ADVERTISEMENT

ADVERTISEMENT

പുരസ്കാരം നൽകി

ചാലക്കുടി: 25 വർഷം പൂർത്തിയാക്കിയ നഗരസഭ ചെയർപേഴ്സൻ ഷിബു വാലപ്പൻ - ആ‌ലിസ് ഷിബു കൗൺസിലർ ദമ്പതികൾക്ക് സിൽവർ ഐക്കൺ പുരസ്കാരം ഇരിങ്ങാലക്കുട ബിഷപ് മാർ പോളി കണ്ണൂക്കാടൻ സമ്മാനിച്ചു. സാധാരണക്കാരായി സാധാരണക്കാർക്കുവേണ്ടി പ്രവർത്തിച്ച ദമ്പതികളുടെ പ്രവർത്തനം മാതൃകയാണെന്ന് ബിഷപ് പറഞ്ഞു. സനീഷ്കുമാർ ജോസഫ് എംഎൽഎ അധ്യക്ഷത വഹിച്ചു. ബെന്നി ബഹനാൻ എംപി മുഖ്യപ്രഭാഷണം നടത്തി.

ബ്ലോക്ക് പഞ്ചായത്ത് പ്രസിഡന്‍റ്് വേണു കണ്ഠരുമഠത്തിൽ, ഫാ.വർഗീസ് പാത്താടൻ, ഫാ. പോളി പടയാട്ടി, ഇമാം ഹാജി ഹുസൈൻ ബാഗവി, അഡ്വ. കെ.ബി. സുനിൽകുമാർ, വി.ഒ. പൈലപ്പൻ, എബി ജോർജ്, സുന്ദർദാസ്, അഡ്വ. ബിജു എസ്. ചിറയത്ത്, ജോയി മൂത്തേടൻ, പോൾ പാറയിൽ, അഡ്വ. സേവ്യർ പാലാട്ടി എന്നിവർ പ്രസംഗിച്ചു.

ADVERTISEMENT

സുരക്ഷയൊരുക്കാന്‍ വേണം, പോലീസ് എയ്ഡ് പോസ്റ്റ്

ഇരിങ്ങാലക്കുട: ജനറല്‍ ആശുപത്രിയില്‍ സുരക്ഷയൊരുക്കാന്‍ പോലീസ് എയ്ഡ് പോസ്റ്റ് വേണമെന്ന ആവശ്യം ശക്തമായി. ജനറല്‍ ആശുപത്രിയില്‍ ഡോക്ടറുടെ ഡ്യൂട്ടി തടസപ്പെടുത്തുകയും ആശുപതിയിലെ സുരക്ഷാ ജീവനക്കാനു നേരെ ഭീഷണി ഉയര്‍ത്തുകയും ചെയ്ത സംഭവങ്ങള്‍ ആവര്‍ത്തിക്കുന്ന സാഹചര്യത്തിലാണ് ആശുപത്രി വളപ്പില്‍ പോലീസ് എയ്ഡ് പോസ്റ്റ് സ്ഥാപിക്കണമെന്ന് ആവശ്യം ഉയര്‍ന്നത്. ബ്ലോക്കുകളിലായി പ്രവര്‍ത്തിക്കുന്ന ആശുപത്രിയില്‍ സുരക്ഷാ ജീവനക്കാര്‍ കുറവാണ്. കഴിഞ്ഞമാസം രണ്ട് സംഭവങ്ങളാണ് ആശുപത്രിയില്‍ ഉണ്ടായത്. ജനറല്‍ ആശുപത്രിയിലെ ഡോക്ടറുടെ ഡ്യൂട്ടി തടസപ്പെടുത്തുകയും സെക്യൂരിറ്റി ജീവനക്കാരനെ ആക്രമിച്ച് ഭീകരാന്തരീക്ഷം സൃഷ്ടിക്കുകയും ചെയ്തതാണ് ഒരു സംഭവം. ഈ സംഭവത്തില്‍ സഹോദരങ്ങളക്കം മൂന്നുപേരെ പോലീസ് അറസ്റ്റ് ചെയ്തിരുന്നു. രാത്രി പത്തിന് ജനറല്‍ ആശുപത്രിയിലെ നിരീക്ഷണ വാര്‍ഡില്‍ വച്ചാണ് സംഭവം. അടിപിടിയില്‍ പരിക്കേറ്റെന്ന് പറഞ്ഞ് ചികിത്സയ്ക്കായി ഇരിങ്ങാലക്കുട ജനറല്‍ ആശുപത്രിയിലെത്തിയ യുവാവിനോട് സിടി സ്‌കാന്‍ എടുക്കേണ്ടത് അത്യാവശ്യമാണെന്ന് പറഞ്ഞു. ഈ സമയം നിങ്ങള്‍ എന്തേ ഇവിടെ സിടി സ്‌കാന്‍ വയ്ക്കാത്തത് എന്ന് പറഞ്ഞ് ഉച്ചത്തില്‍ ബഹളം വയ്ക്കുകയും ഭീഷണിപ്പെടുത്തുകയും അസഭ്യം പറയുകയും തടയാന്‍വന്ന സെക്യൂരിറ്റി ജീവനക്കാരനെ ആക്രമിച്ച് ഭീകരാന്തരീക്ഷം സൃഷ്ടിക്കുകയും ഡോക്ടറുടെയും മറ്റ് ജീവനക്കാരുടെയും ഡ്യൂട്ടി തടസപ്പെടുത്തുകയുമായിരുന്നു. നിരവധി ക്രിമിനല്‍ കേസുകളിലെ പ്രതികളാണവര്‍. ചികിത്സയ്ക്കായി എത്തിയ യുവതിയെ കയറിപിടിച്ച് മാനഹാനിവരുത്തിയ സംഭവമാണ് മറ്റൊന്ന്. പനി ബാധിച്ച് ചികിത്സയ്ക്കായി ആശുപത്രിയിലേക്ക് നടന്നുപോകുകയായിരുന്ന യുവതിക്കു പെട്ടന്ന് തലകറക്കം അനുഭവപ്പെട്ടു. ആ സമയം പ്രതി യുവതിയെ താങ്ങിനിര്‍ത്തുകയും സഹായിക്കാമെന്നുപറഞ്ഞ് കൂടെകൂട്ടുകയുമായിരുന്നു. ഒപി ടിക്കറ്റ് എടുത്ത് തരാമെന്നും താന്‍ ഹോസ്പിറ്റല്‍ ജീവനക്കാരനാണെന്ന് തെറ്റിധരിപ്പിച്ച് മുകളിലെ നിലയില്‍ പോയിവിശ്രമിക്കാന്‍ പറഞ്ഞയക്കുകയുമായിരുന്നു. യുവതി മുകളിലെ നിലയില്‍ പോയി കിടന്ന് വിശ്രമിക്കുമ്പോള്‍ യുവതിയെ കയറിപ്പിടിച്ച് മാനഹാനി വരുത്തുകയായിരുന്നു. പല ക്രിമിനല്‍ കേസുകളിലുള്‍പെട്ടവര്‍ തമ്മില്‍ സംഘര്‍ഷമുണ്ടാകുമ്പോള്‍ ചികിത്സ തേടി എത്തുന്നത് ജനറല്‍ ആശുപത്രിയിലാണ്. ഈ സമയം പലപ്പോഴും ഇരു കൂട്ടരും തമ്മില്‍ വാക്കേറ്റം നടന്നിട്ടുണ്ട്. അത്യാഹിത വിഭാഗത്തിലാണ് പലപ്പോഴും പ്രശ്‌നമുണ്ടാകുന്നത്. എയ്ഡ് പോസ്റ്റ് സംവിധാനമൊരുക്കി പോലീസിന്‍റെ സ്ഥിരം നിരീക്ഷണം ഉറപ്പാക്കണമെന്നാണ് ആശുപത്രിയിലെ ജീവനക്കാരുടെയും നാട്ടുക്കാരുടെയും ആവശ്യം. ഇതു സംബന്ധിച്ച് കഴിഞ്ഞ ആശുപത്രി വികസന സമിതിയില്‍ ചര്‍ച്ച നടന്നിരുന്നു.

വിമാനം കയറാൻ മോഹം, ഹരിതകര്‍മസേനാംഗങ്ങളുടെ ആഗ്രഹം സഫലമാക്കി പഞ്ചായത്തംഗം

ഇരിങ്ങാലക്കുട: അതൊരു സ്വപ്നസാഫല്യയാത്രയായിരുന്നു നാലുപേര്‍ക്കും. ജോലിക്കിടയില്‍ പറന്നു പോകുന്ന വിമാനങ്ങളെ നോക്കി ഒരിക്കലെങ്കിലും അതില്‍ കയറാന്‍ ആഗ്രഹിച്ചവരാണിവര്‍. ആ ആഗ്രഹം തങ്ങളുടെ പഞ്ചായത്ത് അംഗത്തോട് ഇടയ്ക്കിടെ പറയുകയും ചെയ്തിരുന്നു. ഇപ്പോള്‍, ആ സ്വപ്നം യാഥാര്‍ഥ്യമായതിന്‍റെ സന്തോഷം. മുരിയാട് പഞ്ചായത്ത് 12-ാംവാര്‍ഡിലെ ഹരിതകര്‍മസേനാംഗങ്ങളായ ടി.വി. ഉഷ (61), പി.എം. സിനി (43), അഞ്ജലി ശ്രീനിവാസന്‍ (49), പുഷ്പലത ജയരാജന്‍ (46) എന്നിവരാണ് ബംഗളൂരുവിലേക്ക് വിമാനയാത്ര നടത്തിയത്. വാര്‍ഡംഗം തോമസ് തൊകലത്താണ് സൗജന്യമായി വിമാനയാത്ര ഏര്‍പ്പാടാക്കിയത്. ഇടയ്ക്കിടക്ക് വിമാനയാത്ര നടത്തുന്ന തോമസിനെ കാണുമ്പോഴെല്ലാം ഹരിതകര്‍മസേനാംഗങ്ങള്‍ക്ക് ഒന്നേ ചോദിക്കാനുണ്ടായിരുന്നുള്ളു. എന്നാ ഞങ്ങളേയും ഇതുപോലെ വിമാനത്തിലൊന്ന് കൊണ്ടുപോകാന്ന്. നെടുമ്പാശേരിയില്‍നിന്ന് വിമാനത്തില്‍ ബംഗളൂരുവിലെത്തിയ നാലുപേരും പകല്‍മുഴുവന്‍ നഗരംചുറ്റിക്കണ്ട് രാത്രി ട്രെയിനില്‍ എസി കോച്ചില്‍ തൃശൂരില്‍ തിരിച്ചെത്തി. വളരെ സന്തോഷമുണ്ടെന്നും ഒരിക്കലും നടക്കില്ലെന്ന് കരുതിയ കാര്യമാണ് മെമ്പര്‍ യാഥാര്‍ഥ്യമാക്കിയതെന്നും യാത്രയ്ക്ക് ശേഷം ഹരിതകര്‍മ സേനാംഗങ്ങള്‍ പറഞ്ഞു.

ഇരട്ടസഹോദരങ്ങൾക്കു സ്വർണത്തിളക്കം

കുന്നംകുളം: മൂന്നു മത്സരങ്ങളിൽനിന്നായി രണ്ടു സ്വർണവും മൂന്നു വെള്ളിയും ഒരു വെങ്കലവുമടക്കം ആറു മെഡലുകൾ വാരിക്കൂട്ടി ഇരട്ടസഹോദരങ്ങൾ. ജില്ലാ റവന്യു കായികമേളയിലെ ജൂണിയർ ആൺകുട്ടികളുടെ വിഭാഗത്തിലാണ് മേലൂർ സെന്‍റ് ജോസഫ് ഹയർ സെക്കൻഡറി സ്കൂളിലെ ഇരട്ടസഹോദരങ്ങളായ ജെഫിൻ ജോഷിയും ജെസിൻ ജോഷിയും തിളക്കമാർന്ന വിജയം സ്വന്തമാക്കിയത്. ഷോട്ട്പുട്ടിൽ ജെഫിൻ സ്വർണംനേടിയപ്പോൾ ജെസിൻ വെള്ളിമെഡൽ നേടി. ഡിസ്കസ് ത്രോയിലും ഇരുവരും ഇതേ പ്രകടനം ആവർത്തിച്ചു. ജെഫിൻ ഒന്നാംസ്ഥാനവും ജെസിൻ രണ്ടാംസ്ഥാനവും കരസ്ഥമാക്കി. ഹാമർ ത്രോയിൽ ജെസിൻ വെള്ളി നേടിയപ്പോൾ ജെഫിനു വെങ്കലം നേടാനേ സാധിച്ചുള്ളൂ. മേലൂർ വാഴക്കാല വീട്ടിൽ ജോഫി-ഷൈജി ദമ്പതികളുടെ മക്കളാണ് പത്താംക്ലാസുകാരായ ഈ ഇരട്ടകൾ. കായികാധ്യാപകൻ എം.ജെ. ജോജുവിന്‍റെ കീഴിൽ എട്ടാംക്ലാസ് മുതൽ ഇരുവരും പരിശീലനം നടത്തുന്നുണ്ട്. കഴിഞ്ഞവർഷത്തെ കായികമേളയിലും ഇവർ മെഡലുകൾ സ്വന്തമാക്കിയിരുന്നു.

പള്ളിയും പരിസരവും ജനസാഗരമായി; തിരുനാൾ എട്ടാമിടത്തിനു സമാപനം

കൊരട്ടി: തീർഥാടനപുണ്യം തേടി നാനാജാതി മതസ്ഥരായ മരിയഭക്തർ അനുഗ്രഹം തേടിയെത്തുന്ന കൊരട്ടി സെന്‍റ് മേരീസ് ഫൊറോന പള്ളിയിൽ അത്ഭുത പ്രവർത്തകയായ കൊരട്ടിമുത്തിയുടെ തിരുനാൾ എട്ടാമിടത്തിന് വൻ ഭക്തജന പ്രവാഹം. പുലർച്ചെ മുതൽ രാത്രി 11 വരെ തുടർച്ചയായി നടന്ന പ്രാർത്ഥനാ ശുശ്രൂഷകളിൽ പങ്കെടുക്കാനും നേർച്ചകൾ സമർപ്പിക്കാനും നിരവധി വിശ്വാസികളാണ് തിരുസന്നിധിയിലെത്തിയത്. പൂവൻകുല സമർപ്പണത്തിനും പൂവൻകുലകൊണ്ടുള്ള തുലാഭാരം നേർച്ച നിവർത്തിക്കുന്നതിനും വൻ തിരക്കാണ് അനുഭവപ്പെട്ടത്. രോഗശാന്തി, സുഖപ്രസവം, സന്താനലബ്ധി, ദാമ്പത്യ ജീവിതവിജയം, പാപ പ്രായശ്‌ചിത്തം ഇത്യാദി കാര്യങ്ങളുമായി ബന്ധപ്പെട്ട മുട്ടുകുത്തി നീന്തൽ നേർച്ചക്ക് ഒട്ടേറെ വിശ്വാസികൾ ദേവാലയത്തിലെത്തി. ദേവാലയത്തിന്‍റെ പ്രധാന കവാടം മുതൽ മദ്ബഹവരെയാണ് ഭക്തജനങ്ങൾ മുത്തിയെ വിളിച്ച് മുട്ടുകുത്തി നീന്തുന്നത്. കുഞ്ഞുങ്ങളെ മുതുകിലിരുത്തി മുട്ടുകുത്തി നീന്തുന്നവരും ധാരാളമാണ്. വൈകീട്ട് അഞ്ചിന് ഫാ. ഫിലിപ്പ് കരോട്ടുപ്പുറത്തിന്‍റെ കാർമികത്വത്തിൽ നടന്ന ആഘോഷമായ വിശുദ്ധ കുർബാനയ്ക്ക് ശേഷം വികാരി ഫാ. ജോൺസൺ കക്കാട്ടിന്‍റെ നേതൃത്വത്തിൽ നടന്ന ഭക്തിനിർഭരമായ പ്രദക്ഷിണത്തിൽ നൂറുകണക്കിന് വിശ്വാസികൾ പങ്കാളികളായി. ഇന്നുമുതൽ 24 വരെ രാവിലെ 5.30നും ഏഴിനും 10.30നും വൈകീട്ട് അഞ്ചിനും ദിവ്യബലികൾ ഉണ്ടായിരിക്കും. 26 വരെ എല്ലാ ദിവസങ്ങളിലും വൈകീട്ട് ആറിന് ജപമാല പ്രദക്ഷിണവും ഉണ്ടായിരിക്കും. തുടർന്ന് വിശുദ്ധ കുർബാനയും ഒരുക്കിയിട്ടുണ്ട്. 25, 26 തിയതികളിൽ പതിനഞ്ചാമിടം ആഘോഷിക്കും.

കൂടല്‍മാണിക്യം ക്ഷേത്രം കുട്ടന്‍കുളം നവീകരണം : നാലുകോടിയുടെ ടെൻഡറിന് ഭരണാനുമതി

ഇരിങ്ങാലക്കുട: കൂടല്‍മാണിക്യം കിഴക്കേനടയിലുള്ള ചരിത്രപ്രസിദ്ധമായ കുട്ടന്‍കുളം നവീകരണത്തിനുള്ള ഉയര്‍ന്ന ടെൻഡര്‍ നിരക്കിന് സര്‍ക്കാര്‍ അനുമതി ലഭിച്ചു. പൊതുമരാമത്ത് കെട്ടിടവിഭാഗം സമര്‍പ്പിച്ച 4.04,60,373 രൂപയുടെ ടെന്‍ഡറിനാണ് സര്‍ക്കാര്‍ അനുമതി നല്‍കിയിരിക്കുന്നത്. ഉടന്‍തന്നെ നിര്‍മാണം ആരംഭിക്കാന്‍ കഴിയുമെന്ന് മന്ത്രി ഡോ. ആര്‍. ബിന്ദു പറഞ്ഞു. നവീകരണത്തിനു മുന്നോടിയായി കുളത്തിനു ചുറ്റുമുള്ള ഭാഗത്തും കുളത്തിലും മണ്ണുപരിശോധന പൂര്‍ത്തിയാക്കിയതിന്‍റെ അടിസ്ഥാനത്തില്‍ തയ്യാറാക്കിയ എസ്റ്റിമേറ്റിന് ചീഫ് എന്‍ജിനീയര്‍ സാങ്കേതികാനുമതി നല്‍കിയിരുന്നു. കുട്ടന്‍കുളത്തിന്‍റെ ഇടിഞ്ഞുവീണ തെക്കേമതിലടക്കം നാലരികിലും മതില്‍കെട്ടി കുളം വൃത്തിയാക്കി നവീകരിക്കാനാണ് പദ്ധതി. ഇതിനായി സംസ്ഥാന സര്‍ക്കാര്‍ ബജറ്റില്‍ അനുവദിച്ച നാലുകോടി രൂപയാണ് പൊതുമരാമത്തുവകുപ്പിന് അനുവദിച്ചിരിക്കുന്നത്. ഉയര്‍ന്ന ടെൻഡര്‍ അംഗീകരിച്ചതോടെ ഊരാളുങ്കല്‍ ലേബര്‍ സര്‍വീസ് സൊസൈറ്റിതന്നെ നവീകരണം നടത്തും. കൂടല്‍മാണിക്യം ക്ഷേത്രത്തിന്‍റെയും കുട്ടംകുളത്തിന്‍റെ ചരിത്രപ്രധാന്യവും സാംസ്‌കാരിക പശ്ചാത്തലവും പാരിസ്ഥിതിക സവിശേഷതകളും കണക്കിലെടുത്താണ് നവീകരണം നടത്തുകയെന്ന് മന്ത്രി ഡോ. ആര്‍. ബിന്ദു പറഞ്ഞു. പൊതുമരാമത്തുവകുപ്പ് ആര്‍ക്കിടെക്ചര്‍ വിഭാഗത്തിലെ വിദഗ്ധരാണ് നിര്‍മാണത്തിന് മേല്‍നോട്ടം വഹിക്കുക.

ആരോഗ്യ ഉപകേന്ദ്രം കെട്ടിടത്തിനു ശിലയിട്ടു

കൊറ്റംകുളം: പെരിഞ്ഞനം ഗ്രാമപഞ്ചായത്ത് ആരോഗ്യ ഉപകേന്ദ്രം കെട്ടിടത്തിന് ശിലയിട്ടു. പതിനാലാം വാർഡിൽ പടിഞ്ഞാറെകുറ്റ് വിശ്വനാഥൻ സൗജന്യമായി നൽകിയ ഭൂമിയിലാണ് അമ്പത്തിയഞ്ച് ലക്ഷത്തി അമ്പതിനായിരം രൂപ ചെലവിട്ട് ആരോഗ്യ ഉപകേന്ദ്രത്തിന് കെട്ടിടം നിർമിക്കുന്നത്. ഇ.ടി. ടൈസൺ എംഎൽഎ ശിലാസ്ഥാപനം നിർവഹിച്ചു. ഗ്രാമപഞ്ചായത്ത് പ്രസിഡന്‍റ് വിനീത മോഹൻദാസ് അധ്യക്ഷയായി. പഞ്ചായത്ത് വൈസ് പ്രസിഡന്‍റ്് എൻ.കെ. അബ്ദുൾ നാസർ, സ്റ്റാൻഡിംഗ് കമ്മിറ്റി ചെയർപേഴ്സൺമാരായ സായിദ മുത്തുക്കോയ തങ്ങൾ, ഇ.ആർ. ഷീല, ഹേമലത രാജു കുട്ടൻ, ഭരണ സമിതി അംഗങ്ങൾ, മതിലകം ബ്ലോക്ക് പഞ്ചായത്ത് അംഗം ആർ.കെ. ബേബി, ആർദ്രം ജില്ലാ മിഷൻ കോ-ഓർഡിനേറ്റർ ഡോ. ശ്രീജിത്ത്, മെഡിക്കൽ ഓഫീസർ, ആരോഗ്യ പ്രവർത്തകർ തുടങ്ങിയവർ പ്രസംഗിച്ചു.

പൂമംഗലം കുടുംബാരോഗ്യകേന്ദ്രം ഒപി ബ്ലോക്കിന് 60 ലക്ഷം

അരിപ്പാലം: പൂമംഗലം പഞ്ചായത്തിനു കീഴിലുള്ള കുടുംബാരോഗ്യകേന്ദ്രത്തിന് പുതിയ ഒപി ബ്ലോക്ക് കെട്ടിടം നിര്‍മിക്കാന്‍ 60 ലക്ഷം രൂപയുടെ പദ്ധതിക്ക് ഭരണാനുമതി. മന്ത്രി ആര്‍. ബിന്ദുവിന്‍റെ 2025-26-ലെ ആസ്തിവികസനപദ്ധതിയില്‍ ഉള്‍പ്പെടുത്തിയാണ് ഭരണാനുമതി നല്‍കിയത്. പദ്ധതിയുടെ ടെന്‍ഡര്‍ നടപടികള്‍ പൂര്‍ത്തിയായി. ഒരു വര്‍ഷത്തിനകം നിര്‍മാണം പൂര്‍ത്തിയാക്കാനാണ് ഉത്തരവില്‍ നിര്‍ദേശിച്ചിരിക്കുന്നത്. നിലവില്‍ ആശുപത്രി അങ്കണത്തില്‍ റോഡിനോടുചേര്‍ന്ന് 50 വര്‍ഷത്തിലേറെ പഴക്കമുള്ള കെട്ടിടത്തിലാണ് ഒപി പ്രവര്‍ത്തിക്കുന്നത്. നേരത്തേ പ്രാഥമികാരോഗ്യകേന്ദ്രമായിരുന്ന സമയത്തുണ്ടായിരുന്ന കെട്ടിടത്തില്‍ മുന്‍വശത്ത് കുറച്ചുഭാഗം നീട്ടിയെടുത്താണ് ഇപ്പോഴത്തെ സൗകര്യങ്ങള്‍ ഒരുക്കിയിരിക്കുന്നത്. പടിയൂര്‍ പഞ്ചായത്തിന്‍റെ ഭാഗമായിരുന്ന സമയത്താണ് 1972-ല്‍ പ്രാഥമികാരോഗ്യകേന്ദ്രം തുടങ്ങുന്നത്. നേരത്തേ അരിപ്പാലം ചിറയുടെ അടുത്തായി വാടകക്കെട്ടിടത്തിലായിരുന്നു ആശുപത്രി പ്രവര്‍ത്തിച്ചിരുന്നത്. പിന്നീട് അരിപ്പാലത്തെയും സമീപപ്രദേശങ്ങളിലെയും സാമ്പത്തികസഹായംകൊണ്ടാണ് വെള്ളാങ്കല്ലൂര്‍- മതിലകം റോഡില്‍ അരിപ്പാലം സെന്‍ററിനടുത്ത് ഒരേക്കര്‍ സ്ഥലം വാങ്ങി 1974-ല്‍ ആശുപത്രി നിര്‍മിച്ചത്. പിന്നീട് പൂമംഗലം പഞ്ചായത്ത് രൂപവത്കരിക്കുകയും ആശുപത്രി പൂമംഗലത്തിനു കീഴിലായി മാറുകയും ചെയ്‌തെങ്കിലും അതേ കെട്ടിടത്തില്‍ത്തന്നെയാണ് പ്രവര്‍ത്തിച്ചുവരുന്നത്. പ്രാഥമികാരോഗ്യകേന്ദ്രം പിന്നീട് കുടുംബാരോഗ്യകേന്ദ്രമാക്കി ലാബ് അടക്കമുള്ള സൗകര്യങ്ങളും രണ്ട് ഡോക്ടര്‍മാരുടെ സേവനവും ലഭ്യമാക്കി. ആശുപത്രിവളപ്പിന്‍റെ പിന്നിലാണ് പുതിയ കെട്ടിടം പണിയാന്‍ നിശ്ചയിച്ചിരിക്കുന്നത്.

വീട്ടിൽ അതിക്രമിച്ചുകയറി മകനെയും പിതാവിനെയും ആക്രമിച്ച പ്രതി അറസ്റ്റില്‍

ഇരിങ്ങാലക്കുട: വീട്ടിലേക്ക് അതിക്രമിച്ച് കയറി 17 വയസുകാരനായ മകനേയും അച്ഛനേയും ആക്രമിച്ച നാല് വധശ്രമക്കേസുകളിലെ പ്രതിയായ സ്റ്റേഷന്‍ റൗഡി അറസ്റ്റില്‍. പൊറത്തിശേരി മുതിരപറമ്പില്‍ വീട്ടില്‍ ഡ്യൂക്ക് പ്രവീണ്‍ എന്നറിയപ്പെടുന്ന സ്റ്റേഷന്‍ റൗഡി പ്രവീണി (28) നെയാണ് അറസ്റ്റ് ചെയ്തത്. താണിശേരിയില്‍ രാജീവ് ഗാന്ധി ഉന്നതിയില്‍ കറുപ്പംവീട്ടില്‍ വീട്ടില്‍ നാസര്‍ താമസിക്കുന്ന വീട്ടിനകത്തേക്ക് അതിക്രമിച്ച് കയറി 17 വയസുകാരനായ മകനെ മർദിക്കുകയും മരവടി കൊണ്ട് ആക്രമിക്കുകയും ഇതുകണ്ട് തടയാന്‍ ചെന്ന നാസറിന്‍റെ കൈപിടിച്ച് തിരിച്ച് തള്ളി താഴെയിടുകയും ചെയ്യുകയായിരുന്നു. കാട്ടൂര്‍ പോലീസ് സ്റ്റേഷന്‍ ഇന്‍സ്‌പെ ക്ടര്‍ ഇ.ആര്‍. ബൈജു, ഇരിങ്ങാലക്കുട പോലീസ് സ്റ്റേഷന്‍ ഇന്‍സ്‌പെക്ടര്‍ കെ.ജെ. ജിനേഷ്, സബ് ഇന്‍സ്‌പെക്ടര്‍മാരായ ബാബു ജോര്‍ജ്, സബീഷ്, തുളസീദാസ്, സീനിയര്‍ സിവില്‍ പോലീസ് ഓഫീസര്‍മാരായ ധനേഷ്, മിഥുന്‍ എന്നിവരാണ് അന്വേഷണസംഘത്തില്‍ ഉണ്ടായിരുന്നത്.

