കെ.​ജി. ജോ​ർ​ജി​ന് അ​ന​ന്ത​പു​രി​യി​ൽ ഓ​ർ​മ​ക​ളി​ലൂ​ടെ അ​ർ​ച്ച​ന
Wednesday, September 25, 2024 6:53 AM IST
തി​രു​വ​ന​ന്ത​പു​രം: മ​ല​യാ​ള ച​ല​ച്ചി​ത്ര​ങ്ങ​ൾ​ക്കു പു​തി​യൊ​രു സൗ​ന്ദ​ര്യാ​ത്മ​ക​ത പ​ക​ർ​ന്ന, സി​നി​മ​യെ മ​റ്റൊ​രു ഭാ​വു​ക​ത്വ​ത്തി​ലേ​ക്കു ഉ​യ​ർ​ത്തി​യ കെ.​ജി. ജോ​ർ​ജി​ന്‍റെ ഓ​ർ​മ​ക​ളി​ൽ ഒ​രു സാ​യാ​ഹ്നം. കെ.​ജി. ജോ​ർ​ജ് വി​ട​പ​റ​ഞ്ഞ​തി​ന്‍റെ ഒ​ന്നാം വാ​ർ​ഷി​ക​ത്തി​ൽ ഓ​ർ​മ ഫൗ​ണ്ടേ​ഷ​ൻ എം​ജി​എം എ​ഡ്യൂ​ക്കേ​ഷ​ണ​ൽ ഇ​ൻ​സ്റ്റി​റ്റ്യൂ​ഷ​ൻ​സി​ന്‍റെ സ​ഹ​ക​ര​ണ​ത്തോ​ടെ സം​ഘ​ടി​പ്പി​ച്ച അ​നു​സ്മ​ര​ണ യോ​ഗം ഓ​ർ​മ കെ.​ജി. ജോ​ർ​ജി​ലേ​ക്കു​ള്ള ഹൃ​ദ​യ സ​ഞ്ചാ​ര​മാ​യി.

കെ.​ജി. ജോ​ർ​ജിെ​ൻ സി​നി​മ​ക​ളി​ൽ കാ​മ​റ ച​ലി​പ്പി​ച്ചി​ട്ടു​ള്ള പ്ര​ശ​സ്ത സം​വി​ധാ​യ​ക​നും ഛായാ​ഗ്രാ​ഹ​ക​നും ക​ഐ​സ് എ​ഫ്ഡി​സി ചെ​യ​ർ​മാ​നു​മാ​യ ഷാ​ജി എ​ൻ. ക​രു​ണ്‍ ആ​ണ് ആ​ദ്യം ഓ​ർ​മ​യു​മാ​യെ​ത്തി​യ​ത്. ജോ​ർ​ജേ​ട്ട​ൻ എ​ന്നു താ​ൻ വി​ളി​ക്കു​ന്ന കെ.​ജി. ജോ​ർ​ജി​ന്‍റെ സം​വി​ധാ​ന ശൈ​ലി​യെക്കുറി​ച്ച് ഷാ​ജി എ​ൻ. ക​രു​ണ്‍ പ​റ​ഞ്ഞു.

സി​നി​മ ചി​ത്രീ​ക​ര​ണ​ത്തി​ന്‍റെ ത​ലേ​ദി​വ​സം ത​ന്നെ പൂ​ർ​ണ​തി​ര​ക്ക​ഥ ഛായാ​ഗ്രാ​ഹ​ക​നാ​യ ത​ന്നെ ഏ​ൽ​പി​ക്കു​മാ​യി​രു​ന്നു. അ​തു​കൊ​ണ്ടുത​ന്നെ സി​നി​മ​യു​ടെ ക​ഥാ​പാ​ത്ര​ങ്ങ​ളെ കു​റി​ച്ചും, ക​ഥാ​പാ​ത്ര​ങ്ങ​ൾ​ക്കു സം​ഭ​വി​ക്കു​ന്ന മാ​റ്റ​ങ്ങ​ളെക്കു​റി​ച്ചും ന​ല്ല ധാ​ര​ണ ല​ഭി​ച്ചി​രു​ന്നു- ഷാ​ജി എ​ൻ. ക​രു​ണ്‍ പ​റ​ഞ്ഞു. കെ.​ജി. ജോ​ർ​ജ് തീ​ർ​ക്കു​ന്ന ഈ ​വ്യ​ക്ത​ത ഛായാ​ഗ്രാ​ഹ​ക​ൻ എ​ന്ന നി​ല​യി​ലെ ത​ന്‍റെ പ്ര​വ​ർ​ത്ത​ന​ത്തെ ഏ​റെ സ​ഹാ​യി​ച്ചി​രു​ന്നു.

