തൊ​ടു​പു​ഴ: സം​സ്ഥാ​നം ഇ​ന്ന് ദേ​ശീ​യ അ​ധ്യാ​പ​ക ദി​നം ആ​ച​രി​ക്കു​ന്പോ​ൾ അ​ധ്യാ​പ​ക​രോ​ടു​ള്ള അ​വ​ഗ​ണ​ന തു​ട​ർ​ക്ക​ഥ​യാ​കു​ന്നു. നി​യ​മ​ന​ത്തി​ന്‍റെ പേ​രി​ലും സ്കൂ​ളു​ക​ളി​ൽ വി​ദ്യാ​ർ​ഥി​ക​ൾ​ക്കു​ള്ള ഉ​ച്ച​ഭ​ക്ഷ​ണ വി​ത​ര​ണ​ത്തി​ന്‍റെ പേ​രി​ലും അ​ധ്യാ​പ​ക​ർ അ​നു​ഭ​വി​ക്കു​ന്ന ബു​ദ്ധി​മു​ട്ടു​ക​ൾ നി​ര​വ​ധി​യാ​ണ്. വി​ദ്യാ​ർ​ഥി​ക​ൾ​ക്ക് അ​റി​വി​ന്‍റെ പാ​ഠ​ങ്ങ​ൾ പ​ക​ർ​ന്നു ന​ൽ​കു​ന്ന​തി​നി​ട​യി​ലും ഒ​രു വി​ഭാ​ഗം അ​ധ്യാ​പ​ക​ർ ദു​രി​ത​ക്ക​യ​ത്തി​ലാ​ണ്. നി​യ​മ​നം അം​ഗീ​ക​രി​ക്ക​പ്പെ​ടാ​ത്ത​തി​നാ​ൽ എ​യ്ഡ​ഡ് സ്കൂ​ളു​ക​ളി​ലെ ഒ​ട്ടേ​റെ അ​ധ്യാ​പ​ക​ർ ജോ​ലി ഉ​പേ​ക്ഷി​ക്കേ​ണ്ട അ​വ​സ്ഥ​യി​ലാ​ണ്.

ഭി​ന്ന​ശേ​ഷി​ക്കാ​ർ​ക്കു​ള്ള സം​വ​ര​ണ​ത്തി​ന്‍റെ പേ​രി​ലാ​ണ് എ​യ്ഡ​ഡ് സ്കൂ​ളു​ക​ളി​ലെ ഒ​രു വി​ഭാ​ഗം അ​ധ്യാ​പ​ക​രു​ടെ നി​യ​മ​ന അം​ഗീ​കാ​രം വൈ​കു​ന്ന​ത്. എ​യ്ഡ​ഡ് സ്കൂ​ളു​ക​ളി​ലെ അ​ധ്യാ​പ​ക നി​യ​മ​ന​ത്തി​ൽ ഭി​ന്ന​ശേ​ഷി സം​വ​ര​ണം ഉ​റ​പ്പാ​ക്ക​ണം എ​ന്ന് 2021 ന​വം​ബ​റി​ൽ സു​പ്രീം കോ​ട​തി ഉ​ത്ത​ര​വി​ട്ടി​രു​ന്നു.

1996 മു​ത​ൽ 2018 വ​രെ ന​ട​ത്തി​യ നി​യ​മ​ന​ങ്ങ​ളി​ൽ മൂ​ന്നു ശ​ത​മാ​ന​വും 2018 മു​ത​ൽ 2021 വ​രെ നാ​ലു ശ​ത​മാ​നം വീ​തം ഭി​ന്ന​ശേ​ഷി വി​ഭാ​ഗ​ത്തി​നാ​യി മാ​റ്റിവ​യ്ക്ക​ണ​മെ​ന്നാ​യി​രു​ന്നു ഉ​ത്ത​ര​വ്. എ​ന്നാ​ൽ ഇ​തു​മാ​യി ബ​ന്ധ​പ്പെ​ട്ട രേ​ഖ​ക​ൾ സ്കൂ​ളു​ക​ളി​ൽനി​ന്ന് ഹാ​ജ​രാ​ക്കി​യെ​ങ്കി​ലും ഇ​തി​ന്‍റെ വെ​രി​ഫി​ക്കേ​ഷ​ൻ ന​ട​പ​ടി​ക​ൾ ഉ​പ​ജി​ല്ലാ​ത​ല​ത്തി​ൽ പൂ​ർ​ത്തി​യാ​ക്കാ​ൻ അ​ധി​കൃ​ത​ർ ത​യാ​റാ​യി​ട്ടി​ല്ല.