ദേവാലയങ്ങളിൽ തിരുനാൾ

പുത്തൻപീടിക സെന്‍റ്് ആന്‍റണീസ് പുത്തൻപീടിക: സെന്‍റ് ആന്‍റണീസ് ദേവാലയത്തിൽ പരിശുദ്ധ മംഗളമാതാവിന്‍റെ 21 ാം ഊട്ടു തിരുനാളിനു കൊടിയേറി. ബിഷപ് എമരിറ്റസ് മാർ ബോസ്കോ പുത്തൂർ കൊടിയേറ്റം നിർവഹിച്ചു. ഇടവകയിൽ അഖണ്ഡ ജപമാല ആരംഭിച്ച് 25 വർഷം പിന്നിടുന്നതിന്‍റെ ഭാഗമായി ഇടവകയിൽ നിന്നും ഔദ്യോഗികമായി പിരിഞ്ഞുപോയിട്ടുള്ള വൈദികരുടെ നേതൃത്വത്തിൽ എല്ലാ ദിവസങ്ങളിലും ആഘോഷമായ നവനാൾ കുർബാന അർപ്പിക്കും. കൊടിയേറ്റ ചടങ്ങുകൾക്ക് വികാരി ഫാ. ജോസഫ് മുരിങ്ങാത്തേരി, ഫാ. ജോഫിൽ അക്കരപ്പട്ട്യേക്കൽ, ജോബി ചിറമ്മൽ, ഷാജു ഡേവിഡ് എന്നിവർ നേതൃത്വം നൽകി. ഒക്ടോബർ 26 നാണ് ഊട്ടുതിരുനാൾ. നാട്ടിക സെന്‍റ് ജൂഡ് തൃപ്രയാർ: നാട്ടിക സെന്‍റ് ജൂഡ് ദേവാലയത്തിലെ തിരുനാളിനു കൊടിയേറി. അതിരൂപത വൈസ് ചാൻസലർ ഫാ. ഷിജോ ചിരിയങ്കണ്ടത്ത് കൊടിയേറ്റം നിർവഹിച്ചു. വികാരി ഫാ. ടെഡ്സ് കുന്നപ്പിള്ളി, കൈക്കാരന്മാരായ ഷൈജൻ, സോബി, തിരുനാൾ ജനറൽ കൺവീനർ ഡിക്സൺ എന്നിവർ നേതൃത്വം നൽകി. ഒന്പതുദിവസം വൈകീട്ട് 5.30ന് ലദീഞ്ഞ്, വിശുദ്ധ കുർബാന, നൊവേന എന്നിവ ഉണ്ടായിരിക്കും. 25,26 തീയതികളിലാണു വിശുദ്ധന്‍റെ തിരുനാൾ. ഒല്ലൂരിൽ വിളംബരജാഥ ഒല്ലൂർ: സെന്‍റ് ആന്‍റണീസ് ഫൊറോന പള്ളിയിൽ വിശുദ്ധ റപ്പായേൽ മാലാഖയുടെ തിരുനാളിന്‍റെ ഭാഗമായി വിളംബരജാഥ നടത്തി. രാവിലെ ഏഴിനു പള്ളിയിൽനിന്ന് ആരംഭിച്ച ജാഥ വികാരി ഫാ. വർഗീസ് കൂത്തൂർ ഫ്ലാഗ് ഓഫ് ചെയ്തു. ഫൊറോനയുടെ കീഴിലുള്ള 18 പള്ളികളിൽ പോയി നോട്ടീസ് വിതരണം ചെയ്തു. അസിസ്റ്റന്‍റ് വികാരിമാരായ ഫാ. എഡ്വിൻ ഐനിക്കൽ, ഫാ. തേജസ് കുന്നപ്പിള്ളിൽ, കൈക്കാരന്മാരായ ഷോണി അക്കര, ഷാജു പടിക്കല, ജോഫി ചിറമ്മൽ, ജയ്സണ്‍ പ്ലാക്കൽ, പിആർഒ. ജസ്റ്റിൻ പെരൂട്ടി എന്നിവർ നേതൃത്വം നൽകി. അരിന്പൂർ സെന്‍റ് ആന്‍റണീസ് അരിന്പൂർ: സെന്‍റ് ആന്‍റണീസ് ഇടവകയിലെ വിശുദ്ധ ഗീവർഗീസ് സഹദായുടെ എട്ടാമിടം തിരുനാൾ ആഘോഷിച്ചു. വൈകീട്ടു നടന്ന തിരുനാൾ പാട്ടുകുർബാനയ്ക്കു ഫാ. ബെന്നി കിടങ്ങൻ നേതൃത്വം നൽകി. ദിവ്യബലിക്കുശേഷം സഹദായുടെ തിരുസ്വരൂപം പ്രദക്ഷിണമായി ഇടവകദേവാലയത്തിൽനിന്ന് തീർഥകേന്ദ്രത്തിലേക്ക് ആനയിച്ചു കപ്പേളയിൽ പ്രതിഷ്ഠിച്ചു. ഇടവകദേവാലയത്തിൽ നടന്ന ഊട്ടുനേർച്ചയിൽ ആയിരങ്ങൾ പങ്കെടുത്തു. ചടങ്ങുകൾക്കു വികാരി ഫാ. സോളി തട്ടിൽ, സഹവികാരി ഫാ. ജസ്‌വിൻ ജോസ് വാഴപ്പിള്ളി, കൈക്കാരൻമാരായ മൈക്കിൾ മുത്തുപറന്പിൽ, ജോസ് ചാലിശേരി, ബാബു കാഞ്ഞിരത്തിങ്കൽ, രാജു ജോർജ്, തിരുനാൾ കണ്‍വീനർ മാർട്ടിൻ ജോസ് ചാലിശേരി, ഊട്ടുകമ്മിറ്റി കണ്‍വീനർ ആനന്ദ് താഞ്ചപ്പൻ എന്നിവർ നേതൃത്വം നൽകി.

കുടമാറ്റത്തോടെ കൊട്ടേക്കാട് തിരുനാളിനു സമാപനം

കൊട്ടേക്കാട്: മരിയൻ തീർഥാടനകേന്ദ്രമായ കൊട്ടേക്കാട് സെന്‍റ് മേരീസ് അസംപ്ഷൻ ഫൊറോന ദേവാലയത്തിലെ പരിശുദ്ധ ഫാത്തിമനാഥയുടെ തിരുനാൾ സമാപിച്ചു. രാവിലെ പത്തിന് ആഘോഷമായ തിരുനാൾ പാട്ടുകുർബാനയ്ക്കു ഫാ. ഡേവിസ് പുലിക്കോട്ടിൽ മുഖ്യകാർമികത്വം വഹിച്ചു. ഫാ. ജയ്സണ്‍ കാളൻ ഒഎഫ്എം പ്രൊവിൻഷ്യൽ സന്ദേശം നൽകി. ഉച്ചകഴിഞ്ഞു മൂന്നിനു കിഴക്ക് പടിഞ്ഞാറ് ഭാഗക്കാരുടെ കിരീടം എഴുന്നള്ളിപ്പുകൾ ആരംഭിച്ചു. ഗജവീരന്‍മാരുടെയും വിവിധ വാദ്യമേളങ്ങളുടെ അകന്പടിയോടെയും കിരീടം എഴുന്നള്ളിപ്പുകൾ ആറിനു ഫാത്തിമ ഗ്രൗണ്ടിൽ എത്തിച്ചേർന്നു. തുടർന്നു പ്രസിദ്ധമായ കുടമാറ്റമത്സരവും നടന്നു. അതിരൂപത വികാരി ജനറാൾ മോണ്‍. ജയ്സണ്‍ കൂനംപ്ലാക്കൽ ഫാത്തിമസന്ദേശം നൽകി. പരിശുദ്ധ ഫാത്തിമനാഥയുടെ തിരുസുരൂപം പല്ലക്കിൽ വഹിച്ചുള്ള തിരിപ്രദക്ഷിണം നടന്നു. തുടർന്നു കിഴക്കുഭാഗക്കാരുടെ വർണമഴയും ഒന്പതിനു ബാൻഡ് മേളവും അരങ്ങേറി. ഇന്നു രാവിലെ രാവിലെ 6.30 ന് വിശുദ്ധ കുർബാന, പ്രദക്ഷിണം, നൊവേന. 26ന് എട്ടാമിടം. തിരുനാൾ ആഘോഷ പരിപാടികൾക്കു ഫൊറോന വികാരി ഫാ. ഫ്രാങ്കോ കവലക്കാട്ട്, അസിസ്റ്റന്‍റ് വികാരി ഫാ. മിഥുൻ ചുങ്കത്ത്, ട്രസ്റ്റിമാരായ സി.പി. ജോസഫ്, ജോണ്‍സണ്‍ മുരിയാടൻ, ഡേവിസ് കാഞ്ഞിരപ്പറന്പിൽ, പോൾ കോങ്കോത്ത്, ജനറൽ കണ്‍വീനർ ജോബി മുണ്ടാടൻ, ജോയിന്‍റ് കണ്‍വീനർ ജോസഫ് പൊട്ടത്തുപറന്പിൽ തുടങ്ങിയവർ നേതൃത്വം നൽകി.

സിഎൽസി മരിയോത്സവം സംഘടിപ്പിച്ചു

തൃശൂർ: അതിരൂപത സീനിയർ സിഎൽസി മരിയോത്സവം-2025 ന് തിരിതെളിഞ്ഞു. മീഡിയ കത്തോലിക്ക അതിരൂപത ഡയറക്ടർ ഫാ. അൽജോ കാരേക്കാട്ടിൽ ഉദ്ഘാടനം ചെയ്തു. സീനിയർ സിഎൽസി പ്രസിഡന്‍റ് വിനേഷ് കോളേങ്ങാടൻ, ഡയറക്ടർ ഫാ. ഫ്രെജോ വാഴപ്പിള്ളി, ജനറൽ സെക്രട്ടറി ഡെന്നസ് പല്ലിശേരി, കണ്‍വീനർ ഡെയ്സണ്‍ കൊള്ളന്നൂർ എന്നിവർ പ്രസംഗിച്ചു. മരിയൻഗാനം, പുത്തൻപാന, സംഘഗാനം, ബൈബിൾ വായന, മരിയൻപ്രസംഗം എന്നി ഇനങ്ങളിലാണ് മത്സരം നടത്തിയത്. എ.ഡി. ഷാജു, എ.ജെ. ജെയ്സണ്‍, റിന്‍റോ, എം.ഒ. സെബി, റാഫി, ലീമ എന്നിവർ നേതൃത്വം നൽകി.

പുതുക്കാട് സെന്‍റർ വികസനം: അനധികൃത കൈയേറ്റത്തിനെതിരേ ഉപവാസം നാളെ

പുതുക്കാട്: സെന്‍റർ വികസനത്തിനായി ദേശീയപാത അഥോറിറ്റി ഏറ്റെടുത്ത കെട്ടിടത്തിലെ അനധികൃതകൈയേറ്റത്തിനെതിരേ മനുഷ്യാവകാശ സംഘടനയായ എച്ച്ആർപിഎമ്മിന്‍റെ നേതൃത്വത്തിൽ ഏകദിന ഉപവാസ സമരം നടത്തുന്നു. സംഘടനയുടെ സ്ഥാപക ദിനത്തോട നുബന്ധിച്ച് നാളെ രാവിലെ മുതൽ പുതുക്കാട് സെന്‍ററിലാണ് ഉപവാസം സംഘടിപ്പിക്കു ന്നത്. നീതിയുടെ നിലവിളി എന്ന പേരിൽ സംഘടിപ്പിക്കുന്ന ഉപവാസ‌സമരം ജീവകാരുണ്യപ്രവർത്തകൻ സുധീർ പട്ടാമ്പി ഉദ് ഘാടനം ചെയ്യുമെന്ന് ഭാരവാഹികൾ പുതുക്കാട് വാർത്താസമ്മേളനത്തിൽ അറിയിച്ചു. 3.48 കോടി രൂപ നൽകി ദേശീയപാത അഥോറിറ്റി ഏറ്റെടുത്ത കെട്ടിടത്തിൽ ഉടമകൾ അനധികൃതമായി സ്ഥാപനങ്ങൾ നടത്തുകയാണെന്ന് ഭാരവാഹികൾ ആരോപിച്ചു. ലൈസൻസ്, കെട്ടിട നമ്പർ തുടങ്ങിയ അംഗീകൃത രേഖകൾ ഇല്ലാതെ പ്രവർത്തിക്കുന്ന സ്ഥാപനങ്ങൾക്കെതിരെ നടപടിയെടുക്കാൻ പഞ്ചായത്ത് ഭരണസമിതി തയാറാകുന്നില്ലെന്നും നേതാക്കൾ പറഞ്ഞു. അനധികൃതമായി കൈയേറിയ കെട്ടിടത്തിൽ രേഖകളില്ലാതെ പുനർ നിർമാണം നടന്നിട്ടും പഞ്ചായത്ത് അധികൃതർ നടപടിയെടുക്കാത്തത് കെട്ടിട ഉടമകളുമാ യുള്ള ഒത്തുകളിയാണെന്നും നേതാക്കൾ പറഞ്ഞു. എച്ച്ആർപിഎം എസ്‌സി, എസ്ടി വിഭാഗം സംസ്ഥാന പ്രസിഡന്‍റ്് കുമാരൻ പോത്തിക്കര, ചെയർമാൻ ജോൺസൺ പുല്ലുത്തി, ട്രഷറർ ഏലിയാസ് ജേക്കബ്, ജില്ലാ പ്രസിഡന്‍റ് പി.ബി. ബൈജു, ബിനു മാന്ദാമംഗലം എന്നിവർ വാർത്താസമ്മേളനത്തിൽ പങ്കെടുത്തു.

പാർളിക്കാട് - കുമ്പളങ്ങാട് റോഡ് പൂർണമായും ബിഎംബിസി നിലവാരത്തിലാക്കാൻ 1.92 കോടി

വടക്കാഞ്ചേരി: പാർളിക്കാട് - കുമ്പളങ്ങാട് റോഡിന്‍റെ ബിഎംബിസി നിലവാരത്തിലുള്ള നവീകരണം പൂർത്തീകരിക്കുന്നതിനായി 1.92 കോടി രൂപകൂടി അനുവദിച്ചു. പാർളിക്കാട് - കുമ്പളങ്ങാട് റോഡിൽ ബിഎംബിസി നിലവാരത്തിലല്ലാത്ത 1.7 കിലോമീറ്റർ ദൂരംകൂടി ഉന്നതനിലവാരത്തിലാക്കുന്ന പദ്ധതി ക്കു ഭരണാനുമതി നൽകിക്കൊണ്ട് പൊതുമരാമത്ത് വകുപ്പ് ഉത്തരവിറക്കിയതായി സേവ്യർ ചിറ്റിലപ്പിള്ളി എംഎൽഎ അറിയിച്ചു. നേരത്തെ, കുമ്പളങ്ങാട് റോഡ് നവീകരണത്തിനായി അനുവദിച്ച 4.94 കോടി രൂപയുടെ പ്രവൃത്തിയോടൊപ്പം പാർളിക്കാട് - കുമ്പളങ്ങാട് റോഡിലെ 700 മീറ്റർ ദൂരവും ബിഎംബിസി നിലവാരത്തിൽ നവീകരിക്കുന്നുണ്ട്. ഈ റോഡിലെ ബാക്കിയുള്ള ഭാഗമായ 1.7 കിലോമീറ്റർ ദൂരമാണ് 1.92 കോടി രൂപ അനുവദിച്ച് നവീകരിക്കുന്നത്. ഈപ്രവൃത്തികൾപൂർത്തിയാകുന്നതോടുകൂടി കൊടുങ്ങല്ലൂർ - ഷൊർണൂർ സംസ്ഥാനപാതയെ ചാവക്കാട് - വടക്കാഞ്ചേരി സംസ്ഥാനപാതയുമായി ബന്ധിപ്പിക്കുന്ന പാലക്കാട് - മലപ്പുറം ജില്ലകളിലെ വിവിധ ഭാഗങ്ങളിലേക്ക് സഞ്ചരിക്കുന്ന പ്രധാനറോഡുമായ പാർളിക്കാട് മുതൽ കാഞ്ഞിരക്കോട് വരെയുള്ള റോഡ് പൂർണമായും ബി എംബി സി നിലവാരത്തിലേക്ക് ഉയരും. വടക്കാഞ്ചേരി ടൗണിൽ നിന്നും കുമ്പളങ്ങാട്ടേക്കുള്ള റോഡ് പൂർണമായും ബിഎംബിസി നിലവാരത്തിൽ നവീകരിക്കുന്നതിനുള്ള പ്രവൃത്തിയുടെ നിർമാണോദ്ഘാടനം കഴിഞ്ഞതാണ്. നെല്ലിക്കുന്ന് കൾവർട്ട് നിർമാണം പൂർത്തീകരിച്ചു. തുക അനുവദിക്കപ്പെട്ട 6.86 കോടി രൂപയുടെ രണ്ടു പ്രവൃത്തികളും പൂർത്തീകരിക്കുന്നതോടെ ഈ പ്രദേശത്തെ റോഡുകൾ പൂർണമായും ബിഎം ബിസി നിലവാരത്തിലേക്ക് ഉയരും. പ്രവൃത്തികളുടെ നടപടികൾ ത്വരിതപ്പെടുത്തുന്നതിനായി ഉദ്യോഗസ്ഥർക്ക് എംഎൽഎ നിർദേശം നൽകി.

പാവറട്ടി സെന്‍റ് ജോസഫ്സ് കോളജിൽ ബിരുദദാനച്ചടങ്ങ് നടന്നു

പാവറട്ടി: സെന്‍റ് ജോസഫ്സ് ആർട്സ് ആൻഡ് സയൻസ് കോളജിൽ ബിരുദദാനച്ചടങ്ങ് നടന്നു. തൃശൂർ ദേവമാത പ്രൊവിൻഷ്യൽ റവ. ഡോ. ജോസ് നന്തിക്കര സിഎംഐ ഉദ്ഘാടനം ചെയ്തു. കോളജ് മാനേജർ ഫാ. ജോസഫ് ആലപ്പാട്ട് അധ്യക്ഷനായി. കോളജ് അഡ്മിനിസ്ട്രേറ്റർ ഡോ. പി.ടി. ജോസ് മുഖ്യപ്രഭാഷണം നടത്തി. യൂണിവേഴ്സിറ്റി പരീക്ഷകളിൽ മികച്ചവിജയം നേടിയ വിദ്യാർഥികളെ അനുമോദിച്ചു. പ്രിൻസിപ്പൽ രഞ്ജി ജോസഫ്.സി, പിടിഎ പ്രസിഡന്‍റ് എൻ.കെ. അബ്ദുൾസലാം, വൈസ് പ്രിൻസിപ്പൽ ഷെറീന ജോണി, പ്രോഗ്രാം കോ-ഓർഡിനേറ്റർ ലിജി ജോണ്‍ തുടങ്ങിയവർ നേതൃത്വം നൽകി.

നാട്ടിക പഞ്ചായത്തിന്‍റെ ജൂബിലിമന്ദിരം ഓപ്പൺ ഓഡിറ്റോറിയം നാടിനു സമർപ്പിച്ചു

തൃപ്രയാർ: നാട്ടിക പഞ്ചായത്തിൽ നിർമാണം പൂർത്തിയാക്കിയ ജൂബിലി മന്ദിരം ഓപ്പൺ ഓഡിറ്റോറിയം നാടിനു സമർപ്പിച്ചു. നാട്ടിക പഞ്ചായത്തിലെ രാഷ്ട്രീയ സാമൂഹിക സാംസ്കാരിക കൂട്ടായ്മകൾക്ക് ഒരു പൊതു ഇടം എന്ന സ്വപ്നം ഇതോടെ യാഥാർഥ്യമായി. 2024-25 വാർഷിക പദ്ധതിയിൽ ഉൾപ്പെടുത്തി 65 ലക്ഷം രൂപ വകയിരുത്തി നിർമാണം പൂർത്തിയാക്കിയ മന്ദിരം സി.സി. മുകുന്ദൻ എംഎൽഎ നാടിനു സമർപ്പിച്ചു. പഞ്ചായത്ത് പ്രസിഡന്‍റ് എം.ആർ. ദിനേശൻ അധ്യക്ഷനായി. ജില്ലാ പഞ്ചായത്ത് ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാൻ പി.എം. അഹമ്മദ് ഉപഹാരസമർപ്പണം നടത്തി. സിനി ആർട്ടിസ്റ്റ് ഷൈജൻ ശ്രീവത്സൻ മുഖ്യാതിഥിയായി. പഞ്ചായത്ത് വൈസ് പ്രസിഡന്‍റ് രജനി ബാബു, സ്ഥിരംസമിതി അധ്യക്ഷന്മാരായ കെ.കെ. സന്തോഷ്, ശ്രീദേവി മാധവൻ, ബിന്ദു പ്രദീപ്, പഞ്ചായത്ത് സെക്രട്ടറി ജെ. ഹേമചന്ദ്രൻ, വാർഡ് മെമ്പർമാർ തുടങ്ങിയവർ പ്രസംഗിച്ചു.

സുവോളജിക്കൽ പാർക്കിലേക്കു വാക്കത്തോൺ നടത്തി

പുത്തൂർ: സുവോളജിക്കൽ പാർക്കിന്‍റെ ഉദ്ഘാടനത്തോടനുബന്ധിച്ചു നടത്തിയ വാക്കത്തോണിൽ നൂറുകണക്കിനുപേർ പങ്കെടുത്തു. തൃശൂർ ചേംബർ ഓഫ് കോമേഴ്സ്, വാക്കേഴ്സ് ക്ലബ് പാലസ് ഗ്രൗണ്ട്, വെറ്ററൻസ് അസോസിയേഷൻ പാലസ് ഗ്രൗണ്ട് എന്നിവയുടെ നേതൃത്വത്തിലാണ് വാക്കത്തോൺ സംഘടിപ്പിച്ചത്. കുട്ടനെല്ലൂർ ഹൈലൈറ്റ് മാൾ പരിസരത്തുനിന്നാരംഭിച്ച വാക്കത്തോൺ റവന്യൂ മന്ത്രി കെ. രാജൻ, ചേംബർ ഓഫ്കോമേഴ്സ് പ്രസിഡന്‍റും കല്യാൺ സിൽക്സ് മാനേജിംഗ് ഡയറക്ടറുമായ ടി.എസ്. പട്ടാഭിരാമൻ എന്നിവർ ചേർന്ന് ഫ്ലാഗ് ഓഫ് ചെയ്തു. ചേംബർ ഓഫ് കോമേഴ്സ് സെക്രട്ടറി സോളി തോമസ് കവലക്കാട്ട്, വാക്കേഴ്സ് ക്ലബ് പാലസ് ഗ്രൗണ്ട് പ്രസിഡന്‍റ് പി.കെ. ജലീൽ, വാക്കേഴ്സ് ക്ലബ് പാലസ് ഗ്രൗണ്ട് സെക്രട്ടറി അഡ്വ. അക്കിലസ്, വെറ്ററൻസ് അസോസിയേഷൻ പാലസ് ഗ്രൗണ്ട് ട്രഷറർ ഷാജി ചെറിയാൻ, കോഓർഡിനേറ്റർ ജോജു വർക്കി തുടങ്ങിയവർ നേതൃത്വം നൽകി.

പെരിങ്ങോട്ടുകര സ്വദേശി അബുദാബിയിൽ മരിച്ചു

പെരിങ്ങോട്ടുകര: മൂത്തേടത്തറ ജുമാഅത്ത് പള്ളിക്കു സമീപം തൗടേരി അസ്മത്തിന്‍റെ മകൻ അസ്വിൻ (33) ഹൃദയാഘാതം മൂലം അബുദാബിയിൽ മരിച്ചു. സ്വകാര്യ ക്ലിനിക്കിൽ റിസപ്ഷനിസ്റ്റ് ആയിരുന്നു. ഒരു വർഷം മുമ്പാണ് നാട്ടിൽ വന്നുപോയത്. മാതാവ്: സെക്കീന. സഹോദരൻ: റജിൻ (ഖത്തർ). അവിവാഹിതനാണ്. കബറടക്കം നാളെ രാവിലെ എട്ടിന് പെരിങ്ങോട്ടുകര യാറത്തിങ്കൽ ജുമാ മസ്ജിദിൽ.

സ്കൂട്ടർ യാത്രികൻ പുഴയിൽവീണു മരിച്ചു

ചാലക്കുടി: പരിയാരം കൊമ്പൻപാറ തടയണയുടെ മുകളിലുടെ സഞ്ചരിച്ച സ്കൂട്ടർ യാത്രക്കാരൻ പുഴയിലേക്ക് വീണ് ഒഴുക്കിൽ അകപ്പെട്ട് മുങ്ങി മരിച്ചു.പുളിയിലപ്പാറ പെരുമ്പടത്തിൽ കരുണൻ മകൻ രമേഷ് (42) മരിച്ചത്. ശനിയാഴ്ച രാത്രിയാണ് അപകടം. സ്വകാര്യബസ് കണ്ടക്ടറായ രമേഷ് രാത്രി ബസ് ട്രിപ്പ് അവസാനിപ്പിച്ച് സ്കൂട്ടറിൽ കൊമ്പൻപാറ തടയണയുടെ മുകളിലൂടെ വീട്ടിലേക്ക് മടങ്ങുമ്പോഴാണ് അപകടം. സംഭവം കണ്ട ഒരാൾ വിവരം അറിയിച്ചതിനെ തുടർന്ന് പോലീസും ഫയർഫോഴ്സും സ്ഥലത്തെത്തി തെരച്ചിൽ നടത്തിയെങ്കിലും കണ്ടു കിട്ടിയില്ല. ഇന്നലെ രാവിലെ ഫയർഫോഴ്സ് തെരച്ചിൽ നടത്തി കൊണ്ടിരിക്കെ വെട്ടുകടവ് പാലത്തിനു സമീപം മൃതദേഹം കണ്ടെത്തുകയായിരുന്നു. അതിരപ്പിള്ളി പഞ്ചായത്ത് മെമ്പർ ആഷ്‌ലി ഭാര്യയാണ്.

തൃശൂര്‍ ഈസ്റ്റ്: 183 ചാലക്കുടി: 173.5

കുന്നംകുളം: റവന്യൂ ജില്ലാ സ്കൂൾ കായികമേളയിലെ വാശിയേറിയ പോരാട്ടത്തിനൊടുവിൽ വിജയകിരീടം ചൂടി വീണ്ടും തൃശൂര്‍ ഈസ്റ്റ് ഉപജില്ല. 23 സ്വര്‍ണവും 14 വെള്ളിയും 10 വെങ്കലമുള്‍പ്പെടെ 183 പോയിന്‍റു നേടിയാണ് ഈസ്റ്റ് വെന്നിക്കൊടി പാറിച്ചത്. കഴിഞ്ഞവര്‍ഷവും ഈസ്റ്റിനായിരുന്നു കിരീടം. 15 സ്വര്‍ണവും 19 വെള്ളിയും 11 വെങ്കലവുമായി 173.5 പോയിന്‍റോടെ ചാലക്കുടി ഉപജില്ല രണ്ടാംസ്ഥാനത്തെത്തി. ഒന്പത് സ്വര്‍ണവും 13 വെള്ളിയും 16 വെങ്കലവുമായി ചാവക്കാട് ഉപജില്ല മൂന്നാംസ്ഥാനം കരസ്ഥമാക്കി.

മാള -95, കുന്നംകുളം -90, വലപ്പാട് -71, കൊടുങ്ങല്ലൂര്‍ -42, വടക്കാഞ്ചേരി -29, തൃശൂര്‍ വെസ്റ്റ് -26, മുല്ലശേരി -14, ഇരിങ്ങാലക്കുട -ആറ് എന്നിങ്ങനെയാണ് മറ്റ് ഉപജില്ലകളുടെ പോയിന്‍റ് നില. കാല്‍ഡിയന്‍ സിറിയന്‍ സ്കൂളിലെ താരങ്ങളുടെ മികവാണ് ഈസ്റ്റിനു കിരീടം നേടിക്കൊടുക്കുന്നതിൽ മുഖ്യപങ്ക് വഹിച്ചത്. വൈകീട്ട് നടന്ന സമാപനസമ്മേളനം നഗരസഭ ചെയർപേഴ്സൺ സീത രവീന്ദ്രൻ ഉദ്ഘാടനം ചെയ്തു. ജില്ലാ കളക്ടര്‍ അര്‍ജുന്‍ പാണ്ഡ്യന്‍ സമ്മാനങ്ങള്‍ വിതരണം ചെയ്തു. സ്കൂളുകളില്‍ 68 പോയിന്‍റുകളോടെ ഗുരുവായൂര്‍ ശ്രീകൃഷ്ണ ഹയര്‍സെക്കന്‍ഡറി സ്കൂള്‍ ഒന്നാം സ്ഥാനത്തെത്തി. ആറു സ്വര്‍ണം, 10 വെള്ളി, എട്ടുവെങ്കലം എന്നിങ്ങനെയാണ് സ്കൂള്‍ നേടിയത്. 63 പോയിന്‍റ് നേടിയ ആളൂർ ആര്‍എംഎച്ച്എസ്എസ് 10 സ്വര്‍ണം, നാല് വെള്ളി, ഒരു വെങ്കലമടക്കം 63 പോയിന്‍റോടെ രണ്ടാംസ്ഥാനത്തെത്തി. കാല്‍ഡിയന്‍ സിറിയന്‍ സ്കൂള്‍ എട്ടു സ്വര്‍ണവും അഞ്ചുവീതം വെള്ളിയും വെങ്കലവും അടക്കം 60 പോയിന്‍റോടെ മൂന്നാംസ്ഥാനത്തെത്തി. അഞ്ചു സ്വര്‍ണം, എട്ടു വെള്ളി, ആറു വെങ്കലമടക്കം 54.5 പോയിന്‍റോടെ മേലൂര്‍ സെന്‍റ് ജോസഫ്സ് എച്ച്എസ് നാലാംസ്ഥാനത്തെത്തി.

ജൂണിയർ ബോയ്സ് വിഭാഗത്തില്‍ 67 പോയിന്‍റ് ചാലക്കുടി ഉപജില്ല നേടി. 29 പോയിന്‍റ് ചാവക്കാടിനും 14 പോയിന്‍റ് കുന്നംകുളത്തിനും 11 പോയിന്‍റ് തൃശൂര്‍ ഈസ്റ്റിനും ലഭിച്ചു. സീനിയര്‍ ആണ്‍കുട്ടികളുടെ വിഭാഗത്തില്‍ മാള ഉപജില്ലയ്ക്ക് 36 പോയിന്‍റും ചാലക്കുടിക്ക് 33 പോയിന്‍റും ചാവക്കാടിന് 28 പോയിന്‍റും തൃശൂര്‍ ഈസ്റ്റും മുല്ലശേരിയും 14 പോയിന്‍റുവീതവും നേടി. സീനിയര്‍ പെണ്‍കുട്ടികളുടെ വിഭാഗത്തില്‍ 77 പോയിന്‍റാണ് തൃശൂര്‍ ഈസ്റ്റ് നേടിയത്. മാള 26, കുന്നംകുളം 22, വലപ്പാട് 20, ചാലക്കുടി 12 , ചാവക്കാട് 11 പോയിന്‍റു നേടി. ജൂനിയർ വിഭാഗം പെണ്‍കുട്ടികളുടെ വിഭാഗത്തില്‍ 46 പോയിന്‍റ് ചാവക്കാട് ഉപജില്ല നേടി. 29 പോയിന്‍റ് വലപ്പാടും 28 പോയിന്‍റ് തൃശൂര്‍ ഈസ്റ്റും 18 പോയിന്‍റ് മാളയും 15 വീതം പോയിന്‍റ് ചാലക്കുടിയും തൃശൂര്‍ വെസ്റ്റും നേടി. സബ് ജൂണിയര്‍ ആണ്‍കുട്ടികളുടെ വിഭാഗത്തില്‍ ചാലക്കുടി ഉപജില്ലയാണ് മുന്നിൽ -22 പോയിന്‍റ്.19 പോയിന്‍റ് തൃശൂര്‍ ഈസ്റ്റും 16 പോയിന്‍റ് കൊടുങ്ങല്ലൂരും 13 പോയിന്‍റ് കുന്നംകുളവും നേടി. സബ് ജൂണിയർ പെണ്‍കുട്ടികളുടെ വിഭാഗത്തില്‍ തൃശൂര്‍ ഈസ്റ്റ് ഉപജില്ല 34 പോയിന്‍റു നേടി. 24.5 പോയിന്‍റ് ചാലക്കുടിയും 14.5 പോയിന്‍റ് കുന്നംകുളവും സ്വന്തമാക്കി. അച്ഛന്‍റെ പരിശീലനത്തിൽ മകൾക്കു മെഡൽനേട്ടം

കുന്നംകുളം: മോഡൽ ബോയ്സ് ഹയർസെക്കൻഡറി സ്കൂളിലെ പ്ലസ് വൺ വിദ്യാർഥിനിയായ ഇ.ആർ. കാർത്തികയ്ക്കുവേണ്ടി അച്ഛൻ പരിശീലകനായപ്പോൾ ട്രാക്കിൽ നിറഞ്ഞതു മെഡലുകളുടെ തിളക്കം. സാമ്പത്തികപ്രയാസങ്ങൾ കാരണം നിശ്ചയദാർഢ്യത്തോടെ മത്സരരംഗത്തിറങ്ങിയ കാർത്തിക സീനിയർ പെൺകുട്ടികളുടെ 800, 1500, 3000 മീറ്റർ ഓട്ടത്തിൽ സ്വർണം വാരിക്കൂട്ടി. സ്വർണംനേടിയ 4x400 മീറ്റർ റിലേ ടീമിലും അംഗമായി. സഹോദരൻ ഉണ്ണിക്കണ്ണൻ സിബിഎസ്ഇ ദേശീയകായികമേളയിൽ പങ്കെടുത്ത താരമാണ്. അമ്മ: സജിത.

