കോഴിക്കോട്: ദേശീയതലത്തിൽ എസ്സി, എസ്ടി ലിസ്റ്റിനെ ഉപജാതികളായി വിഭജിക്കാനും ക്രീമിലെയർ നടപ്പാക്കാനും സുപ്രീംകോടതി പുറപ്പെടുവിച്ച ഉത്തരവ് മറികടക്കാൻ പാർലമെന്റിൽ നിയമനിർമാണം നടത്തണമെന്ന് ആവശ്യപ്പെട്ട് ദളിത് ആദിവാസി ബഹുജൻ സ്ത്രീ പൗരാവകാശ കൂട്ടായ്മ ഇന്ന് ഹർത്താൽ നടത്തും.
വയനാടിനെ ഒഴിവാക്കിയാണ് സംസ്ഥാന വ്യാപകമായി ഹർത്താൽ നടത്തുന്നതെന്ന് ഭാരവാഹികൾ അറിയിച്ചു. ഹർത്താലിനോടനുബന്ധിച്ച് 9.30 ന് നഗരത്തിൽ പതിഷേധപ്രകടനം നടത്തുമെന്നും വിവിധ സംഘടനാനേതാക്കളായ ശങ്കരൻ മടവൂർ, കെ.പി. ലിജുകുമാർ, എ.എം. അഖിൽകുമാർ, ബാബു നെല്ലിക്കുന്ന്, രാമദാസ് വേങ്ങേരി, സൂരജ് കടലുണ്ടി എന്നിവർ വാർത്താസമ്മേളനത്തിൽ അറിയിച്ചു.