പ​ഞ്ച​വ​ടിപ്പാ​ലം എ​ന്ന സി​നി​മ​യി​ലെ ഭ​ര​ത് ഗോ​പി​യെ പ​ക​ർ​ത്തു​ന്പോ​ൾ ഗോ​പി​യു​ടെ ക​ഥാ​പാ​ത്ര​ത്തി​നു വ​രു​ന്ന മാ​റ്റ​ങ്ങ​ൾ താ​ൻ തി​രി​ച്ച​റി​ഞ്ഞി​രു​ന്നു. സ​മ​ഗ്ര​മാ​യ ഈ ​അ​റി​വ് ഭ​ര​ത്ഗോ​പി​യു​ടെ ചേ​ഷ്ഠ​ക​ൾ കാ​മ​റ​യി​ലാ​ക്കു​ന്പോ​ൾ ഏ​റെ സ​ഹാ​യ​ക​ര​മാ​യി. ഇ​തു​പോ​ലെ ഓ​രോ ക​ഥാ​പാ​ത്ര​ങ്ങ​ളെ​യും ത​നി​ക്കു പൂ​ർ​ണ​മാ​യും ഉ​ൾ​ക്കൊ​ള്ളു​വാ​ൻ സാ​ധി​ച്ചു. കെ.​ജി. ജോ​ർ​ജി​ന്‍റെ സി​നി​മ​ക​ൾ ആ​വ​ർ​ത്തി​ച്ച് കാ​ണു​ന്പോ​ൾ വ്യ​ത്യ​സ്ത​മാ​യ അ​നു​ഭ​വ​ങ്ങ​ൾ സൃ​ഷ്ടി​ക്ക​പ്പെ​ടു​ക​യാ​ണെ ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.

ത​ന്‍റെ ഉ​ൾ​ക്ക​ട​ൽ എ​ന്ന നോ​വ​ലി​നെ അ​തി​മ​നോ​ഹ​ര​മാ​യി സാ​ക്ഷാ​ത്ക​രി​ച്ച കെ.​ജി. ജോ​ർ​ജി​നെ പ്ര​ശ​സ്ത നോ​വ​ലി​സ്റ്റ് ഡോ. ​ജോ​ർ​ജ് ഓ​ണ​ക്കൂ​ർ ഓ​ർ​മി​ച്ചു. കോ​ള​ജ് കാ​ന്പ​സി​നെ ക​ഥാ​പാ​ത്ര​മാ​ക്കി എ​ഴു​തി​യ നോ​വ​ൽ എ​ങ്ങ​നെ സി​നി​മ​യാ​ക്കും എ​ന്ന സം​ശ​യം ആ​ദ്യം ഉ​ണ്ടാ​യി​രു​ന്നു. മി​ക​ച്ച സി​നി​മ​യാ​യി ഉ​ൾ​ക്ക​ട​ൽ മാ​റി​യ​തി​നു പി​ന്നി​ൽ കെ.​ജി. ജോ​ർ​ജി​ന്‍റെ സ​ർ​ഗ​പ്ര​തി​ഭ​യാ​ണ് - ഓ​ണ​ക്കൂ​ർ ചൂ​ണ്ടി​ക്കാ​ട്ടി.


കെ.​ജി. ജോ​ർ​ജി​ന്‍റെ പ​തി​വ് സി​നി​മാ​ശൈ​ലി​യി​ൽനി​ന്നും മാ​റി​നി​ൽക്കു​ന്ന​താ​ണ് ഉ​ൾ​ക്ക​ട​ൽ. നോ​വ​ലു​ക​ൾ സി​നി​മ​യാ​ക്കു​ന്പോ​ൾ നോ​വ​ലി​ന്‍റെ പേ​രു​ക​ൾ മാ​റ്റു​ന്ന പ​തി​വ് കെ.​ജി. ജോ​ർ​ജി​നു​ണ്ട്. എ​ന്നാ​ൽ ഉ​ൾ​ക്ക​ട​ലി​ന്‍റെ പേ​രുമാ​റ്റു​വാ​ൻ ഒ​രു​ശ്ര​മം ന​ട​ന്നു​വെ​ങ്കി​ലും ഒ​ടു​വി​ൽ ത​ന്‍റെ നോ​വ​ലി​ന്‍റെ പേ​രു​ത​ന്നെ സി​നി​മ​യ്ക്കും കെ.​ജി. ജോ​ർ​ജ് ന​ല്കു​ക​യാ​യി​രു​ന്നു.

