ചാ​ല​ക്കു​ടി: തീ​ര​ദേ​ശ വി​ക​സ​ന വ​കു​പ്പി​ന്‍റെ കി​ഫ്ബി ഫ​ണ്ട് ഉ​പ​യോ​ഗി​ച്ചു​ള്ള പു​തി​യ മാ​ർ​ക്ക​റ്റ് കെ​ട്ടി​ട​ത്തി​ന്‍റെ നി​ർ​മാ​ണ പ്ര​വ​ർ​ത്ത​ന​ങ്ങ​ൾ ആ​രം​ഭി​ക്കു​ന്നു. മാ​ർ​ക്ക​റ്റ് നി​ർ​മാ​ണ​ത്തി​നു നി​ശ്ച​യി​ച്ചി​ട്ടു​ള്ള അ​റ​വ് ശാ​ല​യ്ക്കു മു​ൻ​ഭാ​ഗ​ത്തും തെ​ക്കേ ക​വാ​ട​ത്തി​നു സ​മീ​പ​വു​മു​ള്ള 25 ക​ച്ച​വ​ട​ക്കാ​രെ ഈ ​ആ​ഴ്ച ഇ​വി​ടെ നി​ന്നു മാ​റ്റും. ഇ​വ​ർ​ക്കു​ള്ള താ​ൽക്കാ​ലി​ക മു​റി​ക​ളു​ടെ നി​ർ​മാ​ണം പൂ​ർ​ത്തി​യാ​യി.

നി​ല​വി​ലു​ള്ള പ​ഴ​യ 25 കെ​ട്ടി​ട​മു​റി​ക​ൾ പൊ​ളി​ച്ചു​മാ​റ്റും. ഒ​രു വ​ർ​ഷ​ത്തി​നു​ള്ളി​ൽ പു​തി​യ കെ​ട്ടി​ട​ത്തി​ന്‍റെ നി​ർ​മാ​ണം പൂ​ർ​ത്തീ​ക​രി​ക്കാ​നാ​ണു തീ​രു​മാ​നം. ഇ​തി​നു​ശേ​ഷം ഈ ​ക​ച്ച​വ​ട​ക്കാ​രെ അ​ധി​ക ഡെ​പ്പോ​സി​റ്റ് ഇ​ല്ലാ​തെ പു​തി​യ മാ​ർ​ക്ക​റ്റ് കെ​ട്ടി​ട​ത്തി​ലേ​ക്കു മാ​റ്റും.

പു​തി​യ കെ​ട്ടി​ട​ത്തി​ന്‍റെ നി​ർ​മാ​ണ​ത്തി​നു നേ​ര​ത്തെ അ​നു​മ​തി ല​ഭി​ച്ചി​രു​ന്നു​വെ​ങ്കി​ലും സ്ഥ​ലം ഒ​രു​ക്കി​ക്കൊ​ടു​ക്കു​ന്ന​തി​നു നി​ല​വി​ലു​ള്ള ക​ച്ച​വ​ട​ക്കാ​രെ മാ​റ്റു​ന്ന​തി​നു സാ​ധി​ച്ചി​രു​ന്നി​ല്ല. ഈ ​സാ​ഹ​ച​ര്യ​ത്തി​ലാ​ണ് കി​ഴ​ക്കു​ഭാ​ഗ​ത്ത് താ​ല്ക്കാ​ലി​ക ക​ട​മു​റി​ക​ൾ നി​ർ​മി​ക്കാ​ൻ തീ​രു​മാ​നി​ച്ച​ത്.

25 ക​ച്ച​വ​ട​ക്കാ​രെ താ​ല്ക്കാ​ലി​ക കെ​ട്ടി​ട​ത്തി​ലേ​ക്കു മാ​റ്റു​ന്ന​തു​മാ​യി ബ​ന്ധ​പ്പെ​ട്ട് വ്യാ​പാ​രി സം​ഘ​ട​ന പ്ര​തി​നി​ധി​ക​ളും നി​ല​വി​ലെ ക​ച്ച​വ​ട​ക്കാ​രു​മാ​യി ഇ​ന്ന​ലെ ന​ട​ന്ന ച​ർ​ച്ച​യി​ലാ​ണു തീ​രു​മാ​ന​മാ​യ​ത്.

ചെ​യ​ർ​മാ​ൻ എ​ബി ജോ​ർ​ജി​ന്‍റെ അ​ധ്യ​ക്ഷ​ത​യി​ൽ ചേ​ർ​ന്ന യോ​ഗ​ത്തി​ൽ വൈ​സ് ചെ​യ​ർ​പേ​ഴ്സ​ൺ ആ​ലീ​സ് ഷി​ബു, മു​ൻ ചെ​യ​ർ​മാ​ൻ വി.​ഒ. പൈ​ല​പ്പ​ൻ, എ​ൽ​ഡി​എ​ഫ് ലീ​ഡ​ർ സി.​എ​സ്. സു​രേ​ഷ്, യു​ഡി​എ​ഫ് ലീ​ഡ​ർ ഷി​ബു വാ​ല​പ്പ​ൻ, മ​ർ​ച്ച​ന്‍റ് അ​സോ​സി​യേ​ഷ​ൻ ഭാ​ര​വാ​ഹി​ക​ളാ​യ ജോ​യ് മൂ​ത്തേ​ട​ൻ, ബി​നു മ​ഞ്ഞ​ളി, ജോ​ബി മേ​ലേ​ട​ത്ത്, ച​ന്ദ്ര​ൻ കൊ​ള​ത്താ​പ്പി​ള്ളി, ഷൈ​ജു പു​ത്ത​ൻ​പു​ര​യ്ക്ക​ൽ, നി​ല​വി​ലെ ക​ച്ച​വ​ട​ക്കാ​ർ, മു​നി​സി​പ്പ​ൽ എ​ൻ​ജി​നീ​യ​ർ എം.​കെ. സു​ഭാ​ഷ്, കി​ഫ്ബി പ്ര​തി​നി​ധി​ക​ൾ എ​ന്നി​വ​ർ പ​ങ്കെ​ടു​ത്തു.

അ​ടു​ത്ത ആ​ഴ്ച​യി​ൽ​ത​ന്നെ പു​തി​യ മാ​ർ​ക്ക​റ്റി​ന്‍റെ നി​ർ​മാ​ണ​പ്ര​വ​ർ​ത്ത​ന​ങ്ങ​ൾ​ക്കു തു​ട​ക്കം​കു​റി​ക്കും.