കോഴിക്കോട്: ഈ വര്ഷത്തെ പി.വി. സാമി മെമ്മോറിയല് ഇന്ഡസ്ട്രിയല് ആന്ഡ് സോഷ്യോ കള്ച്ചറല് അവാര്ഡ് ഗോകുലം ഗ്രൂപ്പ് ഓഫ് കമ്പനിസ് എക്സിക്യൂട്ടീവ് ചെയര്മാന് ഗോകുലം ഗോപാലന് നല്കാന് തീരുമാനിച്ചതായി പി.വി. സാമി മെമ്മോറിയല് ട്രസ്റ്റ് ചെയര്മാന് പി.വി. ചന്ദ്രന് അറിയിച്ചു.
എം.വി. ശ്രേയാംസ് കുമാര് ചെയര്മാനും ഡോ. സി. കെ. രാമചന്ദ്രന്, സത്യന് അന്തിക്കാട് എന്നിവര് അംഗങ്ങളുമായ ജൂറിയാണ് ഗോകുലം ഗോപാലനെ അവാര്ഡിനായി തെരെഞ്ഞെടുത്തത്. പി.വി. സാമിയുടെ ചരമദിനമായ സെപ്റ്റംബര് ഒന്നിന് ശ്രീനാരായണ സെന്റനറി ഹാളില് നടക്കുന്ന ചടങ്ങില് വച്ച് അവാര്ഡ് സമ്മാനിക്കും.