ആമ്പല്ലൂരില്‍ ഗതാഗതം കുരുങ്ങി, മണിക്കൂറുകളോളം

പുതുക്കാട്: ആമ്പല്ലൂരില്‍ മണിക്കൂറുകള്‍ നീണ്ട ഗതാഗതക്കുരുക്ക്. തൃശൂര്‍ ഭാഗത്തേക്കുള്ള പാതയില്‍ വാഹനനിര പലസമയത്തും പുതുക്കാട് സെന്‍റര്‍ കടന്നു. നൂറുക്കണക്കിനു വാഹനങ്ങളാണ് ഇന്നലെ യിലെ ഗതാഗതക്കുരുക്കില്‍പെട്ട് വലഞ്ഞത്. ഉച്ചകഴിഞ്ഞു തുടങ്ങിയ ഗതാഗതക്കുരുക്ക് വൈകീട്ടായിട്ടും കുറയാത്ത സ്ഥിതിയായിരുന്നു. പുതുക്കാട് പോലീസിന്‍റെ നേതൃത്വത്തില്‍ ഗതാഗതക്കുരുക്ക് പരിഹരിക്കാന്‍ ശ്രമിച്ചെങ്കിലും ഫലമുണ്ടായില്ല. ആമ്പല്ലൂര്‍ കടക്കാന്‍ വാഹനങ്ങൾ അരമണിക്കൂറിലേറെ സമയമെടുത്തു. പുതുക്കാട് സിഗ്‌നല്‍ ജംഗ്ഷനില്‍ തിരക്ക് വര്‍ധിച്ചപ്പോള്‍ റെയില്‍വേ സ്റ്റേഷന്‍-കാഞ്ഞൂപ്പാടം റോഡുകളിലേക്കു പ്രവേശിക്കുന്നതിനും ബുദ്ധിമുട്ടുണ്ടായി. അവധിദിവസങ്ങളിലെ വാഹനത്തിരക്കും പ്രതിസന്ധി സൃഷ്ടിച്ചു. ദേശീയപാതയിലൂടെ എത്തുന്ന വാഹനങ്ങള്‍ അടിപ്പാതനിര്‍മാണം നടക്കുന്ന ഭാഗത്ത് ഒറ്റവരിയായി കടത്തിവിടുന്നതാണ് ഗതാഗതക്കുരുക്കിനു കാരണം. ദേശീയപാത അഥോറിറ്റി ഇക്കാര്യങ്ങളില്‍ കാര്യക്ഷമമായി ഇടപെടുന്നില്ലെന്നാണ് നാട്ടുകാരുടെയും യാത്രക്കാരുടെയും ആരോപണം.

കോർപറേഷൻ സംവരണ വാർഡുകൾ നിശ്ചയിച്ചു

തൃശൂർ: 2025ലെ തദ്ദേശസ്വയംഭരണ സ്ഥാപനങ്ങളിലേക്കുള്ള പൊതുതെരഞ്ഞെടുപ്പിനുവേണ്ടി തൃശൂർ മുനിസിപ്പൽ കോർപറേഷനിലെ സംവരണ നിയോജകമണ്ഡലങ്ങൾ നിശ്ചയിച്ചു. നറുക്കെടുപ്പിലൂടെയാണ് പട്ടികജാതി സംവരണം, പട്ടികജാതി സ്ത്രീസംവരണം, സ്ത്രീസംവരണം എന്നിങ്ങനെ വാർഡുകൾ നിശ്ചയിച്ചത്. ആകെ 30 വാർഡുകളാണ് സംവരണത്തിനായി മാറ്റിവച്ചിരിക്കുന്നത്. ഇതിൽ രണ്ടു വാർഡുകൾ പട്ടികജാതി സ്ത്രീ സംവരണവും രണ്ടു വാർഡുകൾ പട്ടികജാതി സംവരണവും 26 വാർഡുകൾ സ്ത്രീസംവരണവുമാണ്. കൊച്ചി കോര്‍പറേഷന്‍ ടൗണ്‍ഹാളിലായിരുന്നു നറുക്കെടുപ്പ്. ജില്ലാ പഞ്ചായത്തിലേക്കുള്ള നിയോജകമണ്ഡലങ്ങളുടെ സംവരണം നിശ്ചയിക്കാനുള്ള നറുക്കെടുപ്പ് 21നു രാവിലെ പത്തിനു ജില്ലാ കളക്ടറേറ്റ് എക്സിക്യൂട്ടീവ് ഹാളിൽ നടക്കും. വാർഡുകൾ തിരിച്ചുള്ള സംവരണ പട്ടിക: പട്ടികജാതി സ്ത്രീ സംവരണം- 13 മുല്ലക്കര, 48 അരണാട്ടുകര. പട്ടികജാതി സംവരണം- നാല് വിയ്യൂർ, 17 കുട്ടനെല്ലൂർ. സ്ത്രീ സംവരണം- രണ്ട് കുട്ടൻകുളങ്ങര, അഞ്ച് പെരിങ്ങാവ്, എട്ട് വില്ലടം, പത്ത് ഗാന്ധിനഗർ, 12 നെട്ടിശേരി, 16 കൃഷ്ണാപുരം, 19 കാളത്തോട്, 21 കിഴക്കുംപാട്ടുകര, 25 വളർക്കാവ്, 26 അഞ്ചേരി, 29 എടക്കുന്നി, 30 തൈക്കാട്ടുശേരി, 31 ഒല്ലൂർ, 32 ചിയ്യാരം, 35 കണ്ണംകുളങ്ങര, 36 തേക്കിൻകാട്, 37 തിരുവമ്പാടി, 40 കൊക്കാലെ, 42 കൂർക്കഞ്ചേരി, 43 കണിമംഗലം, 44 പനമുക്ക്, 45 നെടുപുഴ, 47 ലാലൂർ, 49 കാനാട്ടുകര, 50 അയ്യന്തോൾ, 55പുല്ലഴി.

വ്യാജരേഖ ചമച്ച് ഇടതുജനപ്രതിനിധികൾ 3.75 ലക്ഷം തട്ടിയെന്നു പരാതി

ചാവക്കാട്: വ്യാജരേഖകൾ ചമച്ച് ഇല്ലാത്ത സ്ഥാപനത്തിന്‍റെ പേരിൽ രണ്ട് ഇടതുജനപ്രതിനിധികൾ ചേർന്ന് ലക്ഷങ്ങൾ തട്ടിയെടുത്തതായി ആക്ഷേപം. ചാവക്കാട് ബ്ലോക്ക് പഞ്ചായത്ത് എടക്കര ഡിവിഷൻ മെംബറും പുന്നയൂർ പഞ്ചായത്ത് മൂന്നാംവാർഡ് മെംബറും ചേർന്നാണ് 3.75 ലക്ഷം രൂപ തട്ടിയെടുത്തതെന്ന് ബ്ലോക്ക് പഞ്ചായത്ത് പ്രസിഡന്‍റ് നഫീസക്കുട്ടി വലിയകത്ത്, വൈസ് പ്രസിഡന്‍റ് മന്ദലാംകുന്ന് മുഹമ്മദുണ്ണി, കെ. കമറുദ്ദീൻ, തെക്കുമുറി കുഞ്ഞുമുഹമ്മദ്, കെ. ആഷിദ എന്നിവർ വാർത്താസമ്മേളനത്തിൽ അറിയിച്ചു. ഇരുവരും എൽഡിഎഫ് അംഗങ്ങളാണ്. വനിതാ ഗ്രൂപ്പിൽ തൊഴിൽസംരംഭങ്ങൾക്കു ധനസഹായം നൽകുന്ന പദ്ധതിയിൽ ബ്ലോക്ക് പഞ്ചായത്തിൽനിന്ന് 2024- 25 വർഷത്തിൽ ഏഴു ഗ്രൂപ്പുകൾക്കു സ്ഥാപനങ്ങൾ തുടങ്ങാൻ സബ്സിഡിയോടുകൂടി സാമ്പത്തികസഹായം നൽകിയിരുന്നു. പുന്നയൂർ എടക്കരയിലെ ആഷ് ക്രിയേഷൻ എന്ന സ്ഥാപനത്തിന്‍റെ പേരിലാണ് തട്ടിപ്പ് നടത്തിയത്. വ്യവസായ ഓഫീസറുടെ അന്വേഷണ റിപ്പോർട്ടിന്‍റെ അടിസ്ഥാനത്തിൽ ഫ്ളക്സ് പ്രിന്‍റിംഗ് സ്ഥാപനം ആരംഭിക്കാൻ അഞ്ചു ലക്ഷം രൂപ അനുവദിച്ചു. കേരള ബാങ്കാണ് സാമ്പത്തികസഹായം നൽകിയത്. ഇതിൽ 75 ശതമാനം സബ്സിഡിയായി ലഭിക്കുന്ന 3.75 ലക്ഷം രൂപയാണ് സ്ഥാപനം തുടങ്ങാതെ വ്യാജരേഖ ഹാജരാക്കി തട്ടിയെടുത്തതെന്നു ബ്ലോക്ക് പഞ്ചായത്ത് ഭരണസമിതി ആരോപിച്ചു. സ്ഥാപനം തുടങ്ങാൻ അപേക്ഷ നൽകിയപ്പോൾ അന്വേഷണം നടത്താൻ എത്തിയ വ്യവസായ ഓഫീസർക്കു നമ്പറുള്ള കെട്ടിടവും മറ്റും കാണിച്ചുകൊടുത്തുവത്രേ. പരാതിയെതുടർന്ന് അന്വേഷണം നടത്തുമ്പോഴേക്കും വ്യവസായ ഓഫീസർ മാറി. പുതിയ ഓഫീസർ അന്വേഷണം നടത്തിയപ്പോൾ ഷെഡ്ഡിൽ ദ്രവിച്ച പ്രിന്‍റിംഗ് മെഷീനും പ്രവർത്തനരഹിതമായ രണ്ട് കംപ്യൂട്ടുറുമാണ് കണ്ടത്. ഓഫീസറുടെ റിപ്പോർട്ടിനെതുടർന്ന് പ്രസിഡ‌ന്‍റും വൈസ് പ്രസിഡന്‍റും ഉദ്യോഗസ്ഥരും അന്വേഷണം നടത്തിയതിനെതുടർന്ന് കക്ഷികൾക്കു നോട്ടീസ് അയയ്ക്കാനും ഇവരെ അയോഗ്യരാക്കാനും ബ്ലോക്ക് യോഗം തീരുമാനിച്ചു. സർക്കാർപണം പലിശസഹിതം തിരിച്ചടയ്ക്കാത്തപക്ഷം ക്രിമിനൽ നടപടികൾ സ്വീകരിക്കുമെന്നു പ്രസിഡന്‍റ് അറിയിച്ചു.

വടക്കാഞ്ചേരി കോടതി സമുച്ചയം; സോയിൽ ടെസ്റ്റിംഗ് ടെൻഡറായി

വടക്കാഞ്ചേരി: പുതിയ കോടതി സമുച്ചയം നിർമാണത്തിന് മണ്ണുപരിശോധന നടത്തുന്നതിനായി നാലുലക്ഷം രൂപയുടെ ടെൻഡർ നടപടികൾ പൂർത്തിയായതായി സേവ്യർ ചിറ്റിലപ്പിള്ളി എംഎൽഎ അറിയിച്ചു. സോയിൽ ടെസ്റ്റിംഗിന് തുക അനുവദിക്കണമെന്ന് ആവശ്യപ്പെട്ട് പൊതുമരാമത്ത് മന്ത്രിക്ക് സേവ്യർ ചിറ്റിലപ്പിള്ളി എംഎൽഎ കത്തുനൽകിയിരുന്നു. പൊതുമരാമത്ത് വകുപ്പ് കെട്ടിട വിഭാഗം ചീഫ് എൻജിനീയർ ഭരണാനുമതി നൽകി ടെൻഡറായതോടെ മണ്ണുപരിശോധന ഉടനെ നടത്താനാകും. അഞ്ചു നിലകളിലായി 68,000 സ്ക്വയർ ഫീറ്റ് വിസ്തൃതിയിൽ നിർമിക്കുന്ന കോടതി സമുച്ചയത്തിന്‍റെ പിഡബ്ല്യുഡി. ആർക്കിടെക്ട് തയാറാക്കിയ പ്ലാൻ, ആർക്കിടെക്ചറൽ ഡ്രോയിംഗ് എന്നിവ കോടതിയുടെ പരിഗണനയിലാണ്. ഗവ. ഗേൾസ് ഹൈസ്കൂളിന് സമീപം ഉന്നത വിദ്യാഭ്യാസവകുപ്പിൽനിന്നു കിട്ടിയ 63.6 സെന്‍റ് സ്ഥലത്താണ് കോടതി സമുച്ചയം നിർമിക്കുന്നത്. ഒന്നരനൂറ്റാണ്ടുമുമ്പ് പ്രവർത്തനം ആരംഭിച്ചതും കുന്നംകുളം, തൃശൂർ, തലപ്പിള്ളി എന്നീ താലൂക്കുകളിലായി 73 വില്ലേജുകൾ, ആറു പോലീസ് സ്റ്റേഷനുകൾ, നാല് എക്സൈസ് റേഞ്ച് ഓഫീസുകൾ, മച്ചാട് - വടക്കാഞ്ചേരി റേഞ്ചുകളിലുള്ള ഫോറസ്റ്റ് സ്റ്റേഷനുകൾ ഉൾപ്പെടെയുള്ളതുമായ മുൻസിഫ് - മജിസ്‌ട്രേറ്റ് കോടതിയാണ് വടക്കാഞ്ചേരിയിൽ പ്രവർത്തിക്കുന്നത്. ഏറെ പഴക്കവും സ്ഥലപരിമിതിയുമുള്ള നിലവിലെ കെട്ടിടത്തിനു പകരമായി വിവിധ കോടതികൾക്ക് പ്രവർത്തിക്കാനുതകുന്നവിധം വിശാലമായ കോടതി സമുച്ചയം നിർമിക്കുക എന്നത് പ്രധാന വികസന ആവശ്യമായിക്കണ്ട് ശ്രമങ്ങൾ തുടരുമെന്ന് സേവ്യർ ചിറ്റിലപ്പിള്ളി എംഎൽഎ വ്യക്തമാക്കി.

കൊട്ടേക്കാട് തിരുനാൾ; ഭക്തിസാന്ദ്രമായി കൂടുതുറക്കൽ ശുശ്രൂഷ

കൊട്ടേക്കാട്: പ്രസിദ്ധ മരിയൻ തീർഥാടനകേന്ദ്രമായ കൊട്ടേക്കാട് സെന്‍റ് മേരീസ് അസംപ്ഷൻ ഫൊറോന ദേവാലയത്തിലെ കൂടുതുറക്കൽ ചടങ്ങിൽ ആയിരങ്ങൾ ഭക്തിപൂർവം പങ്കെടുത്തു. ബിഷപ് മാർ ബോസ്കോ പുത്തൂർ മുഖ്യകാർമികത്വം വഹിച്ചു. ഫൊറോന വികാരി ഫാ. ഫ്രാങ്കോ കവലക്കാട്ട്, അസിസ്റ്റന്‍റ് വികാരി ഫാ. മിഥുൻ ചുങ്കത്ത് എന്നിവർ സഹകാർമികരായിരുന്നു. തുടർന്ന് ജപമാലപ്രദക്ഷിണം, പടിഞ്ഞാറുഭാഗത്തിന്‍റെ വർണമഴ എന്നിവയും ഉണ്ടായിരുന്നു. ഇന്നു രാവിലെ 5.30, 6.30, 8.30 വിശുദ്ധ കുർബാന. പത്തിന് ആഘോഷമായ തിരുനാൾ പാട്ടുകുർബാനയ്ക്ക് ഫാ. ഡേവിസ് പുലിക്കോട്ടിൽ മുഖ്യകാർമികനാകും. ഫാ. ജയ്സൺ കാളൻ സന്ദേശം നൽകും. വൈകീട്ട് നാലിനും വിശുദ്ധ കുർബാന ഉണ്ടായിരിക്കും. ഉച്ചകഴിഞ്ഞു മൂന്നിന് ഇടവകയുടെ കിഴക്ക് പടിഞ്ഞാറ് ഭാഗക്കാരുടെ നേതൃത്വത്തിൽ ഗജവീരന്മാരുടെയും വിവിധ വാദ്യമേളങ്ങളുടെയും അകമ്പടിയോടെ കിരീടം എഴുന്നള്ളിപ്പുകൾ ആരംഭിക്കും. വൈകീട്ട് ആറിന് ഫാത്തിമ ഗ്രൗണ്ടിൽ എത്തിച്ചേരും. തുടർന്ന് കുടമാറ്റം, അതിരൂപത വികാരി ജനറാൾ മോൺ. ജെയ്സൺ കൂനംപ്ലാക്കലിന്‍റെ തിരുനാൾസന്ദേശം. പരിശുദ്ധ കുർബാനയുടെ ആശീർവാദം, പരിശുദ്ധ ഫാത്തിമനാഥയുടെ തിരുസ്വരൂപം പല്ലക്കിൽ വഹിച്ചുള്ള തിരിപ്രദക്ഷിണം, കിഴക്കുഭാഗക്കാരുടെ വർണമഴ, ബാൻഡ് മേളം എന്നിവയും ഉണ്ടായിരിക്കും.

അവകാശസംരക്ഷണജാഥയ്ക്ക് സ്വീകരണം

എരുമപ്പെട്ടി: കത്തോലിക്ക കോൺഗ്രസ് നടത്തുന്ന അവകാശ സംരക്ഷണജാഥയ്ക്കു സ്വീകരണംനൽകി. കത്തോലിക്ക കോൺഗ്രസ് ഗ്ലോബൽ പ്രസിഡന്‍റ് പ്രഫ. രാജീവ് കൊച്ചുപറമ്പിലാണ് ജാഥ നയിക്കുന്നത്. ഫൊറോന പള്ളി വികാരി ഫാ. ജോഷി ആളൂർ സ്വീകരണസമ്മേളനം ഉദ്ഘാടനംചെയ്തു. കത്തോലിക്ക കോൺഗ്രസ് അതിരൂപത പ്രസിഡന്‍റ് ഡോ. ജോബി തോമസ് കാക്കശേരി ആമുഖപ്രസംഗം നടത്തി. കത്തോലിക്ക കോൺഗ്രസ് ഫൊറോന പ്രസിഡന്‍റും അതിരൂപത ജനറൽ സെക്രട്ടറിയുമായ കെ.സി. ഡേവിസ് അധ്യക്ഷനായി. കത്തോലിക്ക കോൺഗ്രസ് അതിരൂപത ഡയറക്ടർ ഫാ. ജീജോ വള്ളൂപ്പാറ, വേലൂർ ഫൊറോന പ്രസിഡന്‍റ് ജോസ് ചെമ്പിശേരി എന്നിവർ സംസാരിച്ചു. എരുമപ്പെട്ടി തിരുഹൃദയ ഫൊറോനാ പള്ളി അസി. വികാരി ജീസ് അക്കരപറ്റ്യേക്കൽ, ഫാ. ഷോജോമോൻ മഞ്ഞാടിക്കൽ, അതിരൂപത ഭാരവാഹികളായ ആന്‍റോ തൊറയൻ, അഡ്വ. ബൈജു ജോസഫ്, യൂത്ത് കൗൺസിൽ കോ-ഓർഡിനേറ്റർ മാത്യുസ് രാജൻ, ഡോ. ജോൺസൺ ആളൂർ, എരുമപ്പെട്ടി യൂണിറ്റ് പ്രസിഡന്‍റ് സി.വി. ബേബി എന്നിവർ നേതൃത്വംനൽകി.

സംസ്ഥാനപാതയിലെ കുരുക്കിൽ വലഞ്ഞ് യാത്രക്കാർ

മുതുവറ: ഇന്നലെ തൃശൂർ - കുറ്റിപ്പുറം സംസ്ഥാനപാതയിൽ വൻ ഗതാഗതക്കുരുക്ക് അനുഭവപ്പെട്ടു. പുഴയ്ക്കൽ പാലത്തിന്‍റെ മുകളിലെ ടാറിംഗും മുതുവറ സെന്‍ററിൽ കോൺക്രീറ്റ് വർക്കും നടക്കുന്നതിനാലാണ് ഗതാഗതകുരുക്ക്. അമല മുതൽ പൂങ്കുന്നം വരെ വാഹനങ്ങളുടെ നീണ്ട നിരയായിരുന്നു. സമീപവഴിയായ അമല - കുറ്റൂർ ചാവക്കാട് വഴിയിലും നിർമാണം നടക്കുന്നതിനാൽ വാഹനങ്ങൾക്ക് അതുവഴിയും കടന്നുപോകാൻ സാധിച്ചില്ല. വൈകിട്ട് പുഴയ്ക്കൽ പാലം തുറന്നു കൊടുത്തപ്പോഴാണ് ഗതാഗതക്കുരുക്കിന് പരിഹാരമായത്. കൊട്ടേയ്ക്കാട് തിരുനാളിന്‍റെ ഭാഗമായി ഇന്നു വൈകിട്ട് 4.30 മുതൽ ഒമ്പതുവരെ വിയ്യൂർ - മുണ്ടൂർ റോഡിൽ കൊട്ടേയ്ക്കാട് പള്ളി പരിസരത്തെ ഗതാഗതം പൂർണമായും നിരോധിച്ചെന്ന് അധികൃതർ അറിയിച്ചു.

അതിരൂപത സ്ലം സർവീസ് സെന്‍റർ വാർഷികം

തൃശൂർ: അതിരൂപത സ്ലം സർവീസ് സെന്‍റർ 43-ാം വാർഷിക ജനറൽ ബോഡി കുരിയച്ചിറ ഓഫീസ് ഹാളിൽ വികാരി ജനറാൾ മോണ്‍. ജോസ് കോനിക്കര ഉദ്ഘാടനം ചെയ്തു. ഡയറക്ടർ ഫാ. ജിയോ ചിരിയങ്കണ്ടത്ത് അധ്യക്ഷത വഹിച്ചു. സെക്രട്ടറി കെ. ജോയ്പോൾ വാർഷികറിപ്പോർട്ടും ട്രഷറർ ഫ്രാൻസിസ് കല്ലറക്കൽ വാർഷികകണക്കും അവതരിപ്പിച്ചു. പ്രസിഡന്‍റ് ബേബി മൂക്കൻ, ജോണ്‍സണ്‍ കൊക്കൻ എന്നിവർ പ്രസംഗിച്ചു. പുതിയ ഭാരവാഹികൾ: ഫാ. ജിയോ ചിരിയങ്കണ്ടത്ത്- ഡയറക്ടർ, കെ. ജോയ്പോൾ- പ്രസിഡന്‍റ്, ബേബി മൂക്കൻ- സെക്രട്ടറി, ഫ്രാൻസിസ് കല്ലറയ്ക്കൽ- ട്രഷറർ, ജോണ്‍സണ്‍ കൊക്കൻ- വൈസ് പ്രസിഡന്‍റ്, ജോസ് കുത്തൂർ, റപ്പായി പാലമറ്റം, ജോസ് ഉക്രാൻ, ആന്‍റണി കടവി.

പൊലിക: കാർഷിക ജൈവവൈവിധ്യവും ഭക്ഷ്യസുരക്ഷയും സമാപിച്ചു

തൃശൂർ: പെസ്റ്റിസൈഡ് ആക്‌ഷൻ നെറ്റ്‌വർക്ക് ഇന്ത്യയുടെ നേതൃത്വത്തിൽ സംഘടിപ്പിച്ച ഭക്ഷ്യസുരക്ഷാപരിപാടി "പൊലിക: കാർഷിക ജൈവവൈവിധ്യവും ഭക്ഷ്യസുരക്ഷയും' സമാപിച്ചു. കോളജ് ഓഫ് ഫോറസ്ട്രിയിലെ അസിസ്റ്റന്‍റ് പ്രഫസർ ഡോ. വിവേക് ചന്ദ്രൻ മുഖ്യപ്രഭാഷകനായി. പെസ്റ്റിസൈഡ് ആക്‌ഷൻ നെറ്റ്‌വർക്ക് ഇന്ത്യയുടെ ഡയറക്ടർ സി. ജയകുമാർ അധ്യക്ഷനായി. സാഹിത്യ അക്കാദമി എംടി ഓഡിറ്റോറിയത്തിൽ സംഘടിപ്പിച്ച പരിസ്ഥിതി ക്വിസിൽ എൽത്തുരുത്ത് സെന്‍റ് അലോഷ്യസ് കോളജ് സുവോളജി വിഭാഗം മേധാവി ഡോ. ജെയിൻ ജെ.തേറാട്ടിൽ ക്വിസ് മാസ്റ്ററായി. കാർഷിക ജൈവവൈവിധ്യമെന്ന വിഷയത്തിൽ വിദ്യാർഥികളുടെ അവതരണവുമുണ്ടായി. കുലപതി മുൻഷി ഭവൻസ് വിദ്യാമന്ദിർ പോട്ടോരിലെ വിദ്യാർഥികൾ ക്വിസിലും അവതരണത്തിൽ സിഎൻഎൻജി എച്ച്എസ് ചേർപ്പിലെ വിദ്യാർഥിനികളും ഒന്നാംസ്ഥാനം നേടി

പടവരാട് ആശാഭവനിൽ ഫുട്ബോൾ ടർഫ്

പടവരാട്: ബധിരവിദ്യാർഥികൾമാത്രം പഠിക്കുന്ന ആശാഭവൻ എച്ച്എസ്എസിന്‍റെ സ്വപ്നസാക്ഷാത്കാരമായ ഫുട്ബോൾ ടർഫ് ജില്ലാ കളക്ടർ അർജുൻ പാണ്ഡ്യൻ ഉദ്ഘാടനം ചെയ്തു. തൃശൂർ അസീസി പ്രൊവിൻസ് പ്രൊവിൻഷ്യൽ സുപ്പീരിയർ സിസ്റ്റർ ഫോൺസി മരിയ അധ്യക്ഷയായിരുന്നു. മുൻ ഡിവൈഎസ്പിയും ദേശീയ ഫുട്ബോൾ ടീം പരിശീലകനുമായ സി.പി. അശോകൻ ആദ്യബാച്ച് ഉദ്ഘാടനം ചെയ്തു. പടവരാട് ഇടവകവികാരി ഫാ. സെബി ചിറ്റിലപ്പിള്ളി, പ്രൊവിൻഷ്യൽ കൗൺസിലേഴ്സ് സിസ്റ്റർ ഫിലോജീസ്, സിസ്റ്റർ ജെയ്സി ക്ലെയർ, കോർപറേറ്റ് മാനേജർ സിസ്റ്റർ റാണി കുര്യൻ, പൂർവവിദ്യാർഥികൾ, മാതാപിതാക്കൾ എന്നിവർ സന്നിഹിതരായിരുന്നു. പ്രിൻസിപ്പൽ സിസ്റ്റർ ജിസ്മി കാതറിൻ സ്വാഗതവും ഹെഡ്മിസ്ട്രസ് സിസ്റ്റർ പ്രിജ ക്ലെയർ നന്ദിയും പറഞ്ഞു.

ബസിലിക്ക ശതാബ്ദി സംഗീത നാടകസന്ധ്യ ഇന്ന്

തൃശൂർ: പരിശുദ്ധ വ്യാകുലമാതാവിന്‍ ബസിലിക്ക ശതാബ്ദി ആഘോഷങ്ങളുടെ ഭാഗമായി ഇന്നു വൈകീട്ട് 6.30നു ബസിലിക്ക ബൈബിള്‍ ടവര്‍ സ്ക്വയറില്‍ ബസിലിക്ക ശതാബ്ദി സംഗീതനാടകസന്ധ്യ നടക്കും. സി.എ. വര്‍ഗീസ് പോൾ രചനയും കലാസദന്‍ ജെയ്സൻ സംഗീതവും നിർവഹിച്ച ജൂബിലിഗാനം നൂറ് ഇടവകാംഗങ്ങള്‍ ചേര്‍ന്ന് ആലപിക്കും. തുടർന്ന് ബസിലിക്കയുടെ ചരിത്രം പ്രതിപാദിക്കുന്ന ലൗ ഓഫ് ജേര്‍ണി നാടകാവതരണമുണ്ടാകും. നൂറ് ഇടവകാംഗങ്ങള്‍ അഭിനയിക്കുന്ന നാടകത്തിന്‍റെ രചനയും സംവിധാനവും സെന്‍റ് തോമസ് കോളജ് മീഡിയ ഡിപ്പാര്‍ട്ട്മെന്‍റ് ഡയറക്ടര്‍ ഫാ. ഫിജോ ജോസഫ് ആലപ്പാടനാണ് നിർവഹിച്ചിട്ടുള്ളത്. പത്രസമ്മേളനത്തിൽ ബസിലിക്ക അസിസ്റ്റന്‍റ് വികാരി ഫാ. ബെന്‍വിന്‍ തട്ടില്‍, കള്‍ച്ചറല്‍ കമ്മിറ്റി കണ്‍വീനര്‍ പോള്‍സണ്‍ ആലപ്പാട്ട്, പിആര്‍ഒ സൈമണ്‍ ജോസഫ്, സംഘഗാനം കോഓര്‍ഡിനേറ്റര്‍ എന്‍.ജെ. ജോസ് എന്നിവര്‍ പങ്കെടുത്തു.

