പുല്ലൂരാംപാറ: തിരുവമ്പാടി പഞ്ചായത്തിലെ മികച്ച കുട്ടി കർഷകയായി പുല്ലൂരാംപാറ സെന്റ് ജോസഫ്സ് യുപി സ്കൂളിലെ നാലാം ക്ലാസ് വിദ്യാർഥിനി ഡിന വിൽസൺ തെരഞ്ഞെടുക്കപ്പെട്ടു.
കൃഷിഭവന്റെ അവാർഡ് പഞ്ചായത്ത് പ്രസിഡന്റ് ബിന്ദു ജോൺസനിൽ നിന്നും വിദ്യാർഥിനി ഏറ്റുവാങ്ങി. വീട്ടുവളപ്പിലെ പച്ചക്കറി കൃഷി നടത്തിപ്പിലൂടെയാണ് കുട്ടി കർഷകയ്ക്ക് അവാർഡ് ലഭിച്ചത്. വീട്ടിൽ അച്ഛനെയും അമ്മയെയും സഹായിക്കുന്നത് ഡിനയാണ്. വനിത കർഷകക്കുള്ള അവാർഡ് നേടിയ അമ്മയുടെ വീട്ടിലെ കൂൺ കൃഷിയിലും പങ്കാളിയാകുന്നതും ഡിനയാണ്.