ലോ​ക വ​യോ​ജ​ന ദി​നാ​ച​ര​ണ​ത്തി​ന് വി​പു​ല​മാ​യ ഒ​രു​ക്ക​ങ്ങ​ളു​മാ​യി ഇ​ടു​ക്കി രൂ​പ​ത
Friday, July 26, 2024 11:20 PM IST
ക​രി​മ്പ​ൻ: ഫ്രാൻ​സി​സ് മാ​ർ​പാ​പ്പ പ്ര​ഖ്യാ​പി​ച്ച നാ​ലാ​മ​ത് ലോ​ക​വ​യോ​ജ​ന ദി​നാ​ച​ര​ണ​ത്തി​ന്‍റെ ഇ​ടു​ക്കി രൂ​പ​ത​യി​ലെ ഒ​രു​ക്ക​ങ്ങ​ൾ പൂ​ർ​ത്തി​യാ​യി. ഈ​ശോ​യു​ടെ വ​ല്യ​പ്പ​നും വ​ല്യ​മ്മ​യു​മാ​യ വിശുദ്ധ ​യോ​വാ​ക്കീ​മി​ന്‍റെയും വിശുദ്ധ ​അ​ന്ന​യു​ടെ​യും തി​രു​നാ​ളി​നോ​ട​നു​ബ​ന്ധി​ച്ച് എ​ല്ലാ​വ​ർ​ഷ​വും ജൂ​ലൈ മാ​സ​ത്തെ നാ​ലാ​മ​ത്തെ ഞാ​യ​റാ​ഴ്ച​യാ​ണ് ലോ​ക​വ​യോ​ജ​നദി​നം ആ​ച​രി​ക്കു​ന്ന​ത്. 2021 ലാ​ണ് ഫ്രാ​ൻ​സി​സ് മാ​ർ​പാ​പ്പ വ​യോ​ജ​ന ദി​നാ​ച​ര​ണം ആ​രം​ഭി​ച്ച​ത്. പ​രാ​ശ്ര​യ​ത്വ​ത്തി​ന്‍റെ പാ​ത​യി​ലൂ​ടെ നീ​ങ്ങു​ന്ന മു​തി​ർ​ന്ന​വ​രോ​ട് പു​ല​ർ​ത്തേ​ണ്ട ആ​ദ​ര​വും അം​ഗീ​കാ​ര​വും പു​തു​ത​ല​മു​റ​യെ അ​റി​യി​ക്കു​വാ​നും ത​ങ്ങ​ൾ സ്നേ​ഹി​ക്ക​പ്പെ​ടു​ന്ന​വ​രാ​ണ് എ​ന്ന അ​നു​ഭ​വം പ്രാ​യ​മാ​യ​വ​ർ​ക്കാ​യി പ​ങ്കു​വ​യ്ക്കു​വാ​നും സാ​ധി​ക്ക​ണം എ​ന്ന​താ​ണ് ഈ ​ദി​നാ​ച​ര​ണ​ത്തി​ന്‍റെ സ​ന്ദേ​ശം.

മാ​ർ​പാ​പ്പ ആ​ഹ്വാ​നം ചെ​യ്തി​രി​ക്കു​ന്ന മു​ത്ത​ശി മു​ത്ത​ച്ഛ​ന്മാ​ർ​ക്കും വ​യോ​ധി​ക​ർ​ക്കും വേ​ണ്ടി​യു​ള്ള നാ​ലാം ലോ​ക​വ​യോ​ജ​ന ദി​നാ​ച​ര​ണം ഇ​ടു​ക്കി രൂ​പ​ത​യി​ൽ സ​വി​ശേ​ഷ​മാ​യി ആ​ച​രി​ക്ക​ണ​മെ​ന്ന് രൂ​പ​താ മെ​ത്രാ​ൻ മാ​ർ ജോ​ൺ നെ​ല്ലി​ക്കു​ന്നേ​ൽ ആ​ഹ്വാ​നം ചെ​യ്തു. വൃ​ദ്ധ​ർ​ക്കും പ്രാ​യ​മാ​യ മാ​താ​പി​താ​ക്ക​ൾ​ക്കും ഹൃ​ദ്യ​മാ​യ അ​നു​ഭ​വ​മാ​കു​ന്ന വി​ധ​ത്തി​ൽ ഈ ​ദി​നം ആ​ച​രി​ക്ക​ണം എ​ന്ന് അ​ദ്ദേ​ഹം ഓ​ർ​മി​പ്പി​ച്ചു. ആ​രോ​ഗ്യ​മു​ള്ള കാ​ല​മ​ത്ര​യും കു​ടും​ബ​ത്തി​നും സ​മൂ​ഹ​ത്തി​നും വേ​ണ്ടി ക​ഠി​നാ​ധ്വാ​നം ചെ​യ്ത മാ​താ​പി​താ​ക്ക​ളെ പ്രാ​യ​മാ​കു​മ്പോ​ൾ വ​ലി​യ ക​ട​പ്പാ​ടോ​ടു​കൂ​ടി സ്നേ​ഹി​ക്കു​ക​യും പ​രി​ഗ​ണി​ക്കു​ക​യും ചെ​യ്യേ​ണ്ട​ത് ത​ങ്ങ​ളു​ടെ ഉ​ത്ത​ര​വാ​ദി​ത്ത​മാ​ണെ​ന്ന് പു​തി​യ ത​ല​മു​റ​യെ ഓ​ർ​മിപ്പി​ക്കു​ക.