ഇ​തു മൂ​ലം നൂ​റു​ക​ണ​ക്കി​ന് അ​ധ്യാ​പ​ക​രാ​ണ് വെ​ട്ടി​ലാ​യി​രി​ക്കു​ന്ന​ത്. വെ​രി​ഫി​ക്കേ​ഷ​ൻ ന​ട​പ​ടി​ക​ൾ പൂ​ർ​ത്തി​യാ​കാ​ത്ത​തി​നാ​ൽ എ​യ്ഡ​ഡ് സ്കൂ​ളു​ക​ളി​ലെ ഒ​ട്ടേ​റെ അ​ധ്യാ​പ​ക​രു​ടെ നി​യ​മ​നം അം​ഗീ​ക​രി​ക്ക​പ്പെ​ട്ടി​ട്ടി​ല്ല. ഇ​വ​ർ വ​ർ​ഷ​ങ്ങ​ളാ​യി ദി​വ​സവേ​ത​ന അ​ടി​സ്ഥാ​ന​ത്തി​ലാ​ണ് ജോ​ലി ചെ​യ്യു​ന്ന​ത്. സ​ർ​ക്കാ​രി​നു മു​ന്നി​ൽ പ​ല ത​വ​ണ ഈ ​പ്ര​ശ്നം ഉ​ന്ന​യി​ച്ചി​ട്ടും ഭി​ന്ന​ശേ​ഷി സം​വ​ര​ണം ചൂ​ണ്ടി​ക്കാ​ട്ടി നി​യ​മ​നം വൈ​കി​ക്കു​ക​യാ​ണ്. തൊ​ടു​പു​ഴ ഉ​പ​ജി​ല്ല​യി​ൽ മാ​ത്രം നൂ​റോ​ളം പേ​ർ ഇ​ത്ത​ര​ത്തി​ൽ ജോ​ലി ചെ​യ്യു​ന്നു​ണ്ട്. ഇ​തി​നി​ടെ ജോ​ലി സു​ര​ക്ഷി​ത​മ​ല്ലാ​ത്ത​തി​നാ​ൽ പ​ല​രും ഇ​തു​പേ​ക്ഷി​ച്ച് മ​റ്റു മേ​ച്ചി​ൽ​പ്പു​റ​ങ്ങ​ൾ തേ​ടിപ്പോ​യി. മ​റ്റു​ള്ള​വ​രാ​ക​ട്ടെ എ​പ്പോ​ഴെ​ങ്കി​ലും സ്ഥി​രംനി​യ​മ​നം ല​ഭി​ക്കു​മെ​ന്ന പ്ര​തീ​ക്ഷ​യി​ൽ ഇ​പ്പോ​ഴും തു​ച്ഛ​മാ​യ ദി​വ​സ വേ​ത​നാ​ടി​സ്ഥാ​ന​ത്തി​ൽ ജോ​ലി തു​ട​രു​ക​യാ​ണ്.
പൊ​ല്ലാ​പ്പാ​യി ഉ​ച്ച​ഭ​ക്ഷ​ണ വി​ത​ര​ണം