പ്രഫ. കെ.ഐ. തോമസ് അനുസ്മരണം

എൽത്തുരുത്ത്: സെന്‍റ് അലോഷ്യസ് കോളജ് മലയാളവിഭാഗത്തിന്‍റെ നേതൃത്വത്തിൽ മലയാളവകുപ്പ് ആദ്യ അധ്യക്ഷൻ പ്രഫ. കെ.ഐ. തോമസ് അനുസ്മരണപ്രഭാഷണവും നാലാമത് എൻഡോവ്മെന്‍റ് സമർപ്പണവും നടത്തി. എഴുത്തുകാരി ഷീല ടോമി മുഖ്യപ്രഭാഷണം നടത്തി. മാനേജർ ഫാ. തോമസ് ചക്രമാക്കിൽ ഉദ്ഘാടനം ചെയ്തു. പ്രിൻസിപ്പൽ ഡോ.ഇ.ഡി. ഡയസ് അധ്യക്ഷത വഹിച്ചു. ഇംഗ്ലീഷ് വിഭാഗം റിട്ട. അധ്യാപകൻ പ്രഫ. യു.വി. ആന്‍റണി അനുസ്മരണപ്രഭാഷണം നടത്തി. പ്രഫ. കെ.ഐ. തോമസ് എൻഡോവ്മെന്‍റ് സംസ്ഥാനതല ലേഖനമത്സരവിജയി കുറവിലങ്ങാട് ദേവമാത കോളജ് എംഎ മലയാളം വിദ്യാർഥിനി റോസ്മെറിൻ ജോജോയ്ക്ക് 5,000 രൂപയും പ്രശസ്തിപത്രവും സമ്മാനിച്ചു. മലയാളവിഭാഗം മേധാവി ഡോ. മെറിൻ ജോയ്, ഡോ. വിനോദ് തോമസ്, മലയാളം അധ്യാപിക ഡോ. നിഷ ജോണ്‍, ടി.വി. വിൻസി എന്നിവർ പ്രസംഗിച്ചു.

യുവാവിനെ ആകമിച്ച കേസ്: രണ്ടുപേർ പിടിയിൽ

പുന്നയൂർക്കുളം: അണ്ടത്തോട് മേത്തി ഹംസയെ ആക്രമിച്ച കേസിൽ രണ്ടുപേർ പിടിയിൽ. അണ്ടത്തോട് സ്വദേശികളായ മുക്രിയകത്ത് ഫിറോസ്(36), പുതുപറമ്പിൽ അലി(33) എന്നിവരെയാണ് എസ്എച്ച്ഒ എം.കെ. രമേഷിന്‍റെ നേതൃത്വത്തിൽ അറസ്റ്റ് ചെയ്തത്. ഇവർ നേരത്തെ പല കേസിലും പ്രതികളാണ്. എഎസ്ഐ കെ. രാജൻ, സിപിഒമാരായ പി.കെ. അനിൽ, കെ.കെ. അർജുനൻ, പി. പ്രതീഷ് എനന്നിവരും അറസ്റ്റ്ചെയ്ത സംഘത്തിൽ ഉണ്ടായിരുന്നു. പ്രതികളെ കോടതി റിമാൻഡ് ചെയ്തു.

തെരുവുനായ്: കുരിയച്ചിറയിൽ പ്രതിഷേധം

തൃശൂർ: നഗരത്തിലും സമീപപ്രദേശങ്ങളിലും വർധിച്ചുവരുന്ന തെരുവുനായ്ശല്യത്തിനെതിരേ അധികാരികൾ അടിയന്തരനടപടി സ്വീകരിക്കണമെന്നാവശ്യപ്പെട്ട് കുരിയച്ചിറ യുണൈറ്റഡ് ഡെവലപ്മെന്‍റ് അസോസിയേഷന്‍റെ(കുട) നേതൃത്വത്തിൽ ജനകീയ പ്രതിഷേധസമരം സംഘടിപ്പിച്ചു. കുട പ്രസിഡന്‍റ് സൈമണ്‍ വടക്കേത്തല ഉദ്ഘാടനം ചെയ്തു. കൗണ്‍സിലർ ആൻസി ജേക്കബ് പുലിക്കോട്ടിൽ അധ്യക്ഷത വഹിച്ചു. സി.എൽ. ജോയ് മുഖ്യപ്രഭാഷണം നടത്തി. ജനറൽ സെക്രട്ടറി ടോണി ചിറ്റിലപ്പിള്ളി, പോൾ ചാലിശേരി, കൗണ്‍സിലർ സിന്ധു ആന്‍റോ ചാക്കോള, ഷാജി പറന്പൻ എന്നിവർ പ്രസംഗിച്ചു.

ഗുരുവായൂർ ക്ഷേത്രത്തിലെ ദർശനസമയത്തിൽ വീണ്ടും പരിഷ്‌കാരം

ഗുരുവായൂർ: ക്ഷേത്രത്തിൽ പുതുതായി ഏർപ്പെടുത്തിയ ദർശന ക്രമീകരണത്തിൽ വീണ്ടും പരിഷ്‌കാരം. ഇന്നലെ മുതൽ പ്രാബല്യത്തിൽ വരുത്തുന്നതിന് തീരുമാനിച്ച ദർശന ക്രമീകരണത്തിനാണ് വീണ്ടും പരിഷ്‌കാരം വരുത്തിയത്. ഇന്നുമുതൽ പുലർച്ചെ ക്ഷേത്രനട പുലർച്ചെ മൂന്നിന് തുറന്നാൽ ഉച്ചയ്ക്ക് 2.30ന് അടക്കും. ഒരുമണിക്കൂറിനുശേഷം വീണ്ടും 3.30ന് തുറക്കും. പിന്നീട് രാത്രി ഒമ്പതുവരെ ദർശനം നടത്താം.

കേച്ചേരി-അക്കിക്കാവ് ബൈപാസ് റോഡിന്‍റെ ഉദ്ഘാടനം 27ന്

എരുമപ്പെട്ടി: ആധുനിക രീതിയിൽ നിർമിച്ച കേച്ചേരി - അക്കിക്കാവ് ബൈപാസ് റോഡിന്‍റെ ഉദ്ഘാടനം 27ന് വൈകീട്ട് അഞ്ചിനു മന്ത്രി പി.എ. മുഹമ്മദ് റിയാസ് നിർവഹിക്കും. പൊതുമരാമത്ത് റോഡുകളിൽ ആധുനിക സാങ്കേതിക വിദ്യകൾ ഉപയോഗപ്പെടുത്തി നിർമിച്ച ആദ്യത്തെ റോഡാണ് കേച്ചേരി - അക്കിക്കാവ് ബൈപാസ്. കുന്നംകുളം നഗരത്തിലെ ഗതാഗതത്തിരക്ക് കുറയ്ക്കാനും തൃശൂരിൽനിന്ന് ഉത്തര മേഖലകളിലേക്കുള്ള യാത്ര കൂടുതൽ സുഗമമാക്കുന്നതിനും ബൈപാസ് ഉപകരിക്കും. 12 മീറ്റർ വീതിയിലാണ് റോഡിന്‍റെ നവീകരണം. പദ്ധതിക്ക് 32.66 കോടി രൂപയാണ് ചെലവഴിച്ചത്. പന്നിത്തടം ജംഗ്ഷനിൽ 19.39 ലക്ഷം രൂപ ചെലവിൽ കെൽട്രോണിന്‍റെ നേതൃത്വത്തിൽ സോളാർ പവർഡ് ഓട്ടോമാറ്റിക് ട്രാഫിക് സിഗ്നൽ സംവിധാനം സ്ഥാപിച്ചിട്ടുണ്ട്. സംഘാടകസമിതി രൂപീകരണ യോഗത്തിന് എ.സി. മൊയ്തീൻ എംഎൽഎ അധ്യക്ഷനായി. ചൊവ്വന്നൂർ ബ്ലോക്ക് പഞ്ചായത്ത് പ്രസിഡന്‍റ് ആൻസി വില്യംസ്, ജില്ലാ പഞ്ചായത്തംഗങ്ങളായ ജലീൽ ആദൂർ, എ.വി. വല്ലഭൻ, കിഫ്ബി അസിസ്റ്റൻ്റ് എൻജിനീയർ ഇ.ഐ. സജിത്ത്, പഞ്ചായത്ത് പ്രസിഡന്‍റുമാരായ കെ. രാമകൃഷ്ണൻ, മീന സാജൻ, രേഖ സുനിൽ എന്നിവർ സംസാരിച്ചു.

തള്ളുവണ്ടിയിലെ മീന്‍ നശിപ്പിച്ചു: നഗരസഭയ്ക്കെതിരേ പിഴചുമത്തി ഹൈക്കോടതി

ചാവക്കാട്: തള്ളുവണ്ടിയില്‍ മീന്‍വില്പന നടത്തുന്നയാളുടെ മീന്‍ പിടിച്ചെടുത്ത് നശിപ്പിക്കുകയും തള്ളുവണ്ടിയും തുലാസും കസ്റ്റഡിയിലെടുക്കുകയുംചെയ്ത ചാവക്കാട് നഗരസഭയ്ക്ക് ഹൈക്കോടതി പിഴ ചുമത്തി. അധികൃതരുടെ നിയമവിരുദ്ധ നടപടിക്കെതിരേയാണ് പിഴ. നശിപ്പിച്ച മീനിന്‍റെ വിലയായി 15,000 രൂപയും നഗരസഭാ അധികൃതരുടെ നിയമവിരുദ്ധ നടപടിക്കെതിരേ നഷ്ടപരിഹാരമായി 15,000 രൂപയുമാണ് കോടതി പിഴ ചുമത്തിയത്. മീന്‍വില്പനക്കാരനായ ചാവക്കാട് പോക്കാക്കില്ലത്ത് നിഷാമിന്‍റെ പരാതിയിലാണ് ഹൈക്കോടതിയുടെ ഉത്തരവ്. തള്ളുവണ്ടിയില്‍ മീന്‍വില്പന നടത്തുന്നതിനിടെയാണ് ചാവക്കാട് നഗരസഭാ ആരോഗ്യവിഭാഗം വണ്ടിയിലുണ്ടായിരുന്ന 82 കിലോ മീന്‍ പിടിച്ചെടുത്ത് നശിപ്പിക്കുകയും വണ്ടിയും തുലാസും കസ്റ്റഡിയിലെടുക്കുകയും ചെയ്തത്. ഇതിനെതിരേ പരാതിക്കാരന്‍ ചാവക്കാട് കോടതിയെ സമീപിച്ചെങ്കിലും നിരസിച്ചതോടെയാണ് ഹൈക്കോടതിയെ സമീപിച്ചത്. നഗരസഭയുടെ നടപടികള്‍ നിയമവിരുദ്ധമാണെന്നും മൗലിക അവകാശങ്ങള്‍ ഹനിക്കുന്നതാണെന്നും കോടതി കണ്ടെത്തി. ഈ തുക പരാതിക്കാരനായ മീന്‍വില്പനക്കാരന് ഒരുമാസത്തിനകം നല്‍കാനാണ് കോടതിയുടെ ഉത്തരവ്. ആരുടെ വീഴ്ചപ്രകാരമാണ് നിയമവിരുദ്ധമായ നടപടി ഉണ്ടായതെങ്കില്‍ അവരില്‍നിന്ന് തുക ഈടാക്കാനും വിധിയിലുണ്ട്. അഡ്വ.കെ.ഡി. വിനോജ്, അഡ്വ. മുഹമ്മദ് അഷറഫ്, അഡ്വ. വിനായക് കുറുവത്ത് എന്നിവര്‍ ഹാജരായി.

മൊബൈൽ ട്രീറ്റ്മെന്‍റ് പ്ലാന്‍റ് പ്രവർത്തനം കാര്യക്ഷമമാക്കാൻ നഗരസഭ

ചാലക്കുടി: നഗരസഭയുടെ മൊബൈൽ ട്രീറ്റ്മെന്‍റ് പ്ലാന്‍റിന്‍റെ പ്രവർത്തനവുമായി ബന്ധപ്പെട്ട് ഭൗമ എൻവിറോടെക് എന്ന സ്ഥാപനവുമായി കരാറിൽ ഏർപ്പെടാൻ കൗൺസിൽ തീരുമാനിച്ചു. സംസ്ഥാനത്ത് ആദ്യമായി നഗരസഭ നടപ്പിലാക്കിയ പദ്ധതിയുടെ പ്രവർത്തനം ഇതുവരെ കമ്പനിയുടെ സ്വന്തം ചെലവിലും ഉത്തരവാദിത്തത്തിലുമാണ് നടത്തിയത്. ട്രീറ്റ്മെന്‍റിന്‍റെ ഭാഗമായി ലഭിക്കുന്ന ഫീസ് നഗരസഭയ്ക്കാണു ലഭ്യമായിരുന്നത്. സർക്കാർ നിർദേശിച്ച ഒരു മോഡൽ പദ്ധതി എന്ന നിലയിൽ 50 ലക്ഷം രൂപ ചിലവിൽ വാഹനമുൾപ്പടെ പദ്ധതി സംസ്ഥാനത്ത് ആദ്യമായി ചാലക്കുടി നഗരസഭ നടപ്പിലാക്കിയതിന്‍റെ ഭാഗമായാണ്, ഇത്രയും കാലം കമ്പനി തന്നെ ഇതിന്‍റെ തുടർപ്രവർത്തച്ചെലവുകൾ വഹിച്ചത്. തുടർന്നുള്ള പ്രവർത്തനത്തിനു കമ്പനിയുമായി 1.75 ലക്ഷം പ്രതിമാസം കമ്പനിക്ക് നൽകും വിധം മാസത്തിൽ 26 ദിവസം പ്രവർത്തിക്കണമെന്ന വ്യവസ്ഥയിൽ മൂന്നുമാസത്തേക്ക് എഗ്രിമെന്‍റ് വയ്ക്കാൻ തീരുമാനിച്ചു. നഗരസഭ തൊഴിലാളികൾക്ക് കമ്പനി സൗജന്യമായി പരിശീലനം നൽകാനും നിർദേശിച്ചു. ഉപയോഗത്തിന് നിലവിൽ നഗരസഭ നിശ്ചയിച്ച നിരക്കിൽ വർധനവ് വരുത്തേണ്ടെന്നും നഗരസഭയ്ക്ക് പുറത്തുനിന്നുള്ള പ്രവൃത്തിക്ക് ദൂരപരിധിക്ക് അനുസരിച്ചത് നിരക്കുവാങ്ങാനും തീരുമാനിച്ചു. പോട്ട പനമ്പിള്ളി കോളജിനുസമീപം ഐനിക്കുന്നിലെ മണ്ണിടിച്ചിൽ ഭീഷണി പൂർണമായും ഒഴിവാക്കുന്നതിന് അടിയന്തര ഉത്തരവ് ഉണ്ടാകണമെന്ന് ജില്ലാ കളക്ടറോട് ആവശ്യപ്പെടാൻ തീരുമാനിച്ചു. നഗരസഭയിലെ അജൈവമാലിന്യങ്ങൾ ശേഖരിക്കുന്നതിന് എക്കോഗ്രീൻ എന്നകമ്പനിയു മായി കരാർ പുതുക്കാൻ തീരുമാനിച്ചു. ചെയർപേഴ്സൻ ഷിബു വാലപ്പൻ അധ്യക്ഷത വഹിച്ചു. രാഷ്ടീയനാടകം: ഷിബു വാലപ്പൻ നഗരസഭയിൽ തെരുവുനായ് ആക്രമണത്തിൽ പരിക്കേറ്റവർക്കുള്ള ചികിത്സാസഹായം ജില്ലാ മെഡിക്കൽ ഓഫീസറുടെ റിപോർട്ട് ലഭിച്ചാൽ ഉടൻ നൽകും. നിലവിൽ ഒരു തദ്ദേശ സ്ഥാപനവും നേരിട്ട് അപേക്ഷ സ്വീകരിച്ച്, തെരുവുനായ് ആക്രമണത്തിൽ പരിക്കേറ്റവർക്ക് ചികിത്സാ സഹായം നൽകിയിട്ടില്ല. കോടതി നിശ്ചയിച്ച കമ്മീഷന്‍റെ ഉത്തരവിന്‍റെ അടിസ്ഥാനത്തിൽ മാത്രമാണ് മുൻകാലത്ത് ചില സ്ഥാപനങ്ങൾ ധനസഹായം നൽകിയിട്ടുള്ളത്. നഗരസഭയിലും ആദ്യമായാണ് ഇത്തരം ഘട്ടത്തിൽ ധനസഹായം നൽകാൻ കൗൺസിൽ തീരുമാനിച്ചത്. ബന്ധപ്പെട്ട ഉദ്യോഗസ്ഥർ ഇക്കാര്യത്തിൽ മേലധികാരികളിൽനിന്നുംആരോഗ്യ വകുപ്പിൽ നിന്നും അനുവാദം ലഭ്യമാക്കാൻ ശ്രമിക്കുന്നതു സ്വാഭാവികമാണ്. ഇതിന്‍റെ ഭാഗമായാണ് താലൂക്ക് ആശുപത്രി സൂപ്രണ്ടിനോട് റിപ്പോർട്ട് ആവശ്യപ്പെട്ടത്. ചികിത്സാ ചെലവിൽ ഒരാൾക്ക് ഒരു ലക്ഷത്തിൽ അധികമാണ് നൽകാനുള്ളത്. ആശുപത്രി സൂപ്രണ്ട് ഇക്കാര്യത്തിൽ ആവശ്യമായ നിർദേശത്തിനായ് ജില്ലാ മെഡിക്കൽ ഓഫീസറോട് അഭിപ്രായം തേടിയിട്ടുണ്ട്. റിപ്പോർട്ട് ലഭിച്ചാൽ ഉടൻ ധനസഹായം നൽകും. ഇക്കാര്യത്തിൽ പ്രതിപക്ഷം നടത്തുന്ന പ്രതിഷേധനാടകം തെരഞ്ഞെടുപ്പുമുന്നിൽ കണ്ട് തെറ്റിധാരണ പരത്താനാണെന്ന് ചെയർപേഴ്സൺ കുറ്റപ്പെടുത്തി. പ്രതിപക്ഷം വിയോജിച്ചു പ്രവര്‍ത്തിപ്പിക്കാത്ത മൊബൈല്‍ എഫ്എസ്ടിപി(എംടിയു)തുടര്‍ പ്രവര്‍ത്തനങ്ങള്‍ക്കായി ഒക്ടോബര്‍ ഒന്ന് മുതല്‍ 1,75,000 രൂപ പ്രതിമാസ വാടക ഭൗമ എന്‍വിറോടെക്സ് എന്ന സ്ഥാപനത്തിന് നല്‍കാനുള്ള കൗണ്‍സില്‍ തീരുമാനത്തില്‍ പ്രതിപക്ഷാംഗങ്ങള്‍ വിയോജിപ്പ് രേഖപ്പെടുത്തി. മൊബൈല്‍യൂണിറ്റ് ചാലക്കുടിയില്‍ വന്നിട്ട് ഒരു വര്‍ഷം പിന്നിട്ടിട്ടും പൊതുജനത്തിന് ഉപകാരപ്പെടുംവിധം പ്രവര്‍ത്തിപ്പിക്കാന്‍ സാധിക്കാ ത്ത ഏജന്‍സിയാണ് ഭൗമ എന്‍വിറോടെക് എന്നും പ്രതിപക്ഷം ആരോപിച്ചു. സി.എസ്. സുരേഷ്, ബിജി സദാനന്ദന്‍, വി.ജെ. ജോജി, കെ.എസ്. സുനോജ്, ബിന്ദു ശശികുമാര്‍, ഷൈജ സുനില്‍, ലില്ലി ജോസ്, ബിന്ദു ശശികുമാര്‍, ടി.ഡി. എലിസബത്ത് എന്നിവരാണു വിയോജിപ്പ് രേഖപ്പെടുത്തിയത്. പാലിയേറ്റീവ് കെയര്‍ യൂണിറ്റിന് വാഹനം വാങ്ങുന്നതിന് പണം ലഭ്യമായിട്ടും വാഹനം വാങ്ങി നല്‍കാത്തതിലും മേയ് 16 ന് തെരുവുനായ് ആക്രമണത്തില്‍ പരിക്കേറ്റ മൂന്നുപേര്‍ക്ക് ചികിത്സാസഹായം വാഗ്ദാനം ചെയ്തതില്‍ പ്രതി പക്ഷാവശ്യത്തെ തുടര്‍ന്ന് ഇവര്‍ക്ക് ചികിത്സയുടെ ഭാഗമായി ചെലവുവന്ന തുക അനുവദിച്ച് നല്‍കാന്‍ കൗണ്‍സില്‍ തീരുമാനമെടുത്തിട്ട് മൂന്നുമാസം പിന്നിട്ടിട്ടും സഹായം നല്‍കാത്തതില്‍ പ്രതിഷേധിച്ചും പ്രതിപക്ഷാംഗങ്ങള്‍ കൗണ്‍സില്‍ ഹാളില്‍ ധര്‍ണ നടത്തി.

ഇരിങ്ങാലക്കുട നഗരസഭ: വീഴ്ചകള്‍ ചൂണ്ടിക്കാട്ടി ഓഡിറ്റ് റിപ്പോര്‍ട്ട്

ഇരിങ്ങാലക്കുട: നഗരസഭയുടെ പ്രവര്‍ത്തനങ്ങളിലെ ഗുരുതരവീഴ്ചകള്‍ ചൂണ്ടിക്കാട്ടി നഗരസഭ 2023- 24 സാമ്പത്തിക വര്‍ഷത്തെ ഓഡിറ്റ് റിപ്പോര്‍ട്ട്. രജിസ്റ്ററുകള്‍ സൂക്ഷിക്കുന്നതിലും ആസ്തികള്‍ കൃത്യമായി രേഖപ്പെടുത്തുന്നതിലും വരുത്തുന്ന വീഴ്ചകള്‍ ചൂണ്ടിക്കാട്ടിയാണ് റിപ്പോര്‍ട്ട് ആരംഭിക്കുന്നത്. നഗരസഭയുടെ അധീനതയില്‍ ഉള്ള പത്തോളം കെട്ടിടങ്ങളിലെ വാണിജ്യമുറികള്‍ വാടകയ്ക്ക് നല്‍കുന്നതിലും കുടിശിക ഈടാക്കുന്നതിലും വീഴ്ചകള്‍ സംഭവിച്ചതായി ഓഡിറ്റ് റിപ്പോര്‍ട്ടിലുണ്ട്. ഠാണാവില്‍ പൂതംകുളത്ത് ഉള്ള കെട്ടിടത്തിന്‍റെ വാടക കുടിശികയായ 36000 രൂപയും പിഴയും റെവന്യൂ റിക്കവറി നടപടികള്‍ സ്വീകരിച്ച് ഈടാക്കേണ്ടതാണെന്ന് റിപ്പോര്‍ട്ട് വ്യക്തമാക്കുന്നു. മൊബൈല്‍ ടവറുകളില്‍ വസ്തുനികുതി ഈടാക്കണമെന്നും കുടിശിക പിരിച്ചെടുക്കണമെന്നും അനധികൃത കെട്ടിടങ്ങളുടെയും വസ്തുനികുതി പിരിച്ചെടുക്കണമെന്നും റിപ്പോര്‍ട്ട് ആവശ്യപ്പെടുന്നുണ്ട്. നഗരസഭ പരിധിയില്‍ ടര്‍ഫുകള്‍ അനധികൃതമായിട്ടാണ് പ്രവര്‍ത്തിക്കുന്നതെന്നും റിപ്പോര്‍ട്ട് ചൂണ്ടിക്കാട്ടുന്നു. ഐഎച്ച്എസ്ഡിപി അക്കൗണ്ടുകളിലെ പ്ലാന്‍ ഫണ്ട് തുകകള്‍ തിരികെ അടവാക്കാനുള്ളത് 75,39,169 രൂപയാണ്. പൊതുമരാമത്ത് പ്രവൃത്തികള്‍ സമയബന്ധിതമായി പൂര്‍ത്തീകരിക്കുന്നില്ലെന്ന വിമര്‍ശനവും റിപ്പോര്‍ട്ട് ഉന്നയിക്കുന്നുണ്ട്. നഗരസഭ ഭരണത്തിന്‍റെ കഴിവുകേടിന്‍റെ ബാക്കി പത്രമായി ഓഡിറ്റ് റിപ്പോര്‍ട്ട് മാറിയിരിക്കുകയാണെന്ന് ഇതുസംബന്ധിച്ച ചര്‍ച്ചയില്‍ പങ്കെടുത്തുകൊണ്ട് പ്രതിപക്ഷ അംഗങ്ങളായ അഡ്വ. കെ.ആർ. വിജയ, സന്തോഷ് ബോ ബൻ, അല്‍ഫോണ്‍സ തോമസ് എന്നിവര്‍ വിമര്‍ശിച്ചു. എന്നാല്‍ റിപ്പോര്‍ട്ടില്‍ സൂചിപ്പിച്ചിട്ടുള്ള വിഷയങ്ങളില്‍ ഭൂരിപക്ഷത്തിനും പരിഹാരം കണ്ടെത്തി കഴിഞ്ഞതാണെന്നും സിഎഫ്‌സി ഫണ്ട് വീണ്ടെടുക്കാന്‍ കഴിഞ്ഞത് നേട്ടമാണെന്നും തനതുവരവില്‍ ഇരിങ്ങാലക്കുട നഗരസഭ ജില്ലയില്‍ രണ്ടാം സ്ഥാനത്താണെന്നും ഉദ്യോഗസ്ഥര്‍ അധിക ജോലി ഭാരം നേരിടുന്നുണ്ടെന്നും അവധി ദിവസങ്ങളില്‍ പോലും ഓഫീസില്‍ എത്തുന്നുണ്ടെന്നും നഗരസഭ സെക്രട്ടറി എം.എച്ച്. ഷാജിക്ക് വ്യക്തമാക്കി. യോഗത്തില്‍ ചെയര്‍പേഴ്‌സണ്‍ മേരിക്കുട്ടി ജോയ് അധ്യക്ഷത വഹിച്ചു.

വർണക്കൂടാരം തുറന്നു

കൊടുങ്ങല്ലൂർ: സമഗ്രശിക്ഷാ കേരളം സ്റ്റാർസ് പദ്ധതിയുടെ ഭാഗമായി കൊടുങ്ങല്ലൂർ ജിഎൽപിഎസ്ജിഎച്ച്എസിൽ നിർമിച്ച വർണക്കൂടാരം കുട്ടികൾക്കായി തുറന്നുകൊടുത്തു. 10 ലക്ഷം രൂപ ചെലവഴിച്ച് കൊടുങ്ങല്ലൂർ ബിആർസിയുടെ നേതൃത്വത്തിലാണു വർണക്കൂടാരം ഒരുക്കിയത്. വി.ആർ. സുനിൽകുമാർ എംഎൽഎ ഉദ്ഘാടനം ചെയ്തു. നഗരസഭ ചെയർപേഴ്‌സൺ ടി.കെ. ഗീത അധ്യക്ഷത വഹിച്ചു. വൈസ് ചെയർമാൻ അഡ്വ. വി.എസ്. ദിനൽ മുഖ്യാതിഥിയായിരുന്നു. ഡിപിസി ഡോ. എൻ.ജെ. ബിനോയ് പദ്ധതി വിശദീകരണം നടത്തി. വിദ്യാഭ്യാസ സ്റ്റാൻഡിംഗ് കമ്മിറ്റി ചെയർപേഴ്സൺ ഷീല പണിക്കശേരി, വികസന സ്റ്റാൻഡിംഗ് കമ്മിറ്റി ചെയർ‌പേഴ്സൺ ലത ഉണ്ണികൃഷ്ണൻ, ആരോഗ്യ സ്റ്റാൻഡിംഗ് കമ്മിറ്റി ചെയർപേഴ്സൺ എൽസി പോൾ, വാർഡ് കൗൺസിലർ സി.എസ്. സുമേഷ്, കെ.ആർ. ജൈത്രൻ, ഹെഡ് മിസ്ട്രസ് കെ.ജെ.ബീന, ഹയർ സെക്കൻഡറി പ്രിൻസിപ്പൽ ഇൻ ചാർജ് ബി. ജോഷി, ഹെഡ്മിസ് ട്രസ് ഷൈനി ആന്‍റോ, പിടിഎ പ്രസിഡന്‍റ് നിത്യ സിബിൻ, വൈസ്‌ പ്രസിഡന്‍റ് ഷനി മധു, സീനിയർ അസിസ്റ്റന്‍റ് കെ.സി. റഷ്നി, എസ്ആർജി കൺവീനർ കെ.എസ്. അശ്വതി എന്നിവർ പ്രസംഗിച്ചു.

വെള്ളാങ്കല്ലൂർ മർച്ചന്‍റ്സ് അസോസിയേഷൻ വാർഷികപൊതുയോഗവും കുടുംബസംഗമവും

വെള്ളാങ്കല്ലൂർ: വെള്ളാങ്കല്ലൂർ മർച്ചന്‍റ്സ് അസോസിയേഷൻ 44 ാം വാർഷിക പൊതുയോഗവും കുടുംബസംഗമവും പിസികെ ഓഡി റ്റോറിയത്തിൽ സംസ്ഥാന വൈസ് പ്രസിഡന്‍റ്് കെ.വി. അബ്ദുൽ ഹമീദ് ഉദ്ഘാടനം ചെയ്തു. വെള്ളാങ്കല്ലുർ മർച്ചന്‍റ്സ്് അസോസിയേഷൻ പ്രസിഡന്‍റ് ബഷീർ തോ പ്പിൽ അധ്യക്ഷത വഹിച്ചു. ജില്ലാ ജനറൽ സെക്രട്ടറി എൻ.ആർ. വിനോദ്കുമാർ മുഖ്യപ്രഭാക്ഷണം നടത്തി. 70 വയസുകഴിഞ്ഞ മുതിർന്ന വ്യാപാരികളെ ആദരിച്ചു. പി.പി. ജോസ്, എൻ.ആർ. വിനോദ് കുമാർ, ജോയ് മൂത്തേടൻ, വി.ടി. ജോർജ്. കെ.‌ഐ. നജാഹ്, ജോൺസൻ ജോസഫ്, കെ.വി. ജോമോൻ, സി.സി. അനിത, സതീഷ് കുമാർ, വിനോദ്കുമാർ, എ.കെ. ഈനാശു എന്നിവർ പ്രസംഗിച്ചു.

