ്. ലാ​ൽ, ഹ​വി​ൽ​ദാ​ർ ബ​ൻ​വ​ർ ലാ​ൽ എ​ന്നി​വ​രും ക്ര​മീ​ക​ര​ണ​ങ്ങ​ൾ​ക്ക് ചു​ക്കാ​ൻ പി​ടി​ച്ചു.

പ​ത്ത​നം​തി​ട്ട ടീം ​സോ​ൾ​ജി​യേ​ഴ്സ് പ്ര​സി​ഡ​ന്‍റ് ര​ജീ​വ്‌ കെ. ​നാ​യ​ർ, ര​ക്ഷാ​ധി​കാ​രി രാ​ജ് മോ​ഹ​ൻ എ​ന്നി​വ​രു​ടെ നേ​തൃ​ത്വ​ത്തി​ൽ സേ​നാം​ഗ​ങ്ങ​ളും വി​മു​ക്ത ഭ​ട​രു​മാ​യ അ​ന്പ​തം​ഗ സം​ഘ​മു​ണ്ടാ​യി​രു​ന്നു.

സം​സ്കാ​രം ന​ട​ന്ന​ത് പ്ര​ത്യേ​ക ക​ല്ല​റ​യി​ൽ

ഇ​ല​ന്തൂ​ർ: സൈ​നി​ക​ൻ തോ​മ​സ് ചെ​റി​യാ​ന് പ​ള്ളി അ​ങ്ക​ണ​ത്തി​ൽ പ്ര​ത്യേ​ക ക​ല്ല​റ ഒ​രു​ക്കി കാ​രൂ​ർ സെ​ന്‍റ് പീ​റ്റേ​ഴ്സ് ഓ​ർ​ത്ത​ഡോ​ക്സ് ഇ​ട​വ​ക. പ​ള്ളി​യോ​ടു ചേ​ർ​ന്ന് വൈ​ദി​ക​രു​ടെ ക​ബ​റു​ക​ൾ​ക്ക് തൊ​ട്ട​ടു​ത്താ​യി പു​തി​യ ക​ല്ല​റ നി​ർ​മി​ച്ചാ​ണ് തോ​മ​സ് ചെ​റി​യാ​നെ ഇ​ന്ന​ലെ സം​സ്ക​രി​ച്ച​ത്.

ഇ​ട​വ​ക​യു​ടെ സെ​മി​ത്തേ​രി​യി​ൽ ഒ​ടാ​ലി​ൽ കു​ടും​ബ​ക്ക​ല്ല​റ​യി​ൽ സം​സ്ക​രി​ക്കാ​നാ​ണ് ആ​ദ്യം തീ​രു​മാ​നി​ച്ച​തെ​ങ്കി​ലും ഇ​ട​വ​ക പ്ര​ത്യേ​ക താ​ത്പ​ര്യ​മെ​ടു​ത്ത് പ​ള്ളി അ​ങ്ക​ണ​ത്തി​ൽത​ന്നെ ക​ല്ല​റ നി​ർ​മി​ക്കു​ക​യാ​യി​രു​ന്നു.