സ്കൂ​ളു​ക​ളി​ലെ ഉ​ച്ച​ഭ​ക്ഷ​ണ വി​ത​ര​ണം പ്ര​ധാ​നാ​ധ്യാ​പ​ക​ർ​ക്ക് വ​ലി​യ പ്ര​തി​സ​ന്ധി​യാ​ണ് സൃ​ഷ്ടി​ക്കു​ന്ന​ത്. കു​ട്ടി​ക​ൾ​ക്ക് ഉ​ഭ​ക്ഷ​ണം ന​ൽ​കു​ന്ന കാ​ര്യ​ത്തി​ൽ വീ​ഴ്ച​ വ​രു​ത്താ​തെ​യാ​ണ് അ​ധ്യാ​പ​ക​ർ സ​ർ​ക്കാ​ർ ഉ​ത്ത​ര​വു ന​ട​പ്പാ​ക്കു​ന്ന​ത്.

ഭ​ക്ഷ​ണ വി​ത​ര​ണ​ത്തി​നാ​യി സ​ർ​ക്കാ​ർ അ​നു​വ​ദി​ച്ചി​രി​ക്കു​ന്ന ഫ​ണ്ട് പ​ല​പ്പോ​ഴും മാ​സ​ങ്ങ​ൾ​ക്കു ശേ​ഷ​മാ​ണ് അ​ധ്യാ​പ​ക​ർ​ക്ക് ല​ഭി​ക്കു​ന്ന​ത്. ക​ഴി​ഞ്ഞ വ​ർ​ഷം ചി​ല അ​ധ്യാ​പ​ക സം​ഘ​ട​ന​ക​ൾ കോ​ട​തി​യെ സ​മീ​പി​ച്ച​തോ​ടെ സ​ർ​ക്കാ​രി​നു കോ​ട​തി ക​ർ​ശ​ന നി​ർ​ദേ​ശം ന​ൽ​കി​യ​തോ​ടെ​യാ​ണ് പ​ണം ല​ഭി​ച്ച​ത്. ഈ ​വ​ർ​ഷം കു​ട്ടി​ക​ൾ​ക്ക് പാ​ലും മു​ട്ട​യും ന​ൽ​കാ​നാ​യി ഫ​ണ്ട് അ​നു​വ​ദി​ച്ചി​ട്ടു​ണ്ടെ​ന്ന് സ​ർ​ക്കാ​ർ അ​റി​യി​ച്ചെ​ങ്കി​ലും ര​ണ്ടു മാ​സ​മാ​യി അ​ധ്യാ​പ​ക​ർ​ക്ക് തു​ക ല​ഭി​ച്ചി​ട്ടി​ല്ല. ഒ​രു കു​ട്ടിക്ക് ആ​ഴ്ച​യി​ൽ ര​ണ്ടു ത​വ​ണ പാ​ലും ഒ​രു ദി​വ​സം മു​ട്ട​യും ന​ൽ​ക​ണം. പാ​ലി​നു 15 രൂ​പ​യും മു​ട്ട​യ്ക്ക് ആ​റു രൂ​പ​യു​മാ​ണ് അ​നു​വ​ദി​ക്കു​ന്ന​ത്. ഇ​ത് ല​ഭി​ക്കാ​താ​യ​തോ​ടെ വീ​ണ്ടും അ​ധ്യാ​പ​ക സം​ഘ​ട​ന കോ​ട​തി​യെ സ​മീ​പി​ച്ചി​രി​ക്കു​ക​യാ​ണ്.