സി​നി​മ​യോ​ടു​ള്ള കെ.​ജി. ജോ​ർ​ജി​ന്‍റെ അ​ർ​പ്പ​ണ​ത്തെ​ക്കു​റി​ച്ചു പ​റ​ഞ്ഞ ഡോ. ഓ​ണ​ക്കൂ​ർ കെ.​ജി. ജോ​ർ​ജ് പു​തി​യൊ​രു ച​ല​ച്ചി​ത്ര സം​സ്കാ​രം സൃ​ഷ്ടി​ച്ചു എ​ന്നും വ്യ​ക്ത​മാ​ക്കി. കെ.​ജി. ജോ​ർ​ജി​നെ ന​മ്മു​ടെ സ​മൂ​ഹം വേ​ണ്ട​ത്ര ഉ​ൾ​ക്കൊ​ണ്ടി​ട്ടു​ണ്ടോ എ​ന്ന സം​ശ​യം ബാ​ക്കി​യാ​വു​ന്നു എ​ന്നും അ​ദ്ദേ​ഹം പ​റ​ഞ്ഞു.

നി​ല​നി​ൽ​ക്കു​ന്ന സി​നി​മ​യു​ടെ രീ​തി-സൗ​ന്ദ​ര്യ ശാ​സ്ത്ര​ങ്ങ ളെ മാ​റ്റി​മ​റി​ച്ച വി​പ്ല​വ​കാ​രി​യാ​ണ് കെ.​ജി. ജോ​ർ​ജെ​ന്ന് സം​സ്ഥാ​ന ച​ല​ച്ചി​ത്ര അ​ക്കാ​ഡ​മി ചെ​യ​ർ​മാ​ന്‍റെ ചു​മ​ത​ല വ​ഹി​ക്കു​ന്ന പ്രേം​കു​മാ​ർ അ​ഭി​പ്രാ​യ​പ്പെ​ട്ടു. ഉ​ൾ​ക്ക​ട​ലി​ൽ അ​ഭി​ന​യി​ക്കു​ന്ന അ​വ​സ​ര​ത്തി​ലാണ് ജോ​ർ​ജി​നെ ആ​ദ്യം കാ​ണു​ന്ന​തെ​ന്നു ച​ല​ച്ചി​ത്ര ന​ടി ജ​ല​ജ പ​റ​ഞ്ഞു.

യ​വ​നി​ക​യി​ൽ ഭ​ര​ത് ഗോ​പി ചേ​ട്ട​ന്‍റെ അ​ഭി​ന​യ​ത്തി​നൊ​പ്പം പി​ടി​ച്ചു​നി​ല്ക്കു​വാ​ൻ ഏ​റെ പ്ര​യാ​സ​മാ​യി​രു​ന്നു. യ​വ​നി​ക​യി​ൽ താ​ൻ അ​ഭി​ന​യി​ച്ച ക​ഥാ​പാ​ത്ര​ത്തി​ന്‍റെ വി​ജ​യ​ത്തി​ൽ സം​വി​ധാ​യ​ക​ൻ കെ.​ജി. ജോ​ർ​ജി​ന്‍റെ വ​ലി​യ പ​ങ്കു​ണ്ട്. അ​ഭി​ന​യ​ത്തി​ന്‍റെ സൂ​ക്ഷ്മാം​ശ​ങ്ങ​ൾ ത​നി​ക്ക് പ​റ​ഞ്ഞു മ​ന​സി​ലാ​ക്കി ത​ന്നി​രു​ന്നുവെ​ന്നും ജ​ല​ജ പ​റ​ഞ്ഞു.

തു​ട​ർ​ന്ന് കെ.​ജി. ജോ​ർ​ജി​ന്‍റെ സ്വ​പ്ന സ​ന്നി​ഭ​മാ​യ ച​ല​ച്ചി​ത്ര ഭാ​ഷ്യം എ​ന്ന വി​ഷ​യ​ത്തെ കു​റി​ച്ച് ക​ലാ​നി​രൂ​പ​ക​ൻ ഇ. ​ജ​യ​കൃ​ഷ്ണ​ൻ പ്ര​സം​ഗി​ച്ചു. നോ​വ​ലി​സ്റ്റ് ന​ന്ദ​ൻ പ്ര​സം​ഗി​ച്ചു. ഓ​ർ​മ ഫൗ​ണ്ടേ​ഷ​ൻ സ്ഥാ​പ​ക​ൻ മേ​ലി​ല രാ​ജ​ശേ​ഖ​ർ സ്വാ​ഗ​തം ആ​ശം​സി​ച്ചു.