വിമോചനസമരത്തെ എന്തിനാണു ഭയക്കുന്നത്: പ്രഫ. രാജീവ്

ചാലക്കുടി: കത്തോലിക്ക കോൺഗ്രസ് അവകാശസംരക്ഷണയാത്ര ആരംഭിച്ചപ്പോൾ ഇതു വിമോചനസമരത്തിന്‍റെ കേളികൊട്ടാണോയെന്നു ചോദിച്ച ഭരണാധികാരികളും രാഷ്ട്രീയനേതാക്കളും വിമോചനസമരത്തെ എന്തിനാണു ഭയപ്പെടുന്നതെന്ന് കത്തോലിക്ക കോൺഗ്രസ് ഗ്ലോബൽ പ്രസിഡന്‍റ് പ്രഫ. രാജീവ് കൊച്ചുപറമ്പിൽ. നീതി ഔദാര്യമല്ല, അവകാശമാണ് എന്ന മുദ്രാവാക്യവുമായി കത്തോലിക്ക കോൺഗ്രസ് ഗ്ലോ ബൽ സമിതി പ്രസിഡന്‍റിന്‍റെ നേതൃത്വത്തിൽ കാസർഗോഡ് നിന്നാരംഭിച്ച അവകാശസംരക്ഷണ ജാഥയ്ക്ക് ചാലക്കുടിയിൽ നൽകിയ സ്വീകരണത്തിൽ മറുപടിപ്രസംഗം നടത്തുകയായിരുന്നു അദ്ദേഹം. ചാലക്കുടി ഫൊ റോന വികാരി ഫാ. വർഗീസ് പാത്താടൻ, ഫാ. വിൽസൻ എലുവത്തിങ്കൽ കൂനൻ, ഫാ. ക്രിസ്റ്റി ചിറ്റ്യേക്കര, കൺവീനർമാരായ വിൽസൻ മേച്ചേരി, ഡേവിസ് തെക്കിനിയത്ത് എന്നിവർ ചേർന്ന് സ്വീകരിച്ചു. കത്തോലിക്ക കോൺഗ്രസ് ഗ്ലോബൽ ഡയറക്ടർ ഫാ. ഫിലിപ്പ് കവിയിൽ, ജനറൽ സെക്രട്ടറി പ്രഫ. ജോസുകുട്ടി ഒഴുകയിൽ, രൂപതാ ഡയറക്ടർ ഫാ. ലിജു മഞ്ഞപ്രക്കാരൻ, പ്രസിഡന്‍റ് ഡേവിസ് ഊക്കൻ, ടെൽസൻ കോട്ടോളി, ആന്‍റണി തൊമ്മാന, സുനിൽ ഡേവിഡ്, ജോബി ആളൂക്കാരൻ, ജോൺ തെക്കേക്കര, ജോസി കോട്ടേക്കാരൻ തുടങ്ങിയവർ സ്വീകരണത്തിനു നേതൃത്വം നൽകി.

വിശുദ്ധ എവുപ്രാസ്യയുടെ ജന്മദിനത്തിരുനാള്‍ ആഘോഷിച്ചു

കാട്ടൂർ: വിശുദ്ധ എവുപ്രാസ്യയുടെ 148 ാം ജന്മദിന തിരുനാള്‍ കാട്ടൂര്‍ എവുപ്രാസ്യ ജന്മദിന കപ്പേളയില്‍ ആഘോഷിച്ചു. തിരുനാളിനോടുബന്ധിച്ച് നടന്ന ആഘോഷമായ ദിവ്യബലിക്ക് ബിഷപ് മാര്‍ പോളി കണ്ണൂക്കാടന്‍ മുഖ്യകാര്‍മികത്വം വഹിച്ചു. ഫാ. ജിന്‍സന്‍ പയ്യപ്പിള്ളി, ബിഷപ് സെക്രട്ടറി ഫാ. ജോര്‍ജി ചെറിയാന്‍ തേലപ്പിള്ളി എന്നിവര്‍ സഹകാര്‍മികരായിരുന്നു. സിഎംസി ഉദയ പ്രോവിന്‍സിന്‍റെ മദര്‍ പ്രൊവിന്‍ഷ്യല്‍ സിസ്റ്റര്‍ ധന്യ, ആലുവ ജനറലേറ്റ് വികാര്‍ ജനറല്‍ മദര്‍ പ്രസന്ന സിഎംസി, തൃശൂര്‍ വികാര്‍ പ്രൊവിന്‍ഷ്യല്‍ സിസ്റ്റര്‍ ഷീല സിഎംസി എന്നിവര്‍ സന്നിഹിതരായിരുന്നു. എടത്തിരുത്തി കര്‍മലമാതാ ഫൊറോന പള്ളി വികാരി ഫാ. ജോഷി പാല്യേക്കര, കാട്ടൂര്‍ എവുപ്രാസ്യ കോണ്‍വന്‍റ് സുപ്പീരിയര്‍ സിസ്റ്റര്‍ നിര്‍മല, കാട്ടൂര്‍ എവുപ്രാസ്യ സ്‌ക്വയര്‍ ഡയറക്ടര്‍ സിസ്റ്റര്‍ ഷീബ, തിരുനാള്‍ കണ്‍വീനര്‍ ലോനച്ചന്‍ ഉറുവത്ത് എന്നിവര്‍ നേതൃത്വം നല്‍കി.

വികസിത കൊടുങ്ങല്ലൂർ: കൂടിക്കാഴ്ച നടത്തി

കൊടുങ്ങല്ലൂർ: വികസിത കൊടുങ്ങല്ലൂർ എന്ന കാഴ്ചപ്പാടിനുവേണ്ടി ഭാരതീയ ജനതാ പാർട്ടിയുടെ നേതൃത്വത്തിൽ കൊടുങ്ങല്ലൂരിലെ പൗരപ്രമുഖരും വിശിഷ്ട വ്യക്തികളുമായി കൂടിക്കാഴ്ച നടത്തി. ബിജെപിയുടെ കാഴ്ചപ്പാടുകൾ അവരുമായി പങ്കുവെയ്ക്കുകയും അവരുടെ നിർദേശങ്ങൾ സ്വീകരിച്ചു. ബിജെപി സംസ്ഥാന പ്രസിഡന്‍റ് രാജീവ് ചന്ദ്രശേഖർ ഉദ്ഘാടനം ചെയ്തു. ബിജെപി ജില്ലാ സൗത്ത് സോൺ പ്രസിഡന്‍റ് എആർ. ശ്രീകുമാർ ആമുഖ പ്രഭാഷണം നടത്തി. വിവേകാ നന്ദ കേന്ദ്രം ഡയറക്ടർ ഡോ. എം. ലക്ഷ്മീകുമാരി, ടി.എസ്. സജീവൻ, വിനോദ് എന്നിവർ പ്രസംഗിച്ചു. മണ്ഡലം പ്രസിഡന്‍റ് ഇ.ആർ. ജിതേഷ് അധ്യക്ഷതവഹിച്ചു.

മനയ്ക്കലപ്പടി അങ്കണവാടി നിര്‍മാണോദ്ഘാടനം

വെള്ളാങ്കല്ലൂര്‍: പഞ്ചായത്തിലെ മനയ്ക്കലപ്പടി അങ്കണവാടിയുടെ പുതിയ കെട്ടിടത്തിന്‍റെ നിര്‍മാണോദ്ഘാടനം വി.ആര്‍.സുനില്‍കുമാര്‍ എംഎല്‍എ നിര്‍വഹിച്ചു. തനത് ഫണ്ടില്‍നിന്നുള്ള 10.72 ലക്ഷവും ഡിപ്പാര്‍ട്ട്മെന്‍റ് ഫണ്ടില്‍നിന്നുള്ള 15.72 ലക്ഷവും ബ്ലോക്ക് പഞ്ചായത്ത് വിഹിതം അഞ്ച് ലക്ഷവും ഉള്‍പ്പെടെ 31.44 ലക്ഷം ഉപയോഗിച്ചാണ് നിര്‍മാണം. വെള്ളാങ്കല്ലൂര്‍ പഞ്ചായത്ത് പ്രസിഡന്‍റ് നിഷ ഷാജി അധ്യക്ഷയായി. ഭൂമി സംഭാവന ചെയ്ത അക്കരക്കുറിശി മനയിലെ കുടുംബാംഗങ്ങളെ ആദരിച്ചു. ഉണ്ണികൃഷ്ണന്‍ കുറ്റിപറമ്പില്‍, ഷംസു വെളുത്തേരി, അസ്മാബി ലത്തീഫ്, എസ്. ഐശ്വര്യ, പ്രസന്ന അനില്‍കുമാര്‍, കെ. കൃഷ്ണകുമാര്‍, കെ. ബബിത, എം.എച്ച്. രജിക, എം.കെ. മോഹനന്‍, മണമ്മല്‍ ശശിമേനോന്‍, മഞ്ജു ജോര്‍ജ്, സിമി റഷീദ്, സുരേഷ് പണിക്കശേരി തുടങ്ങിയവര്‍ പ്രസംഗിച്ചു.

സെന്‍റ് ജോസഫ്‌സ് കോളജില്‍ നാദാര്‍പ്പണം

ഇരിങ്ങാലക്കുട: സെന്‍റ്് ജോസഫ്‌സ് കോളജിലെ മ്യൂസിക് ക്ലബ്ബിന്‍റെയും പൂര്‍വവിദ്യാര്‍ഥി സംഘടനയുടെയും ആഭിമുഖ്യത്തില്‍ നാദാര്‍പ്പണം സംഗീത പരിപാടി അരങ്ങേറി. പൂര്‍വ വിദ്യാര്‍ഥി സംഘടന മ്യൂസിക് ക്ലബ്ബിനുവേണ്ടി നല്‍കിയ സംഗീതോപകരണങ്ങളുടെ ഔപചാരിക ഉദ്ഘാടനം പ്രമുഖ സംഗീതസംവിധായകനും പിന്നണിഗായകനുമായ വിദ്യാധരന്‍ മാസ്റ്റര്‍ നിര്‍വഹിച്ചു. കോളജ് പ്രിന്‍സിപ്പല്‍ സിസ്റ്റര്‍ ഡോ. ബ്ലെസി അധ്യക്ഷത വഹിച്ചു. മലയാള വിഭാഗം അധ്യക്ഷ ഡോ. കെ.എ. ജെന്‍സി, പൂര്‍വവിദ്യാര്‍ഥി സംഘടന പ്രസിഡന്‍റ് ടെസി വര്‍ഗീസ്, മ്യൂസിക് ക്ലബ് കണ്‍വീനര്‍ വിദ്യ സദാനന്ദന്‍ എന്നിവര്‍ പ്രസംഗിച്ചു. വിദ്യാധരന്‍ മാസ്റ്റര്‍ക്കുള്ള ആദരസൂചകമായി മലയാളവിഭാഗം അധ്യാപിക ക്യാപ്റ്റന്‍ ലിറ്റി ചാക്കോ മംഗളപത്രം വായിച്ചു.

വിനോദയാത്രയ്ക്കിടെ മലയാളിഡോക്ടർ തായ്‌ലാൻഡിൽ മുങ്ങിമരിച്ചു

ചാലക്കുടി: തിരുച്ചിറപ്പള്ളി റെയിൽവേ ഡിവിഷണൽ ആശുപത്രിയിലെ മെഡിക്കൽ ഓഫിസറായ ഡോ. രാഹുലൻ(37) കുടുംബത്തോടൊപ്പമുള്ള വിനോദയാത്രയ്ക്കിടെ തായ്‌ലാൻഡിൽ മുങ്ങിമരിച്ചു. ചാലക്കുടി പോട്ട തച്ചുടപ്പറമ്പ് മുണ്ടക്കത്തുപറമ്പിൽ സദാനന്ദന്‍റെ മകനാണ് രാഹുലൻ. ഭാര്യ: ഡോ. ബേബി മിനുവിനൊപ്പം ഒരാഴ്ചത്തെ വിനോദയാത്രക്കായി ഈ മാസം 12നാണു ഡോ. രാഹുലൻ തായ്‌ലൻഡിലെത്തിയത്. വിവിധ വിനോദ സഞ്ചാരകേന്ദ്രങ്ങൾ സന്ദർശിക്കുന്നതിനിടയിൽ കടലിലെ ആഴമില്ലാത്ത ഭാഗത്ത് നീന്തുന്നതിനിടയിലായിരുന്നു അപകടം. മുങ്ങിത്താഴ്ന്ന രാഹുലനെ രക്ഷപ്പെടുത്തി സമീപത്തെ ആശുപത്രിയിലും പിന്നീടു സ്പെഷ്യൽറ്റി ആശുപ്രതിയിലും എത്തിച്ചെങ്കിലും രാത്രി എട്ടോടെ മരണം സ്ഥിരീകരിച്ചു. അസ്വാഭാവിക മരണത്തിന് കേസെടുത്ത തായ് പോലീസ് പോസ്റ്റ്മോർട്ടത്തിനുശേഷം മൃതദേഹം ബന്ധുക്കൾക്ക് കൈമാറി. സംസ്കാരം ഇന്ന് ഉച്ചയ്ക്ക് ഒന്നിന് ചാലക്കുടി മുനിസിപ്പൽ ക്രിമറ്റോറിയത്തിൽ നടത്തും.

മയിൽ ഇടിച്ച് പരിക്കേറ്റ ബൈക്ക് യാത്രികൻ മരിച്ചു

പുന്നയൂർക്കുളം: മയിൽ ഇടിച്ച് നിയന്ത്രണം വിട്ട ബൈക്ക് മറിഞ്ഞ് പരിക്കേറ്റ് ചികിത്സയിൽ കഴിഞ്ഞിരുന്ന ഗൃഹനാഥൻ മരിച്ചു. വടക്കേക്കാട് കൊച്ചനൂർ എട്ടാന്തറയിൽപൂളന്തറക്കൽ അബ്ദുൾ സലാ(60)മാണ് മരിച്ചത്. ബൈക്കിൽ യാത്ര ചെയ്യുന്നതിനിടയിൽ ചെറുവത്താനിയിൽ വച്ചാണ് മയിൽ പറന്നു വന്ന് അബ്ദുൽ സലാറിനെ ഇടിച്ചത്. നിയന്ത്രണം വിട്ട ബൈക്ക് സമീപത്തെ മതിലിൽ ഇടിച്ച് മറിയുകയായിരുന്നു. കഴിഞ്ഞ മാസമാണ് സംഭവം. തൃശൂർ എലൈറ്റ് ആശുപത്രിയിൽ തീവ്രപരിചരണ വിഭാഗത്തിൽ ചികിത്സയിലായിരുന്നു. ഇന്നലെ മരിച്ചു. കബറടക്കം ഇന്ന്. പ്ലംബിംഗ് തൊഴിലാളിയാണ്. ഭാര്യ: ശരീഫാ ബീവി. മക്കൾ: നിസാമുദീൻ, അജ്മൽ.

വാഹനാപകടത്തിൽ പരിക്കേറ്റ് ചികിത്സയിലിരുന്നയാൾ മരിച്ചു

കൊരട്ടി: ദേശീയപാത മുറിച്ചു കടക്കുന്നതിനിടെ സ്കൂട്ടർ ഇടിച്ച് തലയ്ക്ക് ഗുരുതരമായി പരിക്കേറ്റ് ചികിത്സയിലിരുന്നയാൾ മരിച്ചു. കൊരട്ടി പെരുമ്പി സ്വദേശി കൂട്ടാലപറമ്പിൽ ഷാജു(53) ആണ് മരിച്ചത്. ഇക്കഴിഞ്ഞ 14ന് വൈകീട്ട് ഏഴരയോടെയാണ് സംഭവം. ഉടൻ തന്നെ കറുകുറ്റിയിലെ സ്വകാര്യ ആശുപത്രിയിലെത്തിച്ച് അടിയന്തര ശസ്ത്രക്രിയക്ക് വിധേയനാക്കിയെങ്കിലും ജീവൻ രക്ഷിക്കാനായില്ല. കൊരട്ടി പോലീസ് സ്ഥലത്തെത്തിയിരുന്നു. ഷാജു പെയിന്‍റിംഗ് തൊഴിലാളിയാണ്. ഭാര്യ: വിനജ. മക്കൾ: വർണ, തീർഥ. മരുമകൻ: നിഖിൽ. സംസ്കാരം പിന്നീട്.

സഹൃദയ ഇൻസ്റ്റിറ്റ്യൂട്ട് ഓഫ് മാനേജ്മെന്‍റ് സ്റ്റഡീസിൽ പണ്ഡിറ്റ് രാജേന്ദ്ര ഗംഗാനിയുടെ കഥക് നൃത്തം

കൊടകര: സൊസൈറ്റി ഫോർ പ്രമോഷൻ ഓഫ് ഇന്ത്യൻ ക്ലാസിക്കൽ മ്യൂസിക് ആൻഡ് കൾച്ചർ എമംഗ് യൂത്തിന്‍റെ (സ്പിക് മാകെ) ആഭിമുഖ്യത്തിൽ സഹൃദയ ഇൻസ്റ്റിറ്റ്യൂട്ട് ഓഫ് മാനേജ്മെന്‍റ് സ്റ്റഡീസിൽ (സിംസ്) പ്രശസ്ത കഥക് നർത്തകനായ പണ്ഡിറ്റ് രാജേന്ദ്ര ഗംഗാനിയുടെ ആകർ‌ഷകമായ നൃത്താവതരണം അരങ്ങേറി. ഇന്ത്യൻ സംസ്കാരവും കലയും സംഗീതവും പ്രോത്സാഹിപ്പിക്കുക, സാംസ്കാരിക പൈ തൃകത്തെ യുവതലമുറയിലേക്ക് എത്തിക്കുക എന്നീ മഹത്തായ ലക്ഷ്യങ്ങളോടെയാണ് "സ് പിക് മാകെ' പ്രവർത്തിക്കുന്നത്. ഇതിന്‍റെ ഭാഗമായി പണ്ഡിറ്റ് ഗംഗാനിയെ സിംസിലേക്ക് ക്ഷണിച്ചിരുന്നു. താളബദ്ധവും ഭാവഗാംഭീര്യവും നിറഞ്ഞ കഥക് നൃത്തച്ചുവടുകൾകൊണ്ട് അദ്ദേഹം സദസിനെ വിസ്മയിപ്പിച്ചു. നൃത്തത്തിന്‍റെ സൗന്ദര്യവും സൂക്ഷ്മതയും വിദ്യാർഥികൾക്ക് മുന്നിൽ അവതരിപ്പിച്ച ഈ പ്രകടനം ഇന്ത്യൻ കലാരൂപങ്ങളുടെ സന്പന്നതയെ അടുത്തറിയാനുള്ള അപൂർവ അവസര മായി. പണ്ഡിറ്റ് ഗംഗാനിക്ക് ഫത്തേഹ്സിംഗ് ഗംഗാനി (തബല), നവീൻ പ്രസാദ് (വോക്കലും ഹാർമോണിയവും), രവിശങ്കർ ശർമ (സിത്താർ) എന്നിവർ സംഗീത അകന്പടി നൽകി. അനഘ വാര്യരും നൃത്താവതരണത്തിൽ പങ്കാളിയായി. സിംസ് എക്സിക്യൂട്ടീവ് ഡയറക്ടർ റവ. ഡോ. ജിനോ ജോണി മാളക്കാരൻ, ഡയറക്ടർ ഡോ. ധന്യ അലക്സ് എന്നിവർ പ്രസംഗിച്ചു.

കോൺഗ്രസ് നേതാവ് സി.ജെ. പോൾസൺ ഭൂമികൈമാറി

കാളമുറി: കയ്പമംഗലം ഗ്രാമപഞ്ചായത്തംഗവും കോൺഗ്രസ് നേതാവുമായ സി.ജെ.പോൾസൺ പഞ്ചായത്ത് കളിസ്ഥലത്തിനായി വിട്ടുനൽകിയ ഭൂമിയുടെ കൈമാറ്റം നടത്തി. കയ്പമംഗലം ഗ്രാമപഞ്ചായത്ത് പ്രിയദർശിനി ഹാളിൽ നടന്ന ചടങ്ങിൽ പ്രതിപക്ഷ നേതാവ് വി.ഡി. സതീശൻ ഭൂമി കൈമാറ്റച്ചടങ്ങ് ഉദ്ഘാടനം ചെയ്തു. സമൂഹത്തിൽ ഓർമിക്കപ്പെടുന്ന മാതൃകാപരമായ പ്രവർത്തനമാണ് സി.ജെ. പോൾസൺ നടത്തിയതെന്ന് വി.ഡി. സതീശൻ പറഞ്ഞു. ഇ.ടി. ടൈസൺ എംഎൽഎ അധ്യക്ഷത വഹിച്ചു. മതിലകം ബ്ലോക്ക്‌ പഞ്ചായത്ത്‌ പ്രസിഡന്‍റ് സി.കെ. ഗിരിജ, കയ്പമംഗലം ഗ്രാമപഞ്ചായത്ത് പ്രസിഡന്‍റ് ശോഭന രവി, മുൻ എംഎൽഎ പ്രഫ. കെ.യു. അരുണൻ, ജില്ലാപഞ്ചായത്ത്‌ വികസനകാര്യ സ്റ്റാൻഡിംഗ് കമ്മിറ്റി ചെയർപേഴ്സൺ മഞ്ജുള അരുണൻ, ജില്ലാ പഞ്ചായത്തംഗം കെ.എസ്. ജയ, കയ്പമംഗലം സെന്‍റ് ജോസഫ് പള്ളി വികാരി ഫാ. ജിജോ ചക്കിയത്ത്, കയ്പമംഗലം ഗ്രാമപഞ്ചായത്ത് വൈസ് പ്രസിഡന്‍റ് മണി ഉല്ലാസ്, സ്റ്റാൻഡിംഗ് കമ്മിറ്റി ചെയർപേഴ്സൺമാരായ പി.എ. ഷാജഹാൻ, പി.എ. ഇസ്ഹാഖ്, ദേവിക ദാസൻ, പഞ്ചായത്ത്‌ സെക്രട്ടറി സി.എം. ഗിരീഷ് മോഹൻ, മറ്റു ജനപ്രതിനിധികൾ, വിവിധ രാഷ്ട്രീയ - കക്ഷി നേതാക്കൾ തുടങ്ങിയവർ പ്രസംഗിച്ചു. സി.ജെ. പോൾസനെ ചടങ്ങിൽ ആദരിച്ചു. രണ്ടര ഏക്കർ ഭൂമി പൊതുകളിസ്ഥലത്തിനും 11 കുടുംബങ്ങൾക്ക് വീട് വയ്ക്കുന്നതിനുള്ള സ്ഥലവും അഗതിമന്ദിരത്തിനും ഉമ്മൻചാണ്ടി ഫൗണ്ടേഷനും വേണ്ടിയാണു സി.‌ജെ. പോൾസൺ മൂന്നേകാൽ ഏക്കർ ഭൂമി സൗജന്യമായി വിട്ടുനൽകിയത്.

കഞ്ചാവുമാഫിയസംഘം വീടുകയറി ആക്രമിച്ചു; വീട്ടമ്മയും രണ്ടുമക്കളും ആശുപത്രിയില്‍

ഇരിങ്ങാലക്കുട: കഞ്ചാവുമാഫിയ സംഘത്തിന്‍റെ വീടുകയറി ആക്രമണത്തില്‍ പരിക്കേറ്റ വീട്ടമ്മയും രണ്ടു മക്കളും ആശുപത്രിയില്‍ ചികിത്സതേടി. കരുവന്നൂര്‍ വടക്കേ‌കൊഞ്ചത്ത് വീട്ടില്‍ സോമന്‍ ഭാര്യ ഹേമലത (56), ഇരട്ടമക്കളായ സോഹിന്‍ (27), സോഹി (27) എന്നിവരാണു പരിക്കേറ്റ് ചികിത്സയിലുള്ളത്. ഇന്നലെ ഉച്ചകഴിഞ്ഞ് നാലോടെയാണു സംഭവം. പൊറത്താട് പടിഞ്ഞാട്ടുമുറിയില്‍ പുരിയാറ്റുപറമ്പില്‍ കുടുംബക്ഷേത്രത്തിലെ ജീവനക്കാരിയായ ഹേമലത ക്ഷേത്രത്തിനുസമീപം പുല്ലുനീക്കംചെയ്യുകയായിരുന്നു. ഈ സമയം ഇതുവഴി രണ്ടുപേര്‍ ബൈക്കില്‍ ബഹളംവച്ച് വരികയും വടിവാള്‍വീശി വെട്ടുമെന്നും മക്കളെ കൊല്ലുമെന്നും പറഞ്ഞു. എന്താണുകാര്യമെന്ന് ചോദിച്ചപ്പോള്‍ ഇവര്‍ മറുപടിപറഞ്ഞില്ല. ഈ സമയം മകന്‍ സോഹിന്‍ അടുത്തുള്ള വീട്ടില്‍ ഭക്ഷണം കഴിക്കുകയായിരുന്നു. അക്രമിസംഘം സോഹിനുനേരേ പാഞ്ഞടുത്ത് കയര്‍ക്കുകയും മര്‍ദിക്കുകയും ചെയ്തു. മകനെ മര്‍ദിക്കുന്നതുകണ്ട ഹേമലത ഇവരുടെ അരികിലേക്ക് ഓടിവന്നു. ലഹരി മാഫിയ സംഘം ഹേമലതയെ കൈപ്പിടിച്ച് വട്ടംകറക്കുകയും ദേഹോപദ്രവം ഏല്‍പിക്കുകയും ചെയ്തു. തുടര്‍ന്ന് ഈ സംഘം കരുവന്നൂര്‍ ബംഗ്ലാവിനുസമീപത്തെ ചേലക്കടവുഭാഗത്തേക്ക് പോകുമ്പോള്‍ ഹേമലതയുടെ മറ്റൊരു മകനായ സോഹി അവിടെ നില്‍ക്കുന്നതുകണ്ടു. സോഹിയുടെനേരെ ഇവര്‍ അക്രമം അഴിച്ചുവിടുകയായിരുന്നു. ക്രൂരമര്‍ദനമേറ്റ സോഹി ഓടിരക്ഷപ്പെടാന്‍ ശ്രമിച്ചുവെങ്കിലും അക്രമിസംഘം മാരകായുധങ്ങളുമായി പിന്തുടര്‍ന്നിരുന്നു. സോഹിയുടെ ബൈക്ക് അക്രമിസംഘം തട്ടിയെടുത്തുകൊണ്ടുപോയിരുന്നു. ഭയത്താല്‍ പൊന്തക്കാട്ടില്‍ ഒളിച്ചിരുന്ന സോഹി മണിക്കൂറുകള്‍ക്കുശേഷമാണ് പുറത്തുവന്നത്. മൂവരും മാപ്രാണം ലാല്‍ ആശുപത്രിയില്‍ ചികിത്സയിലാണ്. മുമ്പും വ്യക്തിവൈരാഗ്യംവച്ചുള്ള ഉപദ്രവം ഉണ്ടായിട്ടുണ്ടെന്ന് പരിക്കേറ്റവര്‍ പറയുന്നു. ഇരിങ്ങാലക്കുട പോലീസ് സ്ഥലത്തെത്തി മേല്‍നടപടികള്‍ സ്വീകരിച്ചു. മയക്കുമരുന്നു കേസുകളിലും ക്രിമിനല്‍ കേസുകളിലും ഉള്‍പ്പെട്ടവരാണ് ആക്രമണത്തിനു പിന്നിൽ. കരുവന്നൂര്‍ ബംഗ്ലാവിനു സമീപത്തെ ചേലകടവ്, ജനത ഉന്നതി എന്നിവിടങ്ങള്‍ ലഹരിമാഫിയയുടെ താവളങ്ങളാണ്. സംഭവശേഷം കരുവന്നൂര്‍ ബംഗ്ലാവ് മേഖലകളില്‍ രാത്രിയിലും പോലീസ് നിരീക്ഷണം ശക്തമാക്കിയിട്ടുണ്ട്.

ജീവിതവിജയത്തിനു പഠനമികവിനൊപ്പം വലിയ സ്വപ്നങ്ങളും അനിവാര്യം: ഡോ. ജിജി തോംസൺ

ശ്രീനാരായണപുരം: പഠനമികവിനൊപ്പം വലിയ സ്വപ്നങ്ങൾ സാക്ഷാത്കരിക്കുമെന്ന നിശ്ചയദാർഢ്യവും അർപ്പണ മനോഭാവവുമുണ്ടെങ്കിൽ ജീവിതവിജയം സുനിശ്ചിതമെന്ന് ഡോ. ജിജി തോംസൺ. എംഇഎസ് അസ്മാബി കോളജ് അലുംനി അസോസിയേഷന്‍റെ ആഭിമുഖ്യത്തിൽ സംഘടിപ്പിച്ച അലുംനി അവാർഡ് ഡേയിൽ ഉന്നതവിജയികൾക്ക് സ്വർണ‌മെഡലുകൾ സമ്മാനിച്ചുകൊണ്ട് സംസാരിക്കുകയായിരുന്നു അദ്ദേഹം.17 ബിരുദ പ്രോഗ്രാമുകളിലെയും ആറു ബിരുദാനന്തര ബിരുദ പ്രോഗ്രാമുകളിലെയും മികച്ച വിജയികൾക്ക് 23 സ്വർണമെഡലുകളാണു വിതരണം ചെയ്തത്. അസോസിയേഷൻ പ്രസിഡന്‍റ് ഡോ. കെ.പി. സുമേധൻ അധ്യക്ഷത വഹിച്ചു. സ്കോളർഷിപ്പ് തുക എംഇഎസ് സംസ്ഥാന ജനറൽ സെക്രട്ടറി കെ. കെ. കുഞ്ഞുമൊയ്തീൻ വിദ്യാർഥികൾക്കു വിതരണംചെയ്തു. കോളജ് സെക്രട്ടറി ആൻഡ് കറസ്പോണ്ടന്‍റ്് വി.എം. ഷൈൻ, അലുംനി അസോസിയേഷൻ ജോയിന്‍റ്് സെക്രട്ടറി നസീർ മാടവന, വൈസ് പ്രസിഡന്‍റ്് ജയശശീന്ദ്രൻ എന്നിവർ പ്രസംഗിച്ചു. പ്രിൻസിപ്പൽ ഡോ. സനന്ദ്. സി. സദാനന്ദ് മുഖ്യപ്രഭാഷണം നടത്തി. അസോസിയേഷൻ ജനറൽ സെക്രട്ടറി എം.കെ. നജീബ്, ട്രഷറർ ശ്രീധരൻ മാസ്റ്റർ, ഭാരവാഹി ഉമ, സ്വർണമെഡൽ സ്പോൺസർ ചെയ്ത വി.ഐ. സലീം, കെ.എ. മുഹമ്മദ്സലിം, അഡ്വ. ബക്കറലി എനിവർ സന്നിഹിതരായിരുന്നു.

