നെയ്യാറ്റിന്കര : ഡോ. എ.പി.ജെ.അബ്ദുള് കലാമിന്റെ സ്മൃതി ദിനമായ നാളെ നെയ്യാറ്റിന്കര അസോസിയേഷന് ഫോര് റൂറല് ഡവലപ്പ്മെന്റ് (നാര്ഡ്) സംഘടിപ്പിക്കുന്ന കലാം സ്മൃതി സന്ധ്യയും പ്രതിമാസ സാംസ്കാരിക സദസും എല്പിഎസ്സി സ്ഥാപക ഡയറക്ടര് ഡോ. എ.ഇ മുത്തുനായകം ഉദ്ഘാടനം ചെയ്യും.
നെയ്യാറ്റിന്കര സുഗതസ്മൃതി തണലിടത്തില് വൈകുന്നേരം നാലിന് ചേരുന്ന ചടങ്ങില് നാര്ഡ് ചെയര്മാന് ജെ. ജോസ് ഫ്രാങ്ക്ളിന് അധ്യക്ഷനാകും. നിംസ് മെഡിസിറ്റി എംഡി ഡോ.എം.എസ്.ഫൈസൽഖാൻ കലാം അനുസ്മരണ പ്രഭാഷണം നടത്തും. വിവിധ പരീക്ഷാ ജേതാക്കള്ക്ക് അനുമോദനം, ചികിത്സാ സഹായ വിതരണം എന്നിവയും സംഘടിപ്പിച്ചിട്ടുണ്ട്.