വാ​ർ​ധ​ക്യ​ത്തി​ൽ എ​ത്തി​യ​വ​രാ​രും ത​നി​ച്ച​ല്ല എ​ന്ന പ്ര​ത്യാ​ശ​യു​ടെ സ​ന്ദേ​ശം അ​വ​ർ​ക്ക് കൊ​ടു​ക്കു​ക തു​ട​ങ്ങി​യ​വ​യാ​ണ് ദി​നാ​ച​ര​ണ​ത്തിന്‍റെ ല​ക്ഷ്യം. മു​തി​ർ​ന്ന​വ​രോ​ട് കാ​ണി​ക്കു​ന്ന സ്നേ​ഹ​വും പ​രി​ഗ​ണ​ന​യും ആ​ച​ര​ണ​ത്തി​ൽ മാ​ത്രം ഒ​തു​ങ്ങാ​തെ ജീ​വി​ത​ത്തി​ന്‍റെ ശീ​ല​മാ​ക്കി മാ​റ്റു​വാ​ൻ ഈ ​വ​യോ​ജ​ന ദി​നാ​ച​ര​ണം കാ​ര​ണ​മാ​ക​ണ​മെ​ന്നും അ​ദ്ദേ​ഹം ഓ​ർ​മി​പ്പി​ച്ചു. വി​വി​ധ സം​ഘ​ട​ന​ക​ളു​ടെ നേ​തൃ​ത്വ​ത്തി​ൽ രൂ​പ​താ​ത​ല ദി​നാ​ച​ര​ണം ന​ട​ക്കും.

ഫാ​മി​ലി അ​പ്പോ​സ്ത​ലേ​റ്റ് -കാ​മാ​ക്ഷി സെ​ന്‍റ് ആ​ന്‍റണീ​സ് പ​ള്ളി. മി​ഷ​ൻ ലീ​ഗ്, തി​രു​ബാ​ല​സ​ഖ്യം - നാ​ലു​മു​ക്ക് ഹോ​ളി ഫാ​മി​ലി പ​ള്ളി. കെസിവൈഎം - പ​ന്നി​യാ​ർ​കു​ട്ടി സെ​ന്‍റ് മേ​രീ​സ് പ​ള്ളി. പി​തൃ​വേ​ദി, മാ​തൃ​വേ​ദി - തൊ​വ​ര​യാ​ർ ഇ​ൻ​ഫ​ന്‍റ് ജീ​സ​സ് പ​ള്ളി. കെസിഎ​സ്എ​ൽ - നെ​ടു​ങ്ക​ണ്ടം ആ​കാ​ശ​പ്പ​റ​വ​ക​ൾ.

എ​കെസിസി - ഇ​ര​ട്ട​യാ​ർ അ​ൽ​ഫോ​ൻ​സാ ഭ​വ​ൻ. മീ​ഡി​യാ ക​മ്മീ​ഷ​ൻ -മു​രി​ക്കാ​ശേരി സെ​ന്‍റ് മേ​രീ​സ് ഫൊ​റോ​നാ പ​ള്ളി. ഹൈ​റേ​ഞ്ച് ഡെ​വ​ല​പ്മെ​ന്‍റ് സൊ​സൈ​റ്റി - വാ​ഴ​ത്തോ​പ്പ് ഷ​ന്താ​ൾ ഹോം ​എ​ന്നി​വി​ട​ങ്ങ​ളി​ൽ ദി​നാ​ച​ര​ണ പ​രി​പാ​ടി​ക​ൾ ന​ട​ക്കും. കൂ​ടാ​തെ രൂ​പ​ത​യി​ലെ എ​ല്ലാ ഇ​ട​വ​ക​ക​ളി​ലും വി​പു​ല​മാ​യ പ​രി​പാ​ടി​ക​ളോ​ടെ വ​യോ​ജ​ന ദി​നാ​ച​ര​ണം ന​ട​ക്കും.