ഇരിങ്ങാലക്കുട സെന്‍റ്് മേരീസ് സ്‌കൂളില്‍ റോവര്‍ ആന്‍ഡ് റേഞ്ചര്‍ യൂണിറ്റ് ഉദ്ഘാടനം

ഇരിങ്ങാലക്കുട: വിദ്യാര്‍ഥികളില്‍ മൊബൈല്‍ ഫോണിന്‍റെ ദുരുപയോഗം തടയാന്‍ അവരെ വിവിധ സന്നദ്ധ സംഘടനകളുടെ പ്രവര്‍ത്തനങ്ങളില്‍ ഏര്‍പ്പെടുത്തി സര്‍ഗാത്മക പ്രവര്‍ത്തനങ്ങളെ ഉയര്‍ത്താനും സാമുഹ്യ പ്രതിബദ്ധത വളര്‍ത്താനും സഹായിക്കുമെന്ന് ഉന്നത വിദ്യാഭ്യാസ മന്ത്രി ഡോ. ആര്‍. ബിന്ദു. ഇരിങ്ങാലക്കുട സെന്‍റ് മേരീസ് ഹയര്‍ സെക്കന്‍ഡറി സ്‌കൂള്‍ രജത ജൂബിലി ആഘോഷങ്ങളോടനുബന്ധിച്ച് റോവര്‍ ഏന്‍റ്് റേഞ്ചര്‍ യൂണിറ്റ് ഉദ്ഘാടനം ചെയ്തു പ്രസംഗിക്കുകയായിരുന്നു മന്ത്രി. സ്‌കൂള്‍ മാനേജര്‍ റവ. ഡോ. ലാസര്‍ കുറ്റിക്കാടന്‍ അധ്യക്ഷത വഹിച്ചു. സ്‌കൂള്‍ പ്രിന്‍സിപ്പല്‍ പി. ആന്‍സന്‍ ഡൊമിനിക്, കത്തീഡ്രല്‍ ട്രസ്റ്റി പി.ടി. ജോര്‍ജ്, പിടിഎ പ്രസിഡന്‍റ്് ഷാജു ജോസ് ചിറയത്ത്, രജത നിറവ് പ്രോഗ്രാം കമ്മിറ്റി കണ്‍വീനര്‍ ടെല്‍സണ്‍ കോട്ടോളി, മുന്‍ പിടിഎ പ്രസിഡന്‍റ്് തോമസ് കാളിയങ്കര, സ്റ്റാഫ് സെക്രട്ടറി എ.ടി. ഷാലി, റോവര്‍ ലീഡര്‍ ജിന്‍സന്‍ ജോര്‍ജ് മാസ്റ്റര്‍, പാര്‍വതി, മേരി ആന്‍റണി എന്നിവര്‍ പ്രസംഗി ച്ചു. സ്‌കൗട്ട്‌സ് ഡിസ്ട്രിക്ട് കമ്മീഷണര്‍ എന്‍.സി. വാസു, ജില്ലാ സെക്രട്ടറി ഡൊമിനിക് പാറേക്കാട്ട്, ഡിസ്ട്രിക്ട് ട്രെയിനിംഗ് കമ്മീഷണര്‍ പി.എം. ഐഷാബി, ഡിസ്ട്രിക്ട് ഓര്‍ഗനൈസിംഗ് കമ്മീഷണര്‍ കെ.കെ. ജോയ്‌സി എന്നിവര്‍ റോവര്‍ റേഞ്ചര്‍ യൂണിറ്റില്‍ ചേര്‍ന്നിരിക്കുന്ന കുട്ടികള്‍ക്ക് അംഗത്വം നല്‍കി.

പരിയാരം വെജിറ്റബിൾ ബനാന ഹൗസ് ഡിസംബറിൽ പ്രവർത്തനക്ഷമമാകും

ചാലക്കുടി: പരിയാരം പൂവത്തിങ്കലിൽ നിർമിച്ചിട്ടുള്ള വെജിറ്റബിൾ ആൻഡ് ബനാന ഹൗസ് ഡിസംബർ മാസത്തോടെ പ്രവർത്തനക്ഷമമാകുമെന്ന് കൃഷി മന്ത്രി പി. പ്രസാദ് അറിയിച്ചു. സനീഷ്‌കുമാർ ജോസഫ് എംഎൽഎയുടെ നിയമസഭാ ചോദ്യത്തിനു മറുപടി നൽകുകയായിരുന്നു അദ്ദേഹം. കെട്ടിടനിർമാണ പ്രവർത്തനങ്ങൾ ക്രമവത്്കരിച്ച് കെട്ടിടനമ്പർ ലഭ്യമാക്കുന്നതിനുള്ള നടപടികൾ അന്തിമഘട്ടത്തിലാണെന്നും താത്കാലിക കെട്ടിടനമ്പർ, എഫ്എസ്എസ് എഐ ലൈസൻസ് തുടങ്ങി സ്ഥാപനം പ്രവർത്തിക്കുന്നതിനായി ആവശ്യംവേണ്ട അനുമതികൾ ലഭ്യമായിട്ടുള്ളതായും മന്ത്രി കൂട്ടിച്ചേർത്തു. കയറ്റുമതിക്ക് അനുയോജ്യമായ രീതിയിൽ പ്രാഥമിക സംസ്‌കരണവും പായ്ക്കിംഗും ചെയ്ത് കയറ്റുമതിക്കാർക്കും പ്രീമിയം ഉത്പന്നങ്ങളായി ആഭ്യന്തര വിപണിയിൽ ലഭ്യമാക്കുന്നതിനും ആവശ്യമായ പരിശീലനപരിപാടികളും ക്രമീകരിച്ചുവരികയാണ്. പഴം - പച്ചക്കറികളുടെ പ്രാഥമിക സംസ്കരണം, ഗ്രേഡിംഗ്, സോർട്ടിംഗ്, പായ്ക്കിംഗ്, പ്രീ കൂളിംഗ് തുടങ്ങിയ പ്രവർത്തങ്ങൾ നടത്തി കയറ്റുമതിക്ക് അനുയോജ്യമായ ഉത്പന്നങ്ങൾ ലഭ്യമാക്കി കർഷകരുടെ ഉത്പന്നങ്ങൾക്ക് വിപണി കണ്ടെത്തി ഉയർന്നവരുമാനം ലഭ്യമാക്കുക എന്ന ഉദ്ദേശത്തോടെയാണ് 2.3 കോടി രൂപ ചെലവിൽ ഈ പായ്ക്ക് ഹൗസ് നിർമിച്ചിട്ടുള്ളത്. പ്രീകൂളിംഗ് ചേംബർ, കോൾഡ് സ്റ്റോറേജ്, ജനറേറ്റർ, കൺവെയർ ബെൽറ്റുകൾ, ത്രാസ് തുടങ്ങിയ ഉപകരണങ്ങൾ ഇവിടെ സജ്ജീകരിച്ചുകഴിഞ്ഞിട്ടുണ്ട്.

കൊരട്ടിമുത്തിയുടെ തിരുനാൾ എട്ടാമിടം ഇന്നും നാളെയും

കൊരട്ടി: എറണാകുളം - അങ്കമാലി അതിരൂപതയിലെ പ്രധാന മരിയൻ തീർഥാടനകേന്ദ്രമായ കൊ രട്ടി സെന്‍റ്് മേരീസ് ഫൊറോന പള്ളിയിൽ അത്ഭുത പ്രവർത്തകയായ കൊരട്ടിമുത്തിയുടെ തിരുനാൾ എട്ടാമിടം ഇന്നും നാളെയുമായി ആഘോഷിക്കും. നേർച്ചകൾ നിറവേറ്റുന്നതിനും മുട്ടലിഴയലിനും പൂവൻകുലയിൽ തുലഭാരം നടത്തുന്നതിനും നാടിന്‍റെ നാനാഭാഗങ്ങളിൽനിന്നും നൂറുകണക്കിന് വിശ്വാസികളാണ് എത്തിച്ചേരുന്നത്. ഇന്നു രാവിലെ ഏഴിനു നടക്കുന്ന വിശുദ്ധ കുർബാനയ്ക്കും നൊവേനയ്ക്കും ഫാ. ജോസ് മൈപ്പാൻ കാർമികനാകും. ഒമ്പതിനു ഫാ. ജോഷി കളപ്പറമ്പത്ത് ആയിരിക്കും ദിവ്യബലിക്കു നേതൃത്വം നൽകുക. 10.30 ന് നടക്കുന്ന ആഘോഷമായ വിശുദ്ധ കുർബാനയ്ക്കും നൊവേനയ്ക്കും ഫാ. വാൾട്ടർ തേലപ്പിള്ളി കാർമികത്വം വഹിക്കും. ഉച്ചയ്ക്ക് 1.30ന് മലങ്കര റീത്തിൽ നടക്കുന്ന വിശുദ്ധ കുർബാനയ്ക്ക് ഫാ. ജോബി കുടിലിലും മൂന്നിനു നടക്കുന്ന വിശുദ്ധ കുർബാനയ്ക്ക് ഫാ. ഡിസ്റ്റോ കദളിക്കാട്ടിലും ദിവ്യബലി അർപ്പിക്കും. വൈകീട്ട് 5.30ന് നടക്കുന്ന ആഘോഷമായ വിശുദ്ധ കുർബാനയ്ക്ക് റവ. ഡോ. പോളച്ചൻ കൈത്തോട്ടുങ്ങൽ മുഖ്യകാർമികനാകും. തുടർന്ന് പ്രദക്ഷിണം. 8.30നും ദിവ്യബലി ഉണ്ടായിരിക്കും. നാളെ രാവിലെ ഏഴിനും ഒമ്പതിനും നടക്കുന്ന വിശുദ്ധ കുർബാനകൾക്ക് യഥാക്രമം ഫാ. സെനറ്റ് കാഞ്ഞിരപ്പറമ്പിലും ഫാ. ബോണി കട്ടയ്ക്കകത്തൂട്ടും കാർമികരാകും. ഫാ. അമൽ മാളിയേക്കൽ 10.30ന് നടക്കുന്ന ആഘോഷമായ വിശുദ്ധ കുർബാനയ്ക്ക് മുഖ്യകാർമികനാകും. ഉച്ചയ്ക്ക് 1.30ന് ഹിന്ദി ഭാഷയിലും കുർബാന ഒരുക്കിയിട്ടുണ്ട്. ഫാ. ആന്‍റോ ചേരാംതുരുത്തി നേതൃത്വം നൽകും. മൂന്നിനു നടക്കുന്ന ദിവ്യബലിക്ക് ഫാ. ബാബു മുരിങ്ങയിലും അഞ്ചിനു നടക്കുന്ന ആഘോഷമായ വിശുദ്ധ കുർബാനയ്ക്ക് ഫാ. ഫിലിപ്പ് കരോട്ട്പുറവും കാർമികരാകും. എട്ടരയ്ക്ക് വിശുദ്ധ കുർബാന ഉണ്ടായിരിക്കും.

ദേവാലയങ്ങളിൽ തിരുനാൾ

മുനിപ്പാറ സെന്‍റ് ജൂഡ് മുനിപ്പാറ: സെന്‍റ് ജൂഡ് ദേവാലയത്തിൽ വിശുദ്ധ യുദാ തദേവൂസിന്‍റെ ഊട്ടുതിരുനാളിന് മുൻ വികാരി ഫാ. ഡിന്‍റോ തെക്കിനിയത്ത് കൊടിയേറ്റി. വികാരി ഫാ. ടിജൊ ആലപ്പാട്ട് സഹകാർമികനായിരുന്നു. തിരുനാളിന് ഒരുക്കമായി നവനാൾ തിരുക്കർമങ്ങൾ ആരംഭിച്ചു. തിരുനാൾ ദിനമായ 26 ന് രാവിലെ 10ന് തിരുനാൾ പാട്ടുകുർബാന, തുടർന്ന് ഊട്ടുനേർച്ച, തിരുനാൾ കൺവീനർ സോജൻ മന്മിനിശേരി, കൈക്കാരൻ മരായ ജോയ്ചങ്കൻ, ബൈജു നെറ്റിക്കാടൻ എന്നിവർ നേതൃത്വം നല്കും. എറിയാട് ഫാത്തിമമാതാ കൊടുങ്ങല്ലൂർ: കോട്ടപ്പുറം രൂപതയിലെ എറിയാട് ഫാത്തിമ മാതാ ദേവാലയത്തിൽ ഇന്നും നാളേയുമായി നടക്കുന്ന തിരുനാളിന് വികാരി ഫാ. ആൽബർട്ട് കോണത്ത് കെടിയേറ്റി. തുടർന്നുനടന്ന ദിവ്യബലിയിൽ കെആർസിസി ജനറൽ സെക്രട്ടറി ഫാ. ജിജു ജോർജ് ആർക്കത്തറ മുഖ്യകാർമികനായിരുന്നു. ലൂർദ് ഹോസ്പ്പിറ്റൽ പിആർഒ ഫാ. ആന്‍റണി കൊമരൻചാത്ത് വചനപ്രഘോഷണം നടത്തി. തുടർന്ന് കുടുംബയൂണിറ്റ് - മതബോധന വിഭാഗത്തിന്‍റെ കലാപരിപാടികൾ നടന്നു. ഇന്നത്തെ ദിവ്യബലിക്കു കോട്ടപ്പുറം രൂപത വികാരി ജനറാൾ മോൺ. റോക്കി റോബിൻ കളത്തിൽ മുഖ്യകാമികനായിരിക്കും. ഫാ. അനിൽ സാൻജോസ് വചനപ്രഘോഷണം നടത്തും. തിരുനാൾദിനമായ നാളെ ദിവ്യബലിക്ക് കോട്ടപ്പുറം രൂപത മെത്രാൻ ഡോ. അംബ്രോസ് പുത്തൻവീട്ടിൽ മുഖ്യകാർമികനായിരിക്കും. വൈകീട്ട് അമല കമ്യൂണിക്കേഷൻസിന്‍റെ "ഒറ്റ' എന്ന നാടകം ഉണ്ടായിരിക്കും. തിരുനാളിന് വികാരി, കേന്ദ്രസമിതി പ്രസിഡന്‍റ്് വർഗീസ് പുളിക്കൽ, ഇ.ഡി. ഫ്രാൻസിസ്, ഇടവക കൈക്കാരന്മാർ, കുടുംബയൂണിറ്റ് പ്രസിഡന്‍റുമാർ തുടങ്ങിയവർ നേതൃത്വം നൽകി. തുമ്പരശേരിയിൽ കുരുക്കഴിക്കുന്ന മാതാവിന്‍റെ തിരുനാൾ മാള: തുമ്പരശേരിയിൽ കുരുക്കഴിക്കുന്ന മാതാവിന്‍റെ തിരുനാളിനു തുടക്കം. ഇരിങ്ങാലക്കുട രൂപത വികാരി ജനറാൾ മോൺ. ജോസ് മാളിയേക്കൽ കൊടിയേറ്റം നിർവഹിച്ചു. ഇടവക വികാരി ഫാ. ലിജോ മണിമലക്കുന്നേലിന്‍റെ നേതൃത്വത്തിൽ നടന്ന ചടങ്ങിൽ കൈക്കാരന്മാരായ ഷാജു ഡേവിസ് പള്ളിപ്പാടൻ, അനീഷ് കളപ്പറമ്പത്ത്, ജോസ് പയ്യപ്പിള്ളി, തിരുനാൾ ജനറൽ കൺവീനർ ഷൈജു കൊടിയൻ എന്നിവർ സന്നിഹിതരായി. നാളെ തിരുനാൾ ദിനത്തിൽ കൂടുതുറക്കൽ ശുശ്രൂഷയും തിരുനാൾ വിശുദ്ധബലിയും നടക്കും. ഇരിങ്ങാലക്കുട രൂപതാധ്യക്ഷൻ മാർ പോളി കണ്ണൂക്കാടൻ തിരുക്കർമങ്ങൾക്കു നേതൃത്വം നൽകും.

കത്തോലിക്ക കോണ്‍ഗ്രസ് അവകാശസംരക്ഷണയാത്രയ്ക്ക് ഇരിങ്ങാലക്കുടയില്‍ സ്വീകരണം ഇന്ന്

ഇരിങ്ങാലക്കുട: "നീതി ഔദാര്യമല്ല, അവകാശമാണ്' എന്ന മുദ്രവാക്യവുമായി കത്തോലിക്ക കോണ്‍ഗ്രസ് ഗ്ലോബല്‍ പ്രസിഡന്‍റ്് പ്രഫ. രാജീവ് കൊച്ചുപറമ്പില്‍ നയിക്കുന്ന അവകാശ സംരക്ഷണയാത്രക്ക് ഇന്ന് ഇരിങ്ങാലക്കുടയില്‍ സ്വീകരണം നല്‍കും. രാവിലെ ഒമ്പതിന് ഇരിങ്ങാലക്കുട ആല്‍ത്തറയ്ക്കല്‍ നടക്കുന്ന സ്വീകരണസമ്മേളനം ബിഷപ് മാര്‍ പോളി കണ്ണൂക്കാടന്‍ ഉദ്ഘാടനം ചെയ്യും. രൂപത വികാരി ജനറാള്‍ മോണ്‍. ജോളി വടക്കന്‍, കത്തീഡ്രല്‍ വികാരി റവ.ഡോ. ലാസര്‍ കുറ്റിക്കാടന്‍, കത്തോലിക്ക കോണ്‍ഗ്രസ് രൂപത ഡയറക്ടര്‍ ഫാ. ലിജു മഞ്ഞപ്രക്കാരന്‍, പ്രസിഡന്‍റ്് ഡേവിസ് ഊക്കന്‍, സെക്രട്ടറി ഡേവിസ് തുളുവത്ത്, ട്രഷറര്‍ ആന്‍റണി തൊമ്മാന, ജനറല്‍ കണ്‍വീനര്‍ ടെല്‍സണ്‍ കോട്ടോളി എന്നിവര്‍ പ്രസംഗിക്കും.

വെറ്റിലപ്പാറ എക്സ് സർവീസ് സഹ. സംഘം ഭരണസമിതി അവിശ്വാസത്തിലൂടെ പുറത്ത്

അതിരപ്പിള്ളി: വെറ്റിലപ്പാറ എക്സ് സർവീസ് സഹകരണ സംഘം ഭരണസമിതിയെ അവിശ്വാസ പ്രമേയത്തിലൂടെ പുറത്താക്കി. ചാലക്കുടി അസി. രജിസ്ട്രാർ ( ജനറൽ) സാന്നിധ്യത്തിൽ നടന്ന അവിശ്വാസ പ്രമേയ വോട്ടെടുപ്പിൽ ആകെ പോൾ ചെയ്ത 80 വോട്ടിൽ 73 പേർ അവിശ്വാസപ്രമേയത്തെ അനുകൂലിച്ചു. ഏഴുപേരാണ് എതിർത്ത് വോട്ട് ചെയ്തത്. സംഘത്തിന്‍റെ ഹോണററി സെക്രട്ടറിയായ പോൾ മുണ്ടാടൻ, പി.എം. ശിവദാസൻ എന്നിവരുടെ നേതൃത്വത്തിലുള്ള ഭരണസമിതിക്കും മുൻ സെക്രട്ടറിക്കുമെതിരെയുള്ള എഡിഎം ജോയിന്‍റ്് രജിസ്ട്രാർ, അസി. രജിസ്ട്രാർ എന്നിവരുടെ റിപ്പോർട്ടുകളും സംയുക്ത പരിശോധനാ റിപ്പോർട്ടും ചൂണ്ടിക്കാട്ടി വിമുക്തഭട സഹകരണ കോളനി സംരക്ഷണ സമിതിയുടെ നേതൃത്വത്തിൽ ഭരണസമിതിക്കെതിരെ നൽകിയ അവിശ്വാസപ്രമേയമാണ് പാസായത്. സംഘത്തിൽ റിസീവർ ഭരണം നിലവിൽവന്നതായി ചാലക്കുടി സഹകരണ അസി.രജിസ്ട്രാർ അറിയിച്ചു.

ലോംഗ്ജംപിൽ ഇത്തവണയും എൻ.ജി. ഗായത്രി

കുന്നംകുളം: ഇത്തവണയും സംസ്ഥാന സ്വർണക്കൊയ്ത്തിനുള്ള ജില്ലാ കടമ്പയിൽ സ്വർണനേട്ടവുമായി ഏങ്ങണ്ടിയൂർ സെന്‍റ് തോമസ് എച്ച്എസ്എസിലെ ഒമ്പതാംക്ലാസ് വിദ്യാർഥിനി എൻ.ജി. ഗായത്രി. സീനിയർ ലോംഗ് ജംപിലാണ് 4.97 മീറ്റർ ചാടി ഒന്നാമതായത്. കഴിഞ്ഞ തവണ ജൂണിയർ വിഭാഗം സംസ്ഥാനമത്സരത്തിൽ സ്വർണം നേടിയിരുന്നു. ഹർഡിൽസിലും ട്രിപ്പിൾ ജംപിലും മത്സരത്തിനിറങ്ങുന്നുണ്ട്. ഏങ്ങണ്ടിയൂർ നെടുമാട്ടുമ്മൽ ഗണേഷ്-അനു ദമ്പതികളുടെ മകളാണ്. നാട്ടിക സ്പോർട്സ് അക്കാദമിയിലെ കണ്ണൻ മാഷിന്‍റെ (സനോജ്) ശിഷ്യയാണ്. മാഷ് കോച്ചിംഗ് നൽകിയ കഴിമ്പ്രം പിപിഎം എസ്എൻഡിപി എച്ച്എസ്എസ് പത്താംക്ലാസ് വിദ്യാർഥിനി വി. ഗൗരിയാണു വെള്ളി നേടിയത്.

സുവോളജിക്കൽ പാർക്കിലേക്ക് വാക്കത്തോണ്‍ നാളെ

തൃശൂർ: പുത്തൂർ സുവോളജിക്കൽ പാർക്ക് ഉദ്ഘാടനത്തിന്‍റെ ഭാഗമായി തൃശൂർ ചേംബർ ഓഫ് കൊമേഴ്സ്, പാലസ് ഗ്രൗണ്ടിലെ വാക്കേഴ്സ് ക്ലബ്, പാലസ് ഗ്രൗണ്ട് വെറ്ററൻസ് അസോസിയേഷൻ എന്നീ സംഘടനകൾ സംയുക്തമായി വാക്കത്തോണ്‍ സംഘടിപ്പിക്കുന്നു. നാളെ രാവിലെ ഏഴിനു കുട്ടനെല്ലൂർ ഹൈലൈറ്റ് മാൾ പരിസരത്തുനിന്ന് ആരംഭിക്കുന്ന വാക്കത്തോണ്‍ റവന്യൂ മന്ത്രി കെ. രാജൻ ഫ്ളാഗ് ഓഫ് ചെയ്യും. ചേംബർ ഒഫ് കൊമേഴ്സ് പ്രസിഡന്‍റും കല്യാണ്‍ സിൽക്സ് മാനേജിംഗ് ഡയറക്ടറുമായ ടി.എസ്. പട്ടാഭിരാമൻ നേതൃത്വം നൽകും കുട്ടനെല്ലൂർനിന്ന് സുവോളജിക്കൽ പാർക്ക് വരെയുള്ള അഞ്ചു കിലോമീറ്റർ ദൂരമാണ് വാക്കത്തോണ്‍. പത്രസമ്മേളനത്തിൽ ചേംബർ ഒഫ് കൊമേഴ്സ് സെക്രട്ടറി സോളി തോമസ് കവലക്കാട്ട്, വാക്കേഴ്സ് ക്ലബ് സെക്രട്ടറി അഡ്വ. അക്കിലസ്, വെറ്ററൻസ് അസോസിയേഷൻ ട്രഷറർ എൻ. ഷാജി ചെറിയാൻ, ജോജു വർക്കി എന്നിവർ പങ്കെടുത്തു.

കര്‍ഷകര്‍ക്കൊപ്പം ട്രാക്ടര്‍ ഓടിച്ച് നിലമുഴുത് കളക്ടര്‍

തൃശൂർ: ജില്ലാ കളക്ടര്‍ അര്‍ജുന്‍ പാണ്ഡ്യന്‍ പാടത്തിറങ്ങിയതു കര്‍ഷകര്‍ക്കു സര്‍പ്രൈസ് കാഴ്ചയായി. മണലിപ്പുഴ കണ്ണോത്ത് കോള്‍പാടശേഖരത്തില്‍ പുതിയ കൃഷിക്കായി നിലമൊരുക്കുന്ന കര്‍ഷകരുടെ അടുത്തെത്തിയ കളക്ടര്‍ അവരിലൊരാളായിമാറി. കൃഷിക്കായി ഒരുക്കിയ ഉഴുതുമറിച്ച രണ്ട് പാടശേഖരങ്ങളാണ് കളക്ടര്‍ സന്ദര്‍ശിച്ചത്. കര്‍ഷകരുമായി സംസാരിക്കുന്നതിനിടയില്‍ നിലമുഴാന്‍ തയാറായിനിന്നിരുന്ന ട്രാക്ടര്‍ കണ്ടപ്പോള്‍ ഒരു കൈ നോക്കണമോയെന്ന് കളക്ടര്‍ ഒന്നു സംശയിച്ചു. കര്‍ഷകരുടെ പ്രോത്സാഹനംകൂടിയായപ്പോള്‍ പിന്നെ മടിച്ചില്ല. മടിയൊന്നുമില്ലാതെ കളക്ടര്‍ ട്രാക്ടറിന്‍റെ സ്റ്റിയറിംഗ് ഏറ്റെടുത്തു. കോള്‍പാടത്തിന്‍റെ ചെളിയിലൂടെ ട്രാക്ടര്‍ ഓടിച്ച് നിലമുഴുതപ്പോള്‍ കളക്ടറെ കൗതുകത്തോടെ നോക്കിനില്‍ക്കുകയായിരുന്നു കര്‍ഷകരും കൂടെയുണ്ടായിരുന്ന ഉദ്യോഗസ്ഥരും. കളക്ടറെ വിളവെടുപ്പിന് എത്താൻ ക്ഷണിച്ച കർഷകരോട് തീര്‍ച്ചയായും കൂടെയുണ്ടാകും എന്ന് ഉറപ്പുനല്‍കിയാണ് അദ്ദേഹം മടങ്ങിയത്. ഡെപ്യൂട്ടി കളക്ടര്‍ കെ.ജി. പ്രാണ്‍സിംഗ്, കൃഷിവകുപ്പ് അസിസ്റ്റന്‍റ് ഡയറക്ടര്‍ ബെറ്റ്സി മറീന ജോണ്‍, മുല്ലശേരി കൃഷി ഓഫീസര്‍ സി.ആര്‍. രാഗേഷ്, പുഞ്ച സ്പെഷല്‍ ഓഫീസിലെ വില്ലേജ് ഓഫീസര്‍ പി.കെ.ഷാജികുമാർ തുടങ്ങിയവർ സന്നിഹിതരായിരുന്നു.

മറാത്തിവാല പെൺകൊടിക്ക് ജാവലിനിൽ സ്വർണം

കുന്നംകുളം: മറാത്തിവാല പെൺകൊടിക്കു മലയാളമണ്ണിൽ സ്വർണനേട്ടം. സീനിയർ ഗേൾസ് ജാവലിൻ ത്രോയിലാണു ചൂണ്ടൽ എൽഐജിഎച്ച്എസിലെ ഒമ്പതാം ക്ലാസ് വിദ്യാർഥിനി സൊനാലി ഒന്നാംസ്ഥാനം നേടിയത്. സീനിയർ ബേസ്ബോൾ, സോഫ്റ്റ് ബോൾ സംസ്ഥാന ടീം അംഗമാണ്. സ്കൂളിലെ കായികാധ്യാപിക സിന്ധുവാണ് പരിശീലക. വർഷങ്ങൾക്കുമുമ്പ് മഹാരാഷ്‌ട്രയിലെ സാംഗ്ലിയിൽനിന്ന് സ്വർണപ്പണിജോലിയുടെ ഭാഗമായി കേച്ചേരിയിൽ താമസമാക്കിയതാണ് സൊനാലിയുടെ മാതാപിതാക്കളായ ദിൽമാലി-സരിഗ ദമ്പതികൾ. സഹോദരൻ സുജൽ.

ഈസ്റ്റ് ഉപജില്ലയ്ക്കു കടിഞ്ഞാണിട്ട്...

