വടകര: കോഴിക്കോട് റൂറൽ എസ്പിയായി പി. നിധിൻരാജ് ചുമതലയേറ്റു. സ്ഥലം മാറിപോകുന്ന എസ്പി ഡോ. അരവിന്ദ്സുകുമാർ പി. നിധിൻരാജിനെ സ്വീകരിച്ചു.
തിരുവനന്തപുരം സിറ്റി ലോ ആൻഡ് ഓർഡർ, ട്രാഫിക് വിഭാഗം ഡെപ്യൂട്ടി കമ്മീഷണർ പദവിയിൽ നിന്നാണ് നിധിൻരാജ് റൂറൽ എസ്പിയായി എത്തിയത്. 2019 ബാച്ച് ഐപിഎസ് ഉദ്യോഗസ്ഥനായ നിധിൻ രാജ് നാദാപുരം, തലശേരി, പാലാ എന്നിവിടങ്ങളിൽ എഎസ്പിയായും സ്പെഷ്യൽ ഓപറേഷൻസ് മലപ്പുറം എസ്പിയായും തൃശൂർ ഇന്ത്യ റിസർവ് ബറ്റാലിയൻ കമാൻഡന്റായും സേവനം അനുഷ്ഠിച്ചിട്ടുണ്ട്. കാസർകോട് സ്വദേശിയാണ്.