തിരുവമ്പാടി: തിരുവമ്പാടി ബസ് സ്റ്റാൻഡിലെ കാത്തിരിപ്പു കേന്ദ്രം പൊളിച്ചു നീക്കി വിശാലമായ വിശ്രമ കേന്ദ്രം, മുലയൂട്ടൽ കേന്ദ്രം എന്നിവ ഉടനെ പൂർത്തിയാക്കുമെന്ന് പഞ്ചായത്ത് അധികൃതർ പറഞ്ഞു. ഇതിന്‍റെ ഭാഗമായാണ് പഴയത് പൊളിച്ചു നീക്കിയത്. നിലവിലെ ബസ് കാത്തിരിപ്പു കേന്ദ്രത്തിൽ മദ്യപരുടെയും സാമൂഹിക വിരുദ്ധരുടെയും വിഹാരമായിരുന്നു.
ഈ പ്രദേശം വൃത്തിഹീനവും സ്ത്രീകൾക്കും കുട്ടികൾക്കും ഉപയോഗിക്കാൻ പറ്റാത്ത വിധത്തിലും ആയിരുന്നു. പൊളിച്ചുനീക്കിയ ശുചിമുറിയുടെ ഭാഗങ്ങളിൽ ഷീ മാർക്കറ്റ് ഒരുക്കുമെന്ന് പഞ്ചായത്ത് അധികതർ പറഞ്ഞു. ഇതിനു വാർഷിക പദ്ധതിയിൽ ഏഴ് ലക്ഷംനീക്കി വെച്ചിട്ടുണ്ട്. ബസ് സ്റ്റാൻഡിലെ നവീകരണ പ്രവൃത്തികളുടെ ഭാഗമായി ഷോപ്പിങ് കോംപ്ലക്സ് പെയിന്‍റിംഗ് നടത്തിയിരുന്നു.