തൃശൂർ: റവന്യൂ ജില്ലാ കായികമേള സമാപനത്തിലേക്കു നീങ്ങുമ്പോൾ കഴിഞ്ഞവർഷത്തെ ജേതാക്കളായ ഈസ്റ്റ് ഉപജില്ലയുടെ കുതിപ്പിനു കടിഞ്ഞാണിട്ട് ചാലക്കുടി. ആദ്യദിനത്തിൽ ഈസ്റ്റ് ആയിരുന്നു മുന്നിൽ. ഇന്നലെ മത്സരങ്ങൾ പൂർത്തിയായപ്പോൾ 124.5 പോയിന്‍റോടെയാണ് ചാലക്കുടി ഉപജില്ല മുന്നിലുള്ളത്. 120 പോയിന്‍റുമായി ഈസ്റ്റ് ഉപജില്ല തൊട്ടുപിറകേയുണ്ട്. 78 പോയിന്‍റുമായി ചാവക്കാട് ഉപജില്ലയാണ് മൂന്നാമത്. മാള -78, കുന്നംകുളം- 50.5, വലപ്പാട്- 41, കൊടുങ്ങല്ലൂർ- 32,തൃശൂർ വെസ്റ്റ്- 24, വടക്കാഞ്ചേരി- 21, മുല്ലശേരി- 19, ചേർപ്പ്- 10, ഇരിങ്ങാലക്കുട- 5 എന്നിങ്ങനെയാണ് മറ്റ് ഉപജില്ലകളുടെ പോയിന്‍റ്. പടയോട്ടം തുടർന്ന് ഗുരുവായൂർ ശ്രീകൃഷ്ണ സ്കൂൾ മേളയുടെ രണ്ടാംദിനത്തിലും മുന്നിട്ടുനിൽക്കുന്നു. അഞ്ചു സ്വർണവും ആറു വീതം വെള്ളിയും വെങ്കലും നേടി 49 പോയിന്‍റാണ് ശ്രീകൃഷ്ണയ്ക്ക്. മേലൂർ സെന്‍റ് ജോസഫ്‌സ് ഹൈസ്‌കൂൾ 36.5 പോയിന്‍റുമായി രണ്ടാംസ്ഥാനത്തുണ്ട്. അഞ്ചു സ്വർണവും ആറു വെള്ളിയും നാലു വെങ്കലവും ഇവർ നേടി. അഞ്ചു സ്വർണവും മൂന്നു വെള്ളിയും ഒരു വെങ്കലവുമായി 35 പോയിന്‍റ് നേടി ആളൂർ ആർഎം ഹയർ സെക്കൻഡറി സ്‌കൂളാണ് മൂന്നാമത്. കഴിഞ്ഞവർഷം ഏറ്റവും കൂടുതൽ പോയിന്‍റ് നേടിയ തൃശൂർ കാൽഡിയൻ സിറിയൻ സ്‌കൂളിനു നാലു സ്വർണവും മൂന്നു വെള്ളിയും രണ്ടു വെങ്കലവുമായി 31 പോയിന്‍റോടെ നാലാംസ്ഥാനത്താണ്.

ബിജെപിയുടെ കള്ളപ്രചാരണത്തിന് യുഡിഎഫ് പിന്തുണ നൽകുന്നു: കെ.വി. അബ്ദുൾഖാദർ

തൃശൂർ: കൃത്യമായ രൂപരേഖയോടെ കോർപറേഷൻ സമർപ്പിച്ച പദ്ധതികൾക്ക് പണം അനുവദിക്കാതെ എംപി ഫണ്ടിൽനിന്ന് അനുവദിച്ച പണം കോർപറേഷൻ ചെലവഴിക്കുന്നില്ലെന്ന് ബിജെപി കള്ളപ്രചാരണം നടത്തുകയാണെന്ന് സിപിഎം ജില്ലാ സെക്രട്ടറി കെ.വി. അബ്ദുൾഖാദർ. ബിജെപിയും സുരേഷ് ഗോപിയും പറയുന്നത് ഏറ്റുപറയുകയാണ് യുഡിഎഫ് ചെയ്യുന്നത്. കഴിഞ്ഞ 10 വർഷത്തിനിടെ 2,200 കോടിയുടെ വികസനപദ്ധതികളാണ് കോർപറേഷനിൽ എൽഡിഎഫ് ഭരണസമിതി നടപ്പാക്കിയതെന്നും കോർപറേഷൻ ഓഫിസിനു മുന്പിൽ നടന്ന എൽഡിഎഫ് വികസനസംരക്ഷണ പൊതുയോഗം ഉദ്ഘാടനം ചെയ്തുകൊണ്ട് അബ്ദുൾഖാദർ പറഞ്ഞു. സിപിഎം ഏരിയ സെക്രട്ടറി അനൂപ് ഡേവിസ് കാട അധ്യക്ഷനായി. ജില്ലാ പഞ്ചായത്ത് പ്രസിഡന്‍റ് വി.എസ്. പ്രിൻസ്, സിപിഎം ജില്ലാ സെക്രട്ടേറിയറ്റംഗങ്ങളായ യു.പി. ജോസഫ്, പി.കെ. ഷാജൻ, എൽഡിഎഫ് നേതാക്കളായ അഡ്വ. കെ.ബി. സുമേഷ്, ജെയിംസ് മുട്ടിക്കൽ, സാറാമ്മ റോബ്സൺ, ഹിറ്റ്ലസ് ചാക്കുണ്ണി തുടങ്ങിയവർ പ്രസംഗിച്ചു.

മറ്റുള്ളവരുടെ കണ്ണീരൊപ്പാൻ കഴിവുള്ളവരായിരിക്കണം കോൺഗ്രസ് പ്രവർത്തകർ: വി.ഡി. സതീശൻ

വടക്കാഞ്ചേരി: മറ്റുള്ളവരുടെ കണ്ണീരൊപ്പാൻ കഴിവുള്ളവരായിരിക്കണം കോൺഗ്രസ് പ്രവർത്തകരെന്ന് പ്രതിപക്ഷനേതാവ് വി.ഡി. സതീശൻ പറഞ്ഞു. തൊഴുത്തിലുറങ്ങിയും സ്ട്രീറ്റ് ലെെറ്റിന്‍റെ വെളിച്ചത്തിൽ പഠിച്ചും മച്ചാട് ഗവ. ഹയർ സെക്കൻഡറി സ്കൂളിൽനിന്നു കഴിഞ്ഞ എസ്എസ്എൽസി പരീക്ഷയിൽ ഫുൾ എ പ്ലസ് നേടിയ തെക്കുംകര പഞ്ചായത്ത് കാര്യാട് ദുബായ്റോഡിൽ താമസിക്കുന്ന കുണ്ടുകാട്ടുപറമ്പിൽ രാജീവ് - സജിത ദമ്പതികളുടെ മകനായ അഭിനവിന് തെക്കുംകര മണ്ഡലം കോൺഗ്രസ് കമ്മിറ്റി 12 ലക്ഷം രൂപ ചെലവിൽ നിർമിച്ചുനൽകിയ രാഹുൽജി ഭവനത്തിന്‍റെ താക്കോൽദാനം പുന്നംപറമ്പിൽ നിർവഹിക്കുകയായിരുന്നു സതീശൻ. അഭിനവിന്‍റെ ഉന്നതവിദ്യാഭ്യാസത്തിന് ആവശ്യമായ മുഴുവൻ ചെലവും പ്രതിപക്ഷ നേതാവ് വി.ഡി. സതീശൻ നൽകുമെന്നും അദ്ദേഹംപറഞ്ഞു. ചടങ്ങിൽ മണ്ഡലം കോൺഗ്രസ് പ്രസിഡന്‍റ് ജെയ്സൺ മാത്യു അധ്യക്ഷതവഹിച്ചു. കെപിസിസി ജനറൽ സെക്രട്ടറി ജോസ് വള്ളൂർ, കെപിസിസി സെക്രട്ടറിമാരായ രാജേന്ദ്രൻ അരങ്ങത്ത്, സുനിൽ അന്തിക്കാട്ട്, ജില്ലാ യുഡിഎഫ് മുൻ ചെയർമാൻ ജോസഫ് ചാലിശേരി, ബ്ലോക്ക് കോൺഗ്രസ് പ്രസിഡന്‍റ് പി.ജി. ജയദീപ്, നഗരസഭ പ്രതിപക്ഷനേതാവ് എസ്എഎ അസാദ്, യൂത്ത്കോൺഗ്രസ് നിയോജകമണ്ഡലം പ്രസിഡന്‍റ് ഒ. ശ്രീകൃഷ്ണൻ തുടങ്ങിയവർ പങ്കെടുത്തു.

ഹെലിപ്പാഡ് ഉദ്ഘാടനവേദിയിലേക്ക് ബിജെപിയുടെ പ്രതിഷേധ മാർച്ച്

എളവള്ളി: ബിജെപി പഞ്ചായത്ത് കമ്മിറ്റിയുടെ നേതൃത്വത്തിൽ ഹെലിപ്പാഡ് ഉദ്ഘാടനവേദിയിലേക്ക് പ്രതിഷേധമാർച്ച് നടത്തി. പാർപ്പിടം, ശുദ്ധജലം, സഞ്ചാരയോഗ്യമല്ലാത്ത റോഡുകൾ, യുവാക്കൾക്ക് കളിസ്ഥലം, തെരുവുനായ ഷെൽട്ടർ എന്നിവ നടപ്പിലാക്കാതെ എളവള്ളി പഞ്ചായത്ത് നിവാസികളോട് എൽഡിഎഫ് ഭരണസമിതി കാണിക്കുന്ന അവഗണനയ്ക്കെതിരേയായിരുന്നു പ്രതിഷേധം. പാവറട്ടി പോലീസ് മാർച്ച് തടഞ്ഞു. ബിജെപി പാവറട്ടി മണ്ഡലം ജനറൽ സെക്രട്ടറി പി. ജി. ഗിനീഷ് പ്രതിഷേധ മാർച്ച് ഉദ്ഘാടനംചെയ്തു. ബിജെപി എളവള്ളി പഞ്ചായത്ത് കമ്മറ്റി പ്രസിഡന്‍റ് വി.വി അനീഷ് അധ്യക്ഷതവഹിച്ചു. ബിജെപി നേതാക്കളായ കെ.എ. സുനിൽ, കെ.വി. വിനീഷ്, എം.എസ്. സുധീഷ്, ബാലു എസ്.നായർ, നാരായണൻ തുവ്വാര, രതീഷ് തുപ്രാട്ട് എന്നിവർ സംസാരിച്ചു.

ഒരുക്കങ്ങളായി; ഒല്ലൂർ തിരുനാൾ ആഘോഷം 22 മുതൽ 25 വരെ

തൃശൂർ: ഒല്ലൂർ സെന്‍റ് ആന്‍റണീസ് ഫൊറോന പള്ളിയിലെ വിശുദ്ധ റപ്പായേൽ മാലാഖയുടെ തിരുനാൾ 22 മുതൽ 25 വരെ ആഘോഷിക്കും. 22നു വൈകീട്ടു നാലിനു മാലാഖയുടെ ദാസീ-ദാസൻ സമർപ്പണ കുർബാനയ്ക്കു മുൻവികാരി ഫാ. ആന്‍റണി ചിറ്റിലപ്പിള്ളി മുഖ്യകാർമികത്വം വഹിക്കും. സമർപ്പണത്തിൽനിന്നുള്ള വരുമാനത്തിന്‍റെ 25 ശതമാനം ജീവകാരുണ്യപ്രവർത്തനങ്ങൾക്കു നൽകും. വൈകീട്ട് 6.30നു ദീപാലങ്കാര സ്വിച്ച്ഓണ്‍ കർമം ജില്ലാ കളക്ടർ അർജുൻ പാണ്ഡ്യൻ നിർവഹിക്കും. ചമയപ്രദർശനത്തിന്‍റെ ഉദ്ഘാടനം മേയർ എം.കെ. വർഗീസ് നിർവഹിക്കും. സമർപ്പണ കുർബാനയിലൂടെ ലഭിച്ച തുകവിതരണത്തിന്‍റെ ഉദ്ഘാടനം 26നു രാത്രി ഏഴിനു മന്ത്രി കെ. രാജൻ നിർവഹിക്കും. 23നു വൈകീട്ടു നാലിനു പൊന്തിഫിക്കൽ ദിവ്യബലിക്കു സീറോ മലബാർ സഭ മേജർ ആർച്ച്ബിഷപ് മാർ റാഫേൽ തട്ടിൽ മുഖ്യകാർമികത്വം വഹിക്കും. തുടർന്ന് കൂടുതുറക്കൽ ശുശ്രൂഷ, തിരുസ്വരൂപം എഴുന്നള്ളിപ്പ്, നേർച്ചഭക്ഷണം ആശീർവാദം. വൈകീട്ട് ആറുമുതൽ പത്തുവരെ ഊട്ടുനേർച്ച. അഞ്ച് അങ്ങാടികളിൽനിന്ന് വള എഴുന്നള്ളിപ്പ്. തിരുനാൾദിനമായ 24നു രാവിലെ 10ന് ആഘോഷമായ ദിവ്യബലിക്ക് അതിരൂപത വികാരി ജനറാൾ മോണ്‍. ജോസ് കോനിക്കര മുഖ്യകാർമികത്വം വഹിക്കും. പോപ്പ് പോൾ മേഴ്സി ഹോം ഡയറക്ടർ ഫാ. ജോണ്‍സണ്‍ അന്തിക്കാട്ട് സന്ദേശം നൽകും. രാവിലെ എട്ടുമുതൽ രണ്ടുവരെ ഊട്ടുനേർച്ച. വൈകീട്ടു നാലിനു പള്ളിയിൽനിന്ന് പ്രദക്ഷിണം. 31നു തിരുനാൾ എട്ടാമിടത്തിനു രാവിലെ 10 മുതൽ ആഘോഷമായ ദിവ്യബലി, തുടർന്നു നേർച്ചഭക്ഷണവിതരണം. 26 മുതൽ 31വരെ വൈകീട്ട് ഏഴിനു വിവിധ കലാപരിപാടികൾ അരങ്ങേറുമെന്നു ഫൊറോന വികാരി ഫാ. വർഗീസ് കുത്തൂർ, ആന്‍റണി ജോർജ് അക്കര, ജോഫി ജോസ് ചിറമ്മൽ, ജെയ്സണ്‍ പോൾ പ്ലാക്കൽ, ജസ്റ്റിൻ റാഫേൽ പെരൂട്ടി എന്നിവർ വാർത്താസമ്മേളനത്തിൽ പറഞ്ഞു.

എളവള്ളിയിൽ ഹെലിപ്പാഡ് നാടിനു സമർപ്പിച്ചു

എളവള്ളി: ഗ്രാമപഞ്ചായത്തിന്‍റെ സ്വപ്‌ന പദ്ധതികളിലൊന്നായ ഹെലിപ്പാഡ് നാടിനു സമർപ്പിച്ചു. ഹെലിപ്പാഡ് മുരളി പെരുനെല്ലി എംഎൽഎ ഉദ്ഘാടനം ചെയ്‌തു. പഞ്ചായത്ത് പ്രസിഡന്‍റ് ജിയോ ഫോക്‌സ് അധ്യക്ഷനായി. ബ്ലോക്ക് പഞ്ചായത്ത് പ്രസിഡന്‍റ് ലതി വേണുഗോപാൽ, ജനപ്രതിനിധികളായ ബിന്ദു പ്രദീപ്, ടി.സി. മോഹനൻ, എൻ.ബി. ജയ, സനൽ കുന്നത്തുള്ളി, ജീന അശോകൻ, സീമ ഷാജു, ലിസി വർഗീസ്, എം.പി. ശരത്ത് കുമാർ, ഷാലി ചന്ദ്രശേഖരൻ സിബി എന്നിവർ പ്രസംഗിച്ചു. വാക പോത്തൻ മാസ്‌റ്ററുടെ കുന്നിൽ ഇരിങ്ങാലക്കുട സ്വദേശി കാക്കര ജനാർദനനും ഭാര്യ തങ്കവും സഹോദരപുത്രൻ രാകേഷ് വഴി പഞ്ചായത്തിന് സൗജന്യമായി നൽകിയ 50 സെന്‍റ് ഭൂമിയിലാണ് ഹെലിപ്പാഡ്. അപ്രോച്ച് റോഡിനായി 34 സെന്‍റ് ഭൂമിയും കുട്ടികളുടെ പാർക്ക് നിർമാണത്തിനായി 70 സെന്‍റ് ഭൂമിയും ഇവർ സൗജന്യമായി നൽകി. 11 മീറ്റർ വീതിയിലും നീളത്തിലുമാണ് ഗ്രൗണ്ട് ടൈൽ പാകി ഹെലികോപ്റ്ററിന് പറന്നിറങ്ങാനായി സ്‌ഥലം ഒരുക്കിയത്. സിഗ്നൽ ലൈറ്റുകൾ, കാറ്റിന്‍റെ ഗതിയനുസരിച്ച് പ്രവർത്തിക്കുന്ന ഇൻഡികേറ്ററുകൾ, ശുചിമുറി സമുച്ചയങ്ങൾ എന്നിവ ഉടൻ ഉയരും. ഹെലിപ്പാഡിനും അനുബന്ധ പ്രവർത്തനങ്ങൾക്കുമായി 11.5 ലക്ഷം രൂപയും, അപ്രോച്ച് റോഡിനായി 25 ലക്ഷം രൂപയുമാണ് ചെലവഴിക്കുന്നത്. ഗുരുവായൂർ ക്ഷേത്രം, പാവറട്ടി, പാലയൂർ തീർഥകേന്ദ്രങ്ങൾ, ചാവക്കാട് ബീച്ച്, കോൾപ്പാടങ്ങൾ, കണ്ടൽക്കാടുകൾ എന്നിവ കോർത്തിണക്കി തീർഥാടന, വിനോദ സഞ്ചാരങ്ങൾക്ക് ഈ ഹെലിപ്പാഡ് സഹായകരമാകും. ഒഴിവു ദിവസങ്ങളിൽ ടിക്കറ്റ് എടുത്ത് സഞ്ചാരികൾക്ക് ആകാശക്കാഴ്‌ചകൾ കാണുന്നതിനുള്ള സൗകര്യം ഒരുക്കുന്നതിനും പഞ്ചായത്തിന് പദ്ധതിയുണ്ട്. സമീപത്ത് കുട്ടികളുടെ പാർക്കും വിഭാവനംചെയ്‌തിട്ടുണ്ട്.

വിനോദയാത്രയ്ക്കിടെ മലയാളിഡോക്ടർ തായ്‌ലാൻഡിൽ മുങ്ങിമരിച്ചു

ചാലക്കുടി: തിരുച്ചിറപ്പള്ളി റെയിൽവേ ഡിവിഷണൽ ആശുപത്രിയിലെ മെഡിക്കൽ ഓഫിസറായ ഡോ. രാഹുലൻ(37) കുടുംബത്തോടൊപ്പമുള്ള വിനോദയാത്രയ്ക്കിടെ തായ്‌ലാൻഡിൽ മുങ്ങിമരിച്ചു. ചാലക്കുടി പോട്ട തച്ചുടപ്പറമ്പ് മുണ്ടക്കത്തുപറമ്പിൽ സദാനന്ദന്‍റെ മകനാണ് രാഹുലൻ. ഭാര്യ: ഡോ. ബേബി മിനുവിനൊപ്പം ഒരാഴ്ചത്തെ വിനോദയാത്രക്കായി ഈ മാസം 12നാണു ഡോ. രാഹുലൻ തായ്‌ലൻഡിലെത്തിയത്. വിവിധ വിനോദ സഞ്ചാരകേന്ദ്രങ്ങൾ സന്ദർശിക്കുന്നതിനിടയിൽ കടലിലെ ആഴമില്ലാത്ത ഭാഗത്ത് നീന്തുന്നതിനിടയിലായിരുന്നു അപകടം. മുങ്ങിത്താഴ്ന്ന രാഹുലനെ രക്ഷപ്പെടുത്തി സമീപത്തെ ആശുപത്രിയിലും പിന്നീടു സ്പെഷ്യൽറ്റി ആശുപ്രതിയിലും എത്തിച്ചെങ്കിലും രാത്രി എട്ടോടെ മരണം സ്ഥിരീകരിച്ചു. അസ്വാഭാവിക മരണത്തിന് കേസെടുത്ത തായ് പോലീസ് പോസ്റ്റ്മോർട്ടത്തിനുശേഷം മൃതദേഹം ബന്ധുക്കൾക്ക് കൈമാറി. സംസ്കാരം ഇന്ന് ഉച്ചയ്ക്ക് ഒന്നിന് ചാലക്കുടി മുനിസിപ്പൽ ക്രിമറ്റോറിയത്തിൽ നടത്തും.

മയിൽ ഇടിച്ച് പരിക്കേറ്റ ബൈക്ക് യാത്രികൻ മരിച്ചു

പുന്നയൂർക്കുളം: മയിൽ ഇടിച്ച് നിയന്ത്രണം വിട്ട ബൈക്ക് മറിഞ്ഞ് പരിക്കേറ്റ് ചികിത്സയിൽ കഴിഞ്ഞിരുന്ന ഗൃഹനാഥൻ മരിച്ചു. വടക്കേക്കാട് കൊച്ചനൂർ എട്ടാന്തറയിൽപൂളന്തറക്കൽ അബ്ദുൾ സലാ(60)മാണ് മരിച്ചത്. ബൈക്കിൽ യാത്ര ചെയ്യുന്നതിനിടയിൽ ചെറുവത്താനിയിൽ വച്ചാണ് മയിൽ പറന്നു വന്ന് അബ്ദുൽ സലാറിനെ ഇടിച്ചത്. നിയന്ത്രണം വിട്ട ബൈക്ക് സമീപത്തെ മതിലിൽ ഇടിച്ച് മറിയുകയായിരുന്നു. കഴിഞ്ഞ മാസമാണ് സംഭവം. തൃശൂർ എലൈറ്റ് ആശുപത്രിയിൽ തീവ്രപരിചരണ വിഭാഗത്തിൽ ചികിത്സയിലായിരുന്നു. ഇന്നലെ മരിച്ചു. കബറടക്കം ഇന്ന്. പ്ലംബിംഗ് തൊഴിലാളിയാണ്. ഭാര്യ: ശരീഫാ ബീവി. മക്കൾ: നിസാമുദീൻ, അജ്മൽ.

വാഹനാപകടത്തിൽ പരിക്കേറ്റ് ചികിത്സയിലിരുന്നയാൾ മരിച്ചു

കൊരട്ടി: ദേശീയപാത മുറിച്ചു കടക്കുന്നതിനിടെ സ്കൂട്ടർ ഇടിച്ച് തലയ്ക്ക് ഗുരുതരമായി പരിക്കേറ്റ് ചികിത്സയിലിരുന്നയാൾ മരിച്ചു. കൊരട്ടി പെരുമ്പി സ്വദേശി കൂട്ടാലപറമ്പിൽ ഷാജു(53) ആണ് മരിച്ചത്. ഇക്കഴിഞ്ഞ 14ന് വൈകീട്ട് ഏഴരയോടെയാണ് സംഭവം. ഉടൻ തന്നെ കറുകുറ്റിയിലെ സ്വകാര്യ ആശുപത്രിയിലെത്തിച്ച് അടിയന്തര ശസ്ത്രക്രിയക്ക് വിധേയനാക്കിയെങ്കിലും ജീവൻ രക്ഷിക്കാനായില്ല. കൊരട്ടി പോലീസ് സ്ഥലത്തെത്തിയിരുന്നു. ഷാജു പെയിന്‍റിംഗ് തൊഴിലാളിയാണ്. ഭാര്യ: വിനജ. മക്കൾ: വർണ, തീർഥ. മരുമകൻ: നിഖിൽ. സംസ്കാരം പിന്നീട്.

ടേപ്പിനു നീളം പോരെന്ന്; മത്സരങ്ങൾ തുടങ്ങാൻ മണിക്കൂറുകൾ വൈകി

കുന്നംകുളം: കായികാധ്യാപകരുടെ നിസഹകരണവും പ്രതിഷേധവും സംഘാടകരുടെ പിടിപ്പുകേടുംജില്ലാതല കായികമേളയുടെ നിറം കെടുത്തി. രാവിലെ ഇൻക്ലൂസീവ് മത്സരങ്ങൾക്കും ഉദ്ഘാടനത്തിനുംശേഷം തുടങ്ങേണ്ട പെൺകുട്ടികളുടെ ജൂണിയർ വിഭാഗം മത്സരം തുടങ്ങിയത് ഉച്ചയ്ക്കു പന്ത്രണ്ടരയോടെ. കുട്ടികൾ ചാടിയ ദൂരം അളക്കാനുള്ള ടേപ്പ് നീളം പോരെന്ന മുടന്തൻന്യായവുമായി മത്സരം നിയന്ത്രിക്കേണ്ടവർ സമയം വൈകിക്കുകയായിരുന്നു. ടേപ്പിനു നീളം പോരെന്ന കാര്യം ആരും സംഘാടകസമിതി ഓഫീസിൽ അറിയിക്കാനും തയാറായില്ല. അത്രയും നേരം മത്സരത്തിനുള്ള കുട്ടികൾ പൊരിവെയിലത്ത് ഊഴംകാത്തിരുന്നു. കാര്യമറിയാതെ രക്ഷാകർത്താക്കളും അക്ഷമരായിരുന്നു. പോൾവോൾട്ടിനുള്ള ബെഡിനുപകരം ഹൈജംപിനുള്ള ബെഡാണ് സംഘാടകർ ഒരുക്കിയിരുന്നത്. വേറെ ബെഡില്ലാത്തതിനാൽ ഒരേസമയം നടത്താമായിരുന്ന ഹൈജംപ് മത്സരം പിന്നീടാണ് നടത്തിയത്. പോൾ വോൾട്ട് ക്രോസ് ബാർ ഉയർത്താൻ ഉപയോഗിച്ചിരുന്നതു മരക്കന്പാണ്. മത്സരം നടക്കുന്നിടത്ത് മേശ എത്താൻ വൈകിയും കുട്ടിത്താരങ്ങളെയാണ് ബാധിച്ചത്. മത്സരാർഥികൾ പലരും കുഴഞ്ഞവീണപ്പോൾ മെഡിക്കൽ സഹായം വൈകിയാണു ലഭിച്ചിരുന്നത്. ഗ്രൗണ്ടിന്‍റെ തെക്കുപടിഞ്ഞാറെ മൂലയിലുള്ള മെഡിക്കൽ സംഘം സ്കൗട്ട് ആൻഡ് ഗൈഡ്സ് വിദ്യാർഥികൾ വിവരം അറിയിക്കുന്ന മുറയ്ക്കുമാത്രം നടന്നെത്തുകയായിരുന്നു. പരിക്കേറ്റവരെ സ്ട്രെച്ചറിൽ എടുത്തുകൊണ്ടുപോകാൻ ത്രാണിയില്ലാതെ വോളന്‍റിയർമാരായ ചെറിയ കുട്ടികൾ പാടുപെടുന്നുണ്ടായിരുന്നു. ആദ്യദിനം: ഈസ്റ്റ് ഉപജില്ല മുന്നിൽ തൃശൂർ: റവന്യൂ ജില്ലാ കായികമേളയുടെ ആദ്യദിനത്തിൽ ഈസ്റ്റ് ഉപജില്ലയ്ക്കു മുന്നേറ്റം. 23 മത്സരങ്ങൾ പൂർത്തിയായപ്പോൾ ഈസ്റ്റ് ഉപജില്ല 46 പോയിന്‍റ് നേടി. ആറു സ്വർണവും നാലു വീതം വെള്ളിയും വെങ്കലവും കരസ്ഥമാക്കി. മൂന്നു സ്വർണവും ആറു വെള്ളിയും ഒരു വെങ്കലവുമായി 34 പോയിന്‍റ് നേടി ചാലക്കുടിയാണ് രണ്ടാമത്. മൂന്നു സ്വർണം, നാലു വെള്ളി, നാലു വെങ്കലുമായി 31 പോയിന്‍റോടെ ചാവക്കാട് മൂന്നാമതുണ്ട്. സ്‌കൂളുകളിൽ മൂന്നു സ്വർണം, നാലു വെള്ളി, രണ്ടു വെങ്കലം ഉൾപ്പടെ 29 പോയിന്‍റോടെ ഗുരുവായൂർ ശ്രീകൃഷ്ണ ഹയർ സെക്കൻഡറി സ്‌കൂളാണ് മുന്നിൽ. രണ്ടു സ്വർണവും മൂന്നു വെള്ളിയും രണ്ടു വെങ്കലവുമായി തൃശൂർ കാൽഡിയൻ സിറിയൻ ഹയർ സെക്കൻഡറി സ്കൂൾ രണ്ടാമതുണ്ട്. ആളൂർ ആർഎം ഹയർ സെക്കൻഡറി സ്‌കൂൾ മൂന്നു സ്വർണവും ഒരു വെള്ളിയുമായി 18 പോയിന്‍റ് നേടി മൂന്നാംസ്ഥാ നത്താണ്. മുളക്കോൽ കുത്തിച്ചാടി, സ്വർണത്തിൽ മുത്തമിട്ട് നന്ദന കുന്നംകുളം: മറ്റുള്ളവർ ആധുനിക പോൾ കുത്തിച്ചാടിയപ്പോൾ തന്നെക്കാൾ പ്രായക്കൂടുതലുള്ള മുളക്കോൽ കുത്തിച്ചാടി സ്വർണത്തിൽ മുത്തമിട്ട് നന്ദന എസ്. മേനോൻ. വെറും പത്തുദിവസത്തെ പരിശീലനത്തിലൂടെ നന്ദന ചാടിക്കടന്നത് 1.60 മീറ്ററാണ്.

ചേലക്കര എസ്എംടി ജിഎച്ച്എസിലെ പ്ലസ്ടു വിദ്യാർഥിനിയായ നന്ദന സ്കൂളിലെ 18 വർഷം പഴക്കമുള്ള മുളക്കോലിലാണ് ചാടിപ്പഠിച്ചത്. കായികാധ്യാപകരായ സന്തോഷും മേരിടീച്ചറുമായിരുന്നു പരിശീലകർ. കഴിഞ്ഞ വർഷം മൂവായിരം മീറ്റർ ഓട്ടത്തിനുണ്ടായിരുന്നെങ്കിലും സമയത്ത് എത്താനാകാതെ മത്സരിക്കാനായില്ല. ആദ്യമായാണ് ജില്ലാതല കായികമത്സരത്തിൽ പങ്കെടുക്കുന്നത്. ഇത്തവണ 3000, 1500 മീറ്റർ ഓട്ടത്തിൽ മത്സരിക്കുന്നുണ്ട്. കൃഷിക്കാരനായ തോന്നൂർക്കര അമ്പലപ്പാട്ട് ശിവദാസ്- പ്രേമകുമാരി ദമ്പതികളുടെ ഏകമകളാണ്. റിസ്വാന ഷോട്ട്പുട്ടിലെ പൊൻതാരകം കുന്നംകുളം: സബ് ജൂണിയർ ഷോ ട്ട്പുട്ടിൽ 8.66 മീറ്റർ എറിഞ്ഞു ഭാവിയുടെ പൊൻതാരകമാകാൻ തൃശൂർ സേക്രഡ് ഹാർട്ട് കോൺവെന്‍റ് ഗേൾസ് ഹയർ സെക്കൻഡറി സ്കൂളിലെ റിസ്വാന ഷാജുദീൻ. എട്ടാം ക്ലാസ് വിദ്യാർഥിനിയാണ്.