ജോ​ലി​ഭാ​രം ഇ​ര​ട്ടി

ഇ​തി​നി​ടെ സ​മ​ഗ്ര ശി​ക്ഷാ കേ​ര​ള​ത്തി​ന്‍റെ പ​രാ​ഖ് രാ​ഷ‌്ട്രീ​യ ശൈ​ക്ഷി​ക് സ​ർ​വേ​ക്ഷ​നു​മാ​യി ബ​ന്ധ​പ്പെ​ട്ടു​ള്ള സ്റ്റേ​റ്റ് അ​ച്ചീ​വ്മെ​ന്‍റ് പ​രീ​ക്ഷ​യും അ​ധ്യാ​പ​ക​ർ​ക്ക് ത​ല​വേ​ദ​ന​യാ​യി മാ​റു​ക​യാ​ണ്. മ​ല​യാ​ളം, ഇം​ഗ്ലീ​ഷ്, ത​മി​ഴ്, ക​ന്ന​ഡ ഭാ​ഷ​ക​ളി​ലു​ള്ള പ്ര​തി​വാ​ര പ​രീ​ക്ഷ​ക​ൾ ന​ട​ത്തി മൂ​ല്യനി​ർ​ണ​യും ന​ട​ത്തു​ന്ന​തി​നു പു​റ​മേ ഇ​തി​ന്‍റെ വി​ല​യി​രു​ത്ത​ലു​ക​ളും അ​ധ്യാ​പ​ക​ർ ന​ട​ത്ത​ണം.

പ​രീ​ക്ഷ​യി​ൽ കു​ട്ടി​ക​ൾ എ​ത്ര ചോ​ദ്യ​ത്തി​ന് ഉ​ത്ത​ര​മെ​ഴു​തി, ശ​രി​യെ​ത്ര, തെ​റ്റു വ​രു​ത്തി​യ​തെ​ത്ര എ​ന്നി​വ ക​ണ​ക്കാ​ക്കി ഇ​തി​ന്‍റെ ശ​രാ​ശ​രി ക​ണ്ടെ​ത്തി രേ​ഖ​പ്പെ​ടു​ത്ത​ണം. ഇ​തി​നു പു​റ​മെ കു​ട്ടി​ക​ളു​ടെ പ്ര​തി​ക​ര​ണ​ങ്ങ​ളും ഉ​ൾ​പ്പെ​ടു​ത്ത​ണം. ഇ​തു സം​ബ​ന്ധി​ച്ച് വി​ഷ​യം പ​ഠി​പ്പി​ക്കു​ന്ന അ​ധ്യാ​പ​ക​ർ അ​ന്നേ ദി​വ​സം ത​ന്നെ വി​ല​യി​രു​ത്തി​ൽ ന​ട​ത്തി ഇ​തി​ന്‍റെ വി​ശ​ക​ല​നം ന​ട​ത്ത​ണം.

അ​ധ്യ​യ​ന​ത്തി​നു പു​റ​മേ മ​റ്റു വി​വി​ധ പ്ര​വ​ർ​ത്ത​ന​ങ്ങ​ളും ഉ​ൾ​പ്പെ​ടെ ഇ​പ്പോ​ൾ ത​ന്നെ അ​ധി​ക ജോ​ലി ഭാ​രം പേ​റു​ന്ന അ​ധ്യാ​പ​ക​ർ​ക്കാ​ണ് ഇ​ത്ത​രം പ​രീ​ക്ഷ​ക​ൾകൂ​ടി ഏ​റ്റെ​ടു​ക്കേ​ണ്ടി വ​രു​ന്ന​തെ​ന്നും ചൂ​ണ്ടി​ക്കാ​ണി​ക്ക​പ്പെ​ടു​ന്നു. ഇ​തി​നു പു​റ​മെ ഉ​പ​ജി​ല്ലാ വി​ദ്യാ​ഭ്യാ​സ ഓ​ഫീ​സു​ക​ളി​ൽ എ​ഇ, സൂ​പ്ര​ണ്ട് ത​സ്തി​ക​ളി​ൽ നി​യ​മ​നം ന​ട​ക്കാ​ത്ത​തു മൂ​ലം അ​ധ്യാ​പ​ക​രു​ടെ ഡി​പ്പാ​ർ​ട്ട്മെ​ന്‍റ് ത​ല ന​ട​പ​ടി​ക​ൾ ത​ട​സ​പ്പെ​ടു​ന്ന​താ​യും ഇ​വ​ർ ചൂ​ണ്ടി​ക്കാ​ട്ടു​ന്നു.