കോഴിക്കോട്: ജില്ലാ ബോൾ ബാഡ്മിന്‍റൺ അസോസിയേഷൻ സംഘടിപ്പിക്കുന്ന ജില്ലാ സബ് ജൂണിയർ ബോൾ ബാഡ്മിന്‍റൺ ചാമ്പ്യൻഷിപ്പ് എളേറ്റിൽ എംജെ ഹയർ സെക്കൻഡറി സ്കൂൾ ഗ്രൗണ്ടിൽ ആരംഭിച്ചു. ജില്ലാ അസോസിയേഷൻ പ്രസിഡന്‍റ് സുബൈർ കൊളക്കാടൻ ചാമ്പ്യൻഷിപ്പ് ഉദ്ഘാടനം ചെയ്തു.
ജില്ലാ സ്പോർട്സ് കൗൺസിൽ അംഗം എ.കെ. മുഹമ്മദ് അഷ്‌റഫ്‌ അധ്യക്ഷത വഹിച്ചു. കേരള ബോൾ ബാഡ്മിന്‍റൺ അസോസിയേഷൻ ജോയിന്‍റ് സെക്രട്ടറി അജയ് മുഖ്യാതിഥിയായിരുന്നു. എം.പി. ഹുസൈൻ, എം.പി. മുഹമ്മദ് ഇസ്ഹാഖ്, പി.ടി. അബ്ദുൾ അസീസ്, എം.പി. ഇല്യാസ്‌ എന്നിവർ പ്രസംഗിച്ചു.