പീരു​മേ​ട്:​ പീ​രു​മേ​ട് പ്ലാ​ക്ക​ത്ത​ട​ത്ത് യു​വാ​വി​നെ ദു​രൂ​ഹസാ​ഹ​ച​ര്യ​ത്തി​ൽ മ​രി​ച്ച നി​ല​യി​ൽ ക​ണ്ടെ​ത്തി​യ സം​ഭ​വം കൊ​ല​പാ​ത​ക​മെ​ന്ന് സൂ​ച​ന.

പ്ലാ​ക്ക​ത്ത​ടം പു​ത്ത​ൻ​വീ​ട്ടി​ൽ അ​ഖി​ൽ ബാ​ബുവിനെ (31) യാണ് വീ​ടി​ന്‍റെ സ​മീ​പ​ത്താ​യി ദു​രൂ​ഹസാ​ഹ​ച​ര്യ​ത്തി​ൽ മ​രി​ച്ച നി​ല​യി​ൽ ക​ണ്ടെ​ത്തി​യ​ത്. സം​ഭ​വം കൊ​ല​പാ​ത​ക​മാ​ണെ​ന്ന് സം​ശ​യ​ത്തി​ലാ​ണ് പോ​ലീ​സ്. അ​ന്വേ​ഷ​ണ​ത്തി​​ന്‍റെ ഭാ​ഗ​മാ​യി ബ​ന്ധു​ക്ക​ളെ പീ​രു​മേ​ട് പോ​ലീ​സ് ക​സ്റ്റ​ഡി​യി​ൽ എ​ടു​ത്തു ചോ​ദ്യം ചെ​യ്ത് വ​രി​ക​യാ​ണ്.​

ഇ​ന്ന​ലെ രാ​ത്രി​യി​ലാ​ണ് അ​ഖി​ലി​നെ ദു​രൂ​ഹസാ​ഹ​ച​ര്യ​ത്തി​ൽ പ്ലാ​ക്ക​ത​ട​ത്തെ വീ​ടി​നു സ​മീ​പ​ത്ത് മ​രി​ച്ച നി​ല​യി​ൽ ക​ണ്ടെ​ത്തി​യ​ത്. വീ​ടി​നു സ​മീ​പ​ത്തെ ക​വു​ങ്ങി​ൽ പ്ലാ​സ്റ്റി​ക് ഹോ​സ് ഉ​പ​യോ​ഗി​ച്ച് കെ​ട്ടി​യ നി​ല​യി​ല​യി​ലാ​യി​രു​ന്നു. പീ​രു​മേ​ട് പോ​ലീ​സ് ന​ട​ത്തി​യ അ​ന്വേ​ഷ​ണ​ത്തി​ന് ഒ​ടു​വി​ൽ കൊ​ല​പാ​ത​ക​മാ​ണെ​ന്ന സൂ​ച​ന ല​ഭി​ക്കു​ക​യും ചെ​യ്തു.

ഇ​വ​രു​ടെ വീ​ട്ടി​ൽ മ​ദ്യ​പാ​ന​വു​മാ​യി ബ​ന്ധ​പ്പെ​ട്ട് നി​ര​ന്ത​രം അ​സ്വാ​ര​സ്യ​ങ്ങ​ൾ ഉ​ള്ള​താ​യി സ​മീ​പ​വാ​സി​ക​ളി​ൽനി​ന്ന് പോ​ലീ​സി​ന് മൊ​ഴി​ ല​ഭി​ച്ചി​ട്ടു​ണ്ട്.ചൊ​വ്വാ​ഴ്ച മ​ദ്യ​ല​ഹ​രി​യി​ൽ ഉ​ണ്ടാ​യ വ​ഴ​ക്കി​നെത്തു​ട​ർ​ന്നാ​വാം കൊ​ല​ ന​ട​ന്ന​തെന്ന് പോ​ലീ​സ് സം​ശ​യി​ക്കു​ന്ന​ത്.

പ്ലാ​ക്ക​ത്ത​ട​ത്തെ വീ​ട്ടി​ൽ ഡോ​ഗ് സ്ക്വാ​ഡ്, വി​ര​ൽ അ​ട​യാ​ള വി​ദ​ഗ്ധ​ർ എ​ന്നി​വ​ർ എ​ത്തി പ​രി​ശോ​ധ​ന ന​ട​ത്തി. മൃ​ത​ദേ​ഹം കോ​ട്ട​യം മെ​ഡി​ക്ക​ൽ കോ​ള​ജി​ൽ പോ​സ്റ്റ്മോ​ർ​ട്ട​ത്തി​നു ശേ​ഷം ബ​ന്ധു​ക്ക​ൾ​ക്ക് വി​ട്ടു ന​ൽ​കി.