നാദാപുരം: എംഡിഎംഎയുമായി യുവാവ് പിടിയിൽ. നാദാപുരം സ്വദേശി വെള്ളച്ചാലിൽ വി.സി. ഷമീൽ (33) നെയാണ് റൂറൽ എസ്പിയുടെ കീഴിലുള്ള ഡാൻസാഫ് അംഗങ്ങളും, നാദാപുരം പോലീസും ചേർന്ന് പിടികൂടിയത്.
പ്രതിയിൽ നിന്ന് 1.28 ഗ്രാം എംഡിഎംഎ പിടികൂടി. ശനിയാഴ്ച്ച പുലർച്ചെ 3.30 ന് നാദാപുരം - തലശേരി റോഡിൽ പോലീസ് സ്റ്റേഷന് മുന്നിൽ കെട്ടിടത്തിലെ ആളൊഴിഞ്ഞ സ്ഥലത്ത് കാറിൽ വിൽപന നടത്തുന്നതിനിടെയാണ് പ്രതി പിടിയിലായത്. കാർ പോലീസ് കസ്റ്റഡിയിലെടുത്തു.