വിലങ്ങാട്: ആരോഗ്യ വകുപ്പിന്റെയും ദേശീയ ഹെൽത്ത് മിഷന്റെയും ആഭിമുഖ്യത്തിൽ വിലങ്ങാട് സ്പെഷാലിറ്റി മെഡിക്കൽ ക്യാമ്പ് സംഘടിപ്പിച്ചു. മെഡിക്കൽ കോളജിലെയും ആരോഗ്യവകുപ്പിലെയും ഡോക്ടർമാർ രോഗികളെ പരിശോധിച്ചു.
ഇതോടൊപ്പം ആയുർവേദം, ഹോമിയോ മെഡിക്കൽ സംഘവും പരിശോധന നടത്തി. മുന്നൂറിലേറെ രോഗികൾ ക്യാമ്പിൽ പരിശോധനകൾക്ക് വിധേയരായി. ക്യാമ്പിൽ കൗൺസിലിംഗ് ബോധവത്കരണ ക്ലാസുകളും സംഘടിപ്പിച്ചു. ഇ.കെ. വിജയൻ എംഎൽഎ, ബ്ലോക്ക് പ്രസിഡന്റ് കെ.പി. വനജ, പഞ്ചായത്ത് പ്രസിഡന്റ് പി. സുരയ്യ, ഡിപിഎം ഡോ. സി.കെ. ഷാജി, ഡോ. എ. നവീൻ എന്നിവർ ക്യാമ്പിൽ സന്നിഹിതരായി.