കഴിഞ്ഞ വർഷം സംസ്ഥാന സിബിഎസ്ഇ കായികമേളയിൽ സ്വർണംനേടിയ റിസ്വാന ദേശീയകായികമേളയിലും പങ്കെടുത്തിരുന്നു. നാളെ ഡിസ്കസ് ത്രോയിൽ മത്സരിക്കും. തെക്കുംകര മണലിത്തറ തൊണ്ടിക്കാട്ടുവളപ്പിൽ ഷാജുദീൻ - ഹസിത ദമ്പതികളുടെ മകളാണ്. സഹോദരി മുഹസീന ബംഗളൂരുവിൽ പഠിക്കുന്നു. പ്രതിഷേധ ജാഥയുമായി കായികാധ്യാപകർ കുന്നംകുളം: ജില്ലയിലെ കായികാധ്യാപക കൂട്ടായ്മയുടെ പ്രതിഷേധജാഥയോടെയാണ് ഇന്നലെ ജില്ലാ കായികമേളയ്ക്ക് ട്രാക്ക് ഉണർന്നത്. ഉദ്ഘാടനസമ്മേളനം ആരംഭിക്കുന്നതിനുമുന്പാണ് നൂറോളം വരുന്ന ജില്ലയിലെ കായികാധ്യാപകർ ട്രാക്കിൽ പ്രതിഷേധജാഥ നടത്തിയത്. മത്സരം തടസപ്പെടുമോയെന്നുവരെ സംശയം ഉളവായെങ്കലും, പ്രകടനശേഷം അധ്യാപകർ പിരിഞ്ഞുപോവുകയും അവരവരുടെ ഡ്യൂട്ടികളിൽ പ്രവേശിക്കുകയും ചെയ്തു.

ഇതിനിടെ പ്രതിഷേധിച്ച കായികാധ്യാപകരിൽ ചിലർ പ്രതിഷേധ ബാനർ പിടിച്ചുകൊണ്ട് സ്റ്റേഡിയത്തിലെ ട്രാക്കിനുസമീപം നിന്നത് എ.സി. മൊയ്തീൻ എംഎൽഎ ഇടപെട്ട് ഒഴിവാക്കി. പ്രതിഷേധം സ്റ്റേഡിയത്തിനു പുറത്തു നടത്തണമെന്നും ഉള്ളിൽ പ്രതിഷേധം അനുവദിക്കില്ലെന്നും പറഞ്ഞാണ് എംഎൽഎ അവരെ മാറ്റിയത്. ഉദ്ഘാടനസമ്മേളനത്തിൽ കായികാധ്യാപകരുടെ ആവശ്യങ്ങൾ അനുഭാവപൂർവം പരിഗണിക്കുന്ന വിഷയമാ ണെന്നും ഇതിനുള്ള ശ്രമങ്ങൾ മുന്നണി തലത്തിൽ നടക്കുന്നുണ്ടെന്നും പ്രശ്നപരിഹാരത്തിനു തന്‍റെ ഭാഗത്തുനിന്ന് എല്ലാ സഹായങ്ങളും ഉണ്ടാകുമെന്നും എംഎൽഎ പറഞ്ഞു. സർക്കാർ, എയ്‌ഡഡ് വിദ്യാലയങ്ങൾക്കു ബാധകമാക്കി കായികാധ്യാപക സംരക്ഷണ ഉത്തരവ് പുനഃസ്ഥാപിക്കുക, യുപി, എച്ച്എസ് തസ്‌തികനിർണയ മാനദണ്ഡങ്ങൾ കാലോചിതവും ശാസ്ത്രീയവുമായി പരിഷ്‌കരിക്കുക, ഹയർസെക്കൻഡറി കായികാധ്യാപക തസ്‌തിക അനുവദിച്ച് പ്രമോഷനും നിയമനവും നടപ്പാക്കുക തുടങ്ങിയ ആവശ്യങ്ങൾ ഉന്നയിച്ചാണ് കായികാധ്യാപകർ മേളയ്ക്കിടെ സമരംചെയ്തത്. വെളിച്ചക്കുറവ്: പല മത്സരങ്ങളും പൂർത്തിയായില്ല കുന്നംകുളം: മത്സരങ്ങൾ വൈകുകയും ഇരുട്ടുവീഴുകയും ചെയ്തതോടെ ആദ്യദിവസം മത്സരങ്ങൾ ആറരയോടെ അവസാനിപ്പിച്ചു. ഹർഡിൽസ് മത്സരങ്ങൾ പകുതിമാത്രമാണ് പൂർത്തിയായത്. മൊബൈൽ വെളിച്ചത്തിലാണു ഷോട്ട്പുട്ട് മത്സരങ്ങൾ നടന്നത്.

ഹർഡിൽസ് ബാക്കി മത്സരങ്ങളും മറ്റും രണ്ടാം ദിവസത്തേക്കു മാറ്റി. ഇതോടെ അനുബന്ധമത്സരങ്ങളെല്ലാം വൈകുകയാണ്. ജാവലിൻ ത്രോ, നടത്തമത്സരം എന്നിവയും ഇന്നലെ നടത്താനാവാതെ മാറ്റി. സ്റ്റേഡിയത്തിലെ ആവശ്യമായ വെളിച്ചത്തിനന്‍റെ അപര്യാപ്തത കായികമേളയെ ശരിക്കും ബാധിച്ചു. സ്റ്റേഡിയത്തിന്‍റെ പ്രവേശനകവാടത്തിൽ മാത്രമാണ് ലൈറ്റുകൾ ഉണ്ടായിരുന്നത്. അതുകൊണ്ടുതന്നെ നേരത്തേ മത്സരത്തിനു തയാറായിനിന്ന നിരവധി വിദ്യാർഥികൾക്കു നിരാശരായി മടങ്ങേണ്ടിവന്നു. എ.സി. മൊയ്തീൻ എംഎൽഎ ഉദ്ഘാടനം ചെയ്തു കുന്നംകുളം: സർക്കാർ ബോയ്സ് ഹൈസ്കൂൾ സീനിയർ ഗ്രൗണ്ട് സിന്തറ്റിക് ട്രാക്ക് സ്റ്റേഡിയത്തിൽ തൃശൂർ റവന്യൂ ജില്ലാ കായികമേളയ്ക്കു തുടക്കമിട്ട് ചാവക്കാട് ഡിഇഒ ടി. രാധ പതാക ഉയർത്തി. തുടർന്നുനടന്ന സമ്മേളനം എ.സി. മൊയ്തീൻ എംഎൽഎ ഉദ്ഘാടനം ചെയ്തു. കുന്നംകുളം നഗരസഭ ചെയർപേഴ്സൺ സീതാ രവീന്ദ്രൻ അധ്യക്ഷത വഹിച്ചു. തൃശൂർ ഡിഡിഇ പി.എം. ബാലകൃഷ്ണൻ, കുന്നംകുളം എഇഒ എ. മൊയ്തീൻ, വാർഡ് കൗൺസിലർ ബിജു സി. ബേബി, ആർഡിഡി ഡോ.ഡി.ജെ. സതീഷ്, സ്കൂൾ പ്രിൻസിപ്പൽ പി.ഐ. റസിയ തുടങ്ങിയവർ പങ്കെടുത്തു. കാഴ്ചപരിമിതരുടെ ഓട്ടത്തോടെ ട്രാക്കുണർന്നു കുന്നംകുളം: കാഴ്ചപരിമിതിയുള്ള അണ്ടർ 14, 14 വയസിനു മുകളിലുള്ള ആൺ- പെൺവിഭാഗം കുട്ടികളുടെ നൂറുമീറ്റർ ഓട്ടത്തോടെയാണ് റവന്യൂ ജില്ലാ സ്കൂൾ കായികമേളയ്ക്കു തുടക്കമായത്.

അണ്ടർ 14 ആൺകുട്ടികളുടെ വിഭാഗത്തിൽ വാടാനപ്പിള്ളി കെഎൻഎംവിഎച്ച്എസ്എസിലെ എട്ടാംക്ലാസ് വിദ്യാർഥികളായ കെ.ഡി. ദിപിൻദേവ് സ്വർണം നേടി. സഹപാഠി വി.ആർ. ശ്രീഹരി ഗൈഡ് റണ്ണറായി. അണ്ടർ 14 പെൺകുട്ടികളുടെ വിഭാഗത്തിൽ അന്തിക്കാട് ബിആർസിയിലെ എട്ടാംക്ലാസ് വിദ്യാർഥികളായ പി.എസ്. അഭിനന്ദ ഒന്നാമതെത്തി. പെരിങ്ങോട്ടുകര ജിഎച്ച്എസ്എസിലെ പ്രിയങ്ക പ്രതീഷ് ഗൈഡ് റണ്ണറായി.

വാണിയംപാറയിൽ ഫെയര്‍‌സ്റ്റേജ് അനുവദിക്കണം; ഗതാഗതമന്ത്രിക്കു നിവേദനം നൽകി

പട്ടിക്കാട്: ദേശീയപാത വാണിയംപാറയിൽ കെഎസ്ആർടിസി ബസുകൾക്ക് ഫെയര്‍‌സ്റ്റേജ് അനുവദിക്കണം എന്നാവശ്യപ്പെട്ട് ജനകീയ കൂട്ടായ്മയുടെ നേതൃത്വത്തിൽ ഗതാഗതവകുപ്പ് മന്ത്രി കെ.ബി ഗണേഷ്‌കുമാറിന് നിവേദനം നൽകി. സ്‌കൂൾ, ഫോറസ്റ്റ് ഓഫീസ്, കുടുംബാരോഗ്യ കേന്ദ്രം, മൃഗാശുപത്രി, ബാങ്ക് തുടങ്ങിയ സ്ഥാപനങ്ങൾ വാണിയംപാറയിൽ പ്രവർത്തിക്കുന്നുണ്ടെന്നും സൂപ്പർഫാസ്റ്റ്, ഫാസ്റ്റ് പാസഞ്ചർ, ലിമിറ്റഡ് സ്‌റ്റോപ്പ് ബസ്സുകൾ ഇവിടെ നിർത്താത്തത് യാത്രക്കാരെ ഏറെ ബുദ്ധിമുട്ടിക്കുന്നുണ്ടെന്നും നിവേദനത്തിൽ ചൂണ്ടിക്കാട്ടി. എളനാട്, ചേലക്കര, പഴയന്നൂർ, കണ്ണമ്പ്ര എന്നീ പ്രദേശങ്ങളിലേക്കുള്ള യാത്രക്കാരും വാണിയംപാറയിൽ ഇറങ്ങിയാണ് മറ്റു ബസുകളിൽ യാത്ര ചെയ്യുന്നത്. അതുകൊണ്ട് വേണ്ട അടിയന്തര നടപടികൾ സ്വീകരിക്കണമെന്ന് നിവേദനത്തിൽ ആവശ്യപ്പെട്ടു. റവന്യൂ മന്ത്രി കെ രാജന്‍റെ സാന്നിധ്യത്തിൽ ജനകീയ കൂട്ടായ്മ ചെയർമാർ എൻ.സി രാഹുൽ, പി.ആർ സനിൽ എന്നിവർ ചേർന്നാണ് നിവേദനം നൽകിയത്.

പൂട്ടിക്കിടന്ന സ്ഥാപനത്തിൽ മോഷണം; മൂന്നുപേർ പിടിയിലായി

വടക്കാഞ്ചേരി: പൂട്ടിക്കിടന്ന സ്ഥാപനത്തിൽ മോഷണം നടത്തിയ മൂന്നുപേരെ പോലീസ് പിടികൂടി. മിണാലൂർ സ്വദേശികളായ വടക്കൂടൻ ട്യൂവിൻ, പുവ്വത്തിങ്കൽ റെമീസ്, പുതുരുത്തി സ്വദേശി കോമാട്ട് സജീവ് എന്നിവരെയാണ് വടക്കാഞ്ചേരി പോലീസ് പിടികൂടിയത്. മിണാലൂരിൽ പ്രവർത്തിച്ചിരുന്ന കൊല്ലാത്ത് കഫോർഡിൻ എന്ന സ്ഥാപനത്തിലാണ് മോഷണം നടത്തിയത്. സ്ഥാപനത്തിന്‍റെ പൂട്ട് തകർത്ത് അകത്തുകടന്ന മോഷ്ടാക്കൾ അഞ്ചു ലക്ഷത്തിലധികം രൂപ വില വരുന്ന മെഷിനറികളും ഇരുമ്പ് മെറ്റീരിയലുകളുമാണ് കടത്തികൊണ്ടുപോയത്. കഴിഞ്ഞ ജൂണിലായിരുന്നു സംഭവം. സിസിടിവി യുടെ സഹായത്തോടെ നടത്തിയ പരിശോധനയിലാണ് പ്രതികളെക്കുറിച്ച് വിവരം ലഭിച്ചത്. മോഷ്ടിച്ച സാധനങ്ങൾ മറിച്ചുവിറ്റ കടകളിൽനിന്നും സാധനങ്ങൾ പോലീസ് കണ്ടെടുത്തു. കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു.

അഭിനവിന് അഭിമാനമായി "രാഹുൽജി ഭവനം'

പുന്നംപറമ്പ്: തൊഴുത്തിലുറങ്ങിയും പാതയോരത്തെ വൈദ്യുതിവെളിച്ചത്തിൽ പഠിക്കുകയും ചെയ്ത് കഴിഞ്ഞ എസ്എസ്എൽസി പരീക്ഷയിൽ മച്ചാട് ഗവ. സ്കൂളിൽ നിന്ന് ഫുൾ എ പ്ലസ് നേടിയ അഭിനവിന് തെക്കുംകര മണ്ഡലം കോൺഗ്രസ് കമ്മിറ്റി നിർമിച്ചുനൽകുന്ന "രാഹുൽജി ഭവന'ത്തിന്‍റെ ഗൃഹപ്രവേശനം ഇന്നു നടക്കുമെന്നു നിർമാണ കമ്മിറ്റി ഭാരവാഹികൾ പത്രസമ്മേളനത്തിൽ പറഞ്ഞു. പ്രതിപക്ഷനേതാവ് വി.ഡി. സതീശൻ താക്കോൽ കൈമാറും. തെക്കുംകര പഞ്ചായത്ത് കാര്യാട് ദുബായ് റോഡിൽ താമസിക്കുന്ന കുണ്ടുകാട്ടുപറമ്പിൽ രാജീവ്-സജിത ദമ്പതികളുടെ മകനാണ് അഭിനവ്. വൈകീട്ട് നാലിന് പുന്നംപറമ്പ് സെന്‍ററിൽ നടക്കുന്ന സമർപ്പണ പൊതുസമ്മേളനത്തിൽ ഡിസിസി പ്രസിഡന്‍റ് ജോസഫ്‌ ടാജറ്റ് മുഖ്യാതിഥിയാകും. മണ്ഡലം പ്രസിഡന്‍റ് ജെയ്‌സൺ മാത്യു അധ്യക്ഷനാകും. 2018ലെ പ്രളയമാണ് ‌മുത്തച്ഛനും മുത്തശിയും അടങ്ങുന്ന ആറംഗകുടുംബത്തിന്‍റെ കൊച്ചുവീട് കവർന്നത്. ഇപ്പോൾ വടക്കാഞ്ചേരി ഗവ. ഹയർ സെക്കൻഡറി സ്കൂളിലെ പ്ലസ് ‌വൺ വിദ്യാർഥിയാണ് അഭിനവ്. പ്ലസ്‌ടുവിന്ശേഷം എസിസിഎ കോഴ്സ് പഠിക്കാനാണ് താൽപര്യം. 12 ലക്ഷം രൂപയോളം ചെലവഴിച്ച് 900 സ്ക്വയർഫീറ്റിലാണ് വീട്. ചടങ്ങിൽ മുൻ ഡിസിസി പ്രസിഡന്‍റുമാരായ എം.പി വിൻസെന്‍റ്, ജോസ് വള്ളൂർ, മുൻ എംഎൽഎ അനിൽ അക്കര, മുൻ യുഡിഎഫ് ജില്ലാ ചെയർമാൻ ജോസഫ് ചാലിശേരി, കെപിസിസി സെക്രട്ടറി രാജേന്ദ്രൻ അരങ്ങത്ത്, നഗരസഭ പ്രതിപക്ഷനേതാവ് എസ്.എ.എ. അസാദ്, ബ്ലോക്ക് കോൺഗ്രസ് പ്രസിഡന്‍റ് പി.ജി. ജയദീപ്, എൽദോ തോമസ് തുടങ്ങിയവർ പങ്കെടുക്കും. പത്രസമ്മേളനത്തിൽ തെക്കുംകര മണ്ഡലം കോൺഗ്രസ് കമ്മറ്റി പ്രസിഡന്‍റ് ജെയ്സൺ മാത്യു, ഭവന നിർമാണ കമ്മിറ്റി ജനറൽ കൺവീനർ പി.വി. വിനയൻ, ട്രഷറർ ഒ. ശ്രീകൃഷ്ണൻ, വിജി സുരേഷ് കുമാർ തുടങ്ങിയവർ പങ്കെടുത്തു.

കോള്‍പാടങ്ങളില്‍ അമ്ലരസം ഉയര്‍ന്നു; താമരവളയംചിറ അടിയന്തരമായി കെട്ടണം

കരുവന്നൂര്‍: കരുവന്നൂര്‍പ്പുഴയിലെ താമരവളയംചിറ കെട്ടാത്തതിനാല്‍ കോള്‍പാടത്ത് അമ്ലരസം ഉയര്‍ന്നത് ഒഴിവാക്കാനാകാതെ കര്‍ഷകർ. ചിറ കെട്ടാത്തതിനാല്‍ ഡാമുകളില്‍നിന്ന് വെള്ളം കിട്ടുന്നില്ലെന്നാണു കര്‍ഷകരുടെ പരാതി. ഒന്നാംമേഖലയില്‍ കൃഷിചെയ്ത പടവുകളിലാണ് അമ്ലരസം ഉയര്‍ന്നിട്ടുള്ളത്. കരുവന്നൂര്‍ പുഴയുമായി ബന്ധപ്പെട്ട 4000 ഏക്കര്‍ സ്ഥലത്തെ നെല്‍കൃഷി ഇതോടെ പ്രതിസന്ധിയിലാണ്. കൈപ്പിള്ളി അകമ്പാടത്തെ ചിലരുടെ നെല്‍ച്ചെടികളും നശിച്ചിട്ടുണ്ട്. വിളക്കുംമാടം, അഞ്ചുമുറി, വാരിയംപടവ്, അന്തിക്കാട് പടവ്, കാഞ്ഞാംകോള്‍ എന്നിവിടങ്ങളില്‍ കൃഷിയിറക്കുന്നതിനായി നിലം ഉഴുതതോടെ അമ്ലരസമുള്ള വെള്ളമാണ്. ഈ പാടങ്ങളില്‍ വിത്തിടാനായി വെള്ളം കെഎല്‍ഡിസി കനാലിലേക്ക് പമ്പിംഗ് നടത്തിയിട്ടുണ്ട്. കനാലില്‍നിന്ന് അമ്ലരസമുള്ള വെള്ളം മറ്റു പടവുകളിലേക്കു കയറ്റാനാകാത്ത അവസ്ഥയാണ്. റെഗുലേറ്റര്‍ വഴി ഈ വെള്ളം കടലിലേക്ക് ഒഴുക്കിവിടണമെന്നാണ് കോള്‍പടവ് കമ്മിറ്റിക്കാര്‍ പറയുന്നത്. മഴ കുറഞ്ഞ സാഹചര്യത്തില്‍ ചിമ്മിനി ഡാമില്‍നിന്ന് വെള്ളം വിടേണ്ടതാണ്. എന്നാല്‍ വെള്ളം തടഞ്ഞുനിര്‍ത്തുന്നതിനുള്ള താമരവളയം ചിറ കെട്ടാത്തത് ദുരിതമായിട്ടുണ്ട്. ചിറ കെട്ടിയില്ലെങ്കില്‍ ചിമ്മിനിവെള്ളത്തില്‍ മുരിയാംതോട് പാടശേഖരങ്ങള്‍ മുങ്ങിയേക്കും. ഓഗസ്റ്റ് 18നു ചേര്‍ന്ന ജില്ലാ കോള്‍ കര്‍ഷക അഡ്വൈസറി യോഗത്തില്‍ അടിയന്തരമായി താമരവളയംചിറ കെട്ടണമെന്നാവശ്യപ്പെട്ട് തീരുമാനമെടുത്തതാണ്. എന്നാൽ, രണ്ടുമാസം ആകാറായിട്ടും ഇതിനു പരിഹാരമായില്ല. നിലവില്‍ താമരവളയംചിറ കെട്ടിയില്ലെങ്കില്‍ ജില്ലയിലെ തെക്കുപടിഞ്ഞാറ് കോള്‍മേഖലയില്‍ ഈ വര്‍ഷം കൃഷിക്ക് ചിമ്മിനി ഡാമില്‍നിന്ന് വെള്ളം കൊണ്ടുവരാന്‍ സാധിക്കാത്ത സ്ഥിതിയുണ്ടാകും. അടിയന്തരമായി യോഗം വിളിച്ച് തീരുമാനമെടുക്കണമെന്ന് കോള്‍ ഉപദേശകസമിതി അംഗങ്ങളായ കെ.കെ. കൊച്ചുമുഹമ്മദ്, അഡ്വ. വി. സുരേഷ്കുമാര്‍ എന്നിവര്‍ ആവശ്യപ്പെട്ടു.

കൂടല്‍മാണിക്യം സ്വത്തുക്കള്‍ സുരക്ഷിതമാണോയെന്നു പരിശോധിക്കണം: കേരള കോണ്‍ഗ്രസ്

ഇരിങ്ങാലക്കുട: കേരളത്തിലെ തിരുവിതാംകൂർ, കൊച്ചി, മലബാര്‍, ഗുരുവായൂര്‍ എന്നീ ദേവസ്വം ബോര്‍ഡുകളോടൊപ്പം സംസ്ഥാനസര്‍ക്കാരിന്‍റെ ദേവസ്വം വകുപ്പിനു കീഴില്‍ പ്രവര്‍ത്തിക്കുന്ന കൂടല്‍മാണിക്യം ദേവസ്വത്തിന്‍റെ ഭരണത്തിനു കീഴിലുള്ള ഇരിങ്ങാ ലക്കുട കൂടല്‍മാണിക്യം ക്ഷേത്രത്തില്‍ കൂടല്‍മാണിക്യസ്വാമിയുടെ വകയായിട്ടുള്ള വിലപിടിപ്പുള്ള എല്ലാ സ്വത്തുക്കളും ദേവസ്വം ഭരണത്തില്‍ സുരക്ഷിതമാണോയെന്നു ഭക്തജനങ്ങള്‍ക്ക് ആശങ്കയുണ്ടെന്ന് കേരള കോണ്‍ഗ്രസ് നേതൃസംഗമം കുറ്റപ്പെടുത്തി. കൂടല്‍മാണിക്യം ദേവസ്വം ബോര്‍ഡില്‍ പ്രവര്‍ത്തിക്കുന്ന ഒട്ടുമിക്ക വ്യക്തികളും ഈശ്വരവിശ്വാസികളല്ലെന്ന് ചൂണ്ടിക്കാണിക്കുമ്പോള്‍ ജനങ്ങളുടെ ആശങ്ക സ്വാഭാവികമാണ്. കഴിഞ്ഞ ഏഴുവര്‍ഷമായി ക്ഷേത്രങ്ങളിലെ വരവു ചെലവ് കണക്കുകളെ സംബന്ധിച്ചുള്ള ഓഡിറ്റ് നടക്കാറില്ലെന്നും പരക്കെ ആക്ഷേപമുണ്ട്. കൂടല്‍മാണിക്യ ക്ഷേത്രത്തിലെ സ്വത്തുക്കളുടെ അവസ്ഥയെക്കുറിച്ച് ആവശ്യമായ പരിശോധന നടത്തി യഥാർഥവസ്തുതകള്‍ ജനങ്ങളെ അറിയിക്കണമെന്നും കേരള കോണ്‍ഗ്രസ് ആവശ്യപ്പെട്ടു. ഇരിങ്ങാലക്കുടയില്‍ ചേര്‍ന്ന കേരള കോണ്‍ഗ്രസ് നിയോജകമണ്ഡലംതല നേതൃസംഗമം ഡെപ്യൂട്ടി ചെയര്‍മാന്‍ തോമസ് ഉണ്ണിയാടന്‍ ഉദ്ഘാടനം ചെയ്തു. നിയോജകമണ്ഡലം പ്രസിഡന്‍റ് റോക്കി ആളൂക്കാരന്‍ അധ്യക്ഷത വഹിച്ചു. സംസ്ഥാന ജനറല്‍ സെക്രട്ടറി മിനി മോഹന്‍ദാസ് മുഖ്യപ്രഭാഷണം നടത്തി.

കൊട്ടേക്കാട് ഫാത്തിമനാഥയുടെ തിരുനാള്‍ 18, 19 തീയതികളില്‍

കൊട്ടേക്കാട്: പ്രസിദ്ധ മരിയന്‍ തീര്‍ഥകേന്ദ്രമായ കൊട്ടേക്കാട് സെന്‍റ് മേരീസ് അസംപ്ഷന്‍ ഫൊറോന പള്ളിയിലെ പരിശുദ്ധ ഫാത്തിമനാഥയുടെ തിരുനാള്‍ നാളെയും മറ്റന്നാളും ആഘോഷിക്കും. ആനപ്പുറത്തെ കുടമാറ്റം മിനിപൂരമാക്കുന്ന തിരുനാളാഘോഷമാണിത്. പുഷ്പാലംകൃതമായ കപ്പേളയും ദീപാലംകൃതമാകുന്ന നവദേവാലയവും കേന്ദ്രീകരിച്ചുള്ള ജപമാലപ്രദക്ഷിണത്തിലും നൊവേനയിലും കൂടുതല്‍ ഭക്തജനങ്ങള്‍ പങ്കെടുക്കുമെന്ന് വികാരി ഫാ. ഫ്രാങ്കോ കവലക്കാട്ട് പത്രസമ്മേളനത്തില്‍ അറിയിച്ചു. 1025-ാംവാര്‍ഷികം ആഘോഷിക്കുന്ന പള്ളിയിൽ നിര്‍ധന ഡയാലിസിസ് രോഗികള്‍ക്ക് 1025 ഡയാലിസിസിനുള്ള ചികിത്സാസഹായം അടക്കമുള്ള ജീവകാരുണ്യപ്രവര്‍ത്തനങ്ങളോടെയാണ് തിരുനാൾ ആഘോഷിക്കുക. ഇന്നു രാത്രി 7.30 നു ദീപാലങ്കാരം സ്വിച്ച്ഓണ്‍ കര്‍മം വിയ്യൂര്‍ എസ്എച്ച്ഒ കെ.പി. മിഥുന്‍ നിര്‍വഹിക്കും. നാളെ വൈകീട്ട് 5.30നു ദിവ്യബലിക്കുശേഷം ബിഷപ് മാര്‍ ബോസ്കോ പുത്തൂര്‍ കൂടുതുറക്കൽകർമം നിര്‍വഹിക്കും. 19 നു രാവിലെ 5.30, 6.30, 8.30 വിശുദ്ധ കുര്‍ബാന. 10 ന് ആഘോഷമായ തിരുനാള്‍ പാട്ടുകുര്‍ബാനയ്ക്കു ഫാ. ഡേവിസ് പുലിക്കോട്ടില്‍ (സീനിയര്‍) മുഖ്യകാർമികനാകും. കപ്പൂച്ചിന്‍ സഭ പ്രൊവിന്‍ഷ്യൽ ഫാ. ജെയ്സന്‍ കാളന്‍ സന്ദേശം നല്‍കും. ഉച്ചകഴിഞ്ഞു മൂന്നിനു കിഴക്കുപടിഞ്ഞാറ് ഭാഗക്കാരുടെ കിരീടമെഴുന്നള്ളിപ്പ് ആരംഭിക്കും. വൈകീട്ട് ആറിന് ഫാത്തിമ ഗ്രൗണ്ടില്‍ ആനപ്പുറത്തു കുടമാറ്റം ഉണ്ടായിരിക്കും. രാത്രി തൃശൂര്‍ അതിരൂപത വികാരി ജനറാള്‍ മോണ്‍. ജെയ്സന്‍ കൂനംപ്ലാക്കല്‍ സന്ദേശം നല്‍കും. തുടര്‍ന്നു പരിശുദ്ധ കുര്‍ബാനയുടെ ആശീര്‍വാദം. 7.30ന് പരിശുദ്ധ ഫാത്തിമനാഥയുടെ തിരുസ്വരൂപം പല്ലക്കില്‍ വഹിച്ചുള്ള തിരിപ്രദക്ഷിണം എന്നിവയും ഉണ്ടായിരിക്കും. ഫാത്തിമായില്‍നിന്നുള്ള തിരുശേഷിപ്പ് വണങ്ങാന്‍ ശനിയാഴ്ചയും ഞായറാഴ്ചയും രാത്രി എട്ടുമുതലും ഞായറാഴ്ച ദിവ്യബലിക്കുശേഷവും സൗകര്യമൊരുക്കിയിട്ടുണ്ട്. 26 നാണ് എട്ടാമിടം. പത്രസമ്മേളനത്തില്‍ വികാരി ഫാ. ഫ്രാങ്കോ കവലക്കാട്ട്, ജനറല്‍ കണ്‍വീനര്‍ ജോബി മുണ്ടാടന്‍, ട്രസ്റ്റി ജോണ്‍സന്‍ മുരിയാടന്‍, കണ്‍വീനര്‍മാരായ സി.എല്‍. ഇഗ്നേഷ്യസ്, ലാന്‍റോ കോളെങ്ങാടന്‍ എന്നിവർ പങ്കെടുത്തു.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]