ഗു​രു​വാ​യൂ​ർ: ഉ​ത്സ​വ ക​ലാ​പ​രി​പാ​ടി​ക​ളി​ൽ വേ​റി​ട്ട​തും ഭ​ക്തി​സാ​ന്ദ്ര​വു​മാ​യ ക​ണ്യാ​ർ​ക​ളി ആ​സ്വാ​ദ​ന​ത്തി​ന് വ​ലി​യ ഭ​ക്ത​ജ​ന​പ​ങ്കാ​ളി​ത്തം. വാ​മൊ​ഴി​യി​ലൂ​ടെ കൈ​മാ​റിവ​ന്ന​താ​ണ് ഈ ​അ​നു​ഷ്ഠാ​ന ക​ലാ​രൂ​പം. ക​ലാ​കാ​ര​ന്മാ​ർ കി​ഴ​ക്കേ ദീ​പ​സ്തം​ഭ​ത്തി​നു മു​ന്നി​ലെ​ത്തി ഗു​രു​വാ​യൂ​ര​പ്പ​നെ വ​ണ​ങ്ങി​യശേ​ഷ​മാ​ണ് ക​ളി ആ​രം​ഭി​ച്ച​ത്.

കൊ​ടു​വാ​യൂ​ർ ക​രു​വ​ന്നൂ​ർ ദേ​ശ​ത്തെ ക​ണ്യാ​ർ​ക​ളി സം​ഘ​മാ​ണ് ക​ളി അ​വ​ത​രി​പ്പി​ച്ച​ത്. കും​ഭം, മീ​നം, മേ​ടം മാ​സ​ങ്ങ​ളി​ൽ വി​വി​ധ ദേ​ശ​ങ്ങ​ളി​ലെ ത​ട്ട​ക​ത്തി​ൽ വാ​ഴു​ന്ന ദേ​വീ​ദേ​വ​ൻ​മാ​രു​ടെ പ്രീ​തി​ക്കാ​യി പു​രു​ഷ​ൻ​മാ​ർ പ്രാ​യ​ഭേ​ദ​മ​ന്യേ സ​മ​ർ​പ്പി​ക്കു​ന്ന പാ​ല​ക്കാ​ടി​ന്‍റെ ത​ന​തു ക​ലാ​രൂ​പ​മാ​ണി​ത്.
വി​വി​ധ ക​ളി​ക​ൾ കോ​ർ​ത്തി​ണ​ക്കി കു​ട്ടേ മാ​രി​യ​മ്മ, കു​റ​ത്തി - കു​റ​വ​ൻ, വേ​ട്ടു​വ​ർ, മ​ല​യ​ർ തു​ട​ങ്ങി​യ ക​ളി​ക​ൾ സം​ഗ്ര​ഹി​ച്ചാ​യി​രു​ന്നു അ​വ​ത​ര​ണം. ഒ​ന്ന​ര മ​ണി​ക്കൂ​റോ​ള​മാ​യി​രു​ന്നു ക​ളി.

ജെ​യ്പു​ർ ഡോ. ​വി​നാ​യ​ക് ശ​ർ​മ​യു​ടെ സി​ത്താ​ർ ക​ച്ചേ​രി​ക്കും അ​പ​ർ​ണ​ശ​ർ​മ​യു​ടെ ഭ​ര​ത​നാ​ട്യം,
ക​ഥാ​പ്ര​സം​ഗം എ​ന്നി​വ ഉ​ൾ​പ്പെ​ടെ​യു​ള്ള ക​ലാ​പ​രി​പാ​ടി​ക​ൾ​ക്കും ആ​സ്വാ​ദ​ക​രേ​റെ​യാ​യി​രു​ന്നു.
വൃ​ന്ദാ​വ​നം വേ​ദി​യി​ൽ രാ​വി​ലെ ആ​റി​ന് ആ​രം​ഭി​ക്കു​ന്ന തി​രു​വാ​തി​ര​ക്ക​ളി, കൈ​കൊ​ട്ടി​ക്ക​ളി എ​ന്നി​വ രാ​ത്രി വൈ​കി​യാ​ണ് അ​വ​സാ​നി​ക്കു​ന്ന​ത്. വ​രും​ദി​വ​സ​ങ്ങ​ളി​ൽ ന​ടി​മാ​രാ​യ ന​വ്യ നാ​യ​ർ, ശാ​ലു മേ​നോ​ൻ എ​ന്നി​വ​ർ വി​വി​ധ പ​രി​പാ​ടി​ക​ളി​ൽ അ​ര​ങ്ങി​ലെ​ത്തും. തി​ങ്ക​ളാ​ഴ്ച ക​ലാ​പ​രി​പാ​ടി​ക​ൾ​ക്കു സ​മാ​പ​ന​മാ​കും.