കോഴിക്കോട്: ഹേമ കമ്മീഷൻ വെളിപ്പെടുത്തലിന്റെ പശ്ചാത്തലത്തിൽ സിനിമ മേഖലയിലെ മാഫിയകളെ നിലയ്ക്കു നിർത്താനുള്ള നിയമനിർമാണം ഉടൻ നടത്താൻ സർക്കാർ തയാറാകണമെന്ന് യുവകലാ സാഹിതി ആവശ്യപ്പെട്ടു.
സിനിമാ മേഖല ഇത്രയേറെ സ്ത്രീ വിരുദ്ധമാണെന്നത് ഞെട്ടിപ്പിക്കുന്നതാണ്. ആധുനിക സമൂഹത്തെ ലജ്ജിപ്പിക്കുന്ന പ്രവണതകൾ തിരുത്താൻ ആരോപണ വിധേയരായവർ തയാറാകണം. ഈ രംഗത്ത് സ്ത്രീകൾക്കു സുരക്ഷിതമായി ജോലി ചെയ്യാനുള്ള ക്രമീകരണം നിർബന്ധിതമാക്കാൻ സർക്കാർ മുൻകയ്യെടുക്കണമെന്നും യുവകലാസാഹിതി സംസ്ഥാന കമ്മിറ്റി ആവശ്യപ്